നൂൽപ്പുഴ രാജീവ്‌ ഗാന്ധി സ്മാരക ആശ്രമം ഹയർ സെക്കൻഡറി സ്കൂളിലെ വിദ്യാർത്ഥികൾക്ക് ബെഡ്ഷീറ്റും തോർത്തും വിതരണം ചെയ്യാൻ താത്പര്യമുള്ളവരിൽ നിന്ന് ക്വട്ടേഷൻ ക്ഷണിച്ചു. ബെഡ്ഷീറ്റിനുള്ള ക്വട്ടേഷനുകൾ ജൂൺ ആറ് രാവിലെ 10ന് മുമ്പും തോർത്ത് വിതരണം ചെയ്യുന്നതിനുള്ള ക്വട്ടേഷനുകൾ ജൂൺ ആറ് ഉച്ചയ്ക്ക് രണ്ടിന് മുമ്പും സീനിയർ സൂപ്രണ്ട്, രാജീവ്‌ ഗാന്ധി സ്മാരക ആശ്രമം ഹയർ സെക്കൻഡറി സ്കൂൾ, നൂൽപ്പുഴ എന്ന വിലാസത്തിൽ ലഭ്യമാക്കണം. ഫോൺ: 04936 279139.

തവിഞ്ഞാൽ ഗ്രാമ പഞ്ചായത്തിലെ തലപ്പുഴ, വാളാട് എന്നിവടങ്ങളിലെ ഷോപ്പിംഗ് കോംപ്ലക്സിലെ കടമുറികൾ കൈവശം വയ്ക്കുന്നതിനുള്ള ലേലം ജൂൺ എട്ട് രാവിലെ 11ന് ഗ്രാമ പഞ്ചായത്ത് ഓഫീസിൽ നടക്കും. കൂടുതൽ വിവരങ്ങൾ പഞ്ചായത്തിന്റെ വെബ്സൈറ്റിലോ അല്ലെങ്കിൽ ടെൻഡർ സൈറ്റിലോ (വിൻഡോ നമ്പർ G277902/2026 ) ലഭിക്കും. ഫോൺ: 04935 256236

വനിത ശിശു വികസന വകുപ്പിന് കീഴിലുള്ള ജില്ലാശിശു സംരക്ഷണ യൂണിറ്റിന്റെ ഉപയോഗത്തിന് കാർ വാടകയ്ക്ക് നൽകാൻ താത്പര്യമുള്ളവരിൽ നിന്ന് ടെൻഡർ ക്ഷണിച്ചു. ടെൻഡറുകൾ ജൂണ്‍ എട്ട് ഉച്ചയ്ക്ക് രണ്ടിനകം  ജില്ലാ ശിശു സംരക്ഷണ ഓഫീസർ, ജില്ലാ ശിശു സംരക്ഷണ യൂണിറ്റ്, മൂന്നാം നില, വനിത വികസന വകുപ്പ് ഓഫീസ് സമുച്ചയം, സിവിൽ സ്റ്റേഷൻ, കൽപറ്റ എന്ന വിലാസത്തിൽ ലഭ്യമാക്കണം. ഫോണ്‍: 04936 246098

ജില്ലയിൽ കേരള എക്സൈസ് ആൻഡ് പ്രൊഹിബിഷൻ വകുപ്പിൽ സിവിൽ എക്സൈസ് ഓഫീസർ (ട്രെയിനി) - കാറ്റഗറി നമ്പർ 565/25) (ബൈ ട്രാൻസ്ഫർ) തസ്തികയ്ക്ക്  2025 ഡിസംബർ 15ലെ ഗസറ്റ് വിജ്ഞാപന പ്രകാരം അപേക്ഷകളൊന്നും ലഭിച്ചിട്ടില്ലാത്തതിനാൽ പ്രസ്തുത തസ്തികയുടെ വിജ്ഞാപന പ്രകാരമുള്ള തെരഞ്ഞെടുപ്പ് നടപടികൾ റദ്ദാക്കിയതായി ജില്ലാ പി.എസ്.സി ഓഫീസര്‍ അറിയിച്ചു

സമഗ്ര ശിക്ഷാ കേരളത്തിന് കീഴിൽ ജില്ലയിൽ ഒഴിവുള്ള സ്‌പീച്ച് തെറാപ്പിസ്റ്റ്, ഫിസിയോ തെറാപ്പിസ്റ്റ് തസ്‌തികകളിലേക്ക് നിയമനം നടത്തുന്നു.
ഫിസിയോ തെറാപ്പിസ്റ്റ് തസ്തികയിലേക്ക് ബി.പി.ടി/എം.പി.ടി യോഗ്യതയും ആർ.സി.ഐ രജിസ്ട്രേഷനും ഉള്ളവർക്ക് അപേക്ഷിക്കാം. സ്‌പീച്ച് തെറാപ്പിസ്റ്റ് തസ്തികയിലേക്ക് ബി.എ.എസ്.എൽ.പി/എം.എ.എസ്.എൽ.പി യോഗ്യതയും ആർ.സി.ഐ രജിസ്ട്രേഷനും  വേണം. ഉദ്യോഗാർഥികൾക്ക് ജൂൺ അഞ്ച് വൈകുന്നേരം അഞ്ചിന് മുമ്പ് കൽപ്പറ്റ സിവിൽ സ്റ്റേഷനിലെ എസ്.എസ്.കെ ജില്ലാ പ്രോജക്ട് ഓഫീസിൽ അപേക്ഷ നൽകാം. ഫോൺ: 04936 203338

നൂൽപ്പുഴ രാജീവ് ഗാന്ധി സ്മാരക ആശ്രമം ഹയർ സെക്കന്ററി സ്കൂളിൽ ജെ.പി.എച്ച്.എൻ, ലൈബ്രേറിയൻ, കമ്പ്യൂട്ടർ ഇൻസ്‌ട്രക്ടർ തസ്തികകളിലേക്ക് താത്കാലിക നിയമനം നടത്തുന്നു. യോഗ്യരായ പട്ടികവർഗക്കാർക്ക് അപേക്ഷിക്കാം. ജെ.പി.എച്ച്.എൻ തസ്‌തികയിലേക്ക് എസ്.എസ്.എൽ.സിയും കേരള നഴ്സസ് മിഡ്‌വൈവ്സ് കൗൺസിൽ അംഗീകരിച്ച എ.എൻ.എം സർട്ടിഫിക്കറ്റ്/ഹെൽത്ത് വർക്കേഴ്‌സ് ട്രെയിനിംഗ് സർട്ടിഫിക്കറ്റ്/കേരള നഴ്സസ് ആൻഡ് മിഡ്‌വൈവ്സ് കൗൺസിൽ രജിസ്ട്രേഷൻ ഉണ്ടായിരിക്കണം. അഭിമുഖം ജൂൺ ഒൻപത് ഉച്ചയ്ക്ക് രണ്ടിന് സ്കൂൾ ഓഫീസിൽ നടക്കും. പ്രായപരിധി 18 മുതൽ 44 വയസ് വരെ. ലൈബ്രേറിയൻ തസ്‌തികയിലേക്ക് ലൈബ്രറി സയൻസിൽ ബിരുദവും പ്രവർത്തിപരിചയവുമാണ് ആവശ്യം.

വെള്ളമുണ്ട കുടുംബാരോഗ്യ കേന്ദ്രത്തിൽ അസിസ്റ്റന്റ് സ‍ർജൻ,  ഡ്രൈവ‍ർ, നഴ്സിങ് ഓഫീസ‍ർ, ഫാർമസിസ്റ്റ്, ലബോറട്ടറി ടെക്നീഷ്യൻ, ലബോറട്ടറി അസിസ്റ്റന്റ്, ലേഡി ജിം ട്രെയിനർ, ക്ലീനിങ് സ്റ്റാഫ്, ഡേറ്റ എൻട്രി ഓപ്പറേറ്റ‍ർ എന്നീ തസ്തികകളിലേക്ക് താത്കാലികാടിസ്ഥാനത്തിൽ നിയമനം നടത്തുന്നു. അസിസ്റ്റന്റ് സർജന് എം.ബി.ബി.എസും ടി.സി.എം.സി രജിസ്ട്രേഷനുമാണ് യോഗ്യത. ഡ്രൈവ‍ർക്ക് എച്ച്.ഡി.വി ലൈസൻസും മൂന്ന് വ‍ർഷത്തെ പ്രവൃത്തിപരിചയവും വേണം. നഴ്സിങ് ഓഫീസ‍ർക്ക് ജനറൽ/ബി.എസ്.സി നഴ്സിങും നഴ്സിങ് കൗൺസിൽ രജിസ്ട്രേഷനും ഉണ്ടായിരിക്കണം. ഫാർമസിസ്റ്റിന് ഡി.ഫാം അല്ലെങ്കിൽ ബി.ഫാം യോഗ്യതയും ഫാർമസി കൗൺസിൽ രജിസ്ട്രേഷനുമാണ് വേണ്ടത്.

നിയമസഭാ പൊതു തെരഞ്ഞെടുപ്പുമായി ബന്ധപ്പെട്ട് ജൂൺ ഒന്നിന് കളക്ടറേറ്റിലെ പഴശ്ശി ഹാളിൽ നടത്താൻ നിശ്ചയിച്ചിരുന്ന സ്ഥാനാർത്ഥികളുടെ വരവ് ചെലവ് കണക്കുകളുടെ അനുരഞ്ജനം സുൽത്താൻ ബത്തേരി ഗവ. ഗസ്റ്റ് ഹൗസിലേക്ക് മാറ്റി.  ജൂൺ ഒന്ന് രാവിലെ 10ന് കൽപറ്റ നിയമസഭാ മണ്ഡലത്തിന്റെയും ഉച്ചയ്ക്ക് രണ്ടിന് മാനന്തവാടി മണ്ഡലത്തിന്റെയും വരവ്-ചെലവ് കണക്കുകളുടെ അനുരഞ്ജനം സുൽത്താൻ ബത്തേരി ഗവ. ഗസ്റ്റ് ഹൗസിൽ നടക്കും. സ്ഥാനാർത്ഥികളോ അഗീകൃത ഏജന്റുമാരോ ബന്ധപ്പെട്ട രേഖകളുമായി എത്തിച്ചേരണം.

അധിക പ്ലസ് വൺ സീറ്റുകൾ ആവശ്യമുള്ള സ്കൂളുകളിൽ അവ ലഭ്യമാക്കുമെന്ന് സംസ്ഥാന കാർഷിക വികസന കർഷക ക്ഷേമ വകുപ്പ് മന്ത്രി ടി. സിദ്ധിഖ്. എസ്.എസ്.എൽ.സി, ഹയ‍ർ സെക്കണ്ടറി പരീക്ഷകളിൽ ഉന്നത വിജയം നേടിയ വിദ്യാർത്ഥികളെയും 100 ശതമാനം വിജയം നേടിയ സ്കൂളുകളെയും  ആദരിക്കുന്നതിന് കൽപ്പറ്റ ചന്ദ്രഗിരി ഓഡിറ്റോറിയത്തിൽ ജില്ലാ പഞ്ചായത്ത് സംഘടിപ്പിച്ച  വിജയോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
 

തൃശൂർ റവന്യൂ ഡിവിഷണൽ ഓഫീസ് ടെക്നിക്കൽ അസിസ്റ്റന്റ് തസ്തികയിലേക്ക് കരാർ അടിസ്ഥാനത്തിൽ നിയമനം നടത്തുന്നു. ഒരു ഒഴിവാണ് നിലവിലുള്ളത്.