ചാത്തന്നൂര്‍ സര്‍ക്കാര്‍ ഐ.ടി.ഐയില്‍  എയര്‍ കാര്‍ഗോ ഷിപ്പിംഗ് ആന്‍ഡ് ലോജിസ്റ്റിക് മാനേജ്‌മെന്റ്, ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍, ഡിപ്ലോമ ഇന്‍ എ.സി മെക്കാനിക്ക്, ഡിപ്ലോമ ഇന്‍ എയര്‍ ലൈന്‍ ഹോസ്പിറ്റാലിറ്റി ആന്‍ഡ് ട്രാവല്‍ മാനേജ്‌മെന്റ്  എന്നീ തൊഴിലധിഷ്ഠിത കോഴ്സുകളിലേക്ക് അപേക്ഷിക്കാം. യോഗ്യത: പ്ലസ്ടു/എസ്.എസ്.എല്‍.സി  ഫോണ്‍: 9074870849.
 

കൊല്ലം വ്യാവസായിക ട്രൈബ്യൂണല്‍  സുനിത വിമല്‍ ജൂണ്‍ ഒന്ന്, എട്ട്, 15, 22, 29 തീയതികളില്‍ കോട്ടയം സിവില്‍ സ്റ്റേഷന്‍ ബാര്‍ അസോസിയേഷന്‍ ഹാളിലും മൂന്ന്, 10, 17, 24 തീയതികളില്‍ പുനലൂര്‍ മിനി സിവില്‍ സ്റ്റേഷന്‍ ബാര്‍ അസോസിയേഷന്‍ ഹാളിലും  ആറ്, 20, 27 തീയതികളില്‍ പീരുമേട് വ്യാവസായിക ട്രൈബ്യൂണല്‍ ഓഫീസിലും 30 ന് തൊടുപുഴ കോടതി സമുച്ചയത്തിലും മറ്റു പ്രവൃത്തി ദിനങ്ങളില്‍ ആസ്ഥാനത്തും തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും. ഫോണ്‍ : 0474-2792892.
 

എല്‍ എ എസ് സുരക്ഷ എം എസ് എം പ്രോജക്ടിലേക്ക്   ഔട്ട് റീച്ച് വര്‍ക്കര്‍  തസ്തികയിലേക്ക് അഭിമുഖം നടത്തും. യോഗ്യത:   പ്ലസ്ടു (ജനറല്‍ വിഭാഗം), പത്താം ക്ലാസ് ( എം എസ് എം വിഭാഗം). എല്‍.എ.എസ് സുരക്ഷ എം എസ് എം പ്രോജക്ട് ഓഫീസ്,   കാവനാട് പി.ഒയില്‍ ജൂണ്‍ എട്ട് രാവിലെ 10.30ന്  അസല്‍ സര്‍ട്ടിഫിക്കറ്റുകള്‍ സഹിതം ഹാജരാകണം. ഫോണ്‍ 0474 2790606, 9447712668, 9946320191.
 

 
കേരള മോട്ടോര്‍ തൊഴിലാളി ക്ഷേമനിധി പദ്ധതി, കേരള ഓട്ടോമൊബൈല്‍ വര്‍ക്‌ഷോപ്പ് തൊഴിലാളി ക്ഷേമനിധി പദ്ധതി എന്നിവയില്‍ സജീവാംഗങ്ങളായ തൊഴിലാളികളുടെ മക്കളില്‍ ഒന്ന് മുതല്‍ ഏഴ് വരെ ക്ലാസുകളില്‍ പഠിക്കുന്നവര്‍ക്ക് പഠനോപകരണ കിറ്റുകള്‍ വിതരണം ചെയ്തു. ചക്കോരത്തുകുളം ജില്ലാ  ഓഫീസില്‍ നടന്ന പരിപാടി ബോര്‍ഡ് ഡയറക്ടര്‍ ടി ഗോപിനാഥന്‍ ഉദ്ഘാടനം ചെയ്തു. ജില്ലാ എക്‌സിക്യൂട്ടീവ് ഓഫീസര്‍ കെ രേഖ, സീനിയര്‍ ക്ലര്‍ക്കുമാരായ എ ശ്രീഹരി, പി സുഹ, ഉപദേശക സമിതി അംഗങ്ങള്‍, ട്രേഡ് യൂണിയന്‍ നേതാക്കള്‍ തുടങ്ങിയവര്‍ പങ്കെടുത്തു.

സ്‌കൂള്‍ തുറപ്പ് പ്രമാണിച്ച് ഖാദി തുണിത്തരങ്ങള്‍ക്ക് ജൂണ്‍ മൂന്ന്  വരെ 30 ശതമാനം സ്‌പെഷ്യല്‍ റിബേറ്റ്.   ഖാദി ഷര്‍ട്ട്, മുണ്ട്, ജുബ്ബ, ചുരിദാര്‍, കോട്ടണ്‍ സാരി, സില്‍ക്ക് സാരി എന്നിവയ്ക്കാണ് ആനുകൂല്യം. കൊല്ലത്തെ കെ.ജി.എസ് കര്‍ബല (0474 2743587), കൊട്ടാരക്കര (7591990823), കരുനാഗപ്പള്ളി (7025904915) കേന്ദ്രങ്ങളില്‍ നിന്ന് ആനുകൂല്യത്തോടെ തുണിത്തരങ്ങള്‍ വാങ്ങാം. സര്‍ക്കാര്‍, അര്‍ദ്ധ സര്‍ക്കാര്‍ ജീവനക്കാര്‍ക്ക് ഒരു ലക്ഷം രൂപ വരെ ക്രെഡിറ്റ് സൗകര്യവും ലഭ്യമാണ്.
 

കൊട്ടാരക്കര കരിയര്‍ ഡവലപ്മെന്റ് സെന്ററിന്റെയും  യു.ഐ.ടിയുടെയും സംയുക്ത ആഭിമുഖ്യത്തില്‍, നാല് വര്‍ഷ ബിരുദ കോഴ്സുകളെ കുറിച്ചുള്ള  അവബോധ ക്ലാസ്   ജൂണ്‍ നാല് രാവിലെ 10.30ന് കൊട്ടാരക്കര യു.ഐ.ടിയില്‍ നടത്തും.   ഫോണ്‍: 0474 2452220,  8129090174, 9846879120.
 

 പുനലൂര്‍ താലൂക്ക് ആശുപത്രിയിലെ ഡയാലിസിസ് യൂണിറ്റില്‍ നിന്നും പുറംതള്ളുന്ന വെള്ളം  സീവേജ് ട്രീറ്റ്മെന്റ് പ്ലാന്റിലേക്ക് ലൈന്‍ ചെയ്തു നല്‍കുന്ന പ്രവൃത്തിയ്ക്കായി ടെന്‍ഡര്‍ ക്ഷണിച്ചു. ജൂണ്‍ ആറ് ഉച്ചയ്ക്ക് രണ്ട് വരെ സ്വീകരിക്കും. ഫോണ്‍: 0475 2222702, 2228702.
 

തിരുവനന്തപുരം  ഐ.എച്ച്.ആര്‍.ഡി അഡ്വാന്‍സ്ഡ് ടെക്‌നോളജി ആന്‍ഡ് സ്‌കില്‍സ് കേന്ദ്രത്തില്‍   ജൂണ്‍ എട്ടിന് ആരംഭിക്കുന്ന വിവിധ ഇന്റേണ്‍ഷിപ്പ് പ്രോഗ്രാമുകളിലേക്ക് അപേക്ഷ ക്ഷണിച്ചു. 'എ.ഐ ആന്‍ഡ് റോബോട്ടിക്‌സ്, ഫുള്‍ സ്റ്റാക്ക് ഡെവലപ്‌മെന്റ് യൂസിങ് പൈത്തണ്‍ ജാംഗോ, വെബ് ഡെവലപ്‌മെന്റ് യൂസിങ് ഫ്ലാസ്‌ക്' ആന്‍ഡ് ഡാറ്റാ സയന്‍സ് യൂസിങ് പൈത്തണ്‍ എന്നീ കോഴ്‌സുകളിലാണ് ഇന്റേണ്‍ഷിപ്പ്.  രജിസ്ട്രേഷന്: https://skillcentre.ihrd.ac.in ഫോണ്‍: 9495069307, 8547005087, 9400519491, 0471-2550612.
 

ആദ്യഘട്ട സെന്‍സസ് പ്രവര്‍ത്തനങ്ങള്‍ക്ക്മുന്നോടിയായി സൂപ്പര്‍വൈസര്‍മാര്‍ക്കും എന്യൂമറേറ്റര്‍മാര്‍ക്കും ജൂണ്‍ മൂന്ന് മുതല്‍ പരിശീലനം നല്‍കും.  താലൂക്കുകളിലും മുന്‍സിപാലിറ്റികളിലും കോര്‍പ്പറേഷനിലുമായി 123 ബാച്ചുകള്‍ക്കാണ് പരിശീലനം. ജൂണ്‍ എട്ട് മുതല്‍ 22 വരെ കൊല്ലം, കൊട്ടാരക്കര താലൂക്കുകളില്‍ പ്രതിദിനം ആറ് ബാച്ചുകള്‍ വീതം  24 ബാച്ചുകള്‍ക്ക് പരിശീലനം നല്‍കും.