കൊല്ലം ജില്ലയിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജി കേരളയിൽ ബാച്‌ലർ ഓഫ് ഡിസൈൻ കോഴ്സിലേക്കുള്ള പ്രവേശനത്തിന് ഓൺലൈനായി ജൂൺ 4 വരെ അപേക്ഷിക്കാം.

കോഴ്സിലേക്കുള്ള പ്രവേശന പരീക്ഷ ജൂൺ 13ന്  കേരളത്തിലെ വിവിധ പരീക്ഷാ കേന്ദ്രങ്ങളിൽ വച്ച് നടത്തും. കൂടുതൽ വിവരങ്ങൾക്ക്: 0474-2547775, 0471-2560327, 9447710275

തിരുവനന്തപുരത്തെ കേരള ഇന്സ്റ്റിറ്റിയൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ (കിക്മ) 2026-28 ബാച്ചിലേക്ക് എം.ബി.എ അഡ്മിഷനുള്ള അഭിമുഖം ജൂണ്‍ ആറിന് രാവിലെ 10 മുതല്‍ കരണി സഹകരണ സഹകരണ പരിശീലന കേന്ദ്രത്തില്‍ നടത്തും. 50 ശതമാനം മാര്‍ക്കില്‍് കുറയാത്ത ബിരുദമാണ് യോഗ്യത. കൂടുതല്‍ വിവരങ്ങള്‍ www.kicma.ac.in ല്‍ ലഭ്യമാണ്. ഫോണ്‍: 8547618290, 9496366741

കെ.എസ്.ഇ.ബി ഏച്ചൂര്‍ സെക്ഷന്‍ പരിധിയില്‍ എച്ച്.ടി ലൈനിനു സമീപമുള്ള മരച്ചില്ലകള്‍ മുറിച്ചു മാറ്റുന്ന പ്രവൃത്തി നടക്കുന്നതിനാല്‍ നുച്ചിലോട്, നമ്പ്യാര്‍പീടിക, മാച്ചേരി സ്‌കൂള്‍, ഫോര്‍ച്ച്യൂണ്‍ സ്‌ക്വയര്‍ ട്രാന്‍സ്‌ഫോര്‍മര്‍ പരിധിയില്‍ മെയ് 22ന് രാവിലെ എട്ട് മുതല്‍ വൈകീട്ട് മൂന്നുമണി വരെ വൈദ്യുതി മുടങ്ങും.

വനിതശിശു വികസന വകുപ്പിന് കീഴിലെ ഐസിഡിഎസ് കല്‍പറ്റ പ്രൊജക്റ്റിന്റെ ഉപയോഗത്തിനായി ജീപ്പ്/ കാര്‍ വാടകയ്ക്ക് നല്‍കാന്‍ താത്പര്യമുള്ള വ്യക്തികള്‍ /സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു. ദര്‍ഘാസുകള്‍ ജൂണ്‍ നാലിന് ഉച്ചയ്ക്ക് രണ്ടിനകം ലഭ്യമാക്കണം. ഫോണ്‍: 04936 6207014

സമഗ്രശിക്ഷാ കേരളം കണ്ണൂര്‍ ജില്ലയിലെ സ്ട്രീം ഗവേഷണ പ്രൊജക്ടുകള്‍ പുസ്തകങ്ങളായി പ്രസിദ്ധീകരിക്കുന്നു. സ്ട്രീം പദ്ധതിയുടെ ഭാഗമായി ജില്ലയിലെ വിവിധ വിദ്യാലയങ്ങളിലെ കുട്ടികളുടെ നേതൃത്വത്തില്‍ 75 പ്രൊജക്ടുകളാണ് തയ്യാറാക്കിയത്. വിദ്യാഭ്യാസരംഗത്ത് ദീര്‍ഘവീക്ഷണത്തോടെ നടപ്പിലാക്കിയ പരിപാടിയാണ് സ്ട്രീം എക്കോസിസ്റ്റം. കൊച്ചി ശാസ്ത്ര സാങ്കേതിക സര്‍വകലാശാലയുമായി സഹകരിച്ചാണ് പദ്ധതി നടപ്പിലാക്കിയത്.

പൂക്കോട് ഏകലവ്യ മോഡല്‍ റസിഡന്‍ഷ്യല്‍ സ്‌കൂളില്‍ താത്ക്കാലിക മ്യൂസിക് ടീച്ചര്‍, ടിജിടി മലയാളം, ഫിസിക്കല്‍ എഡ്യൂക്കേഷന്‍ ടീച്ചര്‍ (ഫീമേയില്‍) തസ്തികയിലേക്ക് നിയമനം നടത്തുന്നു. മ്യൂസിക്കില്‍ ബിരുദമാണ് മ്യൂസിക് ടീച്ചര്‍ തസ്തികയിലേക്കുള്ള യോഗ്യത. ബി.എ/ ബി.എഡ്/കെ.ടെറ്റ്/ സി.ടെറ്റ് യോഗ്യതയുള്ളവര്‍ക്ക് ടിജിടി മലയാളം തസ്തികയിലേക്ക് അപേക്ഷിക്കാം. ബിരുദം, ബിപി എഡ്  യോഗ്യതയുള്ളവര്‍ക്ക് ഫിസിക്കല്‍ എഡ്യൂക്കേഷന്‍ ടീച്ചര്‍ (ഫീമേയില്‍) തസ്തികയിലേക്ക് അപേക്ഷിക്കാം. ഹിന്ദി/ ഇംഗ്ലീഷ് ഭാഷകളില്‍ ആശയ വിനിമയം നടത്താന്‍ കഴിവുള്ളത് അഭികാമ്യം.

സംസ്ഥാന ശിശുക്ഷേമ സമിതിയുടെ നിയന്ത്രണത്തിലുളള  കണിയാമ്പറ്റ എന്‍ട്രി ഹോമിലേക്ക് കരാറടിസ്ഥാനത്തില്‍ വനിതാ സെക്യൂരിറ്റിയെ നിയമിക്കുന്നു. എസ്.എസ്.എല്‍.സി യോഗ്യതയുള്ള 28 നും 42 നുമിടയില്‍  പ്രായമുളളവര്‍ക്കും ജോലിയില്‍ രണ്ട് വര്‍ഷം പ്രവൃത്തി പരിചയമുളളവര്‍ക്കും ഇന്റര്‍വ്യൂവില്‍ പങ്കെടുക്കാം. ഉദ്യോഗാര്‍ത്ഥികള്‍ യോഗ്യത സര്‍ട്ടിഫിക്കറ്റുകള്‍, പകര്‍പ്പുകള്‍, ബയോഡാറ്റ എന്നിവ സഹിതം ജൂണ്‍ അഞ്ചിന് രാവിലെ 11ന് കളക്ടറേറ്റ് റൗണ്ട് കോണ്‍ഫറന്‍സ് നടത്തുന്ന കൂടിക്കാഴ്ച്ചയില്‍ പങ്കെടുക്കണം. ഫോണ്‍ -8593065053, 9745389920

ഐ.സി ബാലകൃഷ്ണന്‍ എം.എല്‍.എയുടെ ആസ്തി വികസന നിധിയിലുള്‍പ്പെടുത്തി സുല്‍ത്താന്‍ ബത്തേരി നിയോജക മണ്ഡലത്തിലെ പൂതാടി  ഗ്രാമപഞ്ചായത്ത് - കേണിച്ചിറ ടൗണിലെ പാതയോരങ്ങളില്‍ വിവിധ സ്ഥലങ്ങളില്‍ മിനിമാസ്റ്റ് ലൈറ്റ് സ്ഥാപിക്കല്‍ പ്രവൃത്തിക്ക് 28 ലക്ഷം രൂപയുടെ ഭരണാനുമതി ലഭിച്ചു

ജില്ലാ കുടുംബശ്രീ മിഷന്റെ നേതൃത്വത്തില്‍ ഹരിതകര്‍മ്മ സേന അംഗങ്ങള്‍ക്ക് മഴക്കാല രോഗ പ്രതിരോധ ക്ലാസ് നല്‍കി. കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ കെ. പി ജയചന്ദ്രന്‍ ഉദ്ഘാടനം നിര്‍വഹിച്ചു. മഴക്കാല മുന്നൊരുക്കങ്ങളുടെ ഭാഗമായി ഹരിതകര്‍മ്മ സേന അംഗങ്ങള്‍ പാലിക്കേണ്ട ശുചിത്വത്തെക്കുറിച്ചും രോഗ പ്രതിരോധത്തെക്കുറിച്ചും പകര്‍ച്ചവ്യാധികളെക്കുറിച്ചും പനമരം സി എച്ച് സി ജൂനിയര്‍ ഹെല്‍ത്ത് ഇന്‍സ്‌പെക്ടര്‍ പി.കെ ഷാജി ക്ലാസെടുത്തു. 

സംസ്ഥാന പട്ടികജാതി പട്ടികവര്‍ഗ വികസന കോര്‍പ്പറേഷന്‍, കുടുംബശ്രീ കമ്മ്യൂണിറ്റി ഡെവലപ്പ്‌മെന്റ്‌റ് സൊസൈറ്റികള്‍ മുഖേന നടപ്പിലാക്കുന്ന വനിതാ ശാക്തീകരണ പദ്ധതി പ്രകാരം വായ്പ അനുവദിക്കുന്നതിന് അപേക്ഷ ക്ഷണിച്ചു. മാനന്തവാടി താലൂക്ക് പരിധിയിലെ പട്ടികജാതി-പട്ടികവര്‍ഗ വിഭാഗക്കാരായ അയല്‍ക്കൂട്ട അംഗങ്ങള്‍ ഉള്‍പ്പെടുന്ന സി.ഡി.എസുകള്‍ക്ക്  അപേക്ഷിക്കാം. അപേക്ഷകര്‍ 18 നും 60 നും ഇടയില്‍ പ്രായമുള്ളവരായിരിക്കണം. കുടുംബവാര്‍ഷിക വരുമാനം 300000 രൂപയില്‍ കവിയാന്‍ പാടില്ല. വായ്പ തുക ഒരു അംഗത്തിന് 50000 രൂപ മുതല്‍ ഒരു ലക്ഷം രൂപ വരെയാണ്. 6.5 ശതമാനമാണ് പലിശ നിരക്ക്.