കോട്ടയം: ഏറ്റുമാനൂർ അഡീഷണൽ ഐ.സി.ഡി.എസ്. പ്രോജക്ട് ഓഫീസിന്റെ പരിധിയിലുള്ള 117 അങ്കണവാടികളിലേക്ക് കണ്ടിജൻസി സാധനങ്ങൾ വിതരണം ചെയ്യുന്നതിന് ടെൻഡർ ക്ഷണിച്ചു. മാർച്ച് 13ന് ഉച്ചകഴിഞ്ഞ് രണ്ടുവരെ ടെൻഡറുകൾ സ്വീകരിക്കും. ഫോൺ: 7510162787.
 

കോട്ടയം: നിയമസഭാ തെരഞ്ഞെടുപ്പിന് മുന്നോടിയായി ജില്ലയിലെ കോളജ് വിദ്യാർത്ഥികൾക്ക് ഇ.വി.എം വിവിപാറ്റ് മെഷീനുകൾ പരിചയപ്പെടുന്നതിനും വോട്ടിംഗ്  രീതി മനസ്സിലാക്കുന്നതിനുമായി വോട്ട് വണ്ടി ജില്ലാ സ്വീപ് വിഭാഗത്തിന്റെ മേൽനോട്ടത്തിൽ മാർച്ച് ആറുവരെയാണ് വോട്ട് വണ്ടിയെത്തുന്നത്.

തലശ്ശേരി മഞ്ഞോടിയിലെ മത്സ്യഫെഡ് സീ ഫുഡ് റസ്റ്റോറന്റ് നിയമസഭാ സ്പീക്കര്‍ അഡ്വ. എ.എന്‍ ഷംസീര്‍ ഉദ്ഘാടനം ചെയ്തു. നല്ല ഭക്ഷണത്തിനായി എത്രദൂരം വേണമെങ്കിലും സഞ്ചരിക്കുന്നവരാണ് മലയാളികളെന്നും ജനങ്ങള്‍ക്ക് ഗുണമേന്മയുള്ള ഭക്ഷണം നല്‍കി കഫെ വന്‍ വിജയമാക്കാന്‍ സാധിക്കണമെന്നും സ്പീക്കര്‍ പറഞ്ഞു. തലശ്ശേരി നഗരസഭ ചെയര്‍പേഴ്സണ്‍ കാരായി ചന്ദ്രശേഖരന്‍ അധ്യക്ഷനായി.

കോട്ടയം: കായിക യുവജന വകുപ്പ് ജില്ലയിലെ തദ്ദേശ സ്വയംഭരണ സ്ഥാപനങ്ങള്‍ക്ക്  സ്‌പോര്‍ട്‌സ് കിറ്റുകള്‍ വിതരണം ചെയ്തു. ക്രിക്കറ്റ് ബാറ്റ്, ബോള്‍, സ്റ്റമ്പ്, വോളിബോള്‍, ഫുട്‌ബോള്‍ എന്നിവടങ്ങിയ കിറ്റാണ് നല്‍കിയത്. തദ്ദേശസ്ഥാപന ഭാരവാഹികള്‍ കിറ്റുകള്‍ ഏറ്റുവാങ്ങി. ജില്ലാ സ്‌പോര്‍ട്‌സ് കൗണ്‍സില്‍ എക്‌സിക്യൂട്ടീവ് കമ്മിറ്റി അംഗങ്ങളുടെ സത്യപ്രതിജ്ഞയും ചടങ്ങില്‍ നടന്നു.

ആന്തൂര്‍ നഗരസഭ നിര്‍മിക്കുന്ന ഷീ ടര്‍ഫിന്റെ പ്രവൃത്തി ഉദ്ഘാടനം എം.വി ഗോവിന്ദന്‍ മാസ്റ്റര്‍ എംഎല്‍എ നിര്‍വഹിച്ചു. ആന്തൂര്‍ നഗരസഭാ ചെയര്‍പേഴ്സണ്‍ വി സതീദേവി അധ്യക്ഷയായി. 

നഗരസഭാ ആസ്ഥാന മന്ദിരത്തോടും മുനിസിപ്പല്‍ സ്റ്റേഡിയത്തോടും ചേര്‍ന്ന് 69 ലക്ഷം രൂപ ചെലവിലാണ് ടര്‍ഫ് നിര്‍മിക്കുന്നത്. സ്ത്രീകള്‍ക്കായി കായിക വിനോദത്തിലൂന്നിയ ആരോഗ്യ സംരക്ഷണമാണ് പദ്ധതിയിലൂടെ ലക്ഷ്യമിടുന്നത്.

കേരള കയര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്കായി മാര്‍ച്ച് ആറു മുതല്‍ കളക്ഷന്‍ ക്യാമ്പ്  നടത്തും. ആറിന് മറവന്‍തുരുത്ത് പഞ്ചായത്ത് ഓഫീസിലും മാര്‍ച്ച് 10ന്  10 ടി.വി.പുരം കമ്മ്യൂണിറ്റി ഹാളിലും 13ന്  ഉദയനാപുരം പഞ്ചായത്ത് ഓഫീസിലും രാവിലെ 10 മുതല്‍ ഉച്ചകഴിഞ്ഞു മൂന്നു വരെയാണ് ക്യാമ്പ്. 

 2026 -27 വര്‍ഷത്തെ ക്ഷേമനിധി വിഹിതവും കുടിശികയും അടയ്ക്കുന്നതിനും പുതിയതായി അംഗത്വം എടുക്കുന്നതിനും സൗകര്യമുണ്ടാകും.
60 വയസ്സുവരെ മുടക്കം കൂടാതെ വിഹിതം അടയ്ക്കുന്ന തൊഴിലാളികള്‍ക്കു മാത്രമെ വിരമിക്കല്‍ ആനുകൂല്യം ലഭിക്കൂ.  

കോട്ടയം: ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ തദ്ദേശ സ്വയംഭരണ സ്ഥാപന അധ്യക്ഷന്‍മാര്‍ക്കും ഉദ്യോഗസ്ഥര്‍ക്കുമായി ഈസ് ഓഫ് ഡൂയിംഗ് ബിസിനസ് ബോധവത്കരണ ശില്‍പ്പശാല നടത്തി. തെള്ളകം ചൈതന്യ പാസ്റ്ററല്‍ സെന്ററില്‍ നടന്ന പരിപാടിയില്‍ കോട്ടയം, ചങ്ങനാശേരി താലൂക്കുകള്‍, വൈക്കം  ബ്ലോക്ക് പഞ്ചായത്ത്,  വൈക്കം മുനിസിപ്പാലിറ്റി എന്നീ മേഖലകളിലെ തദ്ദേശ സ്ഥാപനങ്ങളില്‍നിന്നുള്ളവര്‍ പങ്കെടുത്തു. 

കോട്ടയം: എംപ്ലോയീസ് സ്റ്റേറ്റ് ഇന്‍ഷുറന്‍സ് കോടതിയുടെ ക്യാമ്പ് സിറ്റിംഗ്  മാര്‍ച്ച് ഒന്‍പത്,16,23,30 തീയതികളില്‍ കോട്ടയം സിവില്‍ സ്റ്റേഷനിലെ ബാര്‍ അസോസിയേഷന്‍ ഹാളില്‍ നടത്തും. കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ തൊഴില്‍ത്തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും വിചാരണ നടത്തും. ഫോണ്‍: 0474 2792892.

കോട്ടയം:നാഷണൽ ആയുഷ് മിഷൻ കോട്ടയം ജില്ലയിൽ കരാർ അടിസ്ഥാനത്തിൽ  നിയമനം നടത്തുന്നതിന് മാർച്ച് ഒന്‍പതിന് വയസ്ക്കരകുന്നിലെ ജില്ലാ പ്രോഗ്രാം മാനേജ്മെന്‍റ് യൂണിറ്റിൽ അഭിമുഖം നടത്തും.

തെറാപ്പിസ്റ്റ്, തെറാപ്പി അസിസ്റ്റന്‍റ് തസ്തികകളിലേക്കുള്ള ആഭിമുഖം രാവിലെ 10.00 മുതലും ക്ലിനിക്കൽ സൈക്കോളജിസ്റ്റ് തസ്തികയിലേക്കുള്ളത് ഉച്ചകഴിഞ്ഞ് രണ്ടിനുമാണ്. 

വിശദ വിവരങ്ങള്‍ www.nam.kerala.gov.in.careers opportunities എന്ന വെബ്സൈറ്റില്‍. ഫോൺ: 0481-2991918