മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത കോട്ടയം, ഇടുക്കി, പത്തനംതിട്ട ജില്ലകളിലെ മത്സ്യത്തൊഴിലാളികളുടെയും അനുബന്ധ മത്സ്യത്തൊഴിലാളികളുടെയും കുട്ടികളില്‍ നിന്ന് വിദ്യാഭ്യാസ അവാര്‍ഡിന് അപേക്ഷ ക്ഷണിച്ചു. 

കണ്ണൂർ ജില്ലയിലെ അസിസ്റ്റന്റ് കലക്ടറായി എസ് സ്വാതി ചുമതലയേറ്റു. 2025 ബാച്ച് ഐഎഎസ് ഉദ്യോഗസ്ഥയാണ്. പത്തനംതിട്ട കോന്നി സ്വദേശിയായ ഇവരുടെ ആദ്യനിയമനമാണ് കണ്ണൂരിലേത്. കരുനാഗപ്പള്ളി കോളേജ് ഓഫ് എഞ്ചിനീയറിംഗ് കോളേജിൽ നിന്നും ബി.ടെക് ഇലക്ട്രോണിക്‌സ് ആൻഡ് കമ്യൂണിക്കേഷൻസിൽ ബിരുദം നേടിയിട്ടുണ്ട്.

കോട്ടയം: ഇടയിരിക്കപ്പുഴ സാമൂഹികാരോഗ്യ കേന്ദ്രത്തിലെ ബ്ലോക്ക് ഹബ് ലാബില്‍ ലബോറട്ടറി ടെക്നീഷ്യന്റെ ഒഴിവില്‍ നിയമനത്തിനുള്ള അഭിമുഖം ജൂണ്‍ അഞ്ചിന് ഉച്ചകഴിഞ്ഞ് രണ്ടിന് നടക്കും.  ബിഎസ്സി എം.എല്‍.ടി അല്ലെങ്കില്‍ ഡി.എം.എല്‍.ടിയും കേരളാ പാരാമെഡിക്കല്‍ കൗണ്‍സില്‍ രജിസ്ട്രേഷനുമാണ് യോഗ്യത. 

പ്രായം 20നും 40നുമിടയില്‍. അപേക്ഷ  യോഗ്യതയും പവൃത്തിപരിചയവും  തെളിയിക്കുന്ന സര്‍ട്ടിഫിക്കറ്റുകള്‍ സഹിതം ജൂണ്‍ നാലിനു വൈകുന്നേരം അഞ്ചിനു മുന്‍പ് സാമൂഹികാരോഗ്യ കേന്ദ്രം ഓഫീസില്‍ എത്തിക്കണം. ഇ-മെയില്‍: chcepuzha@gmail.com 

(കെഐഒപിആര്‍ 831/2026)

കോട്ടയം: പാമ്പാടി രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍ (ഗവണ്‍മെന്റ് എന്‍ജിനീയറിംഗ് കോളജ്) ദിവസവേതനാടിസ്ഥാനത്തില്‍ ഡ്രൈവര്‍ കം ഓഫീസ് അറ്റന്‍ഡന്റുമാരെ നിയമിക്കുന്നു. താല്‍പര്യമുള്ളവര്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍, ഫോട്ടോ, ബയോഡേറ്റ, മെഡിക്കല്‍ സര്‍ട്ടിഫിക്കറ്റ്, ഡ്രൈവിംഗ് ലൈസന്‍സ്, പ്രവൃത്തി പരിചയ സര്‍ട്ടിഫിക്കറ്റ് എന്നിവയടെ അസ്സലും പകര്‍പ്പും എന്നിവ സഹിതം ജൂണ്‍ അഞ്ചിന് രാവിലെ 10ന് കോളജ് ഓഫീസില്‍ എത്തണം. വിശദവിവരങ്ങള്‍ www.rit.ac.in എന്ന വെബ്സൈറ്റില്‍.   ഫോണ്‍: 0481 2507763,2506153.
(കെഐഒപിആര്‍ 830/2026)

 കോട്ടയം ക്ഷീരപരിശീലന കേന്ദ്രത്തില്‍ ക്ഷീരദിനാചരണം നടത്തി.  പ്രിന്‍സിപ്പല്‍ ബെറ്റി ജോഷ്വയുടെ അധ്യക്ഷതയില്‍ ചേര്‍ന്ന യോഗത്തില്‍ ക്ഷീര വികസന ഓഫീസര്‍ ടി. സിമ്ന,പ്രിയ ജോസഫ്,ശ്രീജ രാധാകൃഷ്ണന്‍,ഉമേഷ് ബാബു എന്നിവര്‍ പ്രസംഗിച്ചു. 

കുട്ടികള്‍ക്കുള്ള  വിവിധ മത്സരങ്ങളിലെ വിജയികള്‍ക്ക് സമ്മാനങ്ങള്‍ വിതരണം ചെയ്തു.

കണ്ണൂർ ജില്ലാ കലക്ടറായി പി. വിഷ്ണുരാജ് ചുമതലയേറ്റു. തിങ്കളാഴ്ച രാവിലെ 11 മണിയോടെ, സ്ഥാനമൊഴിഞ്ഞ കലക്ടർ അരുൺ കെ വിജയനിൽനിന്ന് അദ്ദേഹം ചുമതല ഏറ്റെടുത്തു. കണ്ണൂരിനെ പോലെ രാഷ്ട്രീയവും സാമൂഹികവും സാംസ്‌കാരികപരവുമായി ഔന്നത്യമുള്ള ഒരു ജില്ലയിലെ കലക്ടറായി പ്രവർത്തിക്കാൻ അവസരം ലഭിച്ചതിൽ ഏറെ സന്തോഷമുണ്ടെന്ന് കലക്ടർ പി. വിഷ്ണുരാജ് പറഞ്ഞു.

കോട്ടയം: ലോക പുകയില വിരുദ്ധ ദിനാചരണത്തിന്റെ ജില്ലാതല ഉദ്ഘാടനം ഇന്ന്(മേയ് 30)രാവിലെ 9.30ന് കോട്ടയം ബസേലിയോസ് കോളജില്‍ നിയമസഭാ സ്പീക്കര്‍ തിരുവഞ്ചൂര്‍ രാധാകൃഷ്ണന്‍  നിര്‍വഹിക്കും.  ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് അധ്യക്ഷത വഹിക്കും. നഗരസഭാ ചെയര്‍മാന്‍ എം.പി. സന്തോഷ്‌കുമാര്‍ മുഖ്യപ്രഭാഷണം നടത്തും.

ഭാരത സെന്‍സസ് 2027 ന്റെ ഭാഗമായി  ഫീല്‍ഡ് ലെവല്‍ പരിശീലകര്‍ക്കുള്ള പരിശീലന പരിപാടി ജില്ലയില്‍ പൂര്‍ത്തിയായി. എ.ഡി.എം കലാഭാസ്‌കര്‍ പരിശീലന പരിപാടി ഉദ്ഘാടനം ചെയ്തു. കലക്ടറേറ്റ്, കണ്ണൂര്‍ സര്‍വകലാശാല എന്നിവിടങ്ങളില്‍ മൂന്ന് ബാച്ചുകളിലായി നടന്ന പരിശീലന പരിപാടിയില്‍ ജില്ലയിലെ വിവിധ കോളേജുകളില്‍ നിന്നുള്ള 94 അധ്യാപകര്‍ പങ്കെടുത്തു. ജില്ലയിലെ എന്യൂമറേറ്റര്‍മാര്‍ക്കും സൂപ്പര്‍വൈസര്‍മാര്‍ക്കുമുള്ള പരിശീലന പരിപാടി താലൂക്ക്, മുനിസിപ്പാലിറ്റി, കോര്‍പ്പറേഷന്‍ തലത്തില്‍ മെയ് 28ന് ആരംഭിക്കും.

പഠനോപകരണങ്ങള്‍ക്കായി ധനസഹായം

സംസ്ഥാന അസംഘടിത തൊഴിലാളി സാമൂഹ്യ സുരക്ഷ ബോര്‍ഡിന്റെ കണ്ണൂര്‍/കാസര്‍ഗോഡ് ജില്ലകളില്‍ അംഗങ്ങളായവരുടെ മക്കളില്‍ 2026-27 അധ്യയന വര്‍ഷം എല്‍.കെ.ജി, ഒന്നാം ക്ലാസുകളില്‍ പുതുതായി പ്രവേശനം നേടുന്ന കുട്ടികള്‍ക്ക് പഠനോപകരണങ്ങള്‍ വാങ്ങുന്നതിന് പ്രത്യേക ധനസഹായം അനുവദിക്കുന്നു. പ്രവേശനം നേടുന്ന സ്‌കൂളില്‍ നിന്നും ലഭ്യമാക്കിയ സാക്ഷ്യപത്രം സഹിതം https://services.unorganisedwssb.org/index.php/home മുഖേന ജൂണ്‍ അഞ്ചിനകം അപേക്ഷിക്കണം. ഫോണ്‍: 0497 2970272.

അനിമൽ ബർത്ത് കൺട്രോൾ (എ.ബി.സി) പദ്ധതിയുടെ ഭാഗമായി മൃഗസംരക്ഷണ പരിശീലന കേന്ദ്രത്തിൽ നിന്നും ഡോഗ് ഹാൻഡ്ലിംഗ് പരിശീലനം പൂർത്തിയാക്കിയ 30 പേർക്ക് സർട്ടിഫിക്കറ്റുകൾ വിതരണം ചെയ്തു. കണ്ണൂർ കോർപ്പറേഷൻ മേയർ അഡ്വ. പി ഇന്ദിര ഉദ്ഘാടനം ചെയ്തു. തെരുവുനായ ശല്യത്തിന് ശാസ്ത്രീയവും മാനുഷികവുമായ പരിഹാരം കാണുന്നതിന് പരിശീലനം നേടിയ ഡോഗ് ഹാൻഡ്ലർ മാരുടെ പങ്ക് വലുതാണെന്ന് മേയർ പറഞ്ഞു. മിണ്ടാപ്രാണികളോട് കരുതലും മനുഷ്യരുടെ സുരക്ഷയും ഒരുപോലെ ഉറപ്പാക്കാൻ കഴിയണമെന്നും അവർ കൂട്ടിച്ചേർത്തു. പ്രിൻസിപ്പൽ ട്രെയിനിംഗ് ഓഫീസർ ഡോ. ഒ എം അജിത അധ്യക്ഷത വഹിച്ചു. ജില്ലാ മൃഗസംരക്ഷണ ഓഫീസർ ഡോ എസ് അനിൽകുമാർ മുഖ്യ പ്രഭാഷണം നടത്തി. ഡോ.