ലാബ് പരിശോധനയ്ക്കു സാമ്പിളുകൾ പോസ്റ്റ് ഓഫീസ് വഴി അയക്കുന്ന പദ്ധതിക്ക് ജില്ലയിൽ തുടക്കം. നവകേരള കർമപദ്ധതിയുടെ ഭാഗമായിട്ടാണ് 'ഹബ് ആൻഡ് സ്‌പോക്ക് സാംപിൾ ട്രാൻസ്‌പോർട്ട്' രീതി നടപ്പാക്കുന്നത്. കുടുംബാരോഗ്യകേന്ദ്രത്തിൽ ചെയ്യാനാവാത്ത പരിശോധനകൾ പ്രാഥമിക ഹബ്ബായ ബ്ലോക്ക് പൊതുജനാരോഗ്യ ലാബ്, സെക്കൻഡറി ഹബ്ബായ താലൂക്ക് /ജനറൽ ആശുപത്രി എന്നിവിടങ്ങളിലേക്ക് അയക്കും. എല്ലാ ദിവസവും ഉച്ചയ്ക്ക് 1.30ന് പോസ്റ്റ് ഓഫീസിൽനിന്നു ജീവനക്കാർവന്നു സാമ്പിൾ ശേഖരിക്കും. ഇ ഹെൽത്ത് സോഫ്റ്റ് വേർ വഴിയാണ് പരിശോധനകൾ രേഖപ്പെടുത്തുന്നത്. യു.എച്ച്.ഐ.ഡി.

 ഓണക്കാലത്ത് അളവ് തൂക്ക വെട്ടിപ്പ് തടയുന്നതിനായി ഓഗസ്റ്റ് 30 മുതൽ സെപ്റ്റംബർ നാലു വരെ ലീഗൽ മെട്രോളജി വകുപ്പ് പ്രത്യേക പരിശോധന നടത്തും.  ഇതിനായി ജില്ലാ ലീഗൽ മെട്രോളജി ഓഫീസിൽ കൺട്രോൾ റൂം പ്രവർത്തനം ആരംഭിച്ചു. യഥാസമയം മുദ്ര ചെയ്യാത്ത അളവ് തൂക്ക ഉപകരണങ്ങൾ ഉപയോഗിച്ചുള്ള വ്യാപാരം, പായ്ക്കറ്റ് രജിസ്‌ട്രേഷൻ ഇല്ലാത്ത ഉത്പന്നങ്ങളുടെ വിൽപന,  
പായ്ക്കറ്റിലെ വിലയിൽ കൂടുതൽ ഈടാക്കുക, പായ്ക്കറ്റുകളിൽ നിയമപ്രകാരമുള്ള പ്രഖ്യാപനങ്ങൾ രേഖപ്പെടുത്താതിരിക്കുക, രേഖപ്പെടുത്തിയ വിലയെക്കുറിച്ചുള്ള പരാതികൾ എന്നിവ കൺട്രോൾ റൂമിൽ അറിയിക്കാം. താഴെ ചേർത്തിരിക്കുന്ന നമ്പറുകളിൽ പരാതി  അറിയിക്കാം.

 മണർകാട് ഗ്രാമപഞ്ചായത്തിലെ വിശുദ്ധ മർത്തമറിയം യാക്കോബായ  സുറിയാനി കത്തീഡ്രലിലെ എട്ട് നോമ്പ് പെരുന്നാളിനോട് അനുബന്ധിച്ച് സെപ്റ്റംബർ ഒന്നു മുതൽ എട്ട് വരെയുള്ള തീയതികളിൽ പള്ളിയുടെ മൂന്നു കിലോമീറ്റർ ചുറ്റളവിലുള്ള പ്രദേശം ഉത്സവ മേഖലയായി പ്രഖ്യാപിച്ചു കൊണ്ട് ജില്ലാ കളക്ടർ ഉത്തരവായി.

മഹാത്മാഗാന്ധി ദേശീയ തൊഴിലുറപ്പു പദ്ധതിയിൽ കോട്ടയം ജില്ലയിൽ 2025-26 സാമ്പത്തികവർഷം ജൂൺ 30 വരെ 8,90,447 തൊഴിൽദിനങ്ങൾ സൃഷ്ടിക്കാനായി എന്നു അഡ്വ. കെ. ഫ്രാൻസിസ് ജോർജ് എം.പിയുടെ അധ്യക്ഷതയിൽ ചേർന്ന ദിശ യോഗം വിലയിരുത്തി.
 39,730 കുടുംബങ്ങൾക്കായാണ് ഇത്രയും തൊഴിൽദിനങ്ങൾ സൃഷ്ടിച്ചത്. ഒരു കുടുംബത്തിന് ശരാശരി 22.41 തൊഴിൽദിനം നൽകാനായി. ജില്ലയിൽ എട്ടു കുടുംബങ്ങൾ100 തൊഴിൽദിനങ്ങൾ പൂർത്തിയാക്കി. ജൂൺ വരെ തൊഴിലുറപ്പു വേതനമായി 32.60 കോടി രൂപ വിതരണം ചെയ്തു. സമയബന്ധിതമായുള്ള വേതനവിതരണത്തിൽ ജില്ല 98.82 ശതമാനം നേട്ടം കൈവരിച്ചതായും യോഗം വിലയിരുത്തി.

പച്ചക്കറി വാങ്ങാനും അരിഞ്ഞു തയാറാക്കാനുമുള്ള സമയം ലാഭിച്ചാണ് പാമ്പാടിക്കാർ ഇത്തവണ ഓണസദ്യയൊരുക്കുക. വെറും മൂന്നു മാസങ്ങൾകൊണ്ട് ഹിറ്റായ 'റെഡി ടു കുക്ക്'വിപണന കേന്ദ്രത്തിൽ അരിഞ്ഞു റെഡിയാക്കിയ പച്ചക്കറികൾ ഒരുപാടു വീടുകളിലെ സദ്യയുടെ ഭാഗമാകും.

 കോട്ടയത്ത് ഇലക്ട്രോണിക് വോട്ടിംഗ് യന്ത്രങ്ങൾ സൂക്ഷിക്കുന്നതിനുള്ള വെയർ ഹൗസിന്റെ നിർമാണം സമയബന്ധിതമായി പൂർത്തീകരിക്കുമെന്ന് മുഖ്യ തെരഞ്ഞെടുപ്പ് ഓഫീസർ ഡോ. രത്തൻ യു. ഖേൽക്കർ അറിയിച്ചു. നിയമസഭാ തെരഞ്ഞെടുപ്പുമായി ബന്ധപ്പെട്ട വോട്ടർ പട്ടിക പരിഷ്‌കരണ പ്രവർത്തനങ്ങൾ വിലയിരുത്താൻ എത്തിയതായിരുന്നു അദ്ദേഹം.

കോഴഞ്ചേരി താലൂക്ക് വികസന സമിതി യോഗം സെപ്റ്റംബര്‍ എട്ടിന് രാവിലെ 10.30ന് പത്തനംതിട്ട മുന്‍സിപ്പല്‍ കോണ്‍ഫറന്‍സ് ഹാളില്‍ നടക്കും

ചെങ്ങറ സമരഭൂമിയില്‍ ഓണക്കിറ്റും പുതിയ റേഷന്‍ കാര്‍ഡും വിതരണം ചെയ്തു

കോന്നി ചെങ്ങറ സമരഭൂമിയില്‍ ഭക്ഷ്യ ധാന്യങ്ങള്‍ വിതരണം ചെയ്യുന്ന സഞ്ചരിക്കുന്ന റേഷന്‍കട സെപ്റ്റംബര്‍ മുതല്‍ ആരംഭിക്കുമെന്ന് ഭക്ഷ്യ പൊതുവിതരണ വകുപ്പ് മന്ത്രി ജി.ആര്‍ അനില്‍. ചെങ്ങറ സമരഭൂമിയില്‍ ഓണക്കിറ്റും പുതിയ റേഷന്‍ കാര്‍ഡ് വിതരണവും ഉദ്ഘാടനം ചെയ്യുകയായിരുന്നു മന്ത്രി.

കണ്ണൂരിൻ്റെ പൈതൃക പെരുമ വിളിച്ചോതുന്ന വൈവിധ്യമാർന്ന പരിപാടികളോടെ ഒക്ടോബർ അഞ്ച് മുതൽ 12 വരെ  സംഘടിപ്പിക്കുന്ന  കണ്ണൂർ പൈതൃകോത്സവത്തിൻ്റെ സംഘാടക സമിതി രൂപീകരിച്ചു. കണ്ണൂർ ശിക്ഷക് സദനിൽ നടന്ന സംഘാടക സമിതി രൂപീകരണ യോഗം പുരാവസ്തു, പുരാരേഖ, മ്യൂസിയം,  രജിസ്ട്രേഷൻ വകുപ്പു മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. ചടങ്ങിൽ കെ.വി സുമേഷ് എംഎൽഎ അധ്യക്ഷനായി.  കണ്ണൂരിൻ്റെ കലയും സംസ്കാരവും വൈജ്ഞാനിക പാരമ്പര്യങ്ങളും അനാവരണം ചെയ്യുന്ന വിധത്തിലാണ് കണ്ണൂർ പൈതൃകോത്സവം സംഘടിപ്പിക്കാനുദ്ദേശിക്കുന്നതെന്ന് മന്ത്രി പറഞ്ഞു.

കണ്ണൂർ കല്ല്യാട് സ്ഥാപിക്കുന്ന അന്താരാഷ്ട്ര ആയുര്‍വേദ ഗവേഷണ കേന്ദ്രം തലമുറകള്‍ക്ക് നല്‍കുന്ന സംഭാവനയാണെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. നമ്മുടെ ആയുര്‍വേദം ലോകത്തിന്റെ മുന്നില്‍ സവിശേഷമായി അടയാളപ്പെടുത്തിയെങ്കിലും ഗവേഷണത്തിന്റെ കാര്യത്തില്‍ അടയാളപ്പെടുത്താന്‍ കഴിഞ്ഞിട്ടില്ല. ഇത് മുന്നില്‍ കണ്ടാണ് 400 കോടി അനുവദിച്ച് കണ്ണൂരില്‍ അന്താരാഷ്ട്ര ആയുര്‍വേദ ഗവേഷണ കേന്ദ്രം ആരംഭിക്കുന്നത്. ഇതിന്റെ ആദ്യഘട്ട നിര്‍മ്മാണ പ്രവര്‍ത്തനങ്ങള്‍ അന്തിമ ഘട്ടത്തിലാണ്. 100 കിടക്കകളുള്ള ആശുപത്രിയാണ് സ്ഥാപിക്കുന്നത്.