മാവേലിക്കര കോളേജ് ഓഫ് അപ്ലൈഡ് സയന്‍സില്‍ മൂന്ന് മാസത്തെ ഇന്റേണ്‍ഷിപ്പിന് അപേക്ഷ ക്ഷണിച്ചു. സെയില്‍സ്മാര്‍ക്കറ്റിംഗ്, അക്കൗണ്ടിംഗ് ഇലക്ട്രോണിക്‌സ്, കമ്പ്യൂട്ടര്‍സയന്‍സ്, ലൈബ്രറി സയന്‍സ് വിഷയങ്ങള്‍ക്കാണ് അവസരം. അതത് വിഷയങ്ങളില്‍ യു.ജി കോഴ്‌സ് തുടരുന്നവര്‍ക്കും കഴിഞ്ഞവര്‍ക്കും അപേക്ഷിക്കാം. ഫീസ് :  3000  രൂപ.   ഫോണ്‍: 9562771381, 8547005046.
 
 

കേരള കാര്‍ഷിക സര്‍വകലാശാലയും കൃഷിവകുപ്പും സംയുക്തമായി  ചാത്തന്നൂര്‍ ബ്ലോക്കില്‍ കാര്‍ഷിക സാങ്കേതികവിദ്യാദിനം ആചരിച്ചു. കല്ലുവാതുക്കല്‍ കൃഷിഭവനില്‍പഞ്ചായത്ത് പ്രസിഡന്റ് ചാന്ദിനി  ഉദ്ഘാടനം ചെയ്തു. ക്ഷീരമേഖലയില്‍ മികച്ച തീറ്റപ്പുലിനങ്ങള്‍ പരിചയപ്പെടുത്തിയ കര്‍ഷകരെ ആദരിച്ചു. നൂതന തീറ്റപ്പുല്‍ കൃഷി   വിഷയത്തില്‍ സെമിനാറും നടത്തി.
ബ്ലോക്ക് നോഡല്‍ ഓഫീസര്‍ ഡോ.എസ്.പാര്‍വതി, കൃഷി അസിസ്റ്റന്റ് ഡയറക്ടര്‍ ശ്രീവത്സ പി. ശ്രീനിവാസന്‍, ഡയറി ഫാം ഇന്‍സ്‌പെക്ടര്‍ സന്ധ്യ, ക്ഷീരസംഘം സെക്രട്ടറി ഷീബ, കല്ലുവാതുക്കല്‍ കൃഷി ഓഫീസര്‍ ഫൗസിയ തുടങ്ങിയവര്‍ പങ്കെടുത്തു.
 

കലാലയങ്ങളിലെ ഓണാഘോഷ പരിപാടികൾ അതിരുകടക്കാതിരിക്കാൻ മോട്ടോർ വാഹന വകുപ്പിന്റെ നേതൃത്വത്തിൽ പ്രത്യേക പരിശോധന നടത്തി. ഡെപ്യൂട്ടി ട്രാൻസ്‌പോർട്ട് കമ്മീഷണറുടെ പ്രത്യേക നിർദ്ദേശപ്രകാരം എൻഫോഴ്‌സ്‌മെന്റ് ആർടിഒയുടെ നേതൃത്വത്തിലാണ് കലാലയങ്ങൾ കേന്ദ്രീകരിച്ച് വാഹന പരിശോധന നടത്തിയത്. 

കൊച്ചിൻ കോളേജ്, ഗുജറാത്തി കോളേജ്, കെഎംഇഎ കോളേജ്, ഫാത്തിമ സ്കൂൾ, മോഡൽ എൻജിനീയറിങ് കോളേജ്, ഫിസാറ്റ്, മോണിങ് സ്റ്റാർ എന്നീ കോളേജുകൾ എന്നിവിടങ്ങളിൽ പരിശോധന നടത്തി.

കൂർക്കം വലിയോടനുബന്ധിച്ച് ശ്വാസം നിന്ന് പോകുന്ന രോഗാവസ്ഥയായ സ്ലീപ് അപ്നിയ പരിശോധിക്കാൻ എറണാകുളം സർക്കാർ മെഡിക്കൽ കോളേജിൽ സൗകര്യം. സ്വകാര്യ ആശുപത്രികളേക്കാൾ കുറഞ്ഞ നിരക്കിൽ പരിശോധന സാധ്യമാക്കുന്നതിനു കൊച്ചിൻ ഷിപ് യാഡിന്റെ സഹായത്തോടെയാണ് നൂതനമായ സ്ലീപ് അപ്നിയാ പരിശോധന മെഷീൻ സ്ഥാപിച്ചിട്ടുള്ളതെന്ന് ആശുപത്രി സൂപ്രണ്ട് ഡോ. ഗണേഷ് മോഹൻ അറിയിച്ചു. 

വിവിധയിനം പച്ചക്കറികൾ, പഴങ്ങൾ, പൂക്കൾ തുടങ്ങിയ നൂറോളം കാർഷിക വിളകൾ... കളമശ്ശേരിയുടെ കാർഷിക സമൃദ്ധിയെ ഒരു കുടക്കീഴിൽ അണിനിരത്തിയിരിക്കുകയാണ് മൂന്നാമത് കളമശ്ശേരി കാർഷികോത്സവത്തിലെ 

പഴം - പച്ചക്കറി വിപണന സ്റ്റാളിൽ.

കരുമാല്ലൂർ, കുന്നുകര, കടുങ്ങല്ലൂർ, ആലങ്ങാട് എന്നീ പഞ്ചാത്തുകളിലെയും കളമശ്ശേരി, ഏലൂർ നഗരസഭകളിലെയും കർഷകർ ഉത്പാദിപ്പിച്ച വിഷരഹിത വിളകളാണ് സ്റ്റാളിലൂടെ വിപണനം ചെയ്യുന്നത്.

ഓണത്തോടനുബന്ധിച്ച് അവശ്യസാധനങ്ങളുടെ വിലക്കയറ്റവും കരിഞ്ചന്തയും തടയുന്നതിനായി ജില്ലാ സപ്ലൈ ഓഫീസറുടെ നേതൃത്വത്തിൽ ജില്ലയിലെ 32 സ്ഥാപനങ്ങളിൽ പരിശോധന നടത്തി. 

പൊതുവിതരണ വകുപ്പ്, ലീഗൽ മെട്രോളജി, ഭക്ഷ്യ സുരക്ഷ, പോലീസ് എന്നീ വകുപ്പുകളിലെ ഉദ്യോഗസ്ഥർ ഉൾപ്പെട്ട സ്ക്വാഡാണ് പരിശോധന നടത്തിയത്.

ഇലന്തൂര്‍ ഐ.സി.ഡി.എസ് പ്രോജക്ടിന്റെ ആവിശ്യത്തിലേക്കായി വാഹനം വാടകയ്ക്ക് ലഭ്യമാക്കുന്നതിന് ടെന്‍ഡര്‍ ക്ഷണിച്ചു. സെപ്റ്റംബര്‍ രണ്ടിന് ഉച്ചകഴിഞ്ഞ് മൂന്നിന് മുമ്പ് ഇലന്തൂര്‍ ഐ.സി.ഡി.എസ് ഓഫീസില്‍ ടെന്‍ഡര്‍ ലഭിക്കണം. ഫോണ്‍ : 0468 2362129.

കോന്നി സര്‍ക്കാര്‍ മെഡിക്കല്‍ കോളജിലെ ഹോസ്പിറ്റല്‍ ഡെവലപ്‌മെന്റ് സൊസൈറ്റിയുടെ കണക്കുകള്‍ ഓഡിറ്റ് ചെയ്യുന്നതിന് രജിസ്റ്റേര്‍ഡ് ഓഡിറ്റര്‍മാരില്‍ നിന്ന് ക്വട്ടേഷന്‍ ക്ഷണിച്ചു. അവാസാന തീയതി സെപ്റ്റംബര്‍ 10 പകല്‍ മൂന്നുവരെ. വിലാസം : സൂപ്രണ്ട്, മെഡിക്കല്‍ കോളജ് ആശുപത്രി, കോന്നി. ഫോണ്‍ : 0468 2344801.

ആറന്മുള സഹകരണ പരിശീലന കോളജില്‍ എച്ച്ഡിസി ആന്‍ഡ് ബിഎം ബാച്ചില്‍ ഒഴിവുളള സീറ്റുകളിലേക്ക് സെപ്റ്റംബര്‍ ഒന്നിന് സ്‌പോട്ട് അഡ്മിഷന്‍ നടക്കും. ബിരുദമാണ് അടിസ്ഥാന യോഗ്യത. കോഴ്‌സ് കാലാവധി ഒരു വര്‍ഷം. പട്ടികജാതി, പട്ടികവര്‍ഗ വിഭാഗങ്ങള്‍ക്ക് ഫീസ് ഇളവ്്. ഫോണ്‍ : 9447654471/ 9447863032.