കേന്ദ്ര  സര്‍ക്കാര്‍   സംരംഭമായ   ബിസില്‍  ട്രെയിനിംഗ്  ഡിവിഷന്‍ നടത്തുന്ന  ഒരു വര്‍ഷം, ആറു മാസം ദൈര്‍ഘ്യമുള്ള  പ്രീ - പ്രൈമറി, നഴ്‌സറി   ടീച്ചര്‍ ട്രെയിനിംഗ് കോഴ്സുകള്‍ക്ക്  പ്ലസ് ടു /എസ്എസ്എല്‍സി  യോഗ്യതയുള്ളവരില്‍ നിന്ന്  അപേക്ഷ ക്ഷണിച്ചു . ഫോണ്‍ : 7994449314
 

അസംഘടിത തൊഴിലാളി സാമൂഹിക സുരക്ഷാ പദ്ധതിയില്‍ അംഗങ്ങളായ തൊഴിലാളികളുടെ മക്കള്‍ക്ക് വിദ്യാഭ്യാസ ആനുകൂല്യത്തിന് അപേക്ഷ  ക്ഷണിച്ചു. എസ് എസ് എല്‍ സി വിജയിച്ച ശേഷം കേരള സര്‍ക്കാര്‍ സ്ഥാപനങ്ങളില്‍ റഗുലര്‍ കോഴ്‌സില്‍ ഉപരിപഠനം നടത്തുന്ന കുട്ടികളുടെ രക്ഷിതാക്കള്‍ സെപ്റ്റംബര്‍ 15ന് മുമ്പ് ഓണ്‍ലൈന്‍ അപേക്ഷ സമര്‍പ്പിക്കണം.

പത്തനംതിട്ട എസ് ബി ഐ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ സെപ്റ്റംബര്‍ 10 മുതല്‍ സൗജന്യ ബ്യൂട്ടീഷ്യന്‍ പരിശീലനം ആരംഭിക്കുന്നു .പ്രായപരിധി 18-50.  ഫോണ്‍ : 04682992293, 04682270243.

പട്ടികജാതി വകുപ്പിന്റെ കീഴിലുള്ള പന്തളം സര്‍ക്കാര്‍ ഐടിഐയില്‍ പ്ലമര്‍ (ഒരു വര്‍ഷം) ട്രേഡിലേക്ക് പട്ടികജാതി/ പട്ടികവര്‍ഗ വിഭാഗത്തില്‍ സീറ്റ് ഒഴിവ്. എസ്എസ്എല്‍സി, ടിസി, ആധാര്‍ സഹിതം ഐടിഐയില്‍ ഹാജരാകണം. പ്രവേശനം ലഭിക്കുന്നവര്‍ക്ക് ഉച്ചഭക്ഷണം, സ്റ്റൈപെന്റ്, ലമ്പ്‌സം ഗ്രാന്റ്, യൂണിഫോം അലവന്‍സ്, മറ്റ് ആനുകൂല്യങ്ങള്‍ എന്നിവ ലഭിക്കും. ഫോണ്‍: 9446444042.

കോഴഞ്ചേരിയില്‍ പ്രവര്‍ത്തിക്കുന്ന ഹാന്‍ഡെക്‌സ് ഷോറൂമില്‍ ഓണത്തോടനുബന്ധിച്ച് കൈത്തറിതുണികള്‍ക്ക് 20 മുതല്‍ 50 ശതമാനം വിലക്കിഴിവ്. പരമ്പരാഗത നെയ്ത്തു തൊഴിലാളികളുടെ കരവിരുതും വൈദഗ്ധ്യം കൊണ്ടും തറിയില്‍ കോട്ടണ്‍ നൂലില്‍ നെയ്‌തെടുത്ത പാര്‍ശ്വഫലങ്ങളില്ലാത്ത ബാലരാമപുരം ഡബിള്‍, കസവ്, ഒറ്റമുണ്ട്, കാവി, ചെക്ക്‌കൈലി, കസവ്, കാസര്‍ഗോഡ്, കുത്താംപുള്ളി സാരി, സെറ്റുമുണ്ട്, കണ്ണൂര്‍ സാറ്റിന്‍ ബെഡ്ഷീറ്റ്, കോട്ടണ്‍ ഷീറ്റ്, ഷര്‍ട്ട്, റെഡിമെയ്ഡ്, ലിനന്‍ ഷര്‍ട്ട് തുടങ്ങി വിപുലമായ ശേഖരമൊരുക്കിയിട്ടുണ്ട്. എല്ലാ അവധി ദിവസങ്ങളിലും ഞായറാഴ്ചയും ഷോറൂം തുറന്നു പ്രവര്‍ത്തിക്കും. ഫോണ്‍: 0468 2311744, 8590365957

കണ്‍സ്യുമര്‍ഫെഡിന്റെ നേതൃത്വത്തില്‍ സംഘടിപ്പിക്കുന്ന ഓണം സഹകരണ വിപണിയുടെ ജില്ലാതല ഉദ്ഘാടനം കൈപ്പട്ടൂര്‍ സര്‍വീസ് സഹകരണ ബാങ്ക് ഹെഡ് ഓഫീസില്‍ അഡ്വ. കെ യു ജനീഷ് കുമാര്‍ എംഎല്‍എ നിര്‍വഹിച്ചു. ആദ്യ വില്‍പന വള്ളിക്കോട് ഗ്രാമപഞ്ചായത്ത് പ്രസിഡന്റ് ആര്‍. മോഹനന്‍ നായര്‍ നടത്തി. ബാങ്ക് പ്രസിഡന്റ് പ്രസാദ് മാത്യു അധ്യക്ഷനായി. കണ്‍സ്യുമര്‍ഫെഡ് എക്‌സിക്യൂട്ടീവ് അംഗം ജി. അജയന്‍ മുഖ്യപ്രഭാഷണം നടത്തി.

ലീഗല്‍ മെട്രോളജി വകുപ്പ് ഓണത്തോടനുബന്ധിച്ചു ഓഗസ്റ്റ് 30 മുതല്‍ മിന്നല്‍ പരിശോധന ആരംഭിക്കും. ഉപഭോക്തൃ സംരക്ഷണം ഉറപ്പുവരുത്തുന്നതിനും വ്യാപാരോത്സവങ്ങളില്‍ പൊതുജനങ്ങള്‍ വഞ്ചിക്കപ്പെടാതിരിക്കാനുമാണ് മിന്നല്‍പരിശോധന. ജില്ലയിലെ വിവിധ വ്യാപാര സ്ഥാപനങ്ങളില്‍ സ്‌ക്വാഡ് പരിശോധന നടത്തും.

അടൂര്‍ നിയോജകമണ്ഡലത്തിലെ ഓണച്ചന്തയുടെ ഉദ്ഘാടനം ഓഗസ്റ്റ് 31 ന് രാവിലെ 9.30 ന് അടൂര്‍ സെന്‍ട്രലില്‍ പ്രവര്‍ത്തിക്കുന്ന സപ്ലൈകോ പീപ്പിള്‍സ് ബസാറില്‍ നിയമസഭാ ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ നിര്‍വഹിക്കും. അടൂര്‍ നഗരസഭ അധ്യക്ഷന്‍ കെ. മഹേഷ്‌കുമാര്‍ അധ്യക്ഷനാകും.  പറക്കോട് ബ്ലോക്ക് പഞ്ചായത്ത് പ്രസിഡന്റ് എം.പി മണിയമ്മ ആദ്യവില്‍പന നടത്തും. ഓണത്തോടനുബന്ധിച്ച് സപ്ലൈകോയുടെ സഞ്ചരിക്കുന്ന ഓണച്ചന്ത ഓഗസ്റ്റ് 29നും 30നും അടൂര്‍ താലൂക്കിന്റെ വിവിധ ഭാഗങ്ങളില്‍ പര്യടനം നടത്തും.
 

സപ്ലൈകോ ഔട്ട്‌ലൈറ്റുകള്‍ ഇല്ലാത്ത ജനവാസ കേന്ദ്രങ്ങളില്‍ ഓണത്തോടനുബന്ധിച്ച് സഞ്ചരിക്കുന്ന ഓണച്ചന്ത ഓഗസ്റ്റ് 29 മുതല്‍ നാല് വരെ അടൂര്‍, തിരുവല്ല, റാന്നി നിയോജകമണ്ഡലങ്ങളില്‍ പര്യടനം നടത്തും.

മണ്ഡലം, തീയതി, സ്ഥലം, സമയം എന്ന ക്രമത്തില്‍
അടൂര്‍- ഓഗസ്റ്റ് 29-മണക്കാല (രാവിലെ 9.30-10.15), പാറക്കൂട്ടം (രാവിലെ 10.30-11.30), പുത്തന്‍ചന്ത (രാവിലെ 11.45-12.45), മന്നം ആയുര്‍വേദ കോളജ് (ഉച്ചയ്ക്ക് 1.30- 2.30), ചേരിക്കല്‍ (വൈകിട്ട് 2.45-4), അര്‍ത്തിമുക്ക് (വൈകിട്ട് 4.15- 5.15), മങ്ങാരം (വൈകിട്ട് 5.30-6.30)

മരട് നഗരസഭയുടേയും കൃഷിഭവന്റയും സംയുക്താഭിമുഖ്യത്തിൽ മാലിന്യക്കൂമ്പാരം നിറഞ്ഞ സ്ഥലം വൃത്തിയാക്കി പച്ചക്കറി കൃഷി ആരംഭിച്ചു. നഗരസഭാ ചെയർപേഴ്സൺ ആന്റണി ആശാംപറമ്പിൽ ചടങ്ങ് ഉദ്ഘാടനം ചെയ്തു. വെണ്ട, പാവൽ, വഴുതന, തക്കാളി, പയർ എന്നിവയാണ് കൃഷി ചെയ്യുന്നത്.

 വൈസ് ചെയർപേഴ്സൺ അഡ്വ രശ്മി സനിൽ അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ റിയാസ് കെ മുഹമ്മദ്, ശോഭ ചന്ദ്രൻ, ബേബി പോൾ, റിനി തോമസ്, കൗൺസിലർമാരായ ചന്ദ്രകലാധരൻ, പി.ഡി. രാജേഷ്, ടി.എം അബ്ബാസ്, മിനി ഷാജി, ജയ ജോസഫ് , പത്മപ്രിയ വിനോദ്, കൃഷി ഓഫീസർ അഞ്ജലി ഭദ്ര ,ആസൂത്രണ സമിതി ഉപാധ്യക്ഷൻ പി.പി സന്തോഷ് തുടങ്ങിയവർ പങ്കെടുത്തു.