കേരള സർക്കാർ എ.എ.വൈ റേഷൻ കാർഡ് ഉടമകൾക്കും ക്ഷേമ സ്ഥാപനങ്ങളിലെ അന്തേവാസികൾക്കും നൽകുന്ന സൗജന്യ ഓണക്കിറ്റ് വിതരണത്തിന്റെ സംസ്ഥാനതല ഉദ്ഘാടനം ആഗസ്റ്റ് 26 രാവിലെ 9.30 ന് തിരുവനന്തപുരം ജില്ലാ പഞ്ചായത്ത് ഹാളിൽ ഭക്ഷ്യ പൊതുവിതരണ വകുപ്പ് മന്ത്രി ജി.ആർ.അനിൽ നിർവഹിക്കും. വി.കെ. പ്രശാന്ത് എം.എൽ.എ അദ്ധ്യക്ഷത വഹിക്കും.

ജലമാണ് ജീവൻ' - ക്യാമ്പയിന്‍ ആരംഭിക്കും*

അമീബിക്ക് മസ്തിഷ്ക ജ്വരം കൂടുതലായി റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ പ്രതിരോധ പ്രവര്‍ത്തനങ്ങള്‍ ശക്തമാക്കാന്‍ തദ്ദേശസ്വയം ഭരണ സ്ഥാപനാധികാരികളോട് അഭ്യര്‍ത്ഥിച്ച് മുഖ്യമന്ത്രി പിണറായി വിജയന്‍. ജലജന്യരോഗങ്ങളെ പ്രതിരോധിക്കുന്നതിന് "ജലമാണ് ജീവൻ' ക്യാമ്പയിന് രൂപം നൽകാൻ സംസ്ഥാന സർക്കാർ തീരുമാനിച്ചിട്ടുണ്ട്. ആരോഗ്യവകുപ്പ്, തദ്ദേശ സ്വയംഭരണ വകുപ്പ്, പൊതുവിദ്യാഭ്യാസ വകുപ്പ്, ഹരിതകേരളം മിഷൻ തുടങ്ങിയവര്‍ ഉൾപ്പെടുന്നതാണ് ഈ പരിപാടി. 

രാജ്യത്ത് ആദ്യമായി ഒരു സംസ്ഥാനത്തിൻ്റെ നേതൃത്വത്തിൽ ദേശീയ സാംസ്കാരിക സമ്മേളനം സംഘടിപ്പിക്കാനൊരുങ്ങി കേരളം. ഇന്ത്യൻ കൾച്ചറൽ കോൺഗ്രസ് എന്ന പേരിൽ സാംസ്കാരിക സമ്മേളനം ഡിസംബറിലോ ജനുവരിയിലോ നടത്തുമെന്ന് സാംസ്കാരിക വകുപ്പ് മന്ത്രി സജി ചെറിയാൻ അറിയിച്ചു. എറണാകുളം ടൗൺ ഹാളിൽ സംഘാടക സമിതി രൂപീകരണ യോഗത്തിൻ്റെ ഉദ്ഘാടനം നിർവഹിക്കുകയായിരുന്നു അദ്ദേഹം.

രാജ്യത്തിന്റെ ജനാധിപത്യവും മതേതരത്വവും വെല്ലുവിളികളെ നേരിടുന്ന കാലഘട്ടത്തിൽ സാംസ്കാരിക മേഖലയിലൂടെ മതനിരപേക്ഷതയെ ഉയർത്തിക്കൊണ്ടുവരാനുള്ള പ്രവർത്തനങ്ങളാണ് പരിപാടിയിലൂടെ ഉദ്ദേശിക്കുന്നത്. ഈ ലക്ഷ്യം മുൻനിർത്തിയാണ് സർക്കാർ പ്രവർത്തിക്കുന്നതും.

കേരള മീഡിയ അക്കാദമി സെക്രട്ടറിയായി അരുൺ എസ്. എസ്. ചുമതലയേറ്റു. 

ഐ& പി.ആർ.ഡിയിൽ ഡെപ്യൂട്ടി ഡയറക്ടറാണ്. തിരുവനന്തപുരം, കൊല്ലം ജില്ലാ ഇൻഫർമേഷൻ ഓഫീസർ, ഡൽഹി കേരള ഹൗസിൽ ഇൻഫർമേഷൻ ഓഫീസർ എന്നിവ കൂടാതെ സെക്രട്ടേറിയറ്റിൽ വകുപ്പിന്റെ വിവിധ തസ്തികകളിലും സേവനമനുഷ്ഠിച്ചിട്ടുണ്ട്. തിരുവനന്തപുരം പാച്ചല്ലൂർ ആണ് സ്വദേശം.

സി.ഐ.ഐ. കേരള എജ്യുക്കേഷൻ കോൺക്ലേവ് 2025 

കേരളത്തെ പുതിയ വിജ്ഞാന സമൂഹമാക്കി മാറ്റുന്നതിനും യുവജനങ്ങൾക്ക് കൂടുതൽ തൊഴിലവസരങ്ങൾ സൃഷ്ടിക്കുന്നതിനും സർക്കാർ പ്രതിജ്ഞാബദ്ധരാണെന്ന് ഉന്നത വിദ്യാഭ്യാസ വകുപ്പ് മന്ത്രി ആർ. ബിന്ദു പറഞ്ഞു. കോൺഫെഡറേഷൻ ഓഫ് ഇന്ത്യൻ ഇൻഡസ്ട്രി (സി.ഐ.ഐ) കേരള എജ്യുക്കേഷൻ കോൺക്ലേവ് 2025 ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

കേരള - കർണാടക - ലക്ഷദ്വീപ് തീരങ്ങളിൽ 26/08/2025 മുതൽ 28/08/2025 വരെ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.*

*26/08/2025 മുതൽ 28/08/2025 വരെ*: കേരള - കർണാടക - ലക്ഷദ്വീപ് തീരങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.

*പ്രത്യേക ജാഗ്രത നിർദേശം*

മണിമലക്കുന്ന് ഗവ. കോളേജിൽ സ്പോർട്സ് കോംപ്ലക്സ്, മൾട്ടി ജിം, യോഗ സെന്റർ

കേരളത്തിലെ ഉന്നത വിദ്യാഭ്യാസ മേഖലയിൽ കഴിഞ്ഞ നാല് വർഷത്തിനിടെ അടിസ്ഥാന സ്വകാര്യ വിപുലികരണത്തിൽ വലിയ നേട്ടം കൈവരിക്കാൻ സാധിച്ചിട്ടുണ്ടെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ. ആർ ബിന്ദു പറഞ്ഞു. കൂത്താട്ടുകുളം മണിമലക്കുന്ന് ടി എം ജേക്കബ് മെമ്മോറിയൽ ഗവ. കോളേജിൽ സ്പോർട്സ് കോംപ്ലക്സ്, മൾട്ടി ജിം, യോഗ സെന്റർ എന്നിവയുടെ ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി.

സപ്ലൈകോ ശബരി ബ്രാൻഡിലെ വെളിച്ചെണ്ണയ്ക്ക് ലിറ്ററിന് സബ്സിഡി നിരക്കിൽ 339 രൂപയായും സബ്സിഡി ഇതര നിരക്കിൽ 389 രൂപയായും ഇന്നുമുതൽ സപ്ലൈകോ വില്പനശാലകളിൽ ലഭിക്കും. സബ്സിഡിയിതര നിരക്കിൽ ഉള്ള വെളിച്ചെണ്ണ ഉപഭോക്താവിന് ആവശ്യം പോലെ വാങ്ങാം. നേരത്തെ ശബരി വെളിച്ചെണ്ണയുടെ വില സബ്സിഡി നിരക്കിൽ 349 രൂപയും സബ്സിഡി ഇതര നിരക്കിൽ 429 രൂപയും ആയിരുന്നു.

എംഎൽഎ വലയെറിഞ്ഞപ്പോൾ കുടുങ്ങിയത് പിടപിടയ്ക്കുന്ന മുഴുത്ത തിരുതയും കരിമീനും. 

സംസ്ഥാന ഫിഷറീസ് വകുപ്പ് നടത്തിയ പി എം എസ് എസ് വൈ ഓരുജല സമ്മിശ്ര മത്സ്യ കൃഷിയുടെ വിളവെടുപ്പ് ഉത്സവം ഉദ്ഘാടനം ചെയ്യുകയായിരുന്നു കെ എൻ ഉണ്ണിക്കൃഷ്ണൻ എം. എൽ. എ. 

കടമക്കുടി കല്ലുവീട്ടിൽ സെലിൻ ജോണിൻ്റെ കെട്ടിലായിരുന്നു വിളവെടുപ്പ്. 

വൻതോതിൽ സ്വയം തൊഴിലിന് അവസരമൊരുക്കുന്നതാണ് ഫിഷറീസ് വകുപ്പിൻ്റെ പദ്ധതിയെന്നു എം എൽ എ പറഞ്ഞു. നിശ്ചയദാർഢ്യം കൈമുതലാക്കി സമ്പൂർണ സമർപ്പണത്തോടെ മത്സൃക്കൃഷിയിൽ ഉജ്ജ്വല മാതൃകയായ സെലിൻ ജോണിനെ എംഎൽഎ അഭിനന്ദിച്ചു. 

29 സ്കൂൾ വാഹനങ്ങൾ

*33 സ്വകാര്യ ബസുകൾ

എറണാകുളം എൻഫോഴ്‌സ്‌മെൻ്റ് ആർ.ടി.ഒയുടെ നിർദ്ദേശപ്രകാരം മോട്ടോർ വാഹന വകുപ്പ് അങ്കമാലിയിൽ നടത്തിയ പരിശോധനയിൽ സ്കൂൾ ബസുകളും സ്വകാര്യ ബസ്സുകളുമടക്കം 62 വാഹനങ്ങൾക്കെതിരെ നടപടിയെടുത്തു. 29 സ്കൂൾ വാഹനങ്ങൾക്കും 33 സ്വകാര്യ ബസ്സുകൾക്കും എതിരെയാണ് നടപടി.

അങ്കമാലി-ആലുവ, അങ്കമാലി- ചാലക്കുടി, അങ്കമാലി -പെരുമ്പാവൂർ, അങ്കമാലി - പറവൂർ തുടങ്ങിയ റൂട്ടുകളിലാണ് പരിശോധന നടന്നത്.