വനിതാ ശിശുവികസന വകുപ്പിന് കീഴിലുള്ള പള്ളുരുത്തി ഐസിഡിഎസ്‌ പ്രോജക്ടിലെ ഔദ്യോഗിക ആവശ്യങ്ങൾക്ക് ഉപയോഗിക്കുന്നതിനായി കരാറടിസ്ഥാനത്തിൽ ഒരു കാർ/ജീപ്പ് വാടകയ്ക്ക് ഓടിക്കുന്നതിന് താൽപര്യമുള്ള വാഹന ഉടമകളിൽ നിന്നും ടെൻഡറുകൾ ക്ഷണിക്കുന്നു. സെപ്റ്റംബർ 9 വൈകിട്ട് മൂന്ന് വരെ ടെൻഡറുകൾ സമർപ്പിക്കാം.

ശിശുവികസന പദ്ധതി ഓഫീസർ, പള്ളുരുത്തി എന്ന വിലാസത്തിലാണ് ടെൻഡർ സമർപ്പിക്കേണ്ടത്. കൂടുതൽ വിവരങ്ങൾ പള്ളുരുത്തി ബ്ലോക്ക് പഞ്ചായത്ത് കെട്ടിടത്തിൽ പ്രവർത്തിക്കുന്ന ഐസിഡിഎസ് പ്രോജക്ട് ഓഫീസിൽ നിന്നും പ്രവൃത്തി ദിവസങ്ങളിൽ സമയത്ത് ലഭിക്കുന്നതാണ്. ഫോൺ:0484-2237276,9188959733

റസിഡന്റ്സ് - ഫ്ലാറ്റ് അസോസിയേഷൻ പ്രതിനിധികളുടെ യോഗം ചേർന്നു

വരുന്ന നിയമസഭാ തെരഞ്ഞെടുപ്പിൽ പരമാവധി പേരെ തിരഞ്ഞെടുപ്പ് പ്രക്രിയയുടെ ഭാഗമാക്കുന്നതിന് റസിഡന്റ്സ് അസോസിയേഷൻ പ്രതിനിധികളുടെയും ഫ്ലാറ്റ് അസോസിയേഷൻ പ്രതിനിധികളുടെയും യോഗം ചേർന്നു. ജില്ലാ കളക്ടർ ജി. പ്രിയങ്കയുടെ നേതൃത്വത്തിൽ ഓൺലൈനായാണ് യോഗം നടന്നത്.

ജനാധിപത്യത്തിന്റെ ഉത്സവമാണ് തിരഞ്ഞെടുപ്പുകൾ എന്നും അതിനാൽ ആരും വോട്ടിംഗിൽ നിന്ന് വിട്ട് നിൽക്കരുതെന്നും ജില്ലാ കളക്ടർ പറഞ്ഞു. 

 * മന്ത്രി പി രാജീവ് നേതൃത്വം നൽകി 

മണ്ണിൽ പൊന്നുവിളയിച്ച കർഷകരുടെ അധ്വാനത്തിന്റേയും കാർഷിക സംസ്കൃതിയുടെയും ആഘോഷമാക്കി കളമശ്ശേരിയിലെ വിളവെടുപ്പ് ഉത്സവം.

 കളമശ്ശേരി കാർഷികോത്സവത്തിന് മുന്നോടിയായി മന്ത്രി പി രാജീവിന്റെ നേതൃത്വത്തിൽ മണ്ഡലത്തിലെ വിവിധ കൃഷിയിടങ്ങളിൽ തിങ്കളാഴ്ച രാവിലെ മുതൽ വിളവെടുപ്പ് നടന്നു.

സാങ്കേതിക കാരണങ്ങളാല്‍ 2025 ആഗസ്റ്റ് 27 ന് (ബുധനാഴ്ച) നോര്‍ക്ക റൂട്ട്‌സിന്റെ എറണാകുളം സര്‍ട്ടിഫിക്കറ്റ് ഒതന്റിക്കേഷന്‍ സെന്ററില്‍ അറ്റസ്റ്റേഷന്‍ സേവനം ഉണ്ടായിരിക്കുന്നതല്ലെന്ന് സെന്റര്‍ മാനേജര്‍ അറിയിച്ചു. കൂടുതൽ വിവരങ്ങൾക്കായി 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്) ലോ ബന്ധപ്പെടാവുന്നതാണ്.

സപ്ലൈകോ എറണാകുളം ജില്ല ഓണം ഫെയറിന്റെ ഉദ്ഘാടനം ഓഗസ്റ്റ് 26 രാവിലെ 10. 30 ന് വ്യവസായ മന്ത്രി പി രാജീവ് കലൂർ ജവഹർലാൽ നെഹ്റു ഇൻറർനാഷണൽ സ്റ്റേഡിയം ഹെലിപാഡ് ഗ്രൗണ്ടിൽ നിർവഹിക്കും. ഉമ തോമസ് എംഎൽഎ അധ്യക്ഷ ആകുന്ന ചടങ്ങിൽ നഗരസഭ മേയർ അഡ്വ. എം അനിൽകുമാർ ആദ്യ വില്പന നടത്തും. ഹൈബി ഈഡൻ എംപി മുഖ്യപ്രഭാഷണം നിർവഹിക്കും.

ഇടക്കൊച്ചി അക്വിനാസ് കോളേജിൽ ഹരിതകേരള മിഷന്റെ ആഭിമുഖ്യത്തിൽ സംഘടിപ്പിച്ച ഹരിതകലാലയ സർട്ടിഫിക്കറ്റ് വിതരണവും, പച്ചത്തുരുത്ത്, ഒരു തൈ നടാം – ജനകീയ വൃക്ഷവൽക്കരണ ക്യാമ്പയിൻ– "ചങ്ങാതിക്കൊരു തൈ" പദ്ധതിയും നടന്നു.

കുട്ടികളിൽ പരിസ്ഥിതി അവബോധം സൃഷ്ടിക്കുന്നതിനും സൗഹൃദത്തിലൂടെ പരിസ്ഥിതി സംരക്ഷണം ഉറപ്പാക്കുന്നതിനും ‘ചങ്ങാതിക്ക് ഒരു തൈ’ ഇരുന്നൂറോളം കുട്ടികൾ വൃക്ഷത്തൈകൾ കൈമാറി. തുടർന്ന് കൊച്ചി നഗരസഭയിൽ നിന്ന് ലഭ്യമായ വിവിധ ഇനത്തിൽപ്പെട്ട 40 ഫലവൃക്ഷങ്ങൾ കോളേജ് അങ്കണത്തിൽ നട്ടുകൊണ്ട് പച്ചത്തുരുത്ത് ഒരുക്കി.

ജില്ലയിലെ വ്യവസായ സംരംഭകരുടെ പ്രശ്നങ്ങൾ പരിഹരിക്കുന്നതിനും സംരംഭകർക്ക് സമയബന്ധിതമായി അനുമതികൾ ലഭ്യമാക്കുന്നതിനുമായി ജില്ലാ ഏകജാലക ക്ലിയറൻസ് ബോർഡ്, ജില്ലാതല പരാതി പരിഹാര സമിതി, സ്വകാര്യ വ്യവസായ എസ്റ്റേറ്റ് ഏകജാലക ക്ലിയറൻസ് ബോർഡ് എന്നിവയുടെ സംയുക്ത യോഗം ചേർന്നു.

ജില്ലാ കളക്ടർ ജി.പ്രിയങ്ക ചെയർമാനായും ജില്ലാ വ്യവസായ കേന്ദ്രം ജനറൽ മാനേജർ പി.എ നജീബ് കൺവീനറുമായ ഏകജാലക ക്ലിയറൻസ് ബോർഡ് യോഗത്തിൽ ആകെ 22 അപേക്ഷകൾ പരിഗണിച്ചു. അതിൽ 16 അപേക്ഷകൾ തീർപ്പാക്കി. അധിക രേഖകൾ ആവശ്യമുള്ളതും തുടർനടപടികൾ സ്വീകരിക്കേണ്ടതുമായ 6 അപേക്ഷകൾ അടുത്ത കമ്മിറ്റിയിൽ പരിഗണിക്കും.

ഡിജിറ്റല്‍ ഗവര്‍ണന്‍സില്‍ ജനങ്ങള്‍ നേരിടുന്ന വിഷമതകള്‍ പരിഹരിച്ച് സര്‍ക്കാര്‍ സേവനങ്ങള്‍ വേഗതയിലും സൗകര്യപ്രദമായും നല്‍കാന്‍ നമ്മുടെ കേരളം ഡിജിറ്റല്‍ കേരള ഇനീഷ്യേറ്റീവ് വരുന്നു. പദ്ധതി നടപ്പാക്കുന്നതിന്‍റെ ഭാഗമായി പ്രാഥമികയോഗം മുഖ്യമന്ത്രി പിണറായി വിജയന്‍റെ അധ്യക്ഷതയില്‍ ചേര്‍ന്നു. എല്ലാ സേവനങ്ങളും പൗരകേന്ദ്രീകൃതമാക്കുകയാണ് പദ്ധതിയുടെ പ്രധാന ലക്ഷ്യം.

വിപണിയിൽ ലഭ്യമാകുന്ന പാലിൻ്റെ ഗുണമേന്മ പാലിൻ്റെ സമ്പുഷ്‌ടത, മായം ചേർക്കൽ നിരോധന നിയമം എന്നിവയെകുറിച്ച് ബോധവൽക്കരണം നൽകുന്നതിന്റെ ഭാഗമായി ക്ഷീര വികസന വകുപ്പ് ഗുണനിയന്ത്രണ വിഭാഗത്തിന്റെ ആഭിമുഖ്യത്തിൽ ചിറ്റേത്തുകര ക്ഷീര സംഘത്തിൻ്റെ സഹകരണത്തോടെ ഉപഭോക്തൃ മുഖാമുഖം പരിപാടി സംഘടിപ്പുക്കുന്നു. ഇന്ന് (ആഗസ്റ്റ് 26 ) ഉച്ചയ്ക്ക് 2 ന് കാക്കനാട് ജില്ലാ പഞ്ചായത്ത് ഇ.എം.എസ്. ഹാളിൽ നടക്കുന്ന ചടങ്ങ് ജില്ലാ പഞ്ചായത്ത് പ്രസിഡന്റ്‌ മനോജ്‌ മൂത്തേടൻ ഉദ്ഘാടനം ചെയ്യും. 

ശുചിത്വ മിഷന്റെയും തൃക്കാക്കര നഗരസഭയുടെയും നേതൃത്വത്തിൽ കാക്കനാട് സിവിൽ സ്റ്റേഷനിൽ ഇ- മാലിന്യ ശേഖരണ ഡ്രൈവ് സംഘടിപ്പിച്ചു. ഡ്രൈവിന്റെ ഭാഗമായി സിവിൽ സ്റ്റേഷനിലെ വിവിധ ഓഫീസുകളിൽ നിന്നും 3000 കിലോ ഗ്രാം ഇ- മാലിന്യങ്ങൾ ശേഖരിച്ച് ക്ലീൻ കേരള കമ്പനിക്ക് കൈമാറി. മാലിന്യ നീക്കത്തിന്റെ ഫ്ലാഗ് ഓഫ് ജില്ലാ കളക്ടർ ജി. പ്രിയങ്ക നിർവഹിച്ചു.

കമ്പ്യൂട്ടറുകൾ, പ്രിന്ററുകൾ, ടെലിവിഷനുകൾ, മൊബൈൽ ഫോണുകൾ, ബാറ്ററികൾ തുടങ്ങി വിവിധ ഇലക്ട്രോണിക് ഉപകരണങ്ങൾ ഓഫീസ് മേധാവികളുടെ ശിപാർശ കത്ത് സഹിതമാണ് ശേഖരിച്ചത്. ഇവ ക്ലീൻ കേരള കമ്പനി മുഖേന ശാസ്ത്രീയമായി സംസ്കരിക്കും.