ജില്ലയിലെ അഭ്യസ്തവിദ്യരായ തൊഴിലന്വേഷകർക്ക് മികച്ച തൊഴിലവസരങ്ങൾ കണ്ടെത്തുന്നതിനും, നൂതന തൊഴിൽ സാധ്യതകളും നൈപുണ്യ സാധ്യതകളും മനസിലാക്കുന്നതിനായി വെള്ളിയാഴ്ച (നവംബർ എട്ട്) രാവിലെ 10 മണി മുതൽ കോട്ടയം ഇന്ദ്രപ്രസ്ഥ കോഫറൻസ് ഹാളിൽ വച്ച് ജില്ലാതല തൊഴിൽ ദാതാക്കളുടെ സംഗമം - 'സി.എക്‌സ്.ഒ. മേള 2024' സംഘടിപ്പിക്കുന്നു. കുടുംബശ്രീ ജില്ലാമിഷൻ മുഖേന നടപ്പാക്കുന്ന തൊഴിൽദായക പദ്ധതി ഡിഡിയുജികെവൈയും കേരള നോളജ് ഇക്കോണമി മിഷനും സംയുക്തമായാണ് പരിപാടി സംഘടിപ്പിക്കുന്നത്. ജില്ലാ പഞ്ചായത്ത് പ്രസിഡന്റ്  കെ.വി. ബിന്ദു ഉദ്ഘാടനം ചെയ്യും. ജില്ല കളക്ടർ ജോൺ വി സാമുവൽ   മുഖ്യപ്രഭാഷണം നടത്തും.

ഭാഗ്യക്കുറി ക്ഷേമനിധി അംഗങ്ങളുടെ മക്കൾക്കുള്ള 2024 വർഷത്തിലെ സ്‌കോളർഷിപ്പിനുള്ള അപേക്ഷ കോട്ടയം ജില്ലാ ഭാഗ്യക്കുറി ക്ഷേമനിധി ഓഫീസിൽ സ്വീകരിക്കും. 2023ൽ 80 ശതമാനം മാർക്കോടെ എസ്.എസ്.എൽ.സി പാസായവർക്ക് റെഗുലർ ഹയർ സെക്കൻഡറി തല പഠനത്തിനോ മറ്റ് റെഗുലർ കോഴ്‌സുകളിൽ ഉപരിപഠനത്തിനോ ചേരുന്നവർക്കും റെഗുലർ പ്രൊഫഷണൽ കോഴ്‌സുകൾ, ബിരുദ/ബിരുദാനന്തര കോഴ്‌സുകൾ, ഡിപ്ലോമ കോഴ്‌സുകൾ എന്നിവയ്ക്ക് ഉപരിപഠനത്തിന് ചേരുന്നവർക്കുമാണ് അർഹത. കൂടുതൽ വിവരങ്ങൾക്ക് ജില്ലാ ഭാഗ്യക്കുറി ക്ഷേമനിധി ഓഫീസുമായി ബന്ധപ്പെടാം. ഫോൺ: -04812300390. 

ശാസ്ത്ര സാങ്കേതികമേഖലയിലെ നൂതന ആശയങ്ങൾ. പരീക്ഷണങ്ങൾ, കണ്ടുപിടിത്തങ്ങൾ എന്നിവ അവതരിപ്പിക്കാൻ യുവതിയുവാക്കൾക്ക് നെഹ്റു യുവകേന്ദ്രം സംഘടിപ്പിക്കുന്ന ജില്ലാതല യുവ ഉത്സവിൽ അവസരം. കലാ സാംസ്‌കാരിക മ ത്സരങ്ങൾക്കു പുറമേയാണ് ഇക്കൊല്ലം ശാസ്ത്രപ്രദർശനവും സംഘടിപ്പിക്കുന്നത്. വിവിധ സർക്കാർ വകുപ്പുകൾ, ഏജൻസികൾ എന്നിവ ഒരുക്കുന്ന സ്റ്റാളുകളും യുവ ഉത്സവിലുണ്ടാകും,

കേരള സർക്കാർ അംഗീകൃത, നോർക്ക റൂട്ട്‌സ് അറ്റസ്റ്റേഷന് യോഗ്യമായ, ആറു മാസം ദൈർഘ്യമുള്ള, സർട്ടിഫിക്കറ്റ് കോഴ്‌സ് ഇൻ ഡാറ്റ സയൻസ് ആൻഡ്  ആർട്ടിഫിഷ്യൽ ഇന്റലിജൻസ് കോഴ്സിലേക്ക് കെൽട്രോൺ അപേക്ഷ ക്ഷണിച്ചു. കൂടുതൽ വിവരങ്ങൾക്ക് കെൽട്രോൺ നോളജ് സെന്റർ മുനിസിപ്പൽ ഷോപ്പിംഗ് കോംപ്ലക്സ്, നാഗമ്പടം, കോട്ടയം 686001 എന്ന വിലാസത്തിലോ, 0481-2304031, 8078097943 എന്നീ നമ്പറുകളിലോ ബന്ധപ്പെടാം.

കോട്ടയം: കുമരകം ഗവ: ഹയർ സെക്കൻഡറി സ്‌കൂളിൽ എസ്.എസ്.കെയുടെ ആഭിമുഖ്യത്തിൽ ആരംഭിക്കുന്ന സ്‌കിൽ ഡെവലപ്്‌മെന്റ് സെന്ററിലെ ഫുഡ് ആൻഡ് ബീവറേജ് സർവീസ് അസോസിയേറ്റ് എന്ന കോഴ്‌സിന്റെ ആവിശ്യത്തിലേക്കായി അനുബന്ധ സാധനങ്ങൾ വാങ്ങുന്നതിനു അംഗീകൃത ഏജൻസികളിൽനിന്നു ദർഘാസുകൾ ക്ഷണിച്ചു. ദർഘാസുകൾ നവംബർ 15 ഉച്ചക്ക് ഒരുമണി വരെ സ്വീകരിക്കും. അന്നേദിവസം ഉകഴിഞ്ഞു മൂന്നിന് തുറക്കും. വിശദവിവരങ്ങൾക്ക് ഫോൺ: 9495334425, 9947807609.

കുമരകം ഗവ. ഹയർ സെക്കൻഡറി സ്‌കൂളിൽ എസ്.എസ്.കെയുടെ ആഭിമുഖ്യത്തിൽ ആരംഭിക്കുന്ന സ്‌കിൽ ഡെവലപ്്‌മെന്റ് കേന്ദ്രത്തിലെ ജിഎസ്ടി അസ്സിസ്റ്റന്റ് കോഴ്‌സിന് ആവശ്യമായ സോഫ്റ്റ്‌വേറും അനുബന്ധസേവനങ്ങളും ലഭ്യമാക്കുന്നതിന് ക്വട്ടേഷനുകൾ ക്ഷണിച്ചു. ക്വട്ടേഷനുകൾ നവംബർ 13 വരെ സ്വീകരിക്കും. കൂടുതൽ വിവരങ്ങൾക്ക് ഫോൺ: 0481 2525548. 

ജില്ലാ പഞ്ചായത്തിന്റെയും ഫിഷറീസ് വകുപ്പിന്റെയും ആഭിമുഖ്യത്തിൽ ജനകീയാസൂത്രണപദ്ധതി പ്രകാരം തിരുവാർപ്പ് ഗ്രാമപഞ്ചായത്തിലെ കുമ്മനം കടവിൽ കാർപ്പ് മത്സ്യകുഞ്ഞുങ്ങളെ നിക്ഷേപിച്ചു. ജില്ലാ പഞ്ചായത്ത് പ്രസിഡന്റ് കെ.വി ബിന്ദു മത്സ്യകുഞ്ഞുങ്ങളെ നിക്ഷേപിച്ചുകൊണ്ട് ചടങ്ങ് ഉദ്ഘാടനം ചെയ്തു.  തിരുവാർപ്പ് ഗ്രാമപഞ്ചായത്ത് പ്രസിഡന്റ് അജയൻ കെ മേനോൻ അദ്ധ്യക്ഷത വഹിച്ചു. ഫിഷറീസ് അസിസ്റ്റന്റ് ഡയറക്ടർ ഡോ.ജാസ്മിൻ.കെ.ജോസ്, ഫിഷറീസ് ഉദ്യോഗസ്ഥർ, മത്സ്യകർഷകർ എന്നിവർ പങ്കെടുത്തു.

കാർഷികസംരംഭക പ്രവർത്തനങ്ങൾ യുവതലമുറയ്ക്കു പരിചയപ്പെടുത്തുന്നതിനും സംരംഭക മേഖലയിലെ നൂതന സാങ്കേതികവിദ്യകളും സാധ്യതകളും കുടുംബശ്രീ സംരംഭകർക്ക് പ്രയോജനപ്പെടുത്തുന്നതിനുമായി കെ.എ. ബിസ്നെസ്റ്റ് എന്ന അഗ്രി ബിസിനിസ് ശൃംഖലയ്ക്കു കുടുംബശ്രീ തുടക്കം കുറിച്ചു.  ഇതിന്റെ ഭാഗമായി സംസ്ഥാനത്തെ വിവിധ കോളജുകളുമായി ചേർന്നു സംഘടിപ്പിക്കുന്ന പരിപാടികളുടെ ഭാഗമായി പാത്താമുട്ടം സെന്റ് ഗിറ്റ്സ് കോളജ് ഓഫ് എൻജിനീയറിങ്ങ് ഫുഡ് ടെക്നോളജി ഡിപ്പാർട്മെന്റുമായി ചേർന്നു കുടുംബശ്രീ ജില്ലാ മിഷൻ സെന്റ് ഗിറ്റ്‌സ് കോളജ് ക്യാമ്പസിൽ സംഘടിപ്പിച്ച  സംരംഭക മീറ്റും പ്രദർശനവും