ഇടക്കൊച്ചി അക്വിനാസ് കോളേജിൽ ഹരിതകേരള മിഷന്റെ ആഭിമുഖ്യത്തിൽ സംഘടിപ്പിച്ച ഹരിതകലാലയ സർട്ടിഫിക്കറ്റ് വിതരണവും, പച്ചത്തുരുത്ത്, ഒരു തൈ നടാം – ജനകീയ വൃക്ഷവൽക്കരണ ക്യാമ്പയിൻ– "ചങ്ങാതിക്കൊരു തൈ" പദ്ധതിയും നടന്നു.

കുട്ടികളിൽ പരിസ്ഥിതി അവബോധം സൃഷ്ടിക്കുന്നതിനും സൗഹൃദത്തിലൂടെ പരിസ്ഥിതി സംരക്ഷണം ഉറപ്പാക്കുന്നതിനും ‘ചങ്ങാതിക്ക് ഒരു തൈ’ ഇരുന്നൂറോളം കുട്ടികൾ വൃക്ഷത്തൈകൾ കൈമാറി. തുടർന്ന് കൊച്ചി നഗരസഭയിൽ നിന്ന് ലഭ്യമായ വിവിധ ഇനത്തിൽപ്പെട്ട 40 ഫലവൃക്ഷങ്ങൾ കോളേജ് അങ്കണത്തിൽ നട്ടുകൊണ്ട് പച്ചത്തുരുത്ത് ഒരുക്കി.

ജില്ലയിലെ വ്യവസായ സംരംഭകരുടെ പ്രശ്നങ്ങൾ പരിഹരിക്കുന്നതിനും സംരംഭകർക്ക് സമയബന്ധിതമായി അനുമതികൾ ലഭ്യമാക്കുന്നതിനുമായി ജില്ലാ ഏകജാലക ക്ലിയറൻസ് ബോർഡ്, ജില്ലാതല പരാതി പരിഹാര സമിതി, സ്വകാര്യ വ്യവസായ എസ്റ്റേറ്റ് ഏകജാലക ക്ലിയറൻസ് ബോർഡ് എന്നിവയുടെ സംയുക്ത യോഗം ചേർന്നു.

ജില്ലാ കളക്ടർ ജി.പ്രിയങ്ക ചെയർമാനായും ജില്ലാ വ്യവസായ കേന്ദ്രം ജനറൽ മാനേജർ പി.എ നജീബ് കൺവീനറുമായ ഏകജാലക ക്ലിയറൻസ് ബോർഡ് യോഗത്തിൽ ആകെ 22 അപേക്ഷകൾ പരിഗണിച്ചു. അതിൽ 16 അപേക്ഷകൾ തീർപ്പാക്കി. അധിക രേഖകൾ ആവശ്യമുള്ളതും തുടർനടപടികൾ സ്വീകരിക്കേണ്ടതുമായ 6 അപേക്ഷകൾ അടുത്ത കമ്മിറ്റിയിൽ പരിഗണിക്കും.

ഡിജിറ്റല്‍ ഗവര്‍ണന്‍സില്‍ ജനങ്ങള്‍ നേരിടുന്ന വിഷമതകള്‍ പരിഹരിച്ച് സര്‍ക്കാര്‍ സേവനങ്ങള്‍ വേഗതയിലും സൗകര്യപ്രദമായും നല്‍കാന്‍ നമ്മുടെ കേരളം ഡിജിറ്റല്‍ കേരള ഇനീഷ്യേറ്റീവ് വരുന്നു. പദ്ധതി നടപ്പാക്കുന്നതിന്‍റെ ഭാഗമായി പ്രാഥമികയോഗം മുഖ്യമന്ത്രി പിണറായി വിജയന്‍റെ അധ്യക്ഷതയില്‍ ചേര്‍ന്നു. എല്ലാ സേവനങ്ങളും പൗരകേന്ദ്രീകൃതമാക്കുകയാണ് പദ്ധതിയുടെ പ്രധാന ലക്ഷ്യം.

വിപണിയിൽ ലഭ്യമാകുന്ന പാലിൻ്റെ ഗുണമേന്മ പാലിൻ്റെ സമ്പുഷ്‌ടത, മായം ചേർക്കൽ നിരോധന നിയമം എന്നിവയെകുറിച്ച് ബോധവൽക്കരണം നൽകുന്നതിന്റെ ഭാഗമായി ക്ഷീര വികസന വകുപ്പ് ഗുണനിയന്ത്രണ വിഭാഗത്തിന്റെ ആഭിമുഖ്യത്തിൽ ചിറ്റേത്തുകര ക്ഷീര സംഘത്തിൻ്റെ സഹകരണത്തോടെ ഉപഭോക്തൃ മുഖാമുഖം പരിപാടി സംഘടിപ്പുക്കുന്നു. ഇന്ന് (ആഗസ്റ്റ് 26 ) ഉച്ചയ്ക്ക് 2 ന് കാക്കനാട് ജില്ലാ പഞ്ചായത്ത് ഇ.എം.എസ്. ഹാളിൽ നടക്കുന്ന ചടങ്ങ് ജില്ലാ പഞ്ചായത്ത് പ്രസിഡന്റ്‌ മനോജ്‌ മൂത്തേടൻ ഉദ്ഘാടനം ചെയ്യും. 

ശുചിത്വ മിഷന്റെയും തൃക്കാക്കര നഗരസഭയുടെയും നേതൃത്വത്തിൽ കാക്കനാട് സിവിൽ സ്റ്റേഷനിൽ ഇ- മാലിന്യ ശേഖരണ ഡ്രൈവ് സംഘടിപ്പിച്ചു. ഡ്രൈവിന്റെ ഭാഗമായി സിവിൽ സ്റ്റേഷനിലെ വിവിധ ഓഫീസുകളിൽ നിന്നും 3000 കിലോ ഗ്രാം ഇ- മാലിന്യങ്ങൾ ശേഖരിച്ച് ക്ലീൻ കേരള കമ്പനിക്ക് കൈമാറി. മാലിന്യ നീക്കത്തിന്റെ ഫ്ലാഗ് ഓഫ് ജില്ലാ കളക്ടർ ജി. പ്രിയങ്ക നിർവഹിച്ചു.

കമ്പ്യൂട്ടറുകൾ, പ്രിന്ററുകൾ, ടെലിവിഷനുകൾ, മൊബൈൽ ഫോണുകൾ, ബാറ്ററികൾ തുടങ്ങി വിവിധ ഇലക്ട്രോണിക് ഉപകരണങ്ങൾ ഓഫീസ് മേധാവികളുടെ ശിപാർശ കത്ത് സഹിതമാണ് ശേഖരിച്ചത്. ഇവ ക്ലീൻ കേരള കമ്പനി മുഖേന ശാസ്ത്രീയമായി സംസ്കരിക്കും.

കൊച്ചി മാതൃകയിൽ നടപ്പിലാക്കുന്ന വാട്ടര്‍മെട്രോ പദ്ധതി ഗോവയുടെ മുഖഛായ മാറ്റുമെന്ന് ഗോവ ജലഗതാഗത വകുപ്പ് മന്ത്രി സുഭാഷ് ദേശായി പറഞ്ഞു. 

വാട്ടര്‍ മെട്രോ പദ്ധതി നടപ്പാക്കുന്നതുസംബന്ധിച്ച ചര്‍ച്ചകള്‍ക്ക് കൊച്ചി മെട്രോ ആസ്ഥാനത്ത് എത്തിയതായിരുന്നു അദ്ദേഹം. 

  സപ്ലൈകോ ജില്ലാ ഓണം ഫെയര്‍ 2025 ആശ്രാമം മൈതാനത്ത് ഓഗസ്റ്റ് 26 മുതല്‍ സെപ്റ്റംബര്‍ നാല് വരെ നടത്തും.   ജില്ലാതല ഉദ്ഘാടനം   26ന് വൈകിട്ട് അഞ്ചിന്  ധനകാര്യ വകുപ്പ് മന്ത്രി കെ. എന്‍. ബാലഗോപാല്‍ നിര്‍വഹിക്കും. മൃഗസംരക്ഷണ- ക്ഷീരവികസന വകുപ്പ് മന്ത്രി ജെ. ചിഞ്ചുറാണി അധ്യക്ഷയാകും.  എന്‍.കെ പ്രേമചന്ദ്രന്‍ എം.പി മുഖ്യാതിഥിയാകും. മേയര്‍ ഹണി ബെഞ്ചമിന്‍ ആദ്യവില്പന നടത്തും. എം.എല്‍.എമാരായ എം. മുകേഷ്, എം. നൗഷാദ്,  ജില്ലാ പഞ്ചായത്ത് പ്രസിഡന്റ് ഡോ. പി.കെ. ഗോപന്‍, സപ്ലൈകോ മേഖലാ മാനേജര്‍ എസ്.ആര്‍ സ്മിത, ജില്ലാ സപ്ലൈ ഓഫീസര്‍ ജി.എസ്. ഗോപകുമാര്‍ തുടങ്ങിയവര്‍ പങ്കെടുക്കും.
 

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പില്‍ കൊല്ലം ജില്ലാ ഇന്‍ഫര്‍മേഷന്‍ ഓഫീസില്‍ പ്രിസം പാനലിലെ വിവിധ തസ്തികകളിലെ  ഒഴിവുകളിലേക്ക് ഇന്ന് (ഓഗസ്റ്റ് 26) വോക്ക് ഇന്‍ ഇന്റര്‍വ്യൂ നടത്തും. ജില്ലയില്‍ ഒരു സബ് എഡിറ്റര്‍, ഒരു കണ്ടന്റ് എഡിറ്റര്‍, രണ്ട്  ഇന്‍ഫര്‍മേഷന്‍ അസിസ്റ്റന്റുമാര്‍ എന്നിങ്ങനെയാണ് ഒഴിവുകള്‍.