ലോകത്താകെ ഉയ൪ന്നുവരുന്ന നൂതനാശയങ്ങളെ ഉത്പന്നങ്ങളും സേവനങ്ങളുമാക്കി എങ്ങനെ പരിണമിപ്പിക്കാം എന്ന് നിശ്ചയിക്കുന്നതിൽ മാനേജ്മെന്റ് വിദഗ്ധരുടെ ഇടപെടൽ അനിവാര്യമാണെന്ന് മുഖ്യമന്ത്രി പിണറായി വിജയ൯. കൊച്ചി ശാസ്ത്ര സാങ്കേതിക സ൪വകലാശാലയിലെ സ്കൂൾ ഓഫ് മാനേജ്മെന്റ് സ്റ്റഡീസിന്റെ വജ്രജൂബിലി ആഘോഷങ്ങളുടെ ഉദ്ഘാടനം നി൪വഹിക്കുകയായിരുന്നു മുഖ്യമന്ത്രി. 

സ്കൈ തൊഴിൽ മേള ഇന്ന് (ഒക്ടോ: 19 ന് )

വ്യവസായ മന്ത്രി പി രാജീവ്‌ കളമശ്ശേരി മണ്ഡലത്തിൽ നടപ്പാക്കുന്ന നൈപുണ്യ വികസന പദ്ധതി 'സ്കില്ലിംഗ് കളമശ്ശേരി യൂത്തിൻ്റെ ഭാഗമായി സംഘടിപ്പിക്കുന്ന തൊഴിൽ മേള ഒക്ടോ: 19 ശനിയാഴ്ച നടക്കും. കളമശ്ശേരി ഐ റ്റി ഐ കോളേജിൽ രാവിലെ 9 മണി മുതൽ നടക്കുന്ന തൊഴിൽ മേളയിൽ 50 ഓളം കമ്പനികൾ പങ്കെടുക്കും.  സ്കൈയുടെ നേതൃത്വത്തിൽ സംഘടിപ്പിക്കുന്ന മൂന്നാമത് തൊഴിൽ മേളയാണിത്.  

എറണാകുളം സർക്കാർ മെഡിക്കൽ കോളേജിൽ  750kv യുടെ പുതിയ ജനറേറ്റർ സ്ഥാപിച്ചു. അഞ്ചു മണിക്കൂർ  എടുത്താണ്  പുതിയ ജനറേറ്റർ സ്ഥാപിച്ചത്. ഡെപ്യൂട്ടി ചീഫ് എൻജിനീയർ സി പി ബോബൻ, DYCE, KSEB  കെ എസ് ഇ ബി എക്സിക്യൂട്ടീവ് എഞ്ചിനീയർ ജോളി റോസ്
,അസിസ്റ്റന്റ് എൻജിനീയർ കെ .കെ. ഗിരീഷ്,  പി ഡബ്ലുഡി എക്സിക്യൂട്ടീവ് എഞ്ചിനീയർ അജിത് കുമാർ, അസിസ്റ്റൻ്റ് എക്സിക്യൂട്ടീവ് എഞ്ചിനീയർ എം. കെ. പ്രകാശൻ, അസിസ്റ്റൻ്റ് എഞ്ചിനീയർ  അനീഷ്കുമാർ, മെഡിക്കൽ കോളേജ് പ്രോജക്ട് എ ഇ സുമിത്ത് എന്നിവരുടെ നേതൃത്വത്തിലാണ് പുതിയ ജനറേറ്റർ സ്ഥാപിച്ചത്.

കാസര്‍കോട് ജില്ലയില്‍ വിദ്യാഭ്യാസ വകുപ്പില്‍ ഹൈ സ്‌കൂള്‍ ടീച്ചര്‍ (നാച്ചുറല്‍ സയന്‍സ്) (കാറ്റഗറി നം 703/2023, ബൈ ട്രാന്‍സ്ഫര്‍ നിയമനം) ചുരുക്കപ്പട്ടിക ഒക്ടോബര്‍ 10 ന് കേരള പബ്ലിക് സര്‍വീസ് കമ്മീഷന്‍ പ്രസിദ്ധീകരിച്ചു.

കാസര്‍കോട് ജില്ലയില്‍   ആരോഗ്യ വകുപ്പില്‍ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഗ്രേഡ് II (കാറ്റഗറി നം 479/2023) റാങ്ക് ലിസ്റ്റ് ഒക്‌ടോബര്‍ 16 ന് കേരള പബ്ലിക് സര്‍വീസ് കമ്മീഷന്‍  പ്രസിദ്ധീകരിച്ചു.

ബോവിക്കാനം മുളിയാര്‍ സാമൂഹ്യ ആരോഗ്യ കേന്ദ്രത്തിലെ ഡയാലിസിസ് യൂണിറ്റിലേക്ക് നഴ്സിംഗ് ഓഫീസര്‍ തസ്തികയില്‍ താല്‍ക്കാലികമായി നിയമനം നടത്തുന്നു. പ്ലസ് ടു, ബി.എസ്.സി നഴ്സിംഗ്/, ജനറല്‍ നഴ്സിംഗ്, കേരള നഴ്്സിംഗ് കൗണ്‍സില്‍ രജിസ്‌ട്രേഷന്‍ സര്‍ട്ടിഫിക്കറ്റ് യോഗ്യതയുള്ളവര്‍ ഉദ്യോഗാര്‍ത്ഥികള്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം ഒക്ടോബര്‍ 31 ന് ഉച്ചക്ക് 12നകം chcmuliyar@gmail.com എന്ന ഇമെയിലിലോ തപാല്‍ മുഖേനയോ സമര്‍പ്പിക്കണം. വിലാസം- കാറഡുക്ക ബ്ലോക്ക് പഞ്ചായത്ത് കുടുംബാരോഗ്യ കേന്ദ്രം മുളിയാര്‍, ബോവിക്കാനം 671 542.

കാസര്‍കോട്  ബ്ലോക്ക് പഞ്ചായത്ത് എല്‍.ഐ.ഡി ആന്‍ഡ് ഇഡബ്ല്യു സബ് ഡിവിഷന്‍ കാസര്‍കോടിന്റെ വാര്‍ഷിക പദ്ധതിയില്‍ ഉള്‍പ്പെട്ട 15 പൊതുപരാമത്ത് പ്രവൃത്തികള്‍ നിശ്ചിത സമയ പരിധിക്കുള്ളില്‍ ഏറ്റെടുത്തു നടത്തുന്നതിന് അംഗീകൃത കരാറുകാരില്‍ നിന്ന് ദര്‍ഘാസുകള്‍ ക്ഷണിച്ചു. ഒക്ടോബര്‍ 26 നകം ഇ-ദര്‍ഘാസ് ഫോറങ്ങള്‍ ലഭിക്കണം. ഒക്ടോബര്‍ 28 ഉച്ചയക്ക് രണ്ടിന് ഇ-ദര്‍ഘാസ് തുറന്ന് പരിശോധിക്കും.

പരപ്പ ഐ.സി.ഡി.എസ് പ്രോജക്റ്റിലേക്ക് കരാര്‍ വ്യവസ്ഥയില്‍ ഓടുന്നതിന് ഏഴ് വര്‍ഷത്തില്‍ കൂടുതല്‍ പഴക്കമില്ലാത്ത ടാക്‌സി പെര്‍മിറ്റ് ഉള്ള വാഹനത്തിന് ടെണ്ടര്‍ ക്ഷണിച്ചു. വാഹനത്തിന്റെ ആര്‍.സി.ബുക്ക്, പെര്‍മിറ്റ്, ഇന്‍ഷൂറന്‍സ് തുടങ്ങിയ  രേഖകളുടെ സാക്ഷ്യപ്പെടുത്തിയ പകര്‍പ്പുകള്‍ ഹാജരാക്കേണ്ടതാണ്. ടെണ്ടര്‍ സ്വീകരിക്കുന്ന അവസാന ഒക്ടോബര്‍ 29 ഉച്ചയ്ക്ക് ഒന്ന്. വൈകീട്ട് മൂന്നിന് ടെണ്ടര്‍ തുറക്കും. ടെണ്ടര്‍ ഫോറം പരപ്പയില്‍ പ്രവര്‍ത്തിക്കുന്ന ഐ.സി.ഡി.എസ് ഓഫീസില്‍ നിന്നും ലഭിക്കും. ഫോണ്‍ 04672255161, 9495908514.

 ജില്ലാടൂറിസം പ്രമോഷന്‍ കൗണ്‍സിലിന്റെ തലപ്പാടി വഴിയോര വിശ്രമകേന്ദ്രം, ടേക്ക് എ ബ്രേക്ക് യൂണിറ്റുകള്‍ ഒരുമിച്ച് 'തലപ്പാടി വെല്‍ക്കം പ്ലാസ' എന്ന പേരില്‍ നിലവിലെ സ്ഥിതിയില്‍ നിബന്ധനകള്‍ക്ക് വിധേയമായി കരാര്‍ അടിസ്ഥാനത്തില്‍ മൂന്ന് വര്‍ഷത്തേക്ക് ഏറ്റെടുത്ത് നടത്തുന്നതിന് പരിചയ സമ്പന്നരായ സ്ഥാപനങ്ങളില്‍ നിന്നും വ്യക്തികളില്‍ നിന്നും പ്രൊപ്പോസലുകളും ക്വട്ടേഷനുകളും ക്ഷണിച്ചു. അപേക്ഷ ഫോറം ഒക്‌ടോബര്‍ നവംബര്‍ ഏഴ് വരെ ഡി.ടി.പി.സി ഓഫീസില്‍ ലഭിക്കും.