എടപ്പാള്‍ ഗവ. ഐ.ടി.ഐയില്‍ ഫാഷന്‍ ഡിസൈന്‍ ആന്‍ഡ് ടെക്‌നോളജി ട്രേഡില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ നടത്തുന്നു. ഓഗസ്റ്റ് 26 മുതല്‍ 30 വരെയാണ് അഡ്മിഷന്‍ നടക്കുക. അപേക്ഷകള്‍ എല്ലാ ദിവസവും ഉച്ചയ്ക്ക് 12.30 വരെ സ്വീകരിക്കും. പ്രവേശനം നേടാന്‍ ആഗ്രഹിക്കുന്നവര്‍ അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം നേരിട്ട് മാറഞ്ചേരി ഗവ. ഐ.ടി.ഐ ഓഫീസില്‍ അപേക്ഷ സമര്‍പ്പിക്കണം.
ഫോണ്‍: 9744489127

മഞ്ചേരി ഗവ. മെഡിക്കല്‍ കോളേജിലെ മൈക്രോബയോളജി വിഭാഗത്തിന് കീഴില്‍ പ്രവര്‍ത്തിക്കുന്ന വൈറോളജി ലാബിലേക്ക് സയിന്റിസ്റ്റ് ബി (മെഡിക്കല്‍) തസ്തികയിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നു.  യോഗ്യരായ ഉദ്യോഗാര്‍ത്ഥികള്‍ ഓഗസ്റ്റ് 29ന് രാവിലെ 10 ന് മെഡിക്കല്‍ കോളേജിലെ അക്കാഡമിക് ബ്ലോക്ക്  || ല്‍ ഒറിജിനല്‍ സര്‍ട്ടിഫിക്കറ്റുകള്‍ സഹിതം എത്തിച്ചേരണം.

കോട്ടക്കല്‍ നഗരസഭാ പരിധിയിൽ അങ്കണവാടി ഹെല്‍പ്പർ ഒഴിവുകളിലേക്ക് അപേക്ഷ ക്ഷണിച്ചു. 18 നും 46 ഇടയിലുള്ള പത്താം ക്ലാസ്സ് പാസാകാത്തവരായിരിക്കണം. നഗരസഭാ പരിധിയില്‍ സ്ഥിര താമസക്കാരായിരിക്കണം. അപേക്ഷയോടൊപ്പം വിദ്യാഭ്യാസ യോഗ്യത, വയസ്, ജാതി, സ്ഥിരതാമസം (കോട്ടക്കല്‍ നഗരസഭ സെക്രട്ടറി സക്ഷ്യപ്പെടുത്തിയ ആറു മാസത്തില്‍ കുറയാത്തത്) പ്രവൃത്തിപരിചയം എന്നിവ തെളിയിക്കുന്ന രേഖകളുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം സെപ്റ്റംബര്‍ 25 വരെ അപേക്ഷിക്കാം. ശിശുവികസന പദ്ധതി ഓഫീസര്‍, മലപ്പുറം റൂറല്‍, പൊന്മള പഞ്ചായത്ത് ഓഫീസിനു സമീപം, ചാപ്പനങ്ങാടി പി.ഒ. മലപ്പുറം ജില്ല, 676503 എന്ന വിലാസത്തില്‍ അപേക്ഷ ലഭിക്കണം.

ഓണത്തോടനുബന്ധിച്ച് കയര്‍ ഫെഡിൻ്റെ സഞ്ചരിക്കുന്ന ഓണവിപണനമേള ജില്ലയില്‍ നാളെ (ആഗസ്റ്റ് 26) മുതല്‍ തുടങ്ങും. ആഗസ്റ്റ് 26- പൊന്നാനി മിനി സിവില്‍ സ്റ്റേഷന്‍, 27, 28- തിരൂര്‍ മിനി സിവില്‍ സ്റ്റേഷന്‍, 29,30-കാലിക്കറ്റ് യൂണിവേഴ്‌സിറ്റി ബസ് സ്റ്റോപ്പ് എന്നിവിടങ്ങളില്‍ മേള ഉണ്ടാകും. ആഗസ്റ്റ് 27 മുതല്‍ സെപ്റ്റംബര്‍ 15 വരെ അരിയല്ലൂര്‍ സര്‍വീസ് സഹകരണ ബാങ്കിന്റെ ആഭിമുഖ്യത്തില്‍ ഹെഡ് ഓഫീസിന് സമീപം കയര്‍ഫെഡ് ഓണം വിപണമേള നടക്കും. മേളയില്‍ ഉല്‍പ്പന്നങ്ങള്‍ക്ക് 30 ശതമാനം മുതല്‍ 50 ശതമാനം വരെ ശതമാനം വിലക്കുറവും 2000 രൂപയ്ക്ക് മുകളിലുള്ള ഓരോ ബില്ലിനും സമ്മാന കൂപ്പണും ലഭിക്കും. ഫോണ്‍: 0483 2731806

സപ്ലൈകോ മലപ്പുറം ജില്ലാ ഓണം ഫെയറിന് നാളെ (ഓഗസ്റ്റ് 26) തുടക്കമാകും. രാവിലെ 10.30 ന് മലപ്പുറം പെരിന്തല്‍മണ്ണ റോഡിലെ ഡാലിയ കെപിസ് അവന്യൂവില്‍ നടക്കുന്ന പരിപാടി ന്യൂനപക്ഷ ക്ഷേമ-കായിക-വഖഫ് വകുപ്പ് മന്ത്രി വി. അബ്ദുറഹ്‌മാന്‍ ഉദ്ഘാടനം ചെയ്യും. സപ്ലൈകോയുടെ സഞ്ചരിക്കുന്ന ഓണചന്തയുടെ ഫ്‌ലാഗ് ഓഫും അദ്ദേഹം നിര്‍വഹിക്കും. പി. ഉബൈദുള്ള എംഎല്‍എ അധ്യക്ഷത വഹിക്കും.

നബാര്‍ഡിന്റെ സഹകരണത്തോടെ കുടുംബശ്രീ ജില്ലാ മിഷനും വള്ളിക്കുന്ന് ഗ്രാമപഞ്ചായത്തും സംയുക്തമായി സംഘടിപ്പിക്കുന്ന ജില്ലാതല ഓണം മേളയ്ക്കും, വിപണന മേളയ്ക്കും ആഗസ്റ്റ് 30ന് തുടക്കമാവും. മേള ആഗസ്റ്റ് 30ന് വൈകിട്ട് 4.30ന് കായിക, ഹജ്ജ് വഖഫ് വകുപ്പ് മന്ത്രി വി. അബ്ദുറഹിമാന്‍ ഉദ്ഘാടനം ചെയ്യും.

ദേശീയ നേത്രദാന പക്ഷാചരണത്തിന്റെ ജില്ലാതല ഉദ്ഘാടനം മങ്കട സി.എച്ച്. സെന്റര്‍ ഓഡിറ്റോറിയത്തില്‍ ഗ്രാമ പഞ്ചായത്ത് പ്രസിഡന്റ് അഡ്വ. അസ്‌കര്‍ അലി നിർവഹിച്ചു. മനുഷ്യ ശരീരത്തിലെ വില മതിക്കാനാവാത്ത അവയവമാണ് കണ്ണുകള്‍. മരണശേഷം കണ്ണുകള്‍ ദാനം ചെയ്യുന്നതു വഴി അന്ധരായവര്‍ക്ക് കാഴ്ച നല്‍കുക എന്ന മഹത്തായ കാര്യം സാധ്യമാകുന്നു. ഈ സന്ദേശം സമൂഹത്തിലെ എല്ലാ വിഭാഗങ്ങളിലേക്കും എത്തിക്കുന്ന പ്രവര്‍ത്തനമാണ് നേത്രദാനപക്ഷാചണത്തിലൂടെ നടത്തപ്പെടുന്നതെന്ന് അദ്ദേഹം പറഞ്ഞു.

സംസ്ഥാന സർക്കാരിന്റെ വിവിധ പദ്ധതികളായ കെ-സ്‌മാർട്ട്, ടേക്ക് എ ബ്രേക്ക് എന്നിവ ജനജീവിതത്തിൽ വലിയ മാറ്റങ്ങളുണ്ടാക്കിയെന്ന് തദ്ദേശസ്വയംഭരണ, എക്സൈസ് വകുപ്പ് മന്ത്രി എം.ബി രാജേഷ്. കുത്തനൂർ ഗ്രാമപഞ്ചായത്തിന്റെയും കുടുംബശ്രീ കെട്ടിടത്തിന്റെയും പൂർത്തീകരണ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. ടേക്ക് എ ബ്രേക്ക് പദ്ധതിയിലൂടെ സംസ്ഥാനത്തുടനീളം 4,000-ത്തോളം പൊതുശൗചാലയങ്ങൾ നിർമ്മിക്കാൻ സാധിച്ചു. എല്ലാ പഞ്ചായത്തുകളിലും ശൗചാലയ സൗകര്യം ഉറപ്പാക്കുമെന്നും മന്ത്രി അറിയിച്ചു.

​ഓണക്കാലത്ത് വിപണിയിലെ വിലക്കയറ്റം നിയന്ത്രിക്കുക എന്ന ലക്ഷ്യത്തോടെ സപ്ലൈകോ സംഘടിപ്പിക്കുന്ന ജില്ലാ ഓണം ഫെയറിനും സഞ്ചരിക്കുന്ന ഓണച്ചന്തയ്ക്കും ജില്ലയിൽ തുടക്കമായി. കോട്ട മൈതാനിയിൽ നടന്ന ചടങ്ങിൽ ഓണം ഫെയറിന്റെ ഉദ്ഘാടനവും സഞ്ചരിക്കുന്ന ഓണച്ചന്തയായ 'മൊബൈൽ മാവേലി'യുടെ ഫ്ലാഗ് ഓഫും മന്ത്രി എം.ബി. രാജേഷ് നിർവഹിച്ചു.
​പഞ്ഞമില്ലാത്ത ഓണം ആഘോഷിക്കാൻ എല്ലാവർക്കും അവസരം ഒരുക്കുക എന്നതാണ് ഓണച്ചന്തകളിലൂടെയും ഓണം ഫെയറുകളിലൂടെയും സർക്കാർ ലക്ഷ്യമിടുന്നതെന്ന് മന്ത്രി പറഞ്ഞു. വിപണിയിലെ വിലക്കയറ്റം പിടിച്ചു നിർത്താൻ ശക്തമായ ഇടപെടലാണ് സംസ്ഥാന സർക്കാർ നടത്തുന്നത്.

2025-26 അധ്യയന വർഷം എസ് എസ് കെ അനുവദിച്ച യൂണിഫോം ഗ്രാൻ്റിന്റെ ഭാഗമായി കൂനത്തറ ഗവ. ഹൈസ്കൂളിലെ (113 പെൺകുട്ടികൾ, 102 ആൺകുട്ടികൾ) 215 വിദ്യാർഥികൾക്കായി യൂണിഫോം നൽകുന്നതിന് അംഗീകൃത സ്ഥാപനങ്ങളിൽ നിന്നും മുദ്ര വെച്ച ക്ഷണിച്ചു ടെൻണ്ടറുകൾ ക്ഷണിച്ചു. ടെണ്ടർ  സ്വീകരിക്കുന്ന അവസാന തിയതി സെപ്റ്റംബർ 10. ഫോൺ 9846115126