കേരള സംസ്ഥാന ജൈവവൈവിധ്യ ബോർഡിൽ ഹെൽപ്പർ തസ്തികയിലെ ഒരു ഒഴിവിലേക്ക് ഡെപ്യൂട്ടേഷൻ അടിസ്ഥാനത്തിൽ നിയമിക്കുന്നതിനായി അതേ തസ്തികയിൽ / സമാന തസ്തികയിൽ (ഓഫീസ് അറ്റൻഡന്റ്) സംസ്ഥാന സർക്കാർ സർവീസിൽ സേവനമനുഷ്ഠിക്കുന്ന ജീവനക്കാരിൽ നിന്ന് അപേക്ഷകൾ ക്ഷണിക്കുന്നു. അപേക്ഷകൾ ലഭിക്കേണ്ട അവസാന തീയതി നവംബർ 12.

       തിരുവനന്തപുരം ചാക്ക ഗവ. ഐടിഐയിൽ മെക്കാനിക് കൺസ്യൂമർ ഇലക്ട്രോണിക്സ് അപ്ലയൻസ് (എംസിഇഎ) ട്രേഡിൽ ജൂനിയർ ഇൻസ്ട്രക്ടറുടെ ഒരു ഒഴിവിൽ ഓപ്പൺ കാറ്റഗറിയിൽ പിഎസ്‌സി റൊട്ടേഷൻ ചാർട്ട് അനുസരിച്ച് താത്കാലികമായി ഗസ്റ്റ് അധ്യാപകരെ നിയമിക്കുന്നതിന് 23 ന് രാവിലെ 11 ന് ഇന്റർവ്യൂ നടക്കും. താൽപര്യമുള്ളവർ അസൽ സർട്ടിഫിക്കറ്റുകളുമായി ചാക്ക ഐടിഐ പ്രിൻസിപ്പൽ മുമ്പാകെ ഹാജരാകണം.

       കോടതി ഇ സേവ കേന്ദ്രത്തിൽ സാങ്കേതിക സഹായിയെ കരാറിൽ നിയമിക്കുന്നതിന് അപേക്ഷ ക്ഷണിച്ചു. സംസ്ഥാന സർക്കാർ അംഗീകരിച്ച സ്ഥാപനത്തിൽ നിന്ന് മൂന്നു വർഷത്തെ ഡിപ്ലോമയോ കേരളത്തിലെ അംഗീകൃത സർവ്വകലാശാലകളിൽ നിന്നുള്ള ബിരുദമോ ഉണ്ടായിരിക്കണം. ഒരു വർഷത്തെ പ്രവൃത്തിപരിചയം വേണം.

പി എസ് സി  പരീക്ഷ 23, 25 തീയ്യതികളില്‍

കൊച്ചിന്‍ ഷിപ്പ്‌യാര്‍ഡ് ലിമിറ്റഡിന് കീഴില്‍ ഏഴ് തസ്തികകളിലേക്ക് അപേക്ഷ ക്ഷണിച്ചിട്ടുണ്ട്. വിശദവിവരങ്ങള്‍ക്കായി www.cochinshipiyard.in(career page-CSL, Kochi) സന്ദര്‍ശിക്കുക. യോഗ്യരായ വിമുക്തഭടന്മാര്‍ ഒക്ടോബര്‍ 10 നകം ജില്ലാ സൈനികക്ഷേമ ഓഫീസില്‍ അപേക്ഷ അനുബന്ധ രേഖകള്‍ സഹിതം സമര്‍പ്പിക്കേണ്ടതാണ്. വിശദവിവരങ്ങള്‍ക്ക് ഫോണ്‍: 0477-2245673.
(പി. ആര്‍./എ.എല്‍.പി./2146)

വനിത ശിശുവികസന വകുപ്പിന് കീഴില്‍ ഹരിപ്പാട് റവന്യൂ ടവറില്‍ പ്രവര്‍ത്തിക്കുന്ന ഹരിപ്പാട് ഐ.സി.ഡി.എസ് പ്രോജക്ട് പരിധിയിലുള്ള 150 അങ്കണവാടികളിലേക്ക് 2023-24 സാമ്പത്തിക വര്‍ഷത്തേക്ക് ആവശ്യമായ കണ്ടിജന്‍സി സാധനങ്ങള്‍ വിതരണം ചെയ്യുന്നതിന് സന്നദ്ധരായ സ്ഥാപനങ്ങളില്‍ നിന്നും ദര്‍ഘാസുകള്‍ ക്ഷണിച്ചു. പൂരിപ്പിച്ച ദര്‍ഘാസുകള്‍ സ്വീകരിക്കുന്ന അവസാന തീയതി നവംബര്‍ 6 ഉച്ചക്ക് ഒരു മണി.  വിശദ വിവരങ്ങള്‍ക്ക് ഫോണ്‍: 0479-2404280.
(പി. ആര്‍./എ.എല്‍.പി./2145)
 

വയനാട് ദുരിതാശ്വാസ നിധിയിലേക്ക് തിരുനല്ലൂര്‍ ഗവ. എച്ച് എസ് എല്‍ പി സ്‌കൂളിലെ കുട്ടികളും അധ്യാപകരും രക്ഷിതാക്കളും ചേര്‍ന്ന് പായസ ചലഞ്ചിലൂടെ സമാഹരിച്ച 20,000 രൂപ ആലപ്പുഴ ജില്ലാ കളക്ടര്‍ അലക്‌സ് വര്‍ഗീസിന് കൈമാറി. ജില്ലാ കളക്ടറുടെ ചേംബറില്‍ നടന്ന ചടങ്ങില്‍ അധ്യാപക പ്രതിനിധികളായ പി ആര്‍ വിദ്യാകുമാരി, സിനിമോള്‍ ഫ്രാന്‍സിസിസ്, എസ് എം സി അംഗങ്ങളായ എസ്  സജീവ്, ഡി ബാബു, സ്‌കൂള്‍ ലീഡര്‍ മാസ്റ്റര്‍ ആദിനാഥ്, വിദ്യാര്‍ഥി പ്രതിനിധികള്‍ എന്നിവര്‍ ചേര്‍ന്നാണ് തുക കൈമാറിയത്.
(പി. ആര്‍./എ.എല്‍.പി./2144)

കേരള മത്സ്യത്തൊഴിലാളി ക്ഷേമനിധി ബോര്‍ഡ് വിവിധ പദ്ധതികള്‍ക്ക് നല്‍കി വന്നിരുന്ന ആനൂകൂല്യങ്ങള്‍ വര്‍ദ്ധിപ്പിച്ചതായി റിജിയണല്‍ എക്‌സിക്യൂട്ടീവ് ഓഫീസര്‍ അറിയിച്ചു. പുതുക്കിയ ആനൂകൂല്യങ്ങളുടെയും നടപ്പിലാക്കിയ പുതിയ പദ്ധതികളുടെയും വിവരങ്ങള്‍ ഫിഷറീസ് ഓഫീസുകളില്‍ നിന്നും അറിയാവുന്നതാണ്. പദ്ധതികളുടെ ആനുകൂല്യങ്ങള്‍ ലഭ്യമാകണമെങ്കില്‍ ക്ഷേമനിധി അംഗങ്ങള്‍ പുതുക്കിയ നിരക്കിലുള്ള അംശാദായം അടയ്ക്കണം.  അതതു ഓഫീസുകളിലോ ഫിഷറീസ് ഓഫീസര്‍ പ്രാദേശികമായി സംഘടിപ്പിക്കുന്ന ക്യാമ്പുകളിലോ പണം അടച്ച് രസീത് കൈപ്പറ്റാവുന്നതാണെന്നും അദ്ദേഹം അറിയിച്ചു. 
(പി. ആര്‍./എ.എല്‍.പി./2143)
 

തിരുവനന്തപുരം പ്രൊഫഷണൽ ആൻഡ് എക്സിക്യൂട്ടീവ് എംപ്ലോയ്മെന്റ് ഓഫീസ്,  സി ജി സി യൂണിറ്റിന്റെ ആഭിമുഖ്യത്തിൽ നടത്തുന്ന കേരള പി.എസ്.സി മത്സര പരീക്ഷ പരിശീലന പരിപാടിയുടെ ഭാഗമായി, പട്ടികജാതി, പട്ടികവർഗ്ഗകാർക്കായി സൗജന്യ പി എസ് സി പരിശീലന ക്ളാസുകൾ സംഘടിപ്പിക്കുന്നു. താത്പര്യമുള്ള ഉദ്യോഗാർത്ഥികൾ ഒക്ടോബർ മാസം 30 നകം തിരുവനന്തപുരം തമ്പാനൂർ കെ.എസ്. ആർ. ടി.സി ടെർമിനലിന്റെ പത്താം നിലയിൽ പ്രവർത്തിച്ചുവരുന്ന പ്രൊഫഷണൽ ആൻഡ് എക്സിക്യൂട്ടീവ് എംപ്ലോയ്മെന്റ് ഓഫീസിൽ നേരിട്ട് ഹാജരായി രജിസ്റ്റർ ചെയ്യേണ്ടതാണ്. കൂടുതൽ വിവരങ്ങൾക്ക് 0471-2330756, 8547676096 എന്നീ ഫോൺ നമ്പറുകളിൽ ബന്ധപ്പെടുക.