സഹകരണ വകുപ്പിന് കീഴിലുളള സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍(കിക്മ) എം.ബി.എ. (ഫുള്‍ടൈം) 2024-26 ബാച്ചില്‍ ഒഴിവുളള ഏതാനും സീറ്റുകളിലേയ്ക്ക് സ്‌പോട്ട് അഡ്മിഷന്‍ ഒക്‌ടോബര്‍ 21 (തിങ്കളാഴ്ച)ന് രാവിലെ 10 മുതല്‍ കിക്മ കാമ്പസില്‍ നടത്തും.

വിദ്യാലയങ്ങളില്‍ പെണ്‍കുട്ടികള്‍  നേരിടുന്ന ദുരനുഭവങ്ങള്‍ സംബന്ധിച്ച് പരാതി നല്‍കുന്നതിനായി പരാതിപ്പെട്ടി സ്ഥാപിക്കുന്ന പദ്ധതിക്ക് ജില്ലയില്‍ തുടക്കം കുറിച്ചു. ജില്ലാ വനിതാ ശിശു വികസന വകുപ്പ് ആലപ്പുഴ ജില്ലാ നിയമ സേവന അതോറിറ്റിയുടെ സഹകരണത്തോടെയാണ് 'ബേട്ടി പെട്ടി' എന്ന പേരില്‍ പുതിയ പദ്ധതി ആരംഭിച്ചത്. സ്‌കൂളുകളില്‍ വിദ്യാര്‍ത്ഥിനികള്‍ നേരിടുന്ന ദുരനുഭവങ്ങള്‍ എഴുതി പരാതിപ്പെട്ടിയില്‍ നിക്ഷേപിക്കാം. ഇത് പിന്നീട് ഉദ്യോഗസ്ഥര്‍ പരിശോധിച്ച് ആവശ്യമായ നടപടി സ്വീകരിക്കും. പരാതി രഹസ്യമായി സൂക്ഷിക്കുമെന്ന് അധികൃതര്‍ പറഞ്ഞു. 

ചെങ്ങന്നൂര്‍ ഗവ. വനിത ഐ.ടി.ഐയിലെ എന്‍സിവിടി അംഗീകൃത കോഴ്സുകളായ സര്‍വ്വേയര്‍, ഇലക്ട്രോണിക്സ് മെക്കാനിക്ക്, കമ്പ്യൂട്ടര്‍ ഹാര്‍ഡ്വെയര്‍ ആന്റ് നെറ്റ് വര്‍ക്ക് മെയിന്റനന്‍സ്, കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ്, സ്റ്റെനോഗ്രാഫര്‍ ആന്റ് സെക്രട്ടേറിയല്‍ അസിസ്റ്റന്റ് (ഇംഗ്ലീഷ്), ഡ്രെസ്സ് മേക്കിംഗ് എന്നീ ട്രേഡുകളിലെ ഏതാനും ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. അപേക്ഷകര്‍ 30 ന് വൈകുന്നേരം 5 മണിക്ക് മുമ്പായി ഐ. ടി. ഐ യില്‍ നേരിട്ടെത്തി അപേക്ഷ സമര്‍പ്പിക്കണം. അപേക്ഷ ഫീസ് 100 രൂപ. ഫോണ്‍: 0479-2457496, 9747454553.
(പി. ആര്‍./എ.എല്‍.പി./2141)
 

പട്ടികജാതി വികസന വകുപ്പിന് കീഴില്‍ ആലപ്പുഴ പുന്നപ്ര വാടയ്ക്കലില്‍ പ്രവര്‍ത്തിക്കുന്ന ഡോ. അംബേദ്കര്‍ മെമ്മോറിയല്‍ ഗവ. മോഡല്‍ റസിഡന്‍ഷ്യല്‍ സ്‌കൂളില്‍ (എംആര്‍എസ് പുന്നപ്ര) ബോര്‍വെല്‍ വെള്ളത്തിന്റെ ശുദ്ധി ഉറപ്പുവരുത്തുതിന് വാട്ടര്‍ ട്രീറ്റ്മെന്റ് പ്ലാന്റ് സംരക്ഷണകൂടാരം ഉള്‍പ്പടെ സ്ഥാപിക്കുന്നതിനായി മത്സരാടിസ്ഥാനത്തില്‍ അംഗീകൃത ഏജന്‍സികളില്‍ നിന്നും ടെന്‍ഡര്‍ ക്ഷണിച്ചു. അവസാന തീയതി ഒക്ടോബര്‍ 30 വൈകുന്നേരം 3 മണി.  വിശദവിവരങ്ങള്‍ക്ക് ഫോണ്‍: 7902544637.
(പി. ആര്‍./എ.എല്‍.പി./2140)

2009 ലെ നിര്‍ബന്ധ വിദ്യാഭ്യാസ നിയമം (ആര്‍.ടി.ഇ ആക്ട്) വകുപ്പ് ആറ് പ്രകാരമുള്ള നിബന്ധനകള്‍ പൂര്‍ത്തീകരിക്കാനുള്ള സംസ്ഥാന സര്‍ക്കാരുകളുടെ ബാധ്യതതയില്‍ നിന്ന് രക്ഷപ്പെടുന്നതിന് വേണ്ടി കേരളമൊഴികെയുള്ള സംസ്ഥാനങ്ങളില്‍ സംവിധാനിച്ചിട്ടുള്ള ബദല്‍ സ്‌കൂളുകളുടെ മറവില്‍ മദ്രസകള്‍ക്കെതിരെ ദേശീയ ബാലാവകാശ കമ്മീഷന്‍ നടത്തുന്ന നീക്കങ്ങള്‍ അനുവദിക്കില്ലെന്ന് മദ്രസാ ബോര്‍ഡ് കോര്‍ഡിനേഷന്‍ കമ്മിറ്റി അറിയിച്ചു. സംസ്ഥാനത്ത് പ്രവര്‍ത്തിക്കുന്ന ഏട്ട് മദ്രസ വിദ്യാഭ്യാസ ബോര്‍ഡുകളുടെ കൂട്ടായ്മയാണ് 'കോര്‍ഡിനേഷന്‍ ഫോര്‍ മദ്രസ എജ്യുക്കേഷന്‍ ബോര്‍ഡ്സ്'.

കേരളപ്പിറവി ദിനാഘോഷത്തിന്റെ ഭാഗമായി കേരള ഭാഷാ ഇന്‍സ്റ്റിറ്റ്യൂട്ട് കോളേജ്, സര്‍വകലശാല വിദ്യാര്‍ഥികള്‍ക്കായി തിരുവനന്തപുരത്ത് ഇന്‍സ്റ്റിറ്റ്യൂട്ടില്‍ വെച്ച് ക്വിസ് മത്സരവും സെമിനാറും സംഘടിപ്പിക്കുന്നു. 'കേരളചരിത്രവും സംസ്‌കാരവും' എന്നതാണ് വിഷയം. ബിരുദ-ബിരുദാനന്തരബിരുദ വിദ്യാര്‍ഥികള്‍ക്ക് പങ്കെടുക്കാം. ക്വിസ് മത്സരത്തില്‍ ഒരു കോളേജിനെ പ്രതിനിധീകരിച്ച് രണ്ടു പേര്‍ക്ക് പങ്കെടുക്കാം. 4000 രൂപയാണ് ഒന്നാം സമ്മാനം. 3000, 2000 എന്നിങ്ങനെയാണ് രണ്ടും മൂന്നും സ്ഥാനക്കാര്‍ക്കുള്ള സമ്മാനത്തുക. മികച്ച പ്രകടനം കാഴ്ചവെക്കുന്നവര്‍ക്ക് പ്രോത്സാഹനസമ്മാനവുമുണ്ട്.

ഹരിപ്പാട്-ചേപ്പാട് റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 131 (കാഞ്ഞൂര്‍ ഗേറ്റ്) ഒക്ടോബര്‍ 22ന് രാവിലെ 8 മണി മുതല്‍ 25 ന് വൈകിട്ട് 6 വരെ അടിയന്തര റെയില്‍വേ അറ്റകുറ്റപ്പണികള്‍ക്കായി അടച്ചിടും. വാഹനങ്ങള്‍ ഈ കലയളവില്‍ ലെവല്‍ ക്രോസ് നമ്പര്‍ 128 (കവല ഗേറ്റ്) വഴിയോ ലെവല്‍ ക്രോസ് നമ്പര്‍ 132 (എന്‍.ടി.പി.സി ഗേറ്റ്) വഴിയോ പോകണം.

മണ്ണാറശ്ശാല ശ്രീ നാഗരാജ ക്ഷേത്രത്തിലെ ആയില്യം മഹോത്സവം പ്രമാണിച്ച് ആലപ്പുഴ ജില്ലയിലെ എല്ലാ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും ജില്ലാ കളക്ടര്‍ പ്രാദേശിക അവധി നല്‍കി ഉത്തരവായി.  പൊതുപരീക്ഷകള്‍ മുന്‍ നിശ്ചയ പ്രകാരം നടത്തുന്നതിന് ഉത്തരവ് ബാധകമല്ല.
(പി. ആര്‍./എ.എല്‍.പി./2136)

ഭൂമി തരംമാറ്റ അപേക്ഷകള്‍ വേഗത്തില്‍ തീര്‍പ്പാക്കുന്നതിനായി സംസ്ഥാനവ്യാപകമായി താലൂക്ക് തലത്തില്‍ നടത്തുന്ന അദാലത്തുകള്‍ ജില്ലയില്‍ ഒക്ടോബര്‍ 29 ന് ആരംഭിക്കുമെന്ന് ജില്ലാ കളക്ടര്‍ അലക്‌സ് വര്‍ഗീസ് അറിയിച്ചു. ജില്ലയിലെ ആദ്യ അദാലത്ത് ഒക്ടോബര്‍ 29 ന് ചൊവ്വാഴ്ച അമ്പലപ്പുഴ താലൂക്കില്‍ നടക്കും. അമ്പലപ്പുഴ താലൂക്ക് കോണ്‍ഫറന്‍സ് ഹാളിലാണ് അദാലത്ത്.

 ജില്ലയിലെ ബ്ലോക്ക് പഞ്ചായത്തുകളില്‍ രാഷ്ട്രീയ ഗ്രാമസ്വരാജ് അഭിയാന്‍ പദ്ധതിയുടെ ഭാഗമായി രൂപീകരിക്കുന്ന ബ്ലോക്ക് പഞ്ചായത്ത് റിസേഴ്‌സ് സെന്ററിലേക്ക് ആവശ്യമായ അഡീഷണ്‍ ഫാക്കല്‍റ്റിയെ തെരഞ്ഞെടുക്കുന്നതിന് അയല്‍ക്കൂട്ട അംഗം/ഓക്‌സിലറിഗ്രൂപ്പ് അംഗം ആയവരില്‍ നിന്നും അപേക്ഷകള്‍ ക്ഷണിച്ചു.

അപേക്ഷക കുടുംബശ്രീ അയല്‍ക്കൂ'ത്തിലെ അംഗമോ/ഓക്‌സിലറി ഗ്രൂപ്പ് അംഗമോആയിരിക്കണം, എംഎസ്ഡബ്യൂ /എംബിഎ (എച്ച്ആര്‍)എംഎ സോഷ്യോളജി/ഡെവലെപ്‌മെന്റ് സ്റ്റഡീസ് ആണ് യോഗ്യത, പ്രവൃത്തി പരിചയം - 3 വര്‍ഷം, പ്രതിഫലം പ്രതിമാസം 25000/-രൂപ , പ്രായപരിധി 2023 ജനുവരി ഒന്നിന് 40 വയസ്സ് കഴിയാന്‍ പാടില്ല,