ജില്ലാ മെഡിക്കല്‍ ഓഫീസ് (ആരോഗ്യം) ദേശീയാരോഗ്യ ദൗത്യവും സംയുക്തമായി  ഈസ്റ്റ് എളേരി ഗ്രാമ പഞ്ചായത്ത് കോണ്‍ഫറന്‍സ് ഹാളില്‍ നടന്ന ജില്ലാതല പരിപാടിയുടെ ഉദ്ഘാടനം   ഈസ്റ്റ് എളേരി ഗ്രാമ പഞ്ചായത്ത് പ്രസിഡന്റ് ജോസഫ് മുത്തോലി നിര്‍വഹിച്ചു.  ഈസ്റ്റ് എളേരി ഗ്രാമ പഞ്ചായത്ത് ആരോഗ്യവിദ്യാഭ്യാസ സ്ഥിരം സമിതി അദ്ധ്യക്ഷന്‍ പ്രശാന്ത് സെബാസ്റ്റ്യന്‍ അധ്യക്ഷത വഹിച്ചു. ജില്ലാ സര്‍വൈലന്‍സ് ഓഫീസര്‍ ഡോ.സന്തോഷ്.ബി ദിനാചരണ സന്ദേശം നല്‍കി.  ഈസ്റ്റ് എളേരി ഗ്രാമപഞ്ചായത്ത് വൈസ് പ്രസിഡന്റ് ഫിലോമിന ജോണി സംസാരിച്ചു.

മണ്ണ് സംരക്ഷണ വകുപ്പില്‍ വര്‍ക്ക് സൂപ്രണ്ട് (കാറ്റഗറി നമ്പര്‍ 309/2023) കാസര്‍കോട് ജില്ല കേരള പി.എസ്.സി റാങ്ക് ലിസ്റ്റ് പ്രസിദ്ധീകരിച്ചു.

ബോവിക്കാനം മുളിയാര്‍ സാമൂഹ്യ ആരോഗ്യ കേന്ദ്രത്തിലെ ഡയാലിസിസ് ടെക്നീഷ്യന്‍ തസ്തികയിലേക്ക് താല്‍ക്കാലികമായി നിയമനം നടത്തുന്നു.  യോഗ്യത- പ്ലസ് ടു, ഡയാലിസിസ് ടെക്നീഷ്യന്‍ ബിരുദം/ഡിപ്ലോമ, കേരള പാരാമെഡിക്കല്‍ രജിസ്ട്രേഷന്‍ സര്‍ട്ടിഫിക്കറ്റ്. താല്‍പര്യമുള്ള ഉദ്യോഗാര്‍ത്ഥികള്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം ഒക്ടോബര്‍ 31 ന് ഉച്ചയ്ക്ക് 12നകം chcmuliyar@gmail.com എന്ന ഇമെയിലിലോ തപാല്‍ മുഖേനയോ അപേക്ഷ സമര്‍പ്പിക്കണം. വിലാസം : കാറഡുക്ക ബ്ലോക്ക് പഞ്ചായത്ത് കുടുംബാരോഗ്യ കേന്ദ്രം മുളിയാര്‍, ബോവിക്കാനം 671542

ഭൂജല വകുപ്പ് ജില്ലാ ഓഫീസിലെ റിഗ്ഗ് ഉപയോഗിച്ച് പൊതുജനങ്ങള്‍ക്ക് സര്‍ക്കാര്‍ നിരക്കില്‍ ഗുണ മേന്മയോടെ കുഴല്‍കിണര്‍ നിര്‍മ്മിച്ചു നല്‍കും. കൃഷി ആവശ്യത്തിന് സബ്സിഡി ലഭിക്കും.  കൂടുതല്‍ വിവരങ്ങള്‍ക്ക് ഭൂജല വകുപ്പ് ജില്ലാ ഓഫീസുമായി ബന്ധപ്പെടണം. ഫോണ്‍- 04994 255392.

കയ്യൂര്‍ ഗവണ്‍മെന്റ് വൊക്കേഷണല്‍ ഹയര്‍സെക്കന്ററി സ്‌കൂള്‍ സ്‌കില്‍ ഡവലപ്‌മെന്റ് സെന്ററിലെ ഇലക്ട്രീഷന്‍, ഗ്രാഫിക് ഡിസൈനര്‍ കോഴ്‌സിലേക്ക് ആവശ്യമായ ഉപകരണങ്ങള്‍ വിതരണം ചെയ്യാന്‍ ദര്‍ഘാസ്ക്ഷണിച്ചു. ദര്‍ഘാസ്സ്വീകരിക്കുന്നഅവസാന തീയതി 2024 നവംബര്‍ നാല് വൈകുന്നേരം മൂന്ന്. വൈകീട്ട് മൂന്നിന് ദര്‍ഘാസ് തുറക്കും. ദര്‍ഘാസ് 'പ്രിന്‍സിപ്പാള്‍ ജി.വി.എച്ച്.എസ്.എസ് കയ്യൂര്‍, കയ്യൂര്‍ പി ഒ, ചെറുവത്തൂര്‍ വഴി, കാസര്‍കോട്-671313 'എന്ന വിലാസത്തിലേക്ക് അയക്കണം. ദര്‍ഘാസ് ഫോറം പ്രവൃത്തി ദിവസങ്ങളില്‍ ഓഫീസില്‍ നിന്നും ലഭിക്കും. ഫോണ്‍-9895043016, 9495416824.

ഹൊസ്ദുര്‍ഗ്ഗ് താലൂക്കിലെ മടിക്കൈ, ചെറുവത്തൂര്‍ പഞ്ചായത്തുകളില്‍ റേഷന്‍ കാര്‍ഡ് മസ്റ്ററിംഗ് വിരല്‍ പതിപ്പിച്ച് നടത്താന്‍ സാധിക്കാത്തവര്‍ക്കായി ഐറിസ സ്‌കാനര്‍ ഉപയോഗിച്ച് മസ്റ്ററിംഗ് നടത്തുന്നതിനായി ക്യാമ്പുകള്‍ സംഘടിപ്പിക്കുന്നു. മടിക്കൈ ഗ്രാമപഞ്ചായത്തില്‍ ഒക്ടോബര്‍ 22ന് ഉച്ചക്ക് 12.30 മുതല്‍ വൈകുന്നേരം 3.30 വരെ പഞ്ചായത്തിന് സമീപത്തെ കുടുംബശ്രീ ഹാളിലും ചെറുവത്തൂര്‍ ഗ്രാമപഞ്ചായത്തില്‍ ഒക്ടോബര്‍ 22ന് ഉച്ചക്ക് 12.30 മുതല്‍ വൈകുന്നേരം 3.30 വരെ ചെറുവത്തൂര്‍ ഓപ്പണ്‍ ഓഡിറ്റോറിയത്തിലും മസ്റ്ററിംഗ് നടത്തും.

ആടുകളെയും ചെമ്മരിയാടുകളെയും ബാധിക്കുന്ന മാരകമായ ആട് വസന്ത രോഗത്തിനെതിരായ (പി. പി. ആര്‍) പ്രതിരോധ പ്രവര്‍ത്തനങ്ങള്‍ക്ക് ജില്ലയില്‍ തുടക്കമായി. ആടുകളെ മാരകമായി ബാധിക്കുന്നതും 90 ശതമാനം വരെ മരണ നിരക്ക് ഉള്ളതുമായ ഈ വൈറസ് രോഗത്തെ 2030 ഓട് കൂടി പൂര്‍ണ്ണമായും ഇല്ലാതാക്കുവാന്‍ വേണ്ടി ആസൂത്രണം ചെയ്ത വാക്സിനേഷന്‍ പരിപാടി ഒക്ടോബര്‍ 18 മുതല്‍ നവംബര്‍ 5 വരെയായി സംസ്ഥാനത്താകെ നടത്തുന്നു.  4 മാസം മുതല്‍ പ്രായമായ എല്ലാ ആടുകള്‍ക്കും പദ്ധതിയുടെ ഭാഗമായി കുത്തിവെപ്പ് നല്‍കേണ്ടതാണ്.

റീ പ്രൊസ്സസിംഗ്  മെഷീന്‍ (Dual station) എന്ന ഉപകരണം  ജില്ലാ ആശുപത്രിയില്‍ വിതരണ ചെയ്യുന്നതിന് ദര്‍ഘാസ് ക്ഷണിച്ചു. ദര്‍ഘാസ് ഫോറം വിതരണം ചെയ്യുന്ന അവസാന തീയതി ഒക്ടോബര്‍ 25 ന് വൈകുന്നേരം മൂ്ന്ന് വരെ ദര്‍ഘാസുകള്‍ സ്വീകരിക്കും. ഒക്ടോബര്‍ 26 രാവിലെ 11ന് ദര്‍ഘാസുകള്‍ തുറക്കും. ദര്‍ഘാസുകള്‍ ഒക്ടോബര്‍ 26 വൈകുന്നേരം മൂന്നിനകം സൂപ്രണ്ട് ജില്ലാ ആശുപത്രി, കാഞ്ഞങ്ങാട്, ബല്ല പി.ഒ എന്ന വിലാസത്തില്‍ അയക്കണം. ഫോണ്‍- 0467 2217018.

മടിക്കൈ വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ നവംബര്‍ മുതല്‍ ആരംഭിക്കുന്ന ഇലക്ട്രിക്  വെഹിക്കിള്‍ സര്‍വീസ് ടെക്നീഷ്യന്‍, കോസ്മറ്റോളജി കോഴ്സുകളിലേക്ക് ആവശ്യമായ ഉപകരണങ്ങളും സാമഗ്രികളും ലഭ്യമാക്കുന്നതിന് ടെണ്ടര്‍ ക്ഷണിച്ചു.  ടെണ്ടര്‍ ഫോറം ഒക്ടോബര്‍ 21 മുതല്‍ 28 വരെ സ്‌കൂളില്‍ നിന്ന് രാവിലെ 10 മുതല്‍ ഉച്ചയക്ക് 3.30 വരെ ലഭിക്കും.  ഫോണ്‍- 9846240721, 9446738237