ജില്ലാ എംപ്ലോയ്മെന്റ് എക്സ്ചേഞ്ചിന്റെ കീഴിലുള്ള എംപ്ലോയബിലിറ്റി സെന്റർ ഉദ്യോഗാർത്ഥികൾക്കായി സൗജന്യ സോഫ്റ്റ് സ്‌കിൽ പരിശീലന ക്ലാസ് സംഘടിപ്പിക്കുന്നു. എംപ്ലോയബിലിറ്റി സെൻ്ററിൽ രജിസ്റ്റർ ചെയ്ത ഉദ്യോഗാർത്ഥികൾക്കാണ് പരിശീലനം. സെപ്റ്റംബർ 24, 25, 26 തീയതികളിൽ സിവിൽ സ്റ്റേഷനിലുള്ള ജില്ലാ എംപ്ലോയ്‌മെൻ്റ് എക്‌സ്‌ചേഞ്ച് ഓഫീസിലാണ് പരിശീലനം നടക്കുന്നത്.

മുളന്തുരുത്തി ബ്ലോക്ക് പഞ്ചായത്ത് എഞ്ചിനീയറുടെ കാര്യാലയത്തിലേക്ക് 2025-26 സാമ്പത്തിക വർഷത്തെ ഔദ്യോഗിക ആവശ്യത്തിന് എ. സി. കാർ പ്രതിമാസ വാടകയ്ക്ക് നൽകുവാൻ താൽപ്പര്യമുള്ള വാഹന ഉടമകളിൽ നിന്നും ടെൻഡർ ക്ഷണിച്ചു . കൂടുതൽ വിവരങ്ങൾക്ക് മുളന്തുരുത്തി ബ്ലോക്ക് പഞ്ചായത്ത് തദ്ദേശ സ്വയംഭരണ വകുപ്പ് അസിസ്റ്റൻ്റ് എക്സിക്യൂട്ടീവ് എഞ്ചിനീയറുടെ കാര്യലയവുമായി ബന്ധപ്പെടാവുന്നതാണ്.

ഫോൺ: 0484 2742360

എയ്ഡഡ് സ്കൂളുകളിലെ ഭിന്നശേഷി സംവരണവുമായി ബന്ധപ്പെട്ട്, അധ്യാപക/അനധ്യാപക തസ്തികകളിലേക്ക് യോഗ്യരായ ഉദ്യോഗാർത്ഥികളെ കണ്ടെത്തുന്നതിനായി രജിസ്ട്രേഷൻ ഡ്രൈവ് സംഘടിപ്പിക്കുന്നു. ജില്ലാ സാമൂഹ്യനീതി വകുപ്പിന്റെ സഹകരണത്തോടെ സെപ്റ്റംബർ 26-ന് ആലുവ മിനി സിവിൽ സ്റ്റേഷൻ താലൂക്ക് ഓഫീസ് ഹാളിൽ രജിസ്ട്രേഷൻ നടക്കും.

ഇതുവരെ ഒരു എംപ്ലോയ്‌മെന്റ് എക്സ്‌ചേഞ്ചിലും പേര് രജിസ്റ്റർ ചെയ്യാത്തവരും, ആലുവ, പറവൂർ, കുന്നത്തുനാട്, കോതമംഗലം എന്നീ താലൂക്കുകളിൽ സ്ഥിരതാമസക്കാരായ ഭിന്നശേഷി വിഭാഗത്തിൽപ്പെട്ട ഉദ്യോഗാർത്ഥികൾക്കുമാണ് അവസരം.

കേരള സംസ്ഥാന ജൈവവൈവിധ്യ ബോർഡ്‌ വിദ്യാർത്ഥികളുടെ 18-ാമത് ജൈവവൈവിധ്യ കോൺഗ്രസിന്റെ ഭാഗമായി കോളേജ്, സ്കൂൾ വിദ്യാർത്ഥികൾക്കായി പ്രൊജക്ട് അവതരണമത്സരം, സ്കൂൾ വിദ്യാർത്ഥികൾക്കായി പുരയിട ജൈവവൈവിധ്യ സംരക്ഷണ അവതരണ മത്സരം, പെയിന്റിംഗ് മത്സരം,പെൻസിൽ ഡ്രോയിങ് മത്സരം എന്നിവ നടത്തുന്നു.

ekmdcksbb@gmail.com എന്ന ഇ മെയിൽ ഐ ഡി യിലേക്ക് സെപ്റ്റംബർ 23 വരെ അപേക്ഷകൾ സമർപ്പിക്കാം. 

ഫോൺ: 9526803482

മുളന്തുരുത്തി ബ്ലോക്ക് പഞ്ചായത്തിലെ 2025-26 വാർഷിക പദ്ധതിയിൽ ഉൾപ്പെടുത്തിയിട്ടുള്ള പൊതുമരാമത്ത് പ്രവൃത്തികൾ ഏറ്റെടുത്ത് പൂർത്തീകരിക്കുന്നതിന് അംഗീകൃത കരാറുകാരിൽ നിന്നും ഇ-ടെൻഡർ ക്ഷണിച്ചു. കൂടുതൽ വിവരങ്ങൾ മുളന്തുരുത്തി ബ്ലോക്ക് പഞ്ചായത്ത് തദ്ദേശ സ്വയംഭരണ വകുപ്പ് അസിസ്റ്റന്റ്റ് എക്സിക്യൂട്ടീവ് എഞ്ചിനീയറുടെ കാര്യാലയത്തിൽ നിന്നും ലഭിക്കും 

ഫോൺ: 0484-2742360

കേരള സംഗീത നാടക അക്കാദമി സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവം ഇന്ന് (സെപ്തംബർ 21) സമാപിക്കും. അങ്കമാലി എ.പി കുര്യൻ സ്മാരക സി.എസ്.എ .ഓഡിറ്റോറിയത്തിലാണ് നൃത്തോത്സവം നടക്കുന്നത്. 26 വർഷത്തെ ഇടവേളയ്ക്ക് ശേഷമാണ് അക്കാദമി ദേശീയ നൃത്തോത്സവം സംഘടിപ്പിച്ചത്. മൂന്ന് മേഖലകളിലായി സംഘടിപ്പിച്ച ദേശീയ നൃത്തോത്സവത്തിലെ ദക്ഷിണ മേഖല നൃത്തോത്സവം തിരുവനനന്തപുരത്തും ഉത്തരമേഖല ദേശീയ നൃത്തോത്സവം തളിപ്പറമ്പിലുമാണ് ആണ് നടത്തിയത്

നൃത്തോത്സവത്തിന്റെ സമാപനദിനമായ ഇന്ന് (സെപ്തംബര്‍ 21 ) ഉച്ചയ്ക്ക് മൂന്ന് മണി മുതല്‍ സ്വാതി സജീവ്, സൃഷ്ടി ദേസാക്ഷി സിധേന്ദ്ര ചൊക്കലിംഗം,എം.ടി.മൃണ്‍മയി, നിര്‍മുക്ത അരുണ്‍, മാളവിക മുരളി, മീനാക്ഷി നായര്‍, ഹിത ശശിധരന്‍, നൃത്ത കലാഞ്ജലി എന്നിവര്‍ നൃത്തം അവതരിപ്പിക്കും.വൈകീട്ട് ആറുമുതല്‍ രൂപശ്രീ മഹാപത്ര മഹാരിനൃത്തവും ഡോ.രതീഷ് ബാബു,ഷഫീകുദ്ദീന്‍, ഷബന എന്നിവര്‍ ഭരതനാട്യവും ദീപ കര്‍ത്ത കഥക്കും ഡോ.ചിന്ത രവി ബാലകൃഷ്ണ കുച്ചിപ്പുടിയും കലാമണ്ഡലം ശ്രീജ.ആര്‍.കൃഷ്ണന്‍ മോഹിനിയാട്ടവും ഡോ.മോനിഷ ദേവി സാത്രിയയും അവതരിപ്പിക്കും.

കേരള സംഗീത നാടക അക്കാദമി സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവത്തിൻ്റെ ഭാഗമായുള്ള ദ്വിദിന നൃത്തശില്പശാല അങ്കമാലി എ.പി കുര്യൻ സ്മാരക സി.എസ്.എ ഓഡിറ്റോറിയത്തിൽ ആരംഭിച്ചു. നൃത്ത പഠിതാക്കളായ 130 വിദ്യാർത്ഥികളാണ് ശില്പശാലയിൽ പങ്കെടുത്തത്. ആദ്യദിനം ശില്പശാലയിൽ കലാമണ്ഡലം സംഗീത കൂടിയാട്ടം എന്ന വിഷയത്തിലും ബി.ആർ വിക്രം കുമാർ കലാനിരൂപണം എന്ന വിഷയത്തിലും കലാമണ്ഡലം ശ്രീരംഗ്

നരസിംഹാവതാരമായി കലാമണ്ഡലം സംഗീത നിറഞ്ഞാടിയപ്പോൾ, കൗതുകത്തോടെ സദസ്സ് ഒന്നടങ്കം അതിൽ ലയിച്ചു. കേരള സംഗീത അക്കാദമി അങ്കമാലിയിൽ സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവത്തിൻ്റെ ' ഭാഗമുള്ള നൃത്തശില്പശാലയാണ് ഈ അപൂർവ്വ അഭിനയ - നൃത്തവിസ്മയത്തിന് സാക്ഷ്യം വഹിച്ചത്. നൃത്തോത്സവത്തിൻ്റെ രണ്ടാംദിനം കലാമണ്ഡലം സംഗീതയുടെ കൂടിയാട്ട ഉദാഹരണ പ്രഭാഷണത്തോടെയാണ് ദ്വിദിന നൃത്തശില്പശാലയ്ക്ക് തുടക്കം കുറിച്ചത്. ഈ പ്രഭാഷണത്തിലാണ് നരസിംഹാവതാരമായി സംഗീത അരങ്ങിൽ പകർന്നാടിയത് . കലാമണ്ഡലം രതീഷ് ഭാസ്, കലാമണ്ഡലം കൃഷ്ണദാസ് എന്നിൽ മിഴാവ് വാദനവുമായി സംഗീതയെ അനുഗമിച്ചു.

സംഘാടകസമിതി രൂപീകരിച്ചു

ചാമ്പ്യൻസ് ബോട്ട് ലീഗിന്റെ ഭാഗമായി വിനോദസഞ്ചാര വകുപ്പിന്റെ ആഭിമുഖ്യത്തിൽ മൂവാറ്റുപുഴ ആറിൽ സംഘടിപ്പിക്കുന്ന പിറവം വള്ളംകളി മത്സരം ഒക്ടോബർ നാലിന് നടക്കും. മുന്നൊരുക്കങ്ങളുടെ ഭാഗമായി സംഘാടകസമിതി രൂപീകരിച്ചു. പിറവം കൊള്ളിക്കൽ ഇറിഗേഷൻ വകുപ്പ് ഇൻസ്പെക്ഷൻ ബംഗ്ലാവിൽ നടന്ന യോഗം അനൂപ് ജേക്കബ് എം എൽ എ ഉദ്ഘാടനം ചെയ്തു. നെഹ്റു ട്രോഫി ജേതാക്കളായ ഒമ്പത് ചുണ്ടൻ വള്ളങ്ങളാണ് ഇത്തവണ മത്സരിക്കുന്നത്.