തിരുവനന്തപുരം ജില്ലാ എംപ്ലോയ്മെന്റ് എക്സ്ചേയ്ഞ്ചിനു കീഴിലുള്ള എംപ്ലോയബിലിറ്റി സെന്ററിൽ വിവിധ തസ്തികകളിൽ 24ന് രാവിലെ 10ന് അഭിമുഖം നടക്കും. സോളാർ ടെക്നീഷ്യൻ, ബിസിനസ്സ് ഡെവലപ്മെന്റ് എക്സിക്യൂട്ടീവ്, ടെലികോളർ, സെയിൽസ് ഓഫീസർ ട്രെയിനി, അസിസ്റ്റന്റ് ബ്രാഞ്ച് മാനേജർ, ബിസിനസ്സ് ഡെവലപ്മെന്റ് എക്സിക്യൂട്ടീവ്, ലോൺ ഓഫീസർ, ലോൺ ഓഫീസർ ട്രെയിനി തസ്തികകളിലാണ് നിയമനം.

സാമൂഹ്യ നീതി വകുപ്പിന് കീഴിൽ ഭിന്നശേഷി വിഭാഗത്തിൽപ്പെട്ട കലാ പ്രതിഭകളുടെ സംസ്ഥാന ആർട്ട് ട്രൂപ്പ് അനുയാത്ര റിഥം പ്രഖ്യാപനം 23ന് വൈകിട്ട് 6മണിക്ക് തിരുവനന്തപുരം ലുലു ഇന്റർനാഷണൽ മാളിൽ ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു നിർവഹിക്കും.

വാഴക്കുളം അഡീഷണല്‍ ഐ.സി.ഡി.എസ് പ്രോജക്ടിന്റെ പരിധിയിലുള്ള ചൂര്‍ണ്ണിക്കര പഞ്ചായത്തിലെ അങ്കണവാടികളില്‍ ഭാവിയില്‍ ഉണ്ടായേക്കാവുന്ന  അങ്കണവാടി വര്‍ക്കര്‍ ഒഴിവുകളിലേക്ക് അപേക്ഷ ക്ഷണിച്ചു.
ചൂര്‍ണ്ണിക്കര പഞ്ചായത്തില്‍ സ്ഥിര താമസക്കാരും 2024 ജനുവരി ഒന്നിന് 18 വയസ്സ് പൂര്‍ത്തിയായവരും 46 വയസ്സ് പൂര്‍ത്തിയാകാത്തവരുമായ വനിതകള്‍ക്ക് അപേക്ഷിക്കാം. സംവരണ  വിഭാഗക്കാര്‍ക്ക് നിയമാനുസൃത വയസ്സിളവിന് അര്‍ഹതയുണ്ടാകും.അപേക്ഷകര്‍ എസ്.എസ്.എല്‍.സി.യോ, തത്തുല്ല്യ പരീക്ഷയോ പാസ്സായിരിക്കണം. 

ആലപ്പുഴ-അമ്പലപ്പുഴ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 74 (ടയര്‍ ഫാക്ടറി ഗേറ്റ്) ഒക്ടോബര്‍ 23 ന് രാവിലെ 8 മണി മുതല്‍  24 ന് വൈകീട്ട'് 6 മണിവരെ അറ്റകുറ്റപണികള്‍ക്കായി അടച്ചിടും. വാഹനങ്ങള്‍ മേല്‍പറഞ്ഞ സമയം ലെവല്‍ ക്രോസ് നമ്പര്‍ 73 (വാടക്കല്‍പൊഴി ഗേറ്റ്) വഴിയോ ലെവല്‍ ക്രോസ് നമ്പര്‍ 75 (പറവൂര്‍ ഗേറ്റ്) വഴിയോ പോകണം.
(പി.ആര്‍./എ.എല്‍.പി./2156)

തിരുവന്‍വണ്ടൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ സൂക്ഷിച്ചിരിക്കുന്ന മഹാഗണി, കുടംപുളി, പുളിവാക, ആഞ്ഞിലി, തൊണ്ടി, മാവ് എന്നീ മരങ്ങളുടെ തടികളും പുതിയ കെട്ടിട നിര്‍മ്മാണത്തിന് തടസ്സമായി നില്‍ക്കുന്ന തേക്ക് മരവും നവംബര്‍ 1 ന് വെള്ളിയാഴ്ച സ്‌കൂളില്‍ വെച്ച് ലേലം ചെയ്യുന്നു. ലേലത്തില്‍ പങ്കെടുക്കാന്‍ താല്‍പര്യമുള്ളവര്‍ അന്നേ ദിവസം രാവിലെ 10.30 ന് സ്‌കൂളില്‍ എത്തിചേരണമെന്ന് പ്രിന്‍സിപ്പല്‍ അറിയിച്ചു. 
(പി.ആര്‍./എ.എല്‍.പി./2155) 

വനിതാ ശിശുവികസന വകുപ്പിന് കീഴില്‍ ആലപ്പുഴ ജില്ലയില്‍ പ്രവത്തിക്കുന്ന കഞ്ഞിക്കുഴി ഐ.സി.ഡി.എസ് പ്രൊജക്ടിലെ തണ്ണീര്‍മുക്കം ഗ്രാമപഞ്ചായത്തില്‍ ഇന്റര്‍വ്യൂ കാര്‍ഡ് ലഭിച്ചവര്‍ക്കുള്ള അങ്കണവാടി വര്‍ക്കര്‍ തസ്തികയിലേക്കുള്ള കൂടിക്കാഴ്ച ഒക്ടോബര്‍ 28, 29 തീയതികളിലും നവംബര്‍ 4,5,13,14 തീയതികളിലും നടത്തും. രാവിലെ 10 മണി മുതല്‍ തണ്ണീര്‍മുക്കം പഞ്ചായത്ത് ഹാളില്‍ വെച്ചായിരിക്കും കൂടിക്കാഴ്ച്ച.  
(പി.ആര്‍./എ.എല്‍.പി./2154) 

ആലപ്പുഴ:  കൊല്ലകടവ് ഗവണ്‍മെന്റ് മുഹമ്മദന്‍സ് ഹൈസ്‌കൂള്‍  പുതിയ കെട്ടിടത്തിന്റെ ഉദ്ഘാടനം 24 ന് പകല്‍ 3 മണിക്ക് ഫിഷറീസ് സാംസ്‌ക്കാരിക യുവജനകാര്യ വകുപ്പു മന്ത്രി സജി ചെറിയാന്റെ അധ്യക്ഷതിയില്‍ വിദ്യാഭ്യാസ തൊഴില്‍ വകുപ്പ് മന്ത്രി വി. ശിവന്‍കുട്ടി നിർവഹിക്കും.  കൊടിക്കുന്നില്‍ സുരേഷ്. എം. പി. മുഖ്യ സാന്നിദ്ധ്യമായിരിക്കും. ജില്ല പഞ്ചായത്ത് പ്രസിഡന്റ് കെ. ജി. രാജേശ്വരി സ്വാഗതം പറയുന്ന ചടങ്ങിൽ  റിപ്പോർട്ട് ജില്ലാ പഞ്ചായത്ത് അംഗം ഹേമലത മോഹന്‍ അവതരിപ്പിക്കും.

ആലപ്പുഴ: മുളക്കുഴ ഗ്രാമ പഞ്ചായത്തിലെ മുടിക്കുന്ന് ഗവണ്‍മെന്റ് എല്‍. പി. സ്‌കൂള്‍ കാരയ്ക്കാട് പുതിയ കെട്ടിടത്തിന്റെ ഉദ്ഘാടനം 24 ന് രാവിലെ 10.30ന് ഫിഷറീസ് സാംസ്‌ക്കാരിക യുവജനകാര്യ വകുപ്പു മന്ത്രി സജി ചെറിയാന്റെ അധ്യക്ഷതിയില്‍ വിദ്യാഭ്യാസ തൊഴില്‍ വകുപ്പ് മന്ത്രി വി. ശിവന്‍കുട്ടി നിർവഹിക്കും.  കൊടിക്കുന്നില്‍ സുരേഷ്. എം. പി. മുഖ്യ സാന്നിദ്ധ്യമായിരിക്കും. 

ഗവണ്‍മെന്റ് ഐ. ടി. ഐ യുടെ പുതിയതായി പണികഴിപ്പിച്ച കെട്ടിടം, ഹോസ്റ്റല്‍ ,  സംസ്ഥാനതല തൊഴില്‍ മേള എന്നിവയുടെ ഉദ്ഘാടനം 24 ന് രാവിലെ 11. 30ന് ഫിഷറീസ് സാംസ്‌ക്കാരിക യുവജനകാര്യ വകുപ്പു മന്ത്രി സജി ചെറിയാന്റെ അധ്യക്ഷതയില്‍  വിദ്യാഭ്യാസ തൊഴില്‍ വകുപ്പ് മന്ത്രി വി. ശിവന്‍കുട്ടി നിർവഹിക്കും.  കൊടിക്കുന്നില്‍ സുരേഷ്. എം. പി. മുഖ്യ സാന്നിദ്ധ്യമാകും. ഡയറക്ടര്‍ ഓഫ് ട്രെയ്‌നിങ് സൂഫിയാന്‍ അഹമ്മദ്  സ്വാഗതം പറയുന്ന ചടങ്ങിൽ ചെങ്ങന്നൂര്‍ നഗരസഭ ചെയര്‍പേഴ്‌സണ്‍ അഡ്വ. ശോഭ വര്‍ഗീസ് , വാര്‍ഡ് കൗണ്‍സിലര്‍ മനു കൃഷ്ണന്‍, ചീഫ് ഓപ്പറേറ്റിംഗ് ഓഫീസര്‍ ടി. വി. വിനോദ് , അഡീഷണല്‍ ഡയറക്ടര്‍ ഓഫ് ട്രെയിനിങ് മിനി മാത്യു, 

പരിസ്ഥിതിയെ സംരക്ഷിച്ച് മുന്നോട്ടുപോയാലെ മനുഷ്യന് നിലനില്‍പ്പുള്ളൂവെന്ന് എച്ച് സലാം എംഎല്‍എ പറഞ്ഞു. സംസ്ഥാന വനം വന്യജീവി വകുപ്പ് സാമൂഹ്യവനവല്‍ക്കരണ വിഭാഗത്തിന്റെ ആലപ്പുഴ ജില്ലാ നഴ്സറിയുടെ ഉദ്ഘാടനം പുറക്കാട് ഗാന്ധിവനത്തില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം. നമുക്ക് ചുറ്റുമുള്ള ഭൂമി, ജലം, വൃക്ഷങ്ങള്‍ എന്നിവയെയൊക്കെ സംരക്ഷിക്കേണ്ട ഉത്തരവാദിത്തം വിവേകമുള്ള ജീവിയായ മനുഷ്യര്‍ക്കാണ്. പക്ഷേ ഇന്ന് മനുഷ്യരേക്കാള്‍ പ്രകൃതിയോടിണങ്ങി ജീവിക്കുന്നത് മറ്റു ജീവികളാണ്. നമുക്ക് ശുദ്ധവായുവും വെള്ളവുമൊക്കെ വേണം. പക്ഷേ മരം വെട്ടിക്കളയാന്‍ നമുക്ക് യാതൊരു മടിയുമില്ല.