വോട്ടെണ്ണല്‍ ദിവസം രാവിലെ ആറിനു തന്നെ സ്ഥാനാര്‍ഥികളുടെ കൗണ്ടിങ് ഏജന്റുമാര്‍ വോട്ടെണ്ണല്‍ കേന്ദ്രമായ പടന്നക്കാട് നെഹ്‌റു കോളജില്‍ എത്തണമെന്ന് ജില്ലാ കളക്ടര്‍ അറിയിച്ചു. കര്‍ശനമായ സുരക്ഷാ പരിശോധനകള്‍ക്ക് ശേഷമാകും  കടത്തിവിടുന്നത്. മൊബൈല്‍ഫോണ്‍ കൗണ്ടിങ് സ്ഥലത്ത് അനുവദിക്കില്ല. കൊണ്ടുവരുന്നവരുടെ മൊബൈല്‍ഫോണുകള്‍ പിടിച്ചുവയ്ക്കും. പുറത്തുനിന്നും ഭക്ഷണസാധനങ്ങളും വെള്ളവും കൊണ്ടുവരുവാനും അനുവദിക്കില്ല. 
 

ജില്ലയിലെ സര്‍ക്കാര്‍ ഓഫീസുകള്‍ക്ക് സ്റ്റാമ്പും സീലുകളും നിര്‍മിച്ച് വിതരണം ചെയ്യുന്നതിന് ജില്ലാ സ്റ്റേഷനറി ഓഫീസര്‍ ദര്‍ഘാസ് ക്ഷണിച്ചു. ജൂണ്‍ 14 വരെ ദര്‍ഘാസ് സ്വീകരിക്കും. ഫോണ്‍: 0468 2319493.                   (പിഎന്‍പി 1184/19)

ലോക ക്ഷീരദിനാചരണത്തിന്റെ ഭാഗമായി ഓച്ചിറ ക്ഷീരപരിശീലന കേന്ദ്രത്തിന്റെ ആഭിമുഖ്യത്തില്‍ ഈ മാസം 27ന് രാവിലെ 10.30 മുതല്‍ ഹൈസ്‌കൂള്‍ വിദ്യാര്‍ഥികള്‍ക്കായി പെയിന്റിംഗ്, പെന്‍സില്‍ ഡ്രോയിംഗ് മത്സരങ്ങള്‍ നടത്തും. പങ്കെടുക്കാന്‍ താത്പര്യമുള്ളവര്‍ 25ന് വൈകിട്ട് നാലിന് മുമ്പ് രജിസ്റ്റര്‍ ചെയ്യണം. ഫോണ്‍: 0476 2698550. 

                  (പിഎന്‍പി 1183/19)

കാത്തിരിപ്പിന്റെ ദിനങ്ങള്‍ക്ക് വിരാമിടാന്‍ ഇനി മണിക്കൂറുകള്‍ മാത്രം. ഗ്രാമ-നഗര ഭേദമന്യേ  എവിടെയും തെരഞ്ഞെടുപ്പ് ചര്‍ച്ചകള്‍ ചൂടുപിടിക്കുകയാണ്. വോട്ടെണ്ണുന്നതിനുള്ള സജ്ജീകരണങ്ങള്‍ ഒരുക്കുന്നതിനുള്ള പ്രവര്‍ത്തനങ്ങള്‍ അന്തിമഘട്ടത്തിലാണെന്ന് ജില്ലാ കളക്ടര്‍ ഡോ.ഡി സജിത് ബാബു അറിയിച്ചു. വോട്ടെണ്ണല്‍ ഉദ്യോഗസ്ഥരായ കൗണ്ടിങ് സൂപ്രവൈസര്‍മാര്‍ക്കും കൗണ്ടിങ് അസിസ്റ്റന്റുമാര്‍ക്കും ടെക്‌നിക്കല്‍ ടീമിനും പരിശീലനം നല്കി. മൈക്രോ ഒബ്‌സര്‍വര്‍മാര്‍ക്കുള്ള പരിശീലനം ഇന്ന്(21) രാവിലെ 9.30 ന് കളക്ടറേറ്റ് മിനി കോണ്‍ഫറന്‍സ് ഹാളില്‍ ആരംഭിക്കും.

സാംസ്‌കാരിക വകുപ്പിന് കീഴില്‍ പ്രവര്‍ത്തിക്കുന്ന ആറന്മുള വാസ്തുവിദ്യാ ഗുരുകുലത്തില്‍ വിവിധ കോഴ്‌സുകളിലേക്ക് അപേക്ഷ ക്ഷണിച്ചു. 

പോസ്റ്റ് ഗ്രാജുവേറ്റ് ഡിപ്ലോമ ഇന്‍ ട്രഡീഷണല്‍ ആര്‍ക്കിടെക്ചര്‍ കോഴ്‌സിലേക്ക് ബി.ടെക്-സിവില്‍ എന്‍ജിനീയറിംഗ്, ആര്‍ക്കിടെക്ചര്‍ വിഷയങ്ങളില്‍ ബിരുദമാണ് യോഗ്യത. ആകെ സീറ്റുകള്‍ 25. കോഴ്‌സ് ഫീസ് 50000 രൂപയും ജി.എസ്.ടിയും. 

സര്‍ട്ടിഫിക്കറ്റ് കോഴ്‌സ് ഇന്‍ ട്രഡീഷണല്‍ ആര്‍ക്കിടെക്ചര്‍ കോഴ്‌സിലേക്ക് എസ്എസ്എല്‍സി യോഗ്യതയുള്ളവര്‍ക്ക് അപേക്ഷിക്കാം. ആകെ സീറ്റുകള്‍ 40. കോഴ്‌സ് ഫീസ് 20000 രൂപയും ജി.എസ്.ടിയും.

അടൂര്‍ കെല്‍ട്രോണ്‍ നോളജ് സെന്ററില്‍ ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍, വേഡ് പ്രോസസിംഗ് ആന്‍ഡ് ഡാറ്റാ എന്‍ട്രി, ഡിപ്ലോമ ഇന്‍ കംപ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്ക് മെയിന്റനന്‍സ് വിത്ത് ലാപ്‌ടോപ്പ് ടെക്‌നോളജീസ് എന്നീ കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി മെയ് 30. ഫോണ്‍: 9526229998, 04734 229998.          (പിഎന്‍പി 1181/19)

സംസ്ഥാന വനിതാ കമ്മീഷന്‍ ഈ മാസം 31ന് രാവിലെ 10.30 മുതല്‍ കളക്ടറേറ്റ് കോണ്‍ഫറന്‍സ് ഹാളില്‍ മെഗാ അദാലത്ത് നടത്തും.          (പിഎന്‍പി 1180/19)

ലോക്‌സഭാ തെരഞ്ഞെടുപ്പിലെ കാസര്‍കോട് മണ്ഡലത്തിലെ വോട്ട് എണ്ണുന്നതിനുള്ള ഉദ്യോഗസ്ഥരുടെ രണ്ടാംഘട്ട റാന്‍ഡമൈസേഷന്‍ ജില്ലാ കളക്ടര്‍ ഡോ.ഡി സജിത് ബാബുവിന്റെ നേതൃത്വത്തില്‍ കളക്ടറുടെ ചേംബറില്‍ നടത്തി. റാന്‍ഡമൈസേഷന്‍ പ്രകാരം  ഓരോ ഉദ്യോഗസ്ഥരും ഏതു നിയോജക മണ്ഡലത്തിലെ വോട്ടാണ് എണ്ണേണ്ടത് എന്ന് നിശ്ചയിച്ചു. 
23 ന്  രാവിലെ അഞ്ചിന് വോട്ടണ്ണെല്‍ കേന്ദ്രമായ പടന്നക്കാട് നെഹ്‌റു ആര്‍ട്‌സ് ആന്റ് സയന്‍സ് കോളേജിലാണ് ഉദ്യോഗസ്ഥരുടെ അവസാനഘട്ട റാന്‍ഡമൈസേഷന്‍ നടത്തുക. അവസാനഘട്ട റാന്‍ഡമൈസേഷനില്‍ ആണ് ഉദ്യോഗസ്ഥര്‍,അവര്‍ നിയോഗിക്കപ്പെട്ട നിയോജകമണ്ഡലത്തിലെ ഏത് ടേബിളിലെ വോട്ടാണ് എണ്ണുകയെന്ന് നിശ്ചയിക്കുക.

പോലീസ് വകുപ്പില്‍ പോലീസ് കോണ്‍സ്റ്റബിള്‍ (കെഎപി മൂന്നാം ബറ്റാലിയന്‍) (കാറ്റഗറി നമ്പര്‍ 657/17) തസ്തികയിലേക്ക് ഏപ്രില്‍ ഒമ്പത് മുതല്‍ മെയ് മൂന്ന് വരെ ആലപ്പുഴ ജില്ലയില്‍ നടത്തിയ ശാരീരിക അളവെടുപ്പ്/കായിക ക്ഷമതാ പരീക്ഷ പാസായവരില്‍ പുനരളവെടുപ്പിന് അപ്പീല്‍ നല്‍കിയിട്ടുള്ളവരുടെ പുനരളവെടുപ്പ് ഈ മാസം 23ന് തിരുവനന്തപുരം പി.എസ്.സി ആസ്ഥാനത്ത് നടത്തും. കൂടുതല്‍ വിവരം ജില്ലാ പി.എസ്.സി ഓഫീസില്‍ ലഭിക്കും. ഫോണ്‍: 0468 2222665.                                          (പിഎന്‍പി 1179/19)