കാക്കനാട്: എറണാകുളം പി വി എസ് മെമ്മോറിയൽ ഹോസ്പിറ്റലിനു മുന്നിൽ ജീവനക്കാർ നടത്തിവന്ന അനശ്ചിതകാല സമരം തൊഴിൽ വകുപ്പിന്റെ ഇടപെടലിനെ തുടർന്ന്  ഒത്തുതീർന്നു.  2018 ആഗസ്റ്റു മുതൽ ശമ്പളം മുടങ്ങിയതിനെ തുടർന്ന് കഴിഞ്ഞ രണ്ടാഴ്ചയായി മുഴുവൻ ജീവനക്കാരും ഡ്യൂട്ടി സമയത്ത് ഹോസ്പിറ്റലിനു മുന്നിൽ കുത്തിയിരുപ്പു സമരം നടത്തിവരികയായിരുന്നു.  എറണാകുളം റീജ്യണൽ ജോയന്റ് ലേബർ കമ്മീഷണർ  കെ.ശ്രീലാൽ ജീവനക്കാരുമായി നടത്തിയ അനുരഞ്ജന ചർച്ചയെ തുടർന്നാണ് ഒത്തുതീർപ്പ്.  

വോട്ടെണ്ണല്‍ ക്രമീകരണം സംബന്ധിച്ച് ജില്ലാ കളക്ടറുടെ പത്രസമ്മേളനം നാളെ ചൊവ്വാഴ്ച്ച ഉച്ചയ്ക്ക് മൂന്നു മണിക്ക് കളക്ടറേറ്റില്‍

40 രാജ്യങ്ങളിലെ അംബാസഡര്‍മാര്‍
സിയാല്‍ സൗരോര്‍ജ പദ്ധതി കാണാനെത്തുന്നു

ജനകീയാസൂത്രണം 2019- 20 വാര്‍ഷിക പദ്ധതിയിലെ സ്പില്‍ ഓവര്‍ പ്രൊജക്ടുകള്‍ ഉള്‍പ്പെടുത്തി പരിഷ്‌കരിക്കന്നതിനും പദ്ധതി നിര്‍വ്വഹണവും കാര്യക്ഷമമായി മുന്നോട്ട് കൊണ്ടുപോകുന്നതിന് ജില്ലാ ആസൂത്രണ സമിതിയുടെ നേതൃത്വത്തില്‍ മെയ് 21 ന് രാവിലെ 9.30 മുതല്‍ വൈകിട്ട് നാല് വരെ ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ജില്ലാതല പരിശീലനം നടക്കും. പരിശീലനത്തില്‍ ജില്ലയിലെ മുഴുവന്‍ തദ്ദേശഭരണ സ്ഥാപന സെക്രട്ടറിമാര്‍, പ്ലാന്‍ ക്ലര്‍ക്ക്മാര്‍, ഐ.കെ.എം ടെക്‌നിക്കല്‍ അസിസ്റ്റന്റുമാര്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.  

പോലീസ് വകുപ്പില്‍ (കെഎപി ll ബറ്റാലിയന്‍) സിവില്‍ പോലീസ് ഓഫീസര്‍ (കാറ്റഗറി നമ്പര്‍: 657/17) തസ്തികയിലേയ്ക്കുള്ള ശാരീരിക പുനരളവെടുപ്പ് മെയ് 23, 24 തിയ്യതികളില്‍ എറണാകുളം മേഖല ഓഫീസില്‍ നടക്കുമെന്ന് ജില്ലാ ഓഫീസര്‍ അറിയിച്ചു. മുന്‍പു നടന്ന ശാരീരിക അളവെടുപ്പില്‍ അപ്പീല്‍ നല്‍കിയ ശേഷം കായികക്ഷമതാ പരീക്ഷയില്‍ വിജയിച്ച പാലക്കാട് ജില്ലയിലെ ഉദ്യോഗാര്‍ത്ഥികളാണ് പങ്കെടുക്കേണ്ടത്. അര്‍ഹരായവര്‍ക്ക് ഇതുസംബന്ധിച്ച് എസ്എംഎസ്/ പ്രൊഫൈല്‍ മെസ്സേജ് നല്‍കിയിട്ടുണ്ട്. അഡ്മിഷന്‍ ടിക്കറ്റും ഒരു അംഗീകൃത അസ്സല്‍ തിരിച്ചറിയല്‍ രേഖയുമായി ഹാജരാകണം

കുഴല്‍മന്ദം ഗവ. മോഡല്‍ റസിഡന്‍ഷ്യല്‍ പോളിടെക്‌നിക് കോളേജില്‍ സിവില്‍ എഞ്ചിനീയറിംഗ് വിഭാഗത്തിലെ വിവിധ ഒഴിവുകളിലേയ്ക്ക് അപേക്ഷിക്കാം. ലക്ചറര്‍, ഡെമോണ്‍സ്‌റ്റ്രേറ്റര്‍, ട്രേഡ്‌സ്മാന്‍ തസ്തികകളിലെ താത്ക്കാലിക ഒഴിവുകളിലേയ്ക്കാണ് നിയമനം. യഥാക്രമം സിവില്‍ എഞ്ചിനീയറിംഗില്‍ ഒാംക്ലാസ്സോടെയുള്ള ബിടെക്/ബിഇ, ത്രിവത്സര ഡിപ്ലോമ, ഐടിഐ ഡ്രഫ്ട്‌സ്മാന്‍ എന്നിങ്ങനെയാണ് യോഗ്യത. താത്പര്യമുള്ളവര്‍ അസ്സല്‍ രേഖകള്‍ സഹിതം മെയ് 22ന് രാവിലെ 10ന് ഓഫീസില്‍ കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04922 272900.

കാര്‍ഷിക വികസന കര്‍ഷകക്ഷേമ വകുപ്പ് 2019-20 വര്‍ഷത്തെ പച്ചക്കറി വികസന പദ്ധതിപ്രകാരം ജില്ലയ്ക്ക് ആറരക്കോടിരൂപ അനുവദിച്ചതായി പ്രിന്‍സിപ്പല്‍ കൃഷി ഓഫീസര്‍ അറിയിച്ചു. ഗ്രോബാഗ്, പച്ചക്കറി തൈ, വിത്ത്, തിരിനന, തുള്ളി ജലസേചന പദ്ധതി, സീറോ എനര്‍ജി കൂള്‍ ചേംബര്‍, മിനി പോളി ഹൗസ്, ക്ലസ്റ്റര്‍, ക്ലസ്റ്റര്‍ പമ്പ് സെറ്റ്, സസ്യസംരക്ഷണ ഉപകരണങ്ങള്‍, നഴ്‌സറി ('ോക്ക് ലെവല്‍), റെയിന്‍ ഷെല്‍'ര്‍, സൂക്ഷമ ജലസേചന പദ്ധതി, തരിശുനില കൃഷി, സ്റ്റാഗേര്‍ഡ് ക്ലസ്റ്റര്‍ തുടങ്ങിയവയ്ക്കാണ് തുക അനുവദിച്ചിരിക്കുത്. കൂടുതല്‍ വിവരങ്ങള്‍ അടുത്തുള്ള കൃഷിഭവനില്‍ ലഭിക്കും. 

എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയുടെ ആലത്തൂര്‍ ഉപകേന്ദ്രത്തില്‍  കോഴ്‌സ്  പ്രവേശനത്തിന് അപേക്ഷിക്കാം. ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍, ഡിപ്ലോമ ഇന്‍ കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ്, യൂസിംഗ് ടാലി എന്നീ കോഴ്‌സുകളിലാണ് പ്രവേശനം. എസ്എസ്എല്‍സി,  പ്ലസ്ടു, ഡിഗ്രിയാണ്  യോഗ്യത.  എസ്.സി. എസ്.ടി ഒ.ഇ.സി വിദ്യാര്‍ഥികള്‍ക്ക് അര്‍ഹമായ ഫീസ് ആനുകൂല്യം ലഭിക്കും. വിശദ വിവരങ്ങള്‍ക്ക് ഓഫീസര്‍ ഇന്‍ ചാര്‍ജ്, എല്‍.ബി.എസ്, സബ് സെന്റര്‍, ആലത്തൂര്‍ വിലാസത്തില്‍ ബന്ധപ്പെടാം. ഫോണ്‍  - 04922222660.