ഐഎച്ച്ആര്‍ഡിയുടെ കീഴില്‍ പ്രവര്‍ത്തിക്കുന്ന ടെക്‌നിക്കല്‍ ഹയര്‍ സെക്കന്‍ഡറി സ്‌കൂളുകളില്‍ പതിനൊന്നാം ക്ലാസ് പ്രവേശനത്തിന് അപേക്ഷ സ്വീകരിക്കുന്ന അവസാന തീയതി ഈ മാസം 20 ആയി പുനക്രമീകരിച്ചു. അപേക്ഷയും അനുബന്ധ രേഖകളും 100 രൂപ രജിസ്‌ട്രേഷന്‍ ഫീസ് സഹിതം (പട്ടികജാതി/വര്‍ഗ വിഭാഗത്തിന് 50 രൂപ) 20ന് വൈകിട്ട് മൂന്നിന് മുമ്പ് പ്രവേശനം ആഗ്രഹിക്കുന്ന സ്‌കൂളില്‍ ലഭിക്കണം. 

                  (പിഎന്‍പി 1132/19)

ജില്ലാ ഭക്ഷ്യസുരക്ഷാ അസിസ്റ്റന്റ് കമ്മീഷണറുടെ ഓഫീസിലേക്ക് ഡ്രൈവര്‍ ഉള്‍പ്പെടെ വാഹനം നല്‍കുന്നതിന് ദര്‍ഘാസ് ക്ഷണിച്ചു. ദര്‍ഘാസുകള്‍ ഈ മാസം 27ന് വൈകിട്ട് മൂന്ന് വരെ സ്വീകരിക്കും.          (പിഎന്‍പി 1133/19)

കൈപ്പട്ടൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ 2019-20 അധ്യയന വര്‍ഷം ഹയര്‍ സെക്കന്‍ഡറി വിഭാഗത്തിലേക്കുള്ള ഗസ്റ്റ് അധ്യാപകരുടെ ഇന്റര്‍വ്യൂ 16,17 തീയതികളില്‍ നടക്കും. 16ന് ഇക്കണോമിക്‌സ്, കെമിസ്ട്രി, ഫിസിക്‌സ്, ഇംഗ്ലീഷ്, മാത്‌സ് വിഷയങ്ങളിലേക്കും 17ന് മലയാളം, ഹിന്ദി, സുവോളജി, ബോട്ടണി, കൊമേഴ്‌സ്, കംപ്യൂട്ടര്‍ ആപ്ലിക്കേഷന്‍ വിഷയങ്ങളിലേക്കുമാണ് ഇന്റര്‍വ്യൂ നടത്തുന്നത്. താത്പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി രാവിലെ 9.30ന് സ്‌കൂള്‍ ഓഫീസില്‍ എത്തണമെന്ന് പ്രിന്‍സിപ്പല്‍ അറിയിച്ചു.                   (പിഎന്‍പി 1131/19)

മൂന്നാര്‍ മോഡല്‍ റസിഡന്‍ഷ്യല്‍ സ്‌കൂളില്‍ 2019-20 അധ്യയന വര്‍ഷം  വിവിധ ക്ലാസുകളില്‍ ഒഴിവുള്ള സീറ്റുകളില്‍ പ്രവേശനം ലഭിക്കുന്നതിന് പട്ടികവര്‍ഗ്ഗക്കാരായ വിദ്യാര്‍ത്ഥികളുമായി മെയ് 22ന് രാവിലെ 11.30ന് സ്‌കൂള്‍ ഓഫീസില്‍ കൂടിക്കാഴ്ച നടത്തുന്നു. താല്‍പ്പര്യമുള്ള വിദ്യാര്‍ത്ഥികള്‍ ജാതി സര്‍ട്ടിഫിക്കറ്റ് , ഇപ്പോള്‍ പഠിക്കുന്ന ക്ലാസ് സംബന്ധിച്ച് സ്‌കൂള്‍ ഹെഡ്മാസ്റ്ററുടെ സര്‍ട്ടിഫിക്കറ്റ് സഹിതം കൃത്യസമയത്ത് ഹാജരാകണം. ഫോണ്‍ 9446765213.

സംസ്ഥാനത്തെ എല്ലാ സര്‍ക്കാര്‍/എയ്ഡഡ്/അണ്‍ എയ്ഡഡ്/ അംഗീകൃത സി.ബി.എസ്.ഇ, ഐ.സി.എസ്.ഇ സ്‌കൂളുകളില്‍ 1 മുതല്‍ 10 വരെ ക്ലാസുകളില്‍ പഠിക്കുന്ന ഒ.ഇ.സി വിഭാഗം വിദ്യാര്‍ത്ഥികള്‍ക്കുള്ള വിദ്യഭ്യാസാനുകൂല്യം ഇനി മുതല്‍ വിദ്യാര്‍ത്ഥികളുടെ അക്കൗണ്ടുകളിലേക്ക് നേരിട്ട് ട്രാന്‍സ്ഫര്‍ ചെയ്യും. ഒ.ഇ.സി വിദ്യാഭ്യാസാനുകൂല്യത്തിന് അര്‍ഹരായ വിദ്യാര്‍ത്ഥികള്‍  മെയ് 31നകം അവരവരുടെയും രക്ഷിതാവിന്റെയും പേരിലുള്ള ജോയിന്റ് ബാങ്ക് അക്കൗണ്ടുകള്‍ ആരംഭിക്കണം. നിലവില്‍ ബാങ്ക് അക്കൗണ്ടുകള്‍ ഉള്ള വിദ്യാര്‍ത്ഥികള്‍ ബാങ്കുമായി ബന്ധപ്പെട്ട് അവ ലൈവ് ആണെന്ന് ഉറപ്പാക്കണം.

ഇടുക്കി ഗവണ്‍മെന്റ് മെഡിക്കല്‍ കോളേജില്‍ 2019-20 അധ്യയന വര്‍ഷം എം.ബി.ബി.എസ് കോഴ്‌സ് തുടങ്ങുന്നതിനായി ജൂനിയര്‍ റസിഡന്റുമാരുടെ ഇന്റര്‍വ്യൂ മെയ് 22ന് രാവിലെ 10.30നും സീനിയര്‍ റസിഡന്റുമാരുടെ ഇന്റര്‍വ്യൂ മെയ് 23ന് രാവിലെ 10.30നും മെഡിക്കല്‍ കോളേജ് പ്രിന്‍സിപ്പാളിന്റെ ഓഫീസില്‍ നടത്തും. അര്‍ഹരായ ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഓഫീസില്‍ ഹാജരാകണം. വിശദവിവരങ്ങള്‍ക്ക് ഫോണ്‍ 04862 233076, 9995538397.