2013  മുതല്‍ അഖിലേന്ത്യാ ട്രേഡ് ടെസ്റ്റില്‍ പങ്കെടുത്ത് പരാജയപ്പെട്ട വ്യവസായ തൊഴിലാളികളില്‍ നിന്നും മൂന്ന്, നാല് സെമസ്റ്ററുകളില്‍ സപ്ലിമെന്ററിയായി പരീക്ഷയെഴുതാന്‍ അപേക്ഷ ക്ഷണിച്ചു. നിശ്ചിത മാതൃകയിലുള്ള അപേക്ഷ ബന്ധപ്പെട്ട ഐ.ടി.ഐ പ്രിന്‍സിപ്പാളിന് മെയ് 15ന് മൂന്ന് മണിക്ക് മുമ്പായി സമര്‍പ്പിക്കണം. 2014 വര്‍ഷക്കാര്‍ മെയ് 13നകം അപേക്ഷ നല്‍കണം. ഫൈനോടുകൂടിയ അപേക്ഷ സ്വീകരിക്കുന്ന അവസാന തീയതി മെയ് 17. ബന്ധപ്പെട്ട സെമസ്റ്ററുകളില്‍ 5 ചാന്‍സ് ഉപയോഗിക്കാത്തവരായിരിക്കണം. വിവരങ്ങള്‍ക്ക്  ംംം.റലസേലൃമഹമ.ഴീ്.ശി വെബ്‌സൈറ്റ് സന്ദര്‍ശിക്കണം. 

പൈനാവ് കൈന്ദ്രീയ വിദ്യാലയത്തില്‍ സയന്‍സ് സ്ട്രീമില്‍ 2019-20 അധ്യായന വര്‍ഷത്തേക്കുള്ള 11-ാം ക്ലാസ് അഡ്മിഷന്‍ ആരംഭിച്ചു. പത്താം ക്ലാസ് പരീക്ഷയില്‍ 60 ശതമാനത്തില്‍ (എല്ലാ വിഷയവും ഉള്‍പ്പെടെ) കൂടുതല്‍ ലഭിച്ച വിദ്യാര്‍ത്ഥികള്‍ വിദ്യാലയ ഓഫീസില്‍ നിന്ന് ലഭിക്കുന്ന അപേക്ഷാഫോറം പൂരിപ്പിച്ച് നല്‍കണം. അപേക്ഷഫാറം ലഭിക്കുന്ന അവസാന തീയതി മെയ് 25.  ഫോണ്‍ 04862- 232205.

ജില്ലയില്‍ ഹോമിയോപ്പതി വകുപ്പില്‍ 11620- 20240 രൂപ ശമ്പള സ്‌കെയിലില്‍ ലബോറട്ടറി ടെക്‌നീഷ്യന്‍ (കാറ്റഗറി നം. 439/ 2012) തസ്തികയിലേക്കുള്ള തെരഞ്ഞെടുപ്പിനായി 2016 ഏപ്രില്‍ 18ന് നിലവില്‍ വന്ന 213/2016/ ൈ ്‌നമ്പര്‍ റാങ്ക് പട്ടികയുടെ കാലാവധി 2019 ഏപ്രില്‍ 17ന് പൂര്‍ത്തിയായതിനാല്‍ 18.04.2019  പൂര്‍വ്വാഹ്നം മുതല്‍ റദ്ദാക്കിയതായി പി.എസ്.സി ജില്ലാ ഓഫീസര്‍ അറിയിച്ചു.

പരിസ്ഥിതി സംരക്ഷണം ലക്ഷ്യമിട്ട് അടിമാലി ഗ്രാമപഞ്ചായത്തിന്റെ നേതൃത്വത്തില്‍ പച്ചത്തുരുത്ത് പദ്ധതിക്ക് തുടക്കമായി. അടിമാലി ടൗണിലും പരിസര പ്രദേശങ്ങളിലെയും തരിശ് സ്ഥലങ്ങളില്‍ ഫലവൃക്ഷങ്ങള്‍, ഔഷധ സസ്യങ്ങള്‍, വിവിധ ഇനം ചെടികള്‍ തുടങ്ങിയവ നട്ടു പിടിപ്പിച്ച് പരമാവധി ഇടങ്ങളില്‍ പച്ചപ്പ് സൃഷ്ടിക്കുകയാണ് പച്ചതുരുത്ത് പദ്ധതിയുടെ ലക്ഷ്യം. ആദ്യഘട്ടത്തില്‍ ദേശിയപാത 185ല്‍ അടിമാലി പാല്‍ക്കോ പമ്പ് ജംഗ്ഷന്‍ മുതല്‍ പക്കായപ്പടി ജംഗ്ഷന്‍വരെയുള്ള ഭാഗങ്ങളിലാണ് പദ്ധതി നടപ്പാക്കുന്നത്. സസ്യങ്ങള്‍ സംരക്ഷിക്കുന്നതിനുള്ള നടപടികള്‍ പഞ്ചായത്ത് ഭരണ സമിതി സ്വീകരിക്കും.

കട്ടപ്പന ടൗണും പരിസരവും ശുചീകരിച്ച് എന്‍സിസി കേഡറ്റുകള്‍