വണ്ടിപ്പെരിയാര്‍ ഗവ. പോളിടെക്നിക് കോളേജിലെ ലേഡീസ് ഹോസ്റ്റലില്‍ 2019-20 അധ്യയന വര്‍ഷത്തേക്ക് താല്‍ക്കാലികാടിസ്ഥാനത്തില്‍ ഹോസ്റ്റല്‍ മേട്രനെ നിയമിക്കുന്നു. അഭിമുഖത്തില്‍ പങ്കെടുക്കാന്‍ ആഗ്രഹിക്കുന്ന വനിതാ ഉദ്യോഗാര്‍ത്ഥികള്‍ മെയ് 10ന് രാവിലെ 10 മണിക്ക് തിരിച്ചറിയല്‍ രേഖ, മുന്‍പരിചയമുണ്ടെങ്കില്‍ അവ തെളിയിക്കുന്ന സര്‍ട്ടിഫിക്കറ്റ് എന്നിവയുമായി ഗവ. പോളിടെക്നിക് കേളേജ് പ്രിന്‍സിപ്പാള്‍ മുമ്പാകെ ഹാജരാകണം. ഫോണ്‍ 04869 253710.

പട്ടികജാതി വികസന വകുപ്പിന് കീഴില്‍ പീരുമേട് കുട്ടിക്കാനത്തു പ്രവര്‍ത്തിക്കുന്ന ഗവ. മോഡള്‍ റസിഡന്‍ഷ്യല്‍ സ്‌കൂളിന് ഈ വര്‍ഷത്തെ എസ്.എസ്.എല്‍.സി പരീക്ഷക്ക് 100 ശതമാനം വിജയം. പരീക്ഷയെഴുതിയ 39 കുട്ടികളും വിജയിച്ചു. ഒരു കുട്ടിക്ക് എല്ലാ വിഷയത്തിനും എ പ്ലസ് ലഭിച്ചിട്ടുണ്ട്. തുടര്‍ച്ചയായി 15-ാം തവണയാണ് സ്ഥാപനം ഈ നേട്ടം കൈവരിക്കുന്നത്.

മഴക്കാല രോഗങ്ങളും പകര്‍ച്ചവ്യാധികളും തടയുന്നതിനുള്ള കര്‍മ്മ പദ്ധതിയുമായി ബന്ധപ്പെട്ട കാര്യങ്ങള്‍ അവലോകനം ചെയ്യുന്നതിന് ചീഫ് സെക്രട്ടറി ടോം ജോസിന്റെ നേതൃത്വത്തില്‍ യോഗം ചേര്‍ന്നു. വീഡിയോ കോണ്‍ഫറന്‍സ് മുഖേന ജില്ലാ കളക്ടര്‍മാരുമായി ജില്ലകളിലെ പുരോഗതികള്‍ അദ്ദേഹം വിലയിരുത്തി.  മഴക്കാല ശുചീകരണത്തിനും പ്രതിരോധ പ്രവര്‍ത്തനത്തിനുമായുള്ള ശുചിത്വ യജ്ഞം പദ്ധതിയുടെ പ്രവര്‍ത്തനങ്ങളും ആരോഗ്യ ജാഗ്രത തുടര്‍ പ്രവര്‍ത്തനങ്ങള്‍ ജില്ലാതലത്തില്‍ കളകടര്‍ എച്ച് ദിനേശനോടൊപ്പം വിശകലനം ചെയ്തു. 

 ജില്ലയില്‍ എസ്എസ്എല്‍സി  പരീക്ഷയെഴുതിയവരില്‍  98.44%  ഉപരിപഠനത്തിന് യോഗ്യതനേടി.  ഇത്തവണ ആകെ 12125 വിദ്യാര്‍ഥികള്‍ ജില്ലയില്‍ പരീക്ഷയെഴുതി. അതില്‍ 11936 പേര്‍ ഉപരിപഠനത്തിന് യോഗ്യതനേടി. 822 വിദ്യാര്‍ഥികള്‍ എല്ലാവിഷയത്തിനും എ പ ്‌ളസ് നേടി. 89 സ്‌കൂളുകള്‍ സമ്പൂര്‍ണ വിജയം നേടി. ഇതില്‍ 46 എണ്ണം സര്‍ക്കാര്‍ സ്‌കൂളുകളാണ്.

 പട്ടികവര്‍ഗ്ഗ വികസന വകുപ്പിന് കീഴില്‍ ഇടുക്കി, കോട്ടയം, എറണാകുളം എന്നിവിടങ്ങളില്‍ പ്രവര്‍ത്തിക്കുന്ന മോഡല്‍ റസിഡന്‍ഷ്യല്‍ സ്‌കൂളുകളിലും പ്രീമെട്രിക്/ പോസ്റ്റ്‌മെട്രിക്   ഹോസ്റ്റലുകളിലും കൗണ്‍സിലര്‍ തസ്തികകളില്‍ കരാറടിസ്ഥാനത്തില്‍ നിയമിക്കുന്നതിന്  അപേക്ഷ സമര്‍പ്പിച്ചിട്ടുള്ളവര്‍ക്ക് മെയ് 15ന് രാവിലെ 9 മുതല്‍ ഐ.റ്റി.ഡി.പി ഓഫീസ്, ഇടുക്കി, തൊടുപുഴ മിനി സിവില്‍ സ്റ്റേഷന്‍,