ജില്ലാ പബ്ലിക് ലൈബ്രറിയുടെ ആഭിമുഖ്യത്തില്‍ എന്‍.രവിശങ്കര്‍ എഴുതിയ ഇംഗ്ലീഷ് കവിതകളുടെ സമാഹാരം ദി ബുള്ളറ്റ് ട്രെയിന്‍ ആന്‍റ് അദര്‍ ലോഡഡ് പോയംസ് മെയ് അഞ്ചിന് പ്രകാശനം ചെയ്യും. ഇതിനോടനുബന്ധിച്ച് വൈകുന്നേരം നാലിന് ജില്ലാ പബ്ലിക് ലൈബ്രറിയിലെ മറിയുമ്മ ഹാളില്‍ നടക്കുന്ന കാവ്യസദസ് കാശ്മീരി കവി ഹുസൈഫ പണ്ഡിറ്റ് ഉദ്ഘാടനം ചെയ്യും. കവിയും നോവലിസ്റ്റുമായ ടി.പി.രാജീവന്‍ പുസ്തക പ്രകാശനം നിര്‍വഹിക്കും. പി.എസ്.ജോസഫ് പുസ്തകം സ്വീകരിക്കും. കേരള സംഗീത നാടക അക്കാദമി സെക്രട്ടറി എന്‍.രാധാകൃഷ്ണന്‍ നായര്‍ പുസ്തകം പരിചയപ്പെടുത്തും. ജില്ലയിലെ നിരവധി സാഹിത്യകാരന്‍മാര്‍ പരിപാടിയില്‍ പങ്കെടുക്കും. 

പല്ലശ്ശന കിഴക്കേത്തറ ചിന്നന്‍  ചെട്ടിയാരുടെ മകന്‍ മോഹനനെ(44) കാണ്‍മാനില്ല. 165 സെന്‍റിമീറ്റര്‍ ഉയരവും ഇരു നിറവുമുള്ള ഇയാള്‍ വലതു കൈത്തണ്ടയില്‍ സിന്ധു എന്ന് പച്ച കുത്തിയിട്ടുണ്ട്. പൂരപ്പറമ്പുകളില്‍ കച്ചവടം ചെയ്യുന്നയാളാണ്. പാന്‍റും ഷര്‍ട്ടുമാണ് ധരിക്കാറുളളത്.

പൊതുവിതരണ കേന്ദ്രങ്ങളിലൂടെയുള്ള ഏപ്രില്‍ മാസത്തെ ഭക്ഷ്യധാന്യ വിതരണം മെയ് നാല് വരെ ദീര്‍ഘിപ്പിച്ചതായി ജില്ലാ സപ്ലൈ ഓഫീസര്‍ അറിയിച്ചു. 

പൊതുതിരഞ്ഞെടുപ്പ് പെരുമാറ്റച്ചട്ടം നിലനില്‍ക്കുന്നതിനാല്‍ മെയ് ഏഴിന് പാലക്കാട് ആര്‍ ഐ സെന്ററില്‍ നടത്താനിരുന്ന പാര്‍ട്ട് ടൈം സ്വീപ്പര്‍ തസ്തികയിലേയ്ക്കുള്ള കൂടിക്കാഴ്ച മാറ്റിവെച്ചതായി ആര്‍ഐ സെന്റര്‍ ട്രെയിനിംഗ് ഓഫീസര്‍ അറിയിച്ചു. ഫോണ്‍: 0491 2815761