കുളത്തൂര്‍ ഇലക്ട്രിക്കല്‍ സെക്ഷന്‍ പരിധിയില്‍ കൈരളി നഗര്‍ ഭാഗത്തും തിരുവല്ലം സെക്ഷന്‍ പരിധിയില്‍ പാലപ്പൂര്‍, ചാനല്‍ക്കര, പനത്തുറ, ഓലത്തിന്‍കര എന്നിവിടങ്ങളിലും ഇന്ന് (14 മേയ്) രാവിലെ ഒമ്പതു മുതല്‍ വൈകിട്ട് 5.30 വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.
(പി.ആര്‍.പി. 559/2019)

    ഈ അധ്യയന വര്‍ഷത്തെ ഹയര്‍ സെക്കന്‍ഡറി ക്ലാസുകള്‍ ജൂണ്‍ മൂന്നിന് തുടങ്ങാന്‍ സര്‍ക്കാര്‍ തീരുമാനിച്ച സാഹചര്യത്തില്‍ ഐ.എച്ച്.ആര്‍.ഡിയുടെ നിയന്ത്രണത്തിലുള്ള ടെക്‌നിക്കല്‍ ഹയര്‍ സെക്കന്‍ഡറി സ്‌കൂളുകളിലെ 11-ാം സ്റ്റാന്‍ഡേര്‍ഡ് പ്രവേശനത്തിനുള്ള അപേക്ഷകള്‍ ബന്ധപ്പെട്ട സ്‌കൂളുകളില്‍ ലഭിക്കേണ്ട അവസാന തീയതി മേയ് 20 ആയി പുനഃക്രമീകരിച്ചതായി ഡയറക്ടര്‍ അറിയിച്ചു. അപേക്ഷയും അനുബന്ധ രേഖകളും 100 രൂപയുടെ രജിസ്‌ട്രേഷന്‍ ഫീസ് സഹിതം (പട്ടികജാതി, പട്ടികവര്‍ഗ വിദ്യാര്‍ഥികള്‍ക്ക് 50 രൂപ) 20ന് വൈകിട്ട് മൂന്നിനു മുന്‍പ് സ്‌കൂളുകളില്‍ ലഭിക്കണമെന്ന് അറിയിപ്പില്‍ പറയുന്നു.
(പി.ആര്‍.പി. 558/2019)

മെഗാ ശുചീകരണ യജ്ഞത്തിന് മുന്നോടിയായി കട്ടപ്പന ബ്ലോക്ക് പഞ്ചായത്ത്തല യോഗം ചേര്‍ന്നു. ബ്ലോക്ക് പഞ്ചായത്ത് പ്രസിഡന്റ് സാലി ജോളിയുടെ അധ്യക്ഷതയില്‍ നടന്ന യോഗത്തില്‍ ബ്ലോക്ക് പരിധിയിലുള്ള ഗ്രാമപഞ്ചായത്തുകളില്‍ നടപ്പാക്കുന്ന ശുചീകരണ യജ്ഞത്തിന്റെ മുന്നൊരുക്കങ്ങള്‍ വിലയിരുത്തി.

    ട്രോളിങ് നിരോധനത്തിന്റെ ഭാഗമായി ജില്ലയില്‍ ജൂണ്‍ ഒന്‍പത് മുതല്‍ ജൂലൈ 31 വരെ കടല്‍ രക്ഷാപ്രവര്‍ത്തനത്തിനും കടല്‍ പെട്രോളിങ്ങിനും വാടക വ്യവസ്ഥയില്‍ മൂന്ന് ബോട്ടുകള്‍ എടുക്കുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ മേയ് 22 ന് ഉച്ചകഴിഞ്ഞ് മൂന്നിനു മുന്‍പ് വിഴിഞ്ഞം ഫിഷറീസ് അസിസ്റ്റന്റ് ഡയറക്ടര്‍ ഓഫീസില്‍ സമര്‍പ്പിക്കണം.  കൂടുതല്‍ വിവരങ്ങള്‍ക്ക് വിഴിഞ്ഞം ഫിഷറീസ് സ്റ്റേഷന്‍ ഓഫീസുമായി ബന്ധപ്പെടണമെന്ന് ഫിഷറീസ് അസി. ഡയറക്ടര്‍ അറിയിച്ചു.  ഫോണ്‍: 0471 2481118, 0471 2480335, 9496007035.
(പി.ആര്‍.പി. 557/2019)

ടൂറിസം വകുപ്പിന്റെ കീഴില്‍ തൊടുപുഴ മങ്ങാട്ടുകവലയില്‍ പ്രവര്‍ത്തിക്കുന്ന ഗവ. ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ടില്‍ കോളേജ് വിദ്യാര്‍ത്ഥിനികള്‍ക്കും വീട്ടമ്മമാര്‍ക്കുമായി മെയ് 13ന് ആരംഭിക്കുന്ന ഹ്രസ്വകാല കുക്കറി കോഴ്‌സുകളിലേക്ക് അപേക്ഷ ക്ഷണിച്ചു.  താല്‍പ്പര്യമുള്ളവര്‍ മങ്ങാട്ടുകവലയില്‍ പ്രവര്‍ത്തിക്കുന്ന ഗവ.ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ടില്‍ നേരിട്ടോ ഫോണ്‍ മുഖേനയോ ബന്ധപ്പെടണം. ഫോണ്‍ 04862 224601, 9495716465, 9446533205.