പേരൂര്‍ക്കട ഇലക്ട്രിക്കല്‍ സെക്ഷന്‍ പരിധിയില്‍ ആയൂര്‍ക്കോണം, വിന്നേഴ്‌സ്, രാധാകൃഷ്ണ ലൈന്‍ ഭാഗങ്ങളില്‍ ഇന്നു(മേയ് 15) രാവിലെ ഒമ്പതു മുതല്‍ വൈകിട്ട് 5.30 വരെയും കഴക്കൂട്ടം സെക്ഷന്‍ പരിധിയില്‍ വിളയില്‍ക്കുളം, എഫ്.സി.ഐ, കരിയില്‍, രാമചന്ദ്രന്‍ നഗര്‍ ഭാഗങ്ങളില്‍ ഇന്നു രാവിലെ എട്ടു മുതല്‍ വൈകിട്ട് 5.30 വരെയും വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.
(പി.ആര്‍.പി. 563/2019)

    ഡോക്ടര്‍മാര്‍ക്കുള്ള സംസ്ഥാന സര്‍ക്കാരിന്റെ 2019ലെ പുരസ്‌കാരങ്ങള്‍ക്ക് അപേക്ഷ ക്ഷണിച്ചു. ആരോഗ്യ വകുപ്പ്, ആരോഗ്യ വിദ്യാഭ്യാസ വകുപ്പ്, ഇന്‍ഷ്വറന്‍സ് മെഡിക്കല്‍ സര്‍വീസ് സഹകരണ സ്വതന്ത്ര സ്ഥാപനങ്ങള്‍, സ്വകാര്യ മേഖല എന്നിവിടങ്ങളില്‍ ജോലി ചെയ്യുന്ന ഡോക്ടര്‍മാര്‍ക്ക് വെവ്വേറെ പുരസ്‌കാരങ്ങളും സംസ്ഥാനത്തെ പൊതുമേഖലയിലെ മികച്ച ഡോക്ടര്‍മാര്‍ക്ക് ഓരോരുത്തര്‍ക്കും 15,000 രൂപയും മെറിറ്റി സര്‍ട്ടിഫിക്കറ്റും നല്‍കും.

    തിരുവനന്തപുരം മെഡിക്കല്‍ കോളജ് പരിസരത്തെ സുരക്ഷ കൂടുതല്‍ ശക്തമാക്കാനുള്ള നടപടികള്‍ക്ക് പൊലീസിനു നിര്‍ദേശം നല്‍കിയതായി സബ് കളക്ടര്‍ കെ. ഇമ്പശേഖര്‍ പറഞ്ഞു. ക്രമസമാധാന പ്രശ്‌നമുണ്ടാക്കുന്നവര്‍ക്കെതിരേ എഫ്.ഐ.ആര്‍. രജിസ്റ്റര്‍ ചെയ്യാന്‍ മെഡിക്കല്‍ കോളജ് പൊലീസിന് അദ്ദേഹം നിര്‍ദേശം നല്‍കി.

    ലോക്‌സഭാ തെരഞ്ഞെടുപ്പില്‍ ഉദ്യോഗസ്ഥര്‍ വോട്ട് ചെയ്ത് തിരികെ അയക്കുന്ന പോസ്റ്റല്‍ ബാലറ്റ് പേപ്പറുകള്‍ പോസ്റ്റ് ഓഫിസ് മുഖേനയേ അയക്കാവൂ എന്ന് ജില്ലാ ഇലക്ഷന്‍ ഓഫിസര്‍ കൂടിയായ കളക്ടര്‍ ഡോ. കെ. വാസുകി അറിയിച്ചു. കളക്ടറേറ്റിലോ വോട്ടെണ്ണല്‍ കേന്ദ്രങ്ങളിലോ പോസ്റ്റല്‍ ബാലറ്റ് നേരിട്ടു സ്വീകരിക്കില്ല. പോസ്റ്റല്‍ ബാലറ്റ് കവറില്‍ സ്റ്റാംപ് ഒട്ടിക്കേണ്ടതില്ല. ഏതു പോസ്റ്റ് ഓഫിസില്‍ വേണമെങ്കിലും പോസ്റ്റല്‍ ബാലറ്റ് നിക്ഷേപിക്കാവുന്നതാണെന്നും കളക്ടര്‍ അറിയിച്ചു.
(പി.ആര്‍.പി. 560/2019)

റാന്നി ട്രൈബല്‍ ഡവലപ്‌മെന്റ് ഓഫീസില്‍ പട്ടികവര്‍ഗ വിഭാഗക്കാര്‍ക്കായി സഹായികേന്ദ്രം ആരംഭിച്ചു. ജില്ലയിലെ പട്ടികവര്‍ഗ വിഭാഗത്തിലെ വിദ്യാര്‍ഥികള്‍ക്ക് വിദ്യാഭ്യാസ ആവശ്യങ്ങള്‍ക്കായുള്ള രജിസ്‌ട്രേഷന്‍, പി.എസ്.സി അപേക്ഷ അയയ്ക്കല്‍ തുടങ്ങിയ ഓണ്‍ലൈന്‍ സേവനങ്ങള്‍ സൗജന്യമായി ലഭിക്കുമെന്ന് ട്രൈബല്‍ ഡവലപ്‌മെന്റ്  ഓഫീസര്‍ അറിയിച്ചു. ഫോണ്‍: 04735 227703.          (പിഎന്‍പി 1139/19)

സംസ്ഥാന സഹകരണ യൂണിയന്റെ   തിരുവനന്തപുരത്തെ   കേരള   ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ (കിക്മ) എം.ബി.എ (ഫുള്‍ടൈം) 2019-21 ബാച്ചിലേക്ക് കൊട്ടാരക്കര അവന്നൂര്‍ കോ-ഓപ്പറേറ്റീവ് ട്രെയിനിംഗ് കോളേജില്‍ (എച്ച്.ഡി.സി) 17ന്  10.00 മണി മുതല്‍ സ്‌പോട്ട് അഡ്മിഷന്‍ നടത്തുന്നതാണ്.

ജൂണില്‍ നടക്കുന്ന ആള്‍ ഇന്‍ഡ്യ ട്രേഡ് ടെസ്റ്റിന് 2018 നവംബര്‍ ആറിന് മുമ്പ് എന്‍സിവിറ്റി എംഐഎസ് പോര്‍ട്ടലില്‍  രജിസ്റ്റര്‍ ചെയ്ത എല്ലാ ട്രെയിനികള്‍ക്കും (പ്രൈവറ്റ്) അവസരമുണ്ട്. കൂടുതല്‍ വിവരം ചെന്നീര്‍ക്കര ഐടിഐയില്‍ ലഭിക്കും. ഫോണ്‍: 0468 2258710.         (പിഎന്‍പി 1136/19)