കേരള വനം-വന്യജീവി വകുപ്പും ഇടുക്കി ഇന്ത്യന്‍ മെഡിക്കല്‍ അസോസിയേഷന്‍ മൂവാറ്റുപുഴയും സംയുക്തമായി മെയ് 12ന് രാവിലെ 9 മുതല്‍ ഒരുമണി വരെ കണ്ണമ്പടി ഗവണ്‍മെന്റ് ഹൈസ്‌കൂളില്‍ മെഡിക്കല്‍ ക്യാമ്പ് നടത്തുന്നു.  ഇ എസ് ബിജിമോള്‍ എംഎല്‍എ ക്യാമ്പ് ഉദ്ഘാടനം ചെയ്യും. ക്യാമ്പില്‍ ജനറല്‍ മെഡിസിന്‍, ജനറല്‍ സര്‍ജറി,  ഗൈനക്കോളജി, അസ്ഥിരോഗവിഭാഗം,  കുട്ടികളുടെ വിഭാഗം, ത്വക്ക് രോഗവിഭാഗം,  ഇഎന്‍ടി എന്നീ വിഭാഗങ്ങളില്‍ നിന്ന് പതിനഞ്ചോളം വിദഗ്ധ ഡോക്ടര്‍മാര്‍ പങ്കെടുക്കും. രക്തപരിശോധന,  രക്ത സമ്മര്‍ദ്ദം, പ്രമേഹം എന്നിവയുടെ പരിശോധനയും സൗജന്യ മരുന്ന് വിതരണവും ഉണ്ടായിരിക്കും

നെടുങ്കണ്ടം താലൂക്കാശുപത്രി പരിസരത്ത് നില്‍ക്കുന്ന മരങ്ങള്‍ മെയ് 21ന് ഉച്ചക്ക് രണ്ട് മണിക്ക് ലേലം  ചെയ്യുന്നു. ക്വട്ടേഷന്‍ സമര്‍പ്പിക്കേണ്ട അവസാന തീയതി മെയ് 21 ഉച്ചക്ക് ഒരു മണി.

 കേരള സര്‍ക്കാരിന്റെ നൈപുണ്യ പരിശീലന പരിപാടിയായ  അസാപ്പിന്റെ തൊടുപുഴ  സ്‌കില്‍ ഡവലപ്‌മെന്റ് സെന്ററിന്റെ കീഴില്‍ ഓട്ടോമോട്ടീവ് സര്‍വ്വീസ് ടെക്‌നീഷ്യന്‍  കോഴ്‌സ് പൂര്‍ത്തിയാക്കിയ വിദ്യാര്‍ത്ഥികള്‍ക്ക തൊടുപുഴയിലെ വിവിധ ഓട്ടോമോട്ടീവ്  സര്‍വ്വീസ്  കേന്ദ്രങ്ങളില്‍ തൊഴില്‍ പരിശീലനം  ആരംഭിച്ചു. പ്രായോഗികമായിട്ടുള്ള തൊഴില്‍ പരിശീലനവും ഓട്ടോമോട്ടീവ് മേഖലയില്‍ തൊഴില്‍ നേടാനുള്ള സാധ്യതയുമാണ് ഇതുവഴി ലഭിക്കുന്നത്. പരിശീലനം പൂര്‍ത്തിയാക്കുന്നവര്‍ക്ക് ടെക്‌നിക്കല്‍ എഡ്യൂക്കേഷന്‍ ഡിപ്പാര്‍ട്ട്‌മെന്റും അസാപ്പും സംയുക്തമായി നല്‍കുന്ന നൈപുണ്യ സര്‍ട്ടിഫിക്കറ്റാണ് ലഭിക്കുന്നത്. 

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ മെയ് 25ന് പീരുമേട്ടില്‍  തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും.