എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയുടെ ഏറ്റുമാനൂര്‍ ഉപകേന്ദ്രത്തില്‍ മെയ് 29ന് ആരംഭിക്കുന്ന നാല് മാസം ദൈര്‍ഘ്യമുള്ള ഡേറ്റ എന്‍ട്രി ആന്‍ഡ് ഓഫീസ് ഓട്ടോമേഷന്‍ കോഴ്‌സിലേക്ക് എസ്.എസ്.എല്‍.സി പാസായവരില്‍ നിന്ന് അപേക്ഷ ക്ഷണിച്ചു. കൂടുതല്‍ വിവരങ്ങള്‍ക്ക് ഫോണ്‍: 0481 2534820, 9495850898

 സംസ്ഥാന ഐ.ടി.ഐ കായികമേള  ഇന്നും (മെയ് 28,) നാളെയും (മെയ് 29) പാലായിലും കോട്ടയത്തും നടക്കും. അത്‌ലറ്റിക്‌സ് മത്സരം പാലാ മുനിസിപ്പല്‍ സ്റ്റേഡിയത്തിലും ഫുട്‌ബോള്‍ മത്സരം കോട്ടയം നെഹ്‌റു സ്റ്റേഡിയത്തിലും വോളിബോള്‍, ഷട്ടില്‍ ബാഡ്മിന്റണ്‍  എന്നിവ  കോട്ടയം ഇന്‍ഡോര്‍ സ്റ്റേഡിയത്തിലും നടക്കും. 

സാങ്കേതിക വിദ്യാഭ്യാസ വകുപ്പിന് കീഴില്‍ പാല കാനാട്ടുപാറയില്‍ പ്രവര്‍ത്തിക്കുന്ന ഗവണ്‍മെന്റ് കൊമേഴ്‌സ്യല്‍ ഇന്‍സ്റ്റിറ്റ്യൂട്ടില്‍ ദ്വിവത്സര ഡിപ്ലോമ ഇന്‍ സെക്രട്ടേറിയല്‍ പ്രാക്ടീസ് കോഴ്‌സിലേക്ക് അപേക്ഷ ക്ഷണിച്ചു. എസ്.എസ്.എല്‍.സിയാണ് അടിസ്ഥാന യോഗ്യത. അപേക്ഷ ഫോറം  ജൂണ്‍ 15 വരെ ഓഫീസില്‍ നിന്ന് ലഭിക്കും. ഫോണ്‍: 04822 201650, 9961396363 

 സൈക്കോസോഷ്യല്‍ റീഹാബിലിറ്റേഷന്‍ സെന്ററുകള്‍ക്കുളള ഗ്രാന്റിന് അപേക്ഷ  ക്ഷണിച്ചു. സര്‍ക്കാരില്‍ നിന്നും അനുമതി ലഭിച്ചിട്ടുളള സ്ഥാപനങ്ങള്‍ക്കും പുതിയ സ്ഥാപനങ്ങള്‍ക്കും അപേക്ഷ നല്‍കാം. രജിസ്‌ട്രേഷന്‍ സര്‍ട്ടഫിക്കറ്റ്, ഒ.സി.ബി അംഗീകാര സര്‍ട്ടിഫിക്കറ്റ്, മുന്‍വര്‍ഷം ലഭിച്ച ഗ്രാന്റിന്റെ വിനിയോഗ സാക്ഷ്യപത്രം, ഇനം തിരിച്ചുളള ചെലവ് വിവരങ്ങള്‍,  സ്ഥാപനത്തിലെ താമസക്കാരുടെ എണ്ണത്തിന് ആനുപാതികമായ ബഡ്ജറ്റ് എസ്റ്റിമേറ്റ് എന്നിവ അപേക്ഷയോടൊപ്പം നല്‍കണം.  അപേക്ഷ ജൂണ്‍ 30ന് വൈകിട്ട് അഞ്ചിനകം നല്‍കണം.

 
എംപ്ലോയ്‌മെന്റ്   എക്‌സ്‌ചേഞ്ച് നടപ്പാക്കുന്ന ശരണ്യ പദ്ധതി ജില്ലാതല കമ്മറ്റി ഇന്നും നാളെയും (മെയ് 28, 29) യോഗം ചേരും. രാവിലെ 10ന് ജില്ലാ പഞ്ചായത്ത് ഹാളില്‍ നടക്കുന്ന യോഗത്തില്‍ പദ്ധതി അവലോകനവും അപേക്ഷകരുമായുളള കൂടികാഴ്ചയും നടക്കും. 

ഹൗസ്‌ബോട്ടുകളില്‍ നിന്നും മാലിന്യം ശേഖരിച്ച് കവണാറ്റിന്‍കരയിലെ സീവേജ് ട്രീറ്റ്‌മെന്റ് പ്ലാന്റില്‍ നിക്ഷേപിക്കുന്ന  ഡിറ്റിപിസിയുടെ ബാര്‍ജ് മുങ്ങി മാലിന്യം ജലാശയത്തില്‍ കലര്‍ന്നിട്ടില്ലായെന്ന് ഡിറ്റിപിസി സെക്രട്ടറി  ഡോ. ബിന്ദു നായര്‍             അറിയിച്ചു. 

വീടിനകത്തും പുറത്തും കുട്ടികള്‍ സുരക്ഷിതരാകുന്നതിന് കൂടുതല്‍ കരുതല്‍ ആവശ്യമുണ്ടെന്ന് വനിതാ കമ്മീഷന്‍. അരക്ഷിതാവസ്ഥ നേരിടുന്ന കുട്ടികളുടെ എണ്ണം  വര്‍ദ്ധിക്കുകയാണെന്ന് വ്യക്തമാക്കുന്ന തരത്തിലുള്ള പരാതികളാണ്  ലഭിക്കുന്നതെന്ന് കോട്ടയത്ത് നടന്ന മെഗാ അദാലത്തിനു ശേഷം  സംസ്ഥാന വനിതാ കമ്മീഷന്‍ ചെയര്‍പേഴ്‌സണ്‍ എം. സി. ജോസഫൈന്‍ പറഞ്ഞു.