പ്രൊബേഷന്‍ അസിസ്റ്റന്റ് നിയമനം
സാമൂഹ്യനീതി വകുപ്പിന് കീഴിലുള്ള  ജില്ലാ പ്രൊബേഷന്‍ ഓഫീസില്‍ പ്രൊബേഷന്‍ അസിസ്റ്റന്റ് തസ്തികയില്‍ കരാര്‍ വ്യവസ്ഥയില്‍ നിയമനം.  തലശ്ശേരിയിലെ ഓഫീസില്‍ ജൂണ്‍ 12 ന് രാവിലെ 11 മണിക്ക് അഭിമുഖം നടക്കും.  എം എസ് ഡബ്ല്യു യോഗ്യതയുള്ള ഉദ്യോഗാര്‍ഥികള്‍ അപേക്ഷ, ബയോഡാറ്റ, സര്‍ട്ടിഫിക്കറ്റുകളുടെ അസ്സല്‍, പകര്‍പ്പുകള്‍ എന്നിവ സഹിതം അഭിമുഖത്തിന് ഹാജരാകണം.  ജില്ലക്കാര്‍ക്കും രണ്ട് വര്‍ഷത്തില്‍ കുറയാത്ത പ്രവൃത്തി പരിചയമുള്ളവര്‍ക്കും മുന്‍ഗണന.  പ്രായം 40 വയസ് കവിയരുത്.      ഫോണ്‍: 0490 2344433, 9496456464.

ആലപ്പുഴ: ജില്ലയിലെ തദ്ദേശസ്വയംഭരണ സ്ഥാപനങ്ങളിലെ ഒഴിവുള്ള വാർഡുകളിലേക്കും ഡിവിഷനിലേക്കുള്ള ഉപതിരഞ്ഞെടുപ്പ് ജൂൺ 27ന് നടക്കും. കായംകുളം നഗരസഭയിലെ വെയർഹൗസ് വാർഡ്, ചേർത്തല നഗരരസഭയിലെ റ്റി.ഡി.അമ്പലം വാർഡ്, കുത്തിയതോട് ഗ്രാമപഞ്ചായത്തിലെ മുത്തുപറമ്പ്‌വാർഡ്, പാലമേൽ ഗ്രാമപഞ്ചായത്തിലെ മുളകുവിളവാർഡ്, മാവേലിക്കര ബ്ലോക്ക് പഞ്ചായത്തിലെ വെട്ടിയാർ ഡിവിഷൻ (തഴക്കര ഗ്രാമപഞ്ചായത്ത് വാർഡ് എട്ടുമുതൽ 14വരെ) എന്നിവിടങ്ങളിലാണ് ഉപതിരഞ്ഞെടുപ്പ് നടക്കുക. ഉപതിരഞ്ഞെടുപ്പിനുള്ള നോട്ടിഫിക്കേഷൻ അതത് വരണാധികാരി ഇന്ന് (മെയ് 31) പരസ്യപ്പെടുത്തും. നാമനിർദ്ദേശ പത്രിക സമർപ്പിക്കുന്നതിനുള്ള അവസാനതിയതി ജൂൺ ഏഴാണ്.

ടോൾ ബാൻ കാലയളവിൽ യന്ത്രവൽക്ക്യതയാനങ്ങളിൽ പോകുന്ന മത്സ്യത്തൊഴിലാളികൾക്കും പീലിംഗ് തൊഴിലാളികൾക്കും സൗജന്യറേഷൻ  അനുവദിയ്ക്കുന്നതിലേയ്ക്കുളള അപേക്ഷ ഫിഷറീസ് ഡെപ്യൂട്ടി ഡയറക്ടർ ഓഫീസിലും മത്സ്യഭവനുകളിലും ലഭ്യമാണ്. 
 

പട്ടികജാതി വികസന വകുപ്പിന്റെ കീഴില്‍ വൈത്തിരിയില്‍ പ്രവര്‍ത്തിക്കുന്ന ആണ്‍കുട്ടികളുടെ പ്രീമെട്രിക് ഹോസ്റ്റലില്‍ മേട്രണ്‍ കം ട്യൂട്ടര്‍ നിയമനത്തിന് ബി.എഡ് യോഗ്യതയുള്ളവരില്‍ നിന്നും അപേക്ഷ ക്ഷണിച്ചു.  ഡ്യൂട്ടി സമയം വൈകീട്ട് 4 മുതല്‍ രാവിലെ 8 വരെ.  ഹോണറേറിയം 12000 രൂപ. ബയോഡാറ്റ, വിദ്യാഭ്യാസ യോഗ്യത, പരിചയ സര്‍ട്ടിഫിക്കറ്റ് എന്നിവ ഉള്ളടക്കം ചെയ്ത അപേക്ഷ ജൂണ്‍ 3 നകം കല്‍പ്പറ്റ ബ്ലോക്ക് പട്ടികജാതി വികസന ഓഫീസില്‍ നല്‍കണം. 
 

ട്രോളിങ് നിരോധനത്തിന്റെയും കാല വർഷത്തിന്റെയും പശ്ചാത്തലത്തിൽ എല്ലാ തീരദേശ ജില്ലകളിലും 24 മണിക്കൂറും പ്രവർത്തിക്കുന്ന കൺട്രോൾ റൂം തുറന്നിട്ടു്. ആലപ്പുഴ ജില്ലാ ഓഫീസിൽ പ്രവർത്തിക്കുന്ന കൺട്രോൾ റൂമിലേയ്ക്ക് 0477 2251103 എന്ന നമ്പരിൽ അപകട വിവരങ്ങൾ അറിയിക്കാവുന്നതാണ്.
 

ആലപ്പുഴ: ജൂൺ 9 മുതൽ ജൂലൈ 31 വരെ 52 ദിവസത്തേക്ക് മൺസൂൺകാല ട്രോളിംഗ് നിരോധനത്തിന് സർക്കാർ പ്രത്യേക മാർഗ്ഗ നിർദ്ദേശങ്ങൾ പുറപ്പെടുവിച്ചു. മത്സ്യസമ്പത്ത് സുസ്ഥരിമായി നിലനിർത്തുന്നതിനും ശാസ്ത്രീയ മത്സ്യബന്ധനം ഉറപ്പാക്കുന്നതിനുമാണ് നിരോധനമെന്ന് ഇത് സംബന്ധിച്ച് കളക്ട്രേറ്റിൽ ചേർന്ന ചേർന്ന യോഗത്തിൽ അധ്യക്ഷത വഹിച്ച് എ.ഡി.എം. ഐ.അബ്ദുൾ സലാം പറഞ്ഞു. ട്രോളിങ് നിരോധന സമയത്ത് പരമ്പരാഗത മത്സ്യത്തൊഴിലാളികൾക്ക് ഉപരിതല മത്സ്യബന്ധനം നടത്താൻ തടസ്സമില്ല. അയൽ സംസ്ഥാന ബോട്ടുകൾ ട്രോളിംഗ് നിരോധനം നിലവിൽ വരുന്നതിനു മുൻപ് കേരളതീരം വിട്ടു പോകാൻ നിർദ്ദേശം നൽകിയിട്ടുണ്ട്.

ധര്‍മ്മടം ഗ്രാമപഞ്ചായത്തിലെ ഒമ്പതാം വാര്‍ഡായ കോളനി കിഴക്കെപാലയാട് നിയോജക മണ്ഡലത്തിലേക്ക് ജൂണ്‍ 27ന് നടക്കുന്ന ഉപതെരഞ്ഞടുപ്പിന്റെ വിജ്ഞാപനം നാളെ
(മെയ് 31) പ്രസിദ്ധീകരിക്കും. ജൂണ്‍ 7 വരെ നാമനിര്‍ദ്ദേശ പത്രിക സമര്‍പ്പിക്കാം. 10നാണ് സൂക്ഷ്മ പരിശോധന. 12 വരെ പത്രിക പിന്‍വലിക്കാം. 28നാണ് വോട്ടെണ്ണല്‍.