ചിറ്റൂര്‍ ജി.എച്ച്.എസ് ബോയ്‌സ് സ്‌കൂളില്‍ യു.പി സ്‌കൂള്‍ അധ്യാപകന്റെ ഒഴിവുണ്ട്. ബിരുദവും ടി.ടി.സി.യുമാണ് യോഗ്യത. ബി.എഡ് ഉള്ളവര്‍ക്ക് മുന്‍ഗണന. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി ജൂണ്‍ ഒന്ന് രാവിലെ 10.30ന് സ്‌കൂളില്‍ എത്തണമെന്ന് ഹെഡ്മിസ്ട്രസ് അറിയിച്ചു

വാണിജ്യനികുതി കുടിശ്ശികയായ 6523280 രൂപ അടയ്ക്കുന്നതില്‍ വീഴ്ച വരുത്തിയതിനെ തുടര്‍ന്ന് കൊല്ലങ്കോട് ചിക്കനംപാറ കൊട്ടമേട്ടില്‍ വീട്ടിലെ ഉമൈബയുടെ 2015 ജനുവരി 27ന് ജപ്തി ചെയ്ത 528/15 റീസര്‍വെ നമ്പറിലുള്ള 0.0202 ഹെക്ടര്‍ നിലം ലേലം ചെയ്യും. ചിറ്റൂര്‍ താലൂക്കിലെ 14-ാം ബ്ലോക്കിലാണ് സ്ഥലം. ജൂണ്‍ 29ന് രാവിലെ 11ന് കൊല്ലങ്കോട് 1 വില്ലേജ് ഓഫീസിലാണ് ലേലം നടക്കുന്നത്. 

ചിറ്റൂര്‍ ജി.വി.എച്ച്.എസ്.എസ് ബോയ്‌സ് സ്‌കൂളിലെ വി.എച്ച്.എസ്.സി വിഭാഗത്തില്‍ വൊക്കേഷണല്‍ ഇന്‍സ്ട്രക്ടര്‍ അഗ്രികള്‍ച്ചര്‍, നോണ്‍- വൊക്കേഷണല്‍ ടീച്ചര്‍ ജി.എഫ്.സി തസ്തികകളില്‍ താത്കാലിക ഒഴിവുണ്ട്. ബി.എസ്.സി അഗ്രികള്‍ച്ചര്‍/ വി.എച്ച്.എസ്.ഇ, ബി.എസ്.സി ബോട്ടണിയാണ് ഇന്‍സ്ട്രകര്‍ തസ്തികയിലേക്കുള്ള യോഗ്യത. എം.കോം, ബി.എഡ്, സെറ്റ് യോഗ്യതയുള്ളവര്‍ക്ക് നോണ്‍- വൊക്കേഷണല്‍ ടീച്ചര്‍ ജി.എഫ്.സി തസ്തികയിലേക്ക് അപേക്ഷിക്കാം. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി ജൂണ്‍ ഏഴിന് രാവിലെ 11ന് സ്‌കൂള്‍ ഓഫീസില്‍ എത്തണമെന്ന് പ്രിന്‍സിപ്പാള്‍ അറിയിച്ചു. 

കുഴല്‍മന്ദം നടുവത്തപ്പാറയിലെ ആണ്‍കുട്ടികള്‍ക്കായുള്ള ഗവ. മോഡല്‍ റസിഡന്‍ഷ്യല്‍ ഹയര്‍ സെക്കന്‍ഡറി സ്‌കൂളില്‍ സയന്‍സ് (ബയോ മാത്‌സ്), കൊമേഴ്‌സ് വിത്ത് കമ്പ്യൂട്ടര്‍ ആപ്ലിക്കേഷന്‍ വിഷയങ്ങളില്‍ പ്ലസ് വണ്‍ ക്ലാസുകളില്‍ ഏതാനും സീറ്റൊഴിവുണ്ട്. താല്‍പര്യമുള്ള പട്ടികജാതി, പട്ടികവര്‍ഗ, പൊതു വിഭാഗക്കാരായ വിദ്യാര്‍ഥികള്‍ ജൂണ്‍ മൂന്നിന് മുമ്പ് സ്‌കൂളില്‍ എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04922217217

ജില്ലാ ആശുപത്രിയില്‍ കാത്ത് ലാബ് സ്റ്റാഫ് നഴ്‌സ് തസ്തികയില്‍ താത്ക്കാലിക ഒഴിവ്. ഗവ. അംഗീകൃത സ്ഥാപനത്തില്‍ നിന്നും ജി.എന്‍.എം/ ബി.എസ്.സി നഴ്‌സിങ് കോഴ്‌സ് പൂര്‍ത്തിയാക്കിയവര്‍ക്കും കാത്ത് ലാബില്‍ ഒരു വര്‍ഷത്തെ പ്രവൃത്തി പരിചയം ഉള്ളവര്‍ക്കും അപേക്ഷിക്കാം. നഴ്‌സിങ് കൗണ്‍സില്‍ ഓഫ് കേരളയില്‍ സ്ഥിര രജിസ്‌ട്രേഷന്‍ നിര്‍ബന്ധം. പ്രായപരിധി- 18-40 വയസ്സ്. താല്‍പര്യമുള്ളവര്‍ അപേക്ഷയോടൊപ്പം യോഗ്യതാ സര്‍ട്ടിഫിക്കറ്റുകളുമായി ജൂണ്‍ നാല് രാവിലെ 11ന് ജില്ലാ ആശുപത്രി സൂപ്രണ്ടിന്റെ ഓഫീസില്‍ എത്തണം.

ലോക പുകയില വിരുദ്ധ ദിനാചരണത്തിന്റെ ജില്ലാതല ഉദ്ഘാടനവും ബോധവത്ക്കരണ ക്ലാസും ഇന്ന് (മെയ് 31) രാവിലെ 10ന് മുതലമടയില്‍ കെ. ബാബു എം.എല്‍.എ നിര്‍വഹിക്കും. പുകയിലയും ശ്വാസകോശ ആരോഗ്യവുമെന്നാണ് ഈ വര്‍ഷത്തെ ലോക പുകയില വിരുദ്ധ സന്ദേശം. പുകയില ഉത്പന്നങ്ങളുടെ ഉപയോഗം നിയന്ത്രിച്ച് ശ്വാസകോശ ആരോഗ്യം സംരക്ഷിക്കുന്നതിനുള്ള നടപടികള്‍ സമൂഹത്തിന്റെ എല്ലാ തലങ്ങളിലേക്കും എത്തിക്കുകയാണ് പരിപാടിയുടെ ലക്ഷ്യം.