തിരുവനന്തപുരം മെഡിക്കൽ കോളേജ് ചൈൽഡ് ഡെവലപ്‌മെന്റ് സെന്ററിൽ ഡാറ്റാ എൻട്രി ഓപ്പറേറ്റർ (19000-43600) തസ്തികയിൽ ഡെപ്യൂട്ടേഷൻ നിയമനത്തിന് സർക്കാർ ജീവനക്കാരിൽ നിന്ന് അപേക്ഷ ക്ഷണിച്ചു.  ബയോഡാറ്റ, വകുപ്പ് മേധാവിയുടെ എൻ.ഒ.സി, കെ.എസ്.ആർ പാർട്ട് 1, റൂൾ 144 പ്രകാരമുള്ള സ്റ്റേറ്റ്‌മെന്റ്, ഡിക്ലറേഷൻ എന്നിവ സഹിതമുള്ള അപേക്ഷ ഡയറക്ടർ, ചൈൽഡ് ഡെവലപ്‌മെന്റ് സെന്റർ, മെഡിക്കൽ കോളേജ്, തിരുവനന്തപുരം - 11 (ഫോൺ - 0471-2553540) എന്ന വിലാസത്തിൽ ജൂൺ 15 നകം ലഭിക്കണം.
പി.എൻ.എക്സ്. 1556/19

ഉള്‍നാടന്‍ മത്സ്യകൃഷി വ്യാപനവുമായി ബന്ധപ്പെട്ട് ജില്ലയിലെ  കോഴിക്കോട്, വടകര, കൊയിലാണ്ടി, താമരശ്ശേരി എന്നീ താലൂക്കൂകളിലേക്ക് താല്‍ക്കാലികാടിസ്ഥാനത്തില്‍ 22 അക്വാകള്‍ച്ചര്‍ പ്രൊമോട്ടര്‍മാരെ നിയമിക്കും. 20 നും 56 നും ഇടയ്ക്ക് പ്രായമുള്ള വിഎച്ച്എസ്‌സി (ഫിഷറീസ്) അല്ലെങ്കില്‍ ബിരുദം (ഫിഷറീസ്, സുവോളജി) അല്ലെങ്കില്‍ എസ്.എസ്.എല്‍.സിയും മൂന്ന് വര്‍ഷത്തില്‍ കുറയാത്ത അക്വാള്‍ച്ചര്‍  സെക്ടറിലുള്ള (ഗവണ്‍മെന്റ് വകുപ്പുകള്‍, സ്ഥാപനങ്ങള്‍) പരിചയമാണ് യോഗ്യത.

മുളവുകാട് - കണ്ടെയ്നർ റോഡിലെ  കാന പ്രശ്നം: ജൂൺ മൂന്നിന് കളക്ടറേറ്റിൽ യോഗം

ദര്‍ഘാസ് ക്ഷണിച്ചു
കൂത്തുപറമ്പ് ഗവ. താലൂക്ക് ആശുപത്രിയിലെ വിവിധ യൂണിറ്റിലേക്ക് സ്റ്റേഷനറി സാമഗ്രികള്‍ (റജിസ്റ്റേര്‍സ് ആന്റ് ഫോറം) വിതരണം ചെയ്യുന്നതിന് ദര്‍ഘാസ് ക്ഷണിച്ചു. താല്‍പര്യമുള്ളവര്‍ ജൂണ്‍ 17 ന് ഉച്ചയ്ക്ക് 12 മണിക്ക് മുമ്പ് ദര്‍ഘാസുകള്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് ആശുപത്രി ഓഫീസുമായി ബന്ധപ്പെടുക.
പന്ന്യന്നൂര്‍ ഗവ. ഐടിഐയിലേക്ക് (എംഎംവി ട്രേഡ്) ട്രെയിനിംഗ് ആവശ്യാര്‍ഥം ഉപകരണം വിതരണം ചെയ്യുന്നതിന് ദര്‍ഘാസ് ക്ഷണിച്ചു. താല്‍പര്യമുള്ളവര്‍ ജൂലൈ 26 ന് ഉച്ചയ്ക്ക് രണ്ട് മണിക്ക് മുമ്പ് ദര്‍ഘാസുകള്‍ സമര്‍പ്പിക്കണം. ഫോണ്‍. 0490 2364535.

    കാച്ചാണി ഇലക്ട്രിക്കല്‍ സെക്ഷന്‍ പരിധിയില്‍ ഇരുമ്പ, കെല്‍ട്രോണ്‍, എട്ടാംകല്ല്, എം.ഐ.ആര്‍, കരകുളം പാലം എന്നീ ഭാഗങ്ങളിലും മണക്കാട്  ഇലക്ട്രിക്കല്‍ സെക്ഷന്‍ പരിധിയില്‍ കല്ലടിമുഖം ഫ്‌ളാറ്റ്, മില്‍മാത്തോട്ടം പ്രദേശങ്ങളിലും ഇന്ന് (ജൂണ്‍ 01) രാവിലെ ഒന്‍പത് മുതല്‍  വൈകുന്നേരം  അഞ്ച് വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.
(പി.ആര്‍.പി. 602/2019)

    പട്ടികജാതി വികസന വകുപ്പിന്റെ നിയന്ത്രണത്തിലുള്ള വെള്ളായണി ശ്രീ അയ്യന്‍കാളി മെമ്മോറിയല്‍ ഗവ. മോഡല്‍ റസിഡന്‍ഷ്യല്‍ സ്‌പോര്‍ട്‌സ് സ്‌കൂളില്‍ അധ്യാപക, അനധ്യാപക തസ്തികകളിലേക്ക് കരാര്‍ നിയമനത്തിന് അപേക്ഷ ക്ഷണിച്ചു.  ഹൈസ്‌കൂള്‍ വിഭാഗത്തില്‍ ഇംഗ്ലിഷ്, നാച്വറല്‍ സയന്‍സ് വിഷയങ്ങളില്‍ എച്ച്.എസ്.എ, പൊതുവിഭാഗത്തില്‍ മാനേജര്‍ കം റസിഡന്റ് ട്യൂട്ടര്‍, സ്‌പെഷ്യല്‍ മ്യൂസിക് ടീച്ചര്‍ എന്നീ തസ്തികകളിലാണ് ഒഴിവുള്ളത്.

    ഒറ്റയ്ക്കു താമസിക്കുന്ന കിടപ്പുരോഗികള്‍ക്ക് റേഷന്‍ സാധനങ്ങള്‍ വാങ്ങാനായി ആളെ നിയോഗിക്കാന്‍ പ്രോക്‌സി സംവിധാനം ഉപയോഗിക്കാമെന്ന് ജില്ലാ സപ്ലൈ ഓഫിസര്‍ അറിയിച്ചു. അതേ റേഷന്‍ കടയുടെ പരിധിയിലുള്ള അയല്‍വാസിയേയോ അടുത്ത ബന്ധുവിനേയോ ഇതിനായി ചുമതലപ്പെടുത്താവുന്നതാണ്.  ചുമതലപ്പെടുത്തുന്നയാളുടെ വിരലടയാളം പതിപ്പിച്ച് റേഷന്‍ അനുവദിക്കുമെന്നും സപ്ലൈ ഓഫിസര്‍ പറഞ്ഞു.
(പി.ആര്‍.പി. 600/2019)

വ്യക്തികളെയും കുടുംബങ്ങളെയും മാത്രമല്ല രാജ്യ സുരക്ഷയെപ്പോലും ബാധിക്കുന്ന ഗുരുതരമായ പ്രശ്നമാണ് ലഹരി ഉപയോഗമെന്ന് തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി പറഞ്ഞു. ആരോഗ്യ കുടുംബക്ഷേമ വകുപ്പ് സംഘടിപ്പിച്ച ലോക പുകയില വിരുദ്ധ ദിനാചരണത്തിന്റെ ജില്ലാതല ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. തീവ്രവാദികളും ഭീകരവാദികളും പലപ്പോഴും വിധ്വംസക പ്രവര്‍ത്തനങ്ങള്‍ക്ക് മറയാക്കുന്നത് നിരോധിത മയക്കുമരുന്ന് ഉല്‍പ്പന്നങ്ങളാണ്. ഇവര്‍ ഓരോ രാജ്യത്തേക്കും നുഴഞ്ഞുകയറി അക്രമം നടത്തുന്നത് മദ്യവും മയക്കുമരുന്നും ഉപയോഗിക്കുന്നവരിലൂടെയാണെന്നും മന്ത്രി പറഞ്ഞു.