ഭൂരഹിത ആദിവാസികള്‍ക്കായി വനംവകുപ്പ് തയ്യാറാക്കിയ പുതിയ ലിസ്റ്റ് പ്രകാരമുള്ള  ഭൂമി വിതരണം ചെയ്യാന്‍ സംയുക്ത പരിശോധന നടത്തും. ജൂണ്‍ മൂന്നിന് തുടങ്ങുന്ന പരിശോധന ആറിനു പൂര്‍ത്തിയാക്കും. റവന്യൂ, വനം, ട്രൈബല്‍ വകുപ്പുകള്‍ സംയുക്തമായാണ് പരിശോധന നടത്തുക. ഭൂമി വാസയോഗ്യമാണോ അല്ലെയോ എന്നതു സംബന്ധിച്ച റിപ്പോര്‍ട്ട് ഏഴിനു ജില്ലാ കലക്ടര്‍ക്കു കൈമാറും. ട്രൈബല്‍ വകുപ്പിന്റെ കണക്ക് പ്രകാരം ജില്ലയില്‍ 3216 ആദിവാസി കുടുംബങ്ങള്‍ ഭൂരഹിതരാണ്.

ജില്ലാ വികസന സമിതി യോഗം ജൂൺ ഒന്ന് രാവിലെ 11 ന് കളക്ടറേറ്റ് കോൺഫറൻസ് ഹാളിൽ ചേരും.

മൺസൂൺ സീസണോടനുബന്ധിച്ച് ട്രോളിങ് നിരോധനം ജില്ലയിൽ നടപ്പിലാക്കുന്നത് ചർച്ച ചെയ്യുന്നതിനായി ഇന്ന് (ജൂൺ ഒന്ന്) വൈകീട്ട് നാലിന് കളക്ടറേറ്റ് കോൺഫറൻസ് ഹാളിൽ യോഗം ചേരും.

· ജൂലൈ മുതല്‍ നടപ്പാകും
· 800 ഓളം ജീവനക്കാര്‍ പരിധിയില്‍ വരും

സർവീസിൽ നിന്ന് വിരമിച്ച നിയമ സെക്രട്ടറി ബി. ജി. ഹരീന്ദ്രനാഥിന് ഡർബാർ ഹാളിൽ യാത്രയയപ്പ് നൽകി. പട്ടികജാതി പട്ടികവർഗ പിന്നാക്കക്ഷേമ നിയമ വകുപ്പ് മന്ത്രി എ. കെ. ബാലൻ ചടങ്ങ് ഉദ്ഘാടനം ചെയ്തു. ബി. ജി. ഹരീന്ദ്രനാഥിന് മന്ത്രി ഉപഹാരം നൽകി. ചീഫ് സെക്രട്ടറി ടോം ജോസ്, നിയമവകുപ്പ് സ്‌പെഷ്യൽ സെക്രട്ടറി ടി. വിജയകുമാർ, ജോ. സെക്രട്ടറി സജീവ് എന്നിവർ സംബന്ധിച്ചു.
പി.എൻ.എക്സ്. 1573/19

2019 ഏപ്രിൽ മാസം നടന്ന ഡി.എഡ് എല്ലാ സെമസ്റ്റർ പരീക്ഷകളുടേയും ഫലം പ്രസിദ്ധീകരിച്ചു. www.keralapareekshabhavan.in, www.bpekerala.in  എന്നിവയിൽ ഫലം ലഭ്യമാണ്. പുനർമൂല്യനിർണയത്തിന് ജൂൺ 12 വരെ അപേക്ഷിക്കാം.
പി.എൻ.എക്സ്. 1572/19

തിരുവനന്തപുരം കോളേജ് ഓഫ് എൻജിനീയറിംഗിൽ പാർട്ട് ടൈം സ്വീപ്പർ/ സാനിട്ടറി വർക്കർ തസ്തികകളിൽ താൽക്കാലിക നിയമനം നടത്തുന്നു.   ഉദ്യോഗാർത്ഥികൾ ജൂൺ 12 ന് രാവിലെ പത്തിന് വയസ്സ്, വ്യക്തിവിവരം എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം ഓഫീസിൽ അഭിമുഖത്തിന് ഹാജരാകണം. അഭിമുഖത്തിന്റെ അടിസ്ഥാനത്തിൽ തയ്യാറാക്കുന്ന റാങ്ക് പട്ടിക അനുസരിച്ചാണ് നിയമനം. കോളേജിന്റെ പരിസര പ്രദേശങ്ങളിൽ താമസിക്കുന്നവർക്ക് മുൻഗണന.  60 വയസ്സ് കഴിഞ്ഞവർ അപേക്ഷിക്കേണ്ടതില്ല. ഫോൺ: 04712515560.
പി.എൻ.എക്സ്. 1571/19

ഹരിതകേരളം മിഷൻ സംസ്ഥാനത്ത് നടത്തിയ പുഴ പുനരുജ്ജീവന പ്രവർത്തനങ്ങളെ ആധാരമാക്കി തിരുവനന്തപുരത്ത് ടാഗോർ തിയറ്ററിൽ കഴിഞ്ഞ മൂന്ന് ദിവസങ്ങളിലായി സംഘടിപ്പിച്ച ജലസംഗമത്തിൽ ഉരുത്തിരിഞ്ഞത് ജലസംരക്ഷണത്തിനായുള്ള നിരവധി ആശയങ്ങൾ. നൂറുകണക്കിന് വിജയഗാഥകളുടെ അനുഭവസാക്ഷ്യങ്ങൾ പങ്കുവെക്കാനാണ് ഓരോ തദ്ദേശസ്ഥാപനവും വിവിധ വകുപ്പുകളും എത്തിയത്. പറഞ്ഞതിനും അവതരിപ്പിച്ചതിനുമപ്പുറം ഇനിയും നൂതനമായ പ്രായോഗികവിജയങ്ങളുണ്ടെന്ന തിരിച്ചറിവുമായാണ് സംഗമത്തിനെത്തിയ പ്രതിനിധികൾ മടങ്ങിയത്.