കുട്ടികളോടുള്ള അതിക്രമങ്ങള്‍ക്കെതിരെ സമൂഹം കൈകോര്‍ക്കണമെന്ന് വീണാജോര്‍ജ് എംഎല്‍എ പറഞ്ഞു. കുട്ടികള്‍ക്കായുള്ള കരുതല്‍ സ്പര്‍ശം-കൈകോര്‍ക്കാം പദ്ധതി പത്തനംതിട്ടയില്‍ ഉദ്ഘാടനം ചെയ്യുകയായിരുന്നു എംഎല്‍എ. 

ഈ സാമ്പത്തിക വര്‍ഷം അടിമാലി ട്രൈബല്‍ ഡെവലപ്‌മെന്റ് ഓഫീസിന്റെ കീഴിലുള്ള പ്രീമെട്രിക് ഹോസ്റ്റലുകളിലേക്ക് നൈറ്റ് ഡ്രസ് വിതരണം ചെയ്യുന്നതിന് ദര്‍ഘാസ് ക്ഷണിച്ചു. താല്‍പര്യമുള്ളവര്‍ ജൂണ്‍ 14ന് വൈകിട്ട് മൂന്ന് മണിക്ക്  മുമ്പായി മുദ്രവച്ച കവറില്‍ ടെണ്ടറുകള്‍ ഇ.എം.ഡി 200 രൂപയുടെ മുദ്രപത്രവും സഹിതം ഓഫീസില്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് ഫോണ്‍ 04864 224399.

നെടുങ്കണ്ടം അഡീഷണല്‍ ഐ.സി.ഡി.എസ് പ്രോജക്ട് ഓഫീസിലെ ഔദ്യോഗിക ഉപയോഗത്തിനായി 2019-20 സാമ്പത്തിക വര്‍ഷം വാഹനം( കാര്‍, ജീപ്പ്) വാടകയ്ക്ക് നല്‍കുന്നതിന് താല്‍പ്പര്യമുള്ള വാഹന ഉടമകളില്‍ നിന്നും ടെണ്ടര്‍ ക്ഷണിച്ചു. വാഹനത്തിന് ഏഴ് വര്‍ഷത്തില്‍ കൂടുതല്‍ പഴക്കമുണ്ടാകരുത്. ടാക്‌സി പെര്‍മിറ്റ് നിലവിലുണ്ടായിരിക്കണം. കൂടുതല്‍ വിവരങ്ങള്‍ ജൂണ്‍ 14ന് മൂന്ന് വരെ രാജകുമാരിയില്‍ പ്രവര്‍ത്തിക്കുന്ന നെടുങ്കണ്ടം അഡീഷണല്‍ ഐ.സി.ഡി.എസ് പ്രോജക്ട് ഓഫീസില്‍ നിന്നും പ്രവൃത്തി സമയത്ത് നേരിട്ട് ലഭിക്കും.

ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ വിവിധ മത്സര പരീക്ഷകള്‍ക്ക് ഉദ്യോഗാര്‍ത്ഥികളെ പ്രാപ്തരാക്കുന്നതിന് ഒരു മാസത്തെ സൗജന്യ പി.എസ്.സി മത്സര പരീക്ഷാ പരിശീലന പരിപാടി നടത്തുന്നു. ജൂണ്‍ 11 മുതല്‍ പ്രവൃത്തി ദിവസങ്ങളില്‍  കട്ടപ്പന പള്ളിക്കവലയില്‍ പ്രവര്‍ത്തിക്കുന്ന ദി എയ്ഡഡ് സ്‌കൂള്‍ ടീച്ചേഴ്‌സ് കോ-ഓപ്പറേറ്റീവ് സൊസൈറ്റി ഹാളിലാണ് പരിശീലന പരിപാടി. ഉദ്യോഗാര്‍ത്ഥികള്‍ക്ക് എംപ്ലോയ്‌മെന്റ് എക്‌സ്‌ചേഞ്ചില്‍ നേരിട്ടെത്തിയോ 04868 272262 എന്ന ഫോണ്‍ നമ്പരില്‍ വിളിച്ചോ പേര് രജിസ്റ്റര്‍ ചെയ്യാം.

പീരുമേട് താലൂക്ക് വികസന സമിതി യോഗം ജൂണ്‍ ഒന്നിന് രാവിലെ 10.30ന് താലൂക്കാഫീസിലെ കോണ്‍ഫറന്‍സ് ഹാളില്‍ കൂടും. 

ഇടുക്കി ജില്ലാ ആശുപത്രിയില്‍ ലബോറട്ടറിയിലെ വിവിധ രക്ത പരിശോധനകള്‍ക്കാവശ്യമായ ഗുണമേന്‍മയുള്ള റീഏജന്റുകള്‍ വിതരണം ചെയ്യുന്നതിന് അംഗീകൃത വിതരണക്കാരില്‍ നിന്നും മത്സരാധിഷ്ഠിത ടെണ്ടര്‍ ക്ഷണിച്ചു. 
ആരോഗ്യ ഇന്‍ഷുറന്‍സ് പദ്ധതിയായ ആയുഷ്മാന്‍ ഭാരത് ആര്‍.ബി.എസ്.കെ, ജെ.എസ്.എസ്.കെ പദ്ധതികള്‍ പ്രകാരം ആശുപത്രിയില്‍ ചികിത്സയ്‌ക്കെത്തുന്ന രോഗികള്‍ക്ക് എം.ആര്‍.ഐ, സി.ടി, യു.എസ്.ജി തുടങ്ങിയ സ്‌കാനിംഗുകള്‍ കുറഞ്ഞ നിരക്കില്‍ ലഭ്യമാക്കുന്നതിന് സ്‌കാനിംഗ് സെന്റര്‍/ ആശുപത്രികളില്‍ നിന്നും ടെണ്ടര്‍ ക്ഷണിച്ചു.

കട്ടപ്പന നഗരസഭയില്‍ ജൂണ്‍ ഒന്നുമുതല്‍ 50 മൈക്രോണില്‍ താഴെയുള്ള പ്ലാസ്റ്റിക് ഉല്പ്പന്നങ്ങള്‍ സൂക്ഷിക്കുന്നതും വില്‍ക്കുന്നതും നിരോധിച്ചു. നിരോധിത പ്ലാസ്റ്റിക് ഉല്പ്പന്നങ്ങള്‍ വില്‍പ്പന നടത്തുകയോ സൂക്ഷിക്കുകയോ ചെയ്യുന്നതായി പരിശോധനയില്‍ കണ്ടെത്തിയാല്‍ കര്‍ശന നിയമനടപടികള്‍ സ്വീകരിക്കും. പ്ലാസ്റ്റിക് ക്യാരി ബാഗുകള്‍ക്ക് പകരം ഉപയോഗിക്കുന്നതിനായി വിവിധ അളവുകളിലുള്ള തുണി സഞ്ചികള്‍ നഗരസഭയില്‍ ലഭ്യമാണ്. എല്ലാ വ്യാപാരികളും പൊതുജനങ്ങളും  നഗരസഭയുമായി സഹകരിക്കണമെന്ന് നഗരസഭാ ചെയര്‍മാന്‍ ജോയി വെട്ടിക്കുഴി അഭ്യര്‍ത്ഥിച്ചു.