ജനാധിപത്യ പ്രക്രിയയെക്കുറിച്ച്  കുട്ടികളില്‍ അവബോധം വളര്‍ത്തുക എന്ന ലക്ഷ്യത്തോടെ, കുടുംബശ്രീ ജില്ലാ മിഷന്‍ സംഘടിപ്പിച്ച ജില്ലാതല ബാലപാര്‍ലമെന്റ് സമാപിച്ചു.   അടിമാലി ജന്ന റസിഡന്‍സിയില്‍ ദേവികുളം എം.എല്‍.എ എസ്. രാജേന്ദ്രന്‍ ഉദ്ഘാടനം ചെയ്ത ദ്വിദിന പരിപാടിയില്‍, ജില്ലകളിലെ വിവിധ ബാലസഭകളില്‍ നിന്നായി  തിരഞ്ഞെടുക്കപ്പെട്ട കുട്ടികള്‍ പങ്കെടുത്തു. 

തിരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നതിനാല്‍ മെയ്മാസം ജില്ലാ വികസന സമിതി യോഗം ഉണ്ടായിരിക്കില്ലെന്ന് ഡെപ്യൂട്ടി ജില്ലാ പ്ലാനിംഗ് ഓഫീസര്‍ അറിയിച്ചു.

 ഭക്ഷ്യ സുരക്ഷാ വാരാഘോഷത്തിന്റെ ഭാഗമായി മേയ് 29 നു കളക്ടറേറ്റ് ആരോഗ്യവകുപ്പ് ഹാളില്‍ വിദ്യാര്‍ഥികള്‍ക്കായി നടത്തുന്ന ക്വിസ് മത്‌സരത്തിന്റെ അപേക്ഷ സമര്‍പ്പിക്കാനുള്ള അവസാന തീയതി മേയ് 25 നു വൈകിട്ട് അഞ്ചുവരെയായിരിക്കും. 

 മണ്‍സൂണിനു മുന്നോടിയായുള്ള പരിശോധനയുടെ ഭാഗമായി ജില്ലയിലെ എല്ലാ വിദ്യാഭ്യാസ സ്ഥാപനങ്ങളുടെയും വാഹനങ്ങള്‍ അതത് ആര്‍ടിഒ, സബ് ആര്‍ടിഒ ഓഫീസുകളില്‍ ഹാജരാക്കി ഫിറ്റ്‌നെറ്റ് ടെസ്റ്റിനു വിധേയമാക്കണമെന്ന് ആര്‍ടിഒ ആര്‍. രാജീവ് അറിയിച്ചു. ടെസ്റ്റിംഗ് ഗ്രൗണ്ട് വിവരങ്ങള്‍ അതത് ഓഫീസുകളില്‍ നിന്നു ലഭിക്കും. ടെസ്റ്റ് നടത്തി സ്റ്റിക്കര്‍ പതിക്കാത്ത വാഹനങ്ങളില്‍ കുട്ടികളെ കയറ്റാന്‍ അനുവദിക്കില്ല. 

 ഇടുക്കി കളക്ടറേറ്റില്‍  ഇലക്‌ട്രോണിക് വോട്ടിംഗ് മെഷീനുകളും വിവിപാറ്റ് മെഷീനുകളും സൂക്ഷിക്കുന്നതിനും വെയര്‍ഹൗസ് നിര്‍മിക്കുന്നതിനായി കളക്‌ടേറ്റ് ഇലക്ഷന്‍ വിഭാഗത്തോടു ചേര്‍ന്ന് കണ്ടെത്തിയ സ്ഥലത്തു നില്‍ക്കുന്ന മരങ്ങള്‍ മേയ് 30ന് രാവിലെ പത്തിന് ഇടുക്കി താലൂക്കോഫീസില്‍ ലേലം ചെയ്തു വില്‍ക്കുന്നതാണ്. 

 സംസ്ഥാന ടൂറിസം വകുപ്പിനു കീഴില്‍ തൊടുപുഴയില്‍ പ്രവര്‍ത്തിക്കുന്ന ഗവ. ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ ഒരുവര്‍ഷത്തെ ഫുഡ് ആന്റ് ബിവറേജ് സര്‍വീസ്, ഭക്ഷ്യസംസ്‌കരണം എന്നീ കോഴ്‌സുകളിലേക്ക് പ്രവേശനം ആരംഭിച്ചു. എസ്എസഎല്‍സി, പ്ലസ് ടു കഴിഞ്ഞവര്‍ക്ക് അപേക്ഷിക്കാം. പിഎസ്‌സി അംഗീകാരമുള്ള കോഴ്‌സുകളാണിവ. അപേക്ഷ സമര്‍പ്പിക്കേണ്ട അവസാന തീയതി മേയ് 31. കൂടുതല്‍ വിവരങ്ങള്‍ക്ക്  ഫോണ്‍: 04862 223601, 9495716465, 9446533205.

 റീജണല്‍ ട്രാന്‍സ്‌പോര്‍ട്ട് അതോറിറ്റിയുടെ അടുത്ത യോഗം മേയ് 31ന് രാവിലെ 11 ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും. 

ലോക്‌സഭാ തിരഞ്ഞെടുപ്പുമായി ബന്ധപ്പെട്ട് വോട്ടെണ്ണല്‍ നടപടി ക്രമങ്ങളുടെ പരിശീലന ക്ലാസ് കളക്ടറേറ്റ് കോണ്‍ഫറന്‍സ് ഹാളില്‍ നടന്നു. തിരഞ്ഞെടുപ്പുമായി ബന്ധപ്പെട്ട് പ്രത്യേക പരിശീലനം ലഭിച്ച കെ.എസ് പ്രകാശാണ്   ക്ലാസ്സെടുത്തത്.  ജില്ലയിലെ ഏഴു നിയോജക മണ്ഡലങ്ങളിലെയും വോട്ടെണ്ണല്‍ രാവിലെ 8 മണിക്ക് ആരംഭിക്കും. 9 മണിയോടെ ആദ്യ ഫല സൂചനകള്‍ ലഭിക്കും. 

അനുശ്രീ ന്യൂട്രിമിക്സ് വെറുമൊരു സംരംഭം മാത്രമല്ല, ഇവരുടെ ജീവിതം കൂടിയാണ്. ഇതില്‍ വന്നതുകൊണ്ട് ഒരിക്കല്‍ പോലും അവര്‍ക്ക് വിഷമവും തോന്നിയിട്ടില്ല മറിച്ച് സംതൃപ്തിയുടെ കഥകള്‍ മാത്രമാണ് പറയാനുള്ളത്...  ഇവര്‍ 12 വീട്ടമ്മമാരാണ്.  സാമ്പത്തികമായി ഏറെ പിന്നില്‍ നില്‍ക്കുന്ന കുടുംബാംഗങ്ങളാണു മിക്കവരും. ഇന്ന് അവര്‍ വിജയത്തിന്റെ കൊടുമുടിയിലാണ്. ജീവിതശൈലി മെച്ചപ്പെടാന്‍ സംരംഭം ഒരു കാരണമായെന്നും കുട്ടികള്‍ക്ക് മികച്ച വിദ്യാഭ്യാസം നല്‍കാന്‍ കഴിഞ്ഞുവെന്നും ഒരേ സ്വരത്തില്‍ ഇവര്‍ പറയുന്നു.