.
കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡിയുടെ കീഴില്‍ മാനന്തവാടിയില്‍ പ്രവര്‍ത്തിക്കുന്ന കോളേജ് ഓഫ് അപ്ലൈഡ് സയസില്‍ ലക്ചറര്‍ ഇന്‍ ഇലക്‌ട്രോണിക്‌സ്, ലക്ചറര്‍ ഇന്‍ കമ്പ്യൂട്ടര്‍ സയന്‍സ് തസ്തികകളിലുള്ള ഗസ്റ്റ് ലക്ചറര്‍മാരുടെ ഒഴിവുകളില്‍ യഥാക്രമം മെയ് 21, 22,  തീയ്യതികളില്‍ കൂടിക്കാഴ്ച നടക്കും. ഉദ്യോഗാര്‍ഥികള്‍   രാവിലെ 9.30ന്  അസ്സല്‍  സര്‍ട്ടിഫിക്കറ്റുകളും അവയുടെ പകര്‍പ്പുകളും സഹിതം കൂടിക്കാഴ്ചയ്ക്ക് ഹാജരാകണം. ഫോണ്‍ 8547005060, 04935245484.

     ഓരോ അസംബ്ലി നിയോജക മണ്ഡലത്തിനും ഓരോ റൂം എന്ന നിലയിലാണ് വോട്ടെണ്ണല്‍ ക്രമീകരിച്ചിരിക്കുന്നത്. ഓരോ റൂമിലും 10- 14 വരെയാണ്  ടേബിളുകള്‍ ക്രമീകരിച്ചിട്ടുള്ളത്. ആവശ്യമെങ്കില്‍ കൂടുതല്‍ ടേബിളുകള്‍ കമ്മീഷന്റെ അനുമതിയോടെ സജ്ജീകരിക്കും. ഓരോ ടേബിളിലും ഒരു കൗണ്ടിങ് സൂപ്പര്‍വൈസര്‍, ഒരു കൗണ്ടിങ് അസിസ്റ്റന്റ്, ഒരു മൈക്രോ ഒബ്‌സര്‍വര്‍ എന്നിവരുണ്ടാകും. ഇതു കൂടാതെ അസിസ്റ്റന്റ് റിട്ടേണിംഗ് ഓഫീസര്‍ക്കും നിരീക്ഷകനും ഓരോ മേശയും ഉണ്ടാവും.

ജില്ലയില്‍ കൗണ്ടിംഗ് ഡ്യൂട്ടിക്കായി നിയോഗിച്ച ഉദ്യോഗസ്ഥര്‍ക്ക് ജില്ലാ ആസൂത്രണ ഭവന്‍ എ.പി.ജെ ഹാളില്‍ പരിശീലനം നല്‍കി. കൗണ്ടിംഗ് സുപ്പര്‍വൈസര്‍, കൗണ്ടിംഗ് അസിസ്റ്റന്റ്, മൈക്രോ ഒബ്‌സര്‍മാര്‍ എന്നിവര്‍ക്കാണ് പരിശീലനം നല്‍കിയത്. കല്‍പ്പറ്റ, സുല്‍ത്താന്‍ ബത്തേരി, മാനന്തവാടി നിയോജക മണ്ഡലങ്ങളിലെ വോട്ടുകള്‍ എണ്ണാന്‍ 57 ഉദ്യോഗസ്ഥരെയാണ് നിയോഗിച്ചിട്ടുള്ളത്. ഇലക്ട്രോണിക് വോട്ടിംഗ് യന്ത്രങ്ങള്‍ എണ്ണാന്‍ കല്‍പ്പറ്റ എസ്.കെ.എം.ജെ സ്‌കൂളില്‍ 14 ടേബിളുകള്‍ ഒരുക്കും. ഒരു കൗണ്ടിംഗ് ടേബിളില്‍ കൗണ്ടിംഗ് സുപ്പര്‍വൈസര്‍, കൗണ്ടിംഗ് അസിസ്റ്റന്റ്, മൈക്രോ ഒബ്‌സര്‍മാര്‍ എന്നിങ്ങനെ മൂന്നുപേരുണ്ടാവും.

വോട്ടെണ്ണലിനോട് അനുബന്ധിച്ചു നിയോഗിക്കപ്പെട്ട  മൈക്രോ  ഒബ്‌സര്‍വര്‍, കൗണ്ടിംഗ് സൂപ്പര്‍വൈസര്‍,  കൗണ്ടിംഗ് അസിസ്റ്റന്റ് എന്നിവരില്‍ ഇതുവരെ പരിശീലനം ലഭിക്കാത്തവര്‍ ഇന്ന് (മെയ് 21)രാവിലെ 10മണിക്ക് കളക്ടറേറ്റ് കോണ്‍ഫറന്‍സ് ഹാളില്‍ നടക്കുന്ന പരിശീലനത്തില്‍ പങ്കെടുക്കണമെന്നു നോഡല്‍ ഓഫീസര്‍ അറിയിച്ചു.

ജില്ലയില്‍ ലോക്സഭ തിരഞ്ഞെടുപ്പിന്റെ വോട്ടെണ്ണലിനുള്ള സജ്ജീകരണങ്ങള്‍ പൂര്‍ത്തിയായതായി ജില്ലാ കലക്ടര്‍ അമിത് മീണ അറിയിച്ചു.  മലപ്പുറം മണ്ഡലത്തിലെ വോട്ടിങ് യന്ത്രങ്ങള്‍ സൂക്ഷിച്ചിട്ടുള്ള മലപ്പുറം ഗവണ്‍മെന്റു കോളജും പൊന്നാനി മണ്ഡലത്തിലെ വോട്ടിങ് യന്ത്രങ്ങള്‍ സൂക്ഷിച്ചിട്ടുള്ള എം.എസ്.പി ഹയര്‍സെക്കന്‍ഡറി സ്‌കൂളും സെന്റ് ജെമ്മാസ് ഹയര്‍സെക്കന്‍ഡറി സ്‌കൂളും കലക്ടര്‍ സന്ദര്‍ശിച്ചു സൗകര്യങ്ങള്‍ വിലയിരുത്തി. വോട്ടെണ്ണല്‍ ഒരുക്കങ്ങളുടെ ഭാഗമായി സുവിധ,  ട്രെന്‍ഡ് എന്നീ വെബ് ആപ്ലിക്കേഷനുകളുടെ ട്രയല്‍ ഇന്ന് (മെയ് 21) രാവിലെ എട്ടിന് നടക്കും.

തദ്ദേശസ്വയംഭരണ സ്ഥാപനങ്ങളുടെ 2019-20 വാര്‍ഷിക പദ്ധതികള്‍ ഭേദഗതി വരുത്തുമ്പോള്‍ മാലിന്യ സംസ്‌കരണ പദ്ധതികള്‍ ഏറ്റെടുക്കുന്നതിന് മുന്‍ഗണന നല്‍കണമെന്ന് ശുചിത്വ മിഷന്‍ എക്‌സിക്യൂട്ടീവ് ഡയറക്ടര്‍ ഡോ. ആര്‍. അജയകുമാര്‍ വര്‍മ്മ നിര്‍ദ്ദേശം നല്‍കി. ത്രിതല പഞ്ചായത്ത് വാര്‍ഷിക പദ്ധതികളില്‍ ആവശ്യമായ ഭേദഗതികളും പരിഷ്‌കാരങ്ങളും വരുത്തുന്നതിനുളള സമയപരിധി ജൂണ്‍ 12ന് അവസാനിക്കും. തദ്ദേശം സ്വയംഭരണ സ്ഥാപനങ്ങള്‍ മാലിന്യ സംസ്‌കരണ പ്രോജക്ടുകള്‍ തയ്യാറാക്കിയിട്ടുണ്ടെന്ന് ഉറപ്പുവരുത്തണം. 

 
കേരള സ്റ്റേറ്റ് സ്‌പോർട്‌സ് കൗൺസിലിനു കീഴിൽ എലൈറ്റ് സ്‌കീമിലേയ്ക്ക് 2019-20 വർഷത്തേക്ക് കായിക താരങ്ങളെ തെരഞ്ഞെടുക്കുന്നു. അത്‌ലറ്റിക്‌സിൽ ദേശീയ മത്സരത്തിൽ മെഡൽ നേടിയവർക്കും വോളീബോൾ മെൻ, വോളീബോൾ വുമൺ, ഫുട്‌ബോൾ മെൻ, ബാസ്‌ക്കറ്റ്‌ബോൾ വുമൺ എന്നീ വിഭാഗങ്ങളിൽ ദേശീയ മത്സരങ്ങളിൽ പങ്കെടുത്തവർക്കും മത്സരിക്കാം. കഴിഞ്ഞ രണ്ടു വർഷത്തെ പെർഫോമൻസ് മാത്രമേ പരിഗണിക്കുകയുള്ളൂ.