സാങ്കേതിക പരീക്ഷാ കൺട്രോളർ മേയ് 17ന് നടത്താൻ നിശ്ചയിച്ചിരുന്ന കെ.ജി.സി.ഇ മെക്കാനിക്കൽ എൻജിനീയറിങ് ബ്രാഞ്ചിലെ മെക്കാനിക്കൽ എൻജിനീയറിംഗ് ഡ്രോയിങ് പേപ്പർ (സബ്ജക്റ്റ് കോഡ്: 4107) 22ന് രാവിലെ 9.30 മുതൽ 12.30 വരെ നടത്തുമെന്ന് സാങ്കേതിക പരീക്ഷാ കൺട്രോളർ അറിയിച്ചു. ടൈം ടേബിൾ പ്രകാരമുള്ള മറ്റു പരീക്ഷകൾക്ക് മാറ്റമില്ല.
പി.എൻ.എക്സ്. 1376/19

സംസ്ഥാനത്ത് പ്രീമെട്രിക്ക് തലത്തില്‍ പഠിക്കുന്ന ഒ.ഇ.സി വിദ്യാര്‍ത്ഥികള്‍ക്ക് സര്‍ക്കാര്‍ നല്‍കി വരുന്ന വിദ്യാഭ്യാസ ആനുകൂല്യങ്ങള്‍ ഇനി മുതല്‍ ഇ-ഗ്രാന്‍സ് സംവിധാനത്തിലേക്ക് മാറ്റുന്നു. ഇതുവരെ ഐ.ടി.@ സ്‌കൂള്‍ (കൈറ്റ്) വഴിയാണ് ഇവ നല്‍കിയിരുന്നത്. പുതിയ സംവിധാനത്തിലൂടെ വിദ്യാര്‍ഥികളുടെ ബാങ്ക് അക്കൗണ്ടുകളിലേക്ക് നേരിട്ട് വിദ്യാഭ്യാസ അനുകൂല്യങ്ങള്‍ ലഭ്യമാകും.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമം സോഷ്യൽ ഓഡിറ്റ് സൊസൈറ്റി കേരളയിൽ വില്ലേജ് റിസോഴ്‌സ് പേഴ്‌സൺ തസ്തികയിൽ അപേക്ഷിച്ച യോഗ്യരായ ഉദ്യോഗാർത്ഥികളുടെ രണ്ടാംഘട്ട അസൽ രേഖകളുടെ പരിശോധന എല്ലാ ജില്ലകളിലും നടത്തുന്നു.  വിശദവിവരങ്ങൾക്ക്: www.socialaudit.kerala.gov.in.    
പി.എൻ.എക്സ്. 1373/19

പോലീസ് വകുപ്പില്‍ പോലീസ് കോണ്‍സ്റ്റബിള്‍ (കെഎപി മൂന്നാം ബറ്റാലിയന്‍) (കാറ്റഗറി നമ്പര്‍ 657/17) തസ്തികയിലേക്ക് ഏപ്രില്‍ ഒമ്പത് മുതല്‍ മെയ് മൂന്ന് വരെ ആലപ്പുഴ ജില്ലയില്‍ നടത്തിയ ശാരീരിക അളവെടുപ്പ്/കായിക ക്ഷമതാ പരീക്ഷ പാസായവരില്‍ പുനരളവെടുപ്പിന് അപ്പീല്‍ നല്‍കിയിട്ടുള്ളവരുടെ പുനരളവെടുപ്പ് ഈ മാസം 23ന് തിരുവനന്തപുരം പി.എസ്.സി ആസ്ഥാനത്ത് നടത്തും. കൂടുതല്‍ വിവരം ജില്ലാ പി.എസ്.സി ഓഫീസില്‍ ലഭിക്കും. ഫോണ്‍: 0468 2222665.                                          (പിഎന്‍പി 1176/19)

ജില്ലയില്‍ ലഹരിപദാര്‍ഥങ്ങളുടെ വ്യാപനം തടയുന്നതുമായി ബന്ധപ്പെട്ട് നാളെ (20) ഉച്ചയ്ക്ക്  ശേഷം 3.30ന് ജില്ലാ കളക്ടറുടെ ചേംബറില്‍ യോഗം ചേരും. ജില്ലയിലെ          വിദ്യാഭ്യാസ സ്ഥാപനങ്ങളുടെ സമീപം ലഹരിപദാര്‍ഥങ്ങള്‍ വ്യാപകമായി വില്‍പ്പന നടക്കുന്നതായി ജില്ലാ കളക്ടര്‍ക്ക് പരാതി ലഭിച്ച സാഹചര്യത്തിലാണ് യോഗം ചേരുന്നത്.

                                   (പിഎന്‍പി 1174/19)