ട്രോൾ നിരോധന കാലയളവിൽ പട്രോളിങ് ബോട്ടിലേക്ക് ലൈഫ് ഗാർഡുമാരെ നിയമിക്കുന്നു. അപേക്ഷകർ കടലിൽ നീന്തൽ അറിയന്നവരും ഏത് പ്രതികൂല സാഹചര്യത്തിലും രക്ഷാപ്രവർത്തനം നടത്തുന്നതിന് കായികക്ഷമതയുളളവരും ആയിരിക്കണം. തീരദേശ മത്സ്യത്തൊഴിലാളി വിഭാഗത്തിന് മുൻഗണന. താൽപര്യമുളളവർ അപേക്ഷയും അനുബന്ധ സർട്ടിഫിക്കറ്റുകളും ജൂൺ നാലിനകം തൃശൂർ ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിൽ നൽകണം. അപേക്ഷ നൽകുന്നവർ ജൂൺ 6 രാവിലെ 11 ന് തൃശൂർ പളളിക്കുളത്ത് പ്രവർത്തിക്കുന്ന ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിൽ അഭിമുഖത്തിന് എത്തണം. കൂടുതൽ വിവരങ്ങൾക്ക് ഫോൺ : 0487-2441132.

പുതിയ അധ്യയന വർഷം ആരംഭിക്കുന്ന ജൂൺ മൂന്നിന് ഒന്നാം ക്ലാസിനൊപ്പം പ്ലസ്വൺ പ്രവേശനോത്സവവും നടത്തും. ചരിത്രത്തിലാദ്യമായി മധ്യവേനലവധി കഴിഞ്ഞ് സ്‌കൂൾ തുറക്കുന്ന ദിവസം തന്നെ പ്ലസ്വൺ പ്രവേശനവും നടത്തും. സംസ്ഥാനതല പ്രവേശനോത്സവം നടക്കുന്ന തൃശൂർ ചെമ്പൂച്ചിറ ഗവ. ഹയർ സെക്കൻഡറി സ്‌കൂളിൽ സ്വാഗതസംഘം രൂപീകരണ യോഗത്തിൽ വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് ഇക്കാര്യം അറിയിച്ചു. പ്രവേശനോത്സവം ഹരിത പെരുമാറ്റച്ചട്ടം പാലിച്ച് ഏറ്റവും ലളിതമായി അർഥഗാംഭീര്യമുള്ള അക്കാദമിക് ഉത്സവമായി നടത്താൻ മന്ത്രി നിർദേശിച്ചു.

പട്ടികജാതി വികസന വകുപ്പിന്റേയും പെരിന്തല്‍മണ്ണ ബ്ലോക്ക് പഞ്ചായത്തിന്റേയും കീഴില്‍ കീഴാറ്റൂര്‍  ഗ്രാമപഞ്ചായത്തില്‍ പ്രവര്‍ത്തിക്കുന്ന തച്ചിങ്ങനാടം ഗവ.പ്രീമെട്രിക് ഹോസ്റ്റലിലേക്ക്  പട്ടികജാതി വിഭാഗത്തില്‍പ്പെട്ട അഞ്ച് വിദ്യാര്‍ത്ഥിനികളുടെ ഒഴിവുകളിലേക്ക്   അപേക്ഷ ക്ഷണിച്ചു.

പെരുമ്പടപ്പ് മൂക്കുതല ഗവ.പ്രീമെട്രിക് ഹോസ്റ്റല്‍ പെരിന്തല്‍മണ്ണ തച്ചിങ്ങനാടം ഗവ.പ്രീമെട്രിക് ഹോസ്റ്റല്‍ എന്നിവടങ്ങളിലെ അന്തേവാസികള്‍ക്ക് ട്യൂഷന്‍ നല്‍കു ന്നതിന് ബന്ധപ്പെട്ട ബ്ലോക്ക് പഞ്ചായത്ത് പരിധിക്കുളളില്‍   സ്ഥിരതാമസ്സക്കാരായവരില്‍ നിന്ന് അപേക്ഷ ക്ഷണിച്ചു.

പട്ടികജാതി വികസന വകുപ്പിന്റെയും പെരുമ്പടപ്പ് ബ്ലോക്ക് പഞ്ചായത്തിന്റെയും കീഴില്‍ നന്നംമുക്ക് ഗ്രാമപഞ്ചായത്തില്‍ പ്രവര്‍ത്തിക്കുന്ന പെണ്‍ക്കുട്ടികളുടെ മൂക്കുതല ഗവ.പ്രീമെട്രിക് ഹോസ്റ്റലിലേക്ക് പട്ടികജാതി വിഭാഗത്തില്‍പ്പെട്ട ഒമ്പത് വിദ്യാര്‍ത്ഥിനികളുടെ ഒഴിവുകളിലേക്ക്   അപേക്ഷ ക്ഷണിക്കുന്നു.