ലോക്‌സഭാ തെരഞ്ഞെടുപ്പിലെ കാസര്‍കോട് മണ്ഡലത്തിലെ വോട്ട് എണ്ണുന്നതിനുള്ള ഉദ്യോഗസ്ഥരുടെ രണ്ടാംഘട്ട റാന്‍ഡമൈസേഷന്‍ ജില്ലാ കളക്ടര്‍ ഡോ.ഡി സജിത് ബാബുവിന്റെ നേതൃത്വത്തില്‍ കളക്ടറുടെ ചേംബറില്‍ നടത്തി. റാന്‍ഡമൈസേഷന്‍ പ്രകാരം  ഓരോ ഉദ്യോഗസ്ഥരും ഏതു നിയോജക മണ്ഡലത്തിലെ വോട്ടാണ് എണ്ണേണ്ടത് എന്ന് നിശ്ചയിച്ചു. 
23 ന്  രാവിലെ അഞ്ചിന് വോട്ടണ്ണെല്‍ കേന്ദ്രമായ പടന്നക്കാട് നെഹ്‌റു ആര്‍ട്‌സ് ആന്റ് സയന്‍സ് കോളേജിലാണ് ഉദ്യോഗസ്ഥരുടെ അവസാനഘട്ട റാന്‍ഡമൈസേഷന്‍ നടത്തുക. അവസാനഘട്ട റാന്‍ഡമൈസേഷനില്‍ ആണ് ഉദ്യോഗസ്ഥര്‍,അവര്‍ നിയോഗിക്കപ്പെട്ട നിയോജകമണ്ഡലത്തിലെ ഏത് ടേബിളിലെ വോട്ടാണ് എണ്ണുകയെന്ന് നിശ്ചയിക്കുക.

പോലീസ് വകുപ്പില്‍ പോലീസ് കോണ്‍സ്റ്റബിള്‍ (കെഎപി മൂന്നാം ബറ്റാലിയന്‍) (കാറ്റഗറി നമ്പര്‍ 657/17) തസ്തികയിലേക്ക് ഏപ്രില്‍ ഒമ്പത് മുതല്‍ മെയ് മൂന്ന് വരെ ആലപ്പുഴ ജില്ലയില്‍ നടത്തിയ ശാരീരിക അളവെടുപ്പ്/കായിക ക്ഷമതാ പരീക്ഷ പാസായവരില്‍ പുനരളവെടുപ്പിന് അപ്പീല്‍ നല്‍കിയിട്ടുള്ളവരുടെ പുനരളവെടുപ്പ് ഈ മാസം 23ന് തിരുവനന്തപുരം പി.എസ്.സി ആസ്ഥാനത്ത് നടത്തും. കൂടുതല്‍ വിവരം ജില്ലാ പി.എസ്.സി ഓഫീസില്‍ ലഭിക്കും. ഫോണ്‍: 0468 2222665.                                          (പിഎന്‍പി 1179/19)

ലോക്സഭാ തെരഞ്ഞെടുപ്പ് ഫലം പുറത്തുവരുന്ന ഈ മാസം 23ന് വിജയിക്കുന്ന സ്ഥാനാര്‍ഥിയുടെ പാര്‍ട്ടിയെ മാത്രമാകും കല്ല്യോട്ട് പ്രകടനം നടത്തുവാന്‍ അനുവദിക്കുകയെന്ന് ജില്ലാ കളക്ടര്‍ ഡോ.ഡി.സജിത് ബാബു അറിയിച്ചു. ദേശീയതലത്തില്‍ വിജയിക്കുന്ന രാഷ്ട്രീയ പാര്‍ട്ടിക്ക് 24 ന് പ്രകടനം നടത്താം.   ബേക്കല്‍ പോലീസ് സ്റ്റേഷന്‍ പരിധിയില്‍ ഈ മാസം 23, 24 തീയതികളില്‍  144 പ്രകാരമുള്ള നിരോധനാജ്ഞ പ്രഖ്യാപിക്കുമെന്നും ജില്ലാ കളക്ടര്‍ അറിയിച്ചു.

പെരിയ കല്ല്യോട്ട് ഇരട്ടക്കൊലപാതകത്തിന്റെ പശ്ചാത്തലത്തില്‍ ഈ പ്രദേശത്ത് സമാധാന അന്തരീക്ഷം പുന:സ്ഥാപിക്കുന്നതിന്റെ ഭാഗമായി ജില്ലാ കളക്ടര്‍ ഡോ.ഡി സജിത് ബാബുവിന്റെ അധ്യക്ഷതയില്‍ സിപിഐ(എം), ഇന്ത്യന്‍ നാഷണല്‍ കോണ്‍ഗ്രസ്(ഐ) എന്നീ പാര്‍ട്ടികളുടെ ജില്ലാ നേതാക്കളുടെ പ്രത്യേകയോഗം കളക്ടറുടെ ചേമ്പറില്‍ ചേര്‍ന്നു.

സ്വകാര്യ ട്യൂഷൻ എടുത്തതിന്റെ പേരിൽ ജില്ലയിലെ മൂന്ന് ഹയർസെക്കന്ററി അധ്യാപകർക്ക് സസ്‌പെൻഷൻ. ചിറയിൻകീഴ് പി.എൻ.എം.ജി.എച്ച്.എസ്. സ്‌കൂളിലെ അധ്യാപകനായ രാജേഷ്, പൂതക്കുളം, ഗവ.എച്ച്.എസ്.എസ്-ലെ അധ്യാപകൻ സുനേഷ്, വിളവൂർകാൽ ഗവ.ഹയർ സെക്കന്ററി സ്‌കൂളിലെ അധ്യാപകൻ ഡി.അനിൽ എന്നിവരെയാണ് സസ്‌പെൻഡ് ചെയ്തത്. മൂന്നുപേരും കെമിസ്ട്രി അധ്യാപകരാണ്. സ്വകാര്യ ട്യൂഷെനെടുക്കുന്നത് കേരള ഗവൺമെന്റ് സർവന്റ്‌സ് കോൺടാക്ട് റൂൾ 48 പ്രകാരം ഗുരുതരമായ അച്ചടക്ക ലംഘനമാണ്. പൊതുവിദ്യാഭ്യാസ വകുപ്പിന്റേതാണ് നടപടി.
പി.എൻ.എക്സ്. 1391/19

മോഡൽ ഫിനിഷിംങ് സ്‌കൂളിലെ പുതിയ ബാച്ച് ഫോറിൻ ലാംഗ്വേജ് കോഴ്‌സുകളിലെ ഒഴിവുളള സീറ്റുകളിലേക്ക് അപേക്ഷ ക്ഷണിച്ചു. ഫ്രഞ്ച്, ജർമ്മൻ, റഷ്യൻ, മാൻഡാറിൻ (ചൈനീസ്) ഭാഷകളാണ് പഠിപ്പിക്കുന്നത്. 60 മണിക്കുർ ദൈർഘ്യമുളള ഒരു കോഴ്‌സിന് 4500 + ജി.എസ്.റ്റി. ആണ് ഫീസ്. താല്പര്യമുളളവർ നേരിട്ടെത്തി രജിസ്റ്റർ ചെയ്യുക. ഫോൺ: 0471-2307733, 7510869582.
പി.എൻ.എക്സ്. 1390/19

കാലടി: ടൗണിലെ ചന്തകളെല്ലാം ഒരിടത്തേക്ക് ഏകോപിപ്പിക്കുന്നു. പച്ചക്കറി-മാംസ - മത്സ്യ മാർക്കറ്റുകളാണ്  ഒരു കുടകീഴിലേക്ക് മാറ്റി പൊതു മാർക്കറ്റിന് രൂപം നൽകുന്നത്. പഞ്ചായത്ത് ഓഫീസിനോട് ചേർന്നുള്ള ആധുനിക മത്സ്യ മാർക്കറ്റിലാണ്  പൊതുമാർക്കറ്റ് വരുന്നത്. ചന്തകളെല്ലാം മാറുന്നതോടെ ടൗണിലെ തിരക്ക് ഒരു പരിധിവരെ കുറയ്ക്കാനാകുമെന്ന പ്രതീക്ഷയിലാണ്  പഞ്ചായത്ത് ഭരണസമിതി.

അധ്യാപക നിയമനം