നാഷണൽ ബാംബൂ മിഷന്റെ സഹായത്തോടെ 2019-20 സാമ്പത്തിക വർഷത്തിൽ മുള നഴ്‌സറിക്കും മുള കൃഷിക്കും സഹായം ലഭ്യമാക്കുന്നതിന് സംസ്ഥാന ബാബൂ മിഷൻ അപേക്ഷ ക്ഷണിച്ചു. പദ്ധതിയിൽ താൽപ്പര്യമുളളവർ വിശദമായ പ്രൊപ്പോസൽ തയ്യാറാക്കി സംസ്ഥാന ബാംബൂ മിഷനിൽ മാർച്ച് 15 നകം നൽകണം. കൂടുതൽ വിവരങ്ങൾക്ക് കേരള സ്റ്റേറ്റ് ബാംബൂ മിഷൻ (കേരള ബ്യൂറോ ഓഫ് ഇൻഡസ്ട്രിയൽ പ്രൊമോഷൻ), വിദ്യാനഗർ, പോലിസ് ഗ്രൗണ്ടിന് എതിർവശം, തൈക്കാട് പി.ഒ., തിരുവനന്തപുരം-14 എന്ന വിലാസത്തിൽ ബന്ധപ്പെടണം. ഫോൺ: 0471-2321882, 0471-2322883, www.keralabamboomission.orgയിലും വിവരം ലഭിക്കും.

സംസ്ഥാനത്തിന്റെ വികസന പ്രവർത്തനങ്ങളുടെ ധനശേഖരണത്തിന്റെ ഭാഗമായി 1000 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം ഫെബ്രുവരി 26ന്  മുംബൈ ഫോർട്ടിലുളള റിസർവ് ബാങ്കിൽ നടക്കും. ഇ-കുബേർ സിസ്റ്റത്തിലൂടെയാണ് ഇടപാടുകൾ. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്‌സൈറ്റായ www.finance.kerala.gov.in ൽ ലഭിക്കും. (വിജ്ഞാപന നമ്പർ എസ്.എസ്.1/69/2019 ധനവകുപ്പ് തീയതി 22.02.2019).

പി.എൻ.എക്സ്. 682/19

എൽ.ബി.എസ്സ് സെന്ററിന്റെ നിയന്ത്രണത്തിൽ പ്രവർത്തിക്കുന്ന പൂജപ്പുര സെന്റർ ഓഫ് എക്‌സലൻസ് ഫോർ ഡിസെബിലിറ്റി സ്റ്റഡീസ് ഭിന്നശേഷിപഠനത്തിൽ ഗവേഷണ താൽപര്യമുളള കേരളത്തിലെ സർക്കാർ/എയ്ഡഡ്, മെഡിക്കൽ/ആർട്‌സ് & സയൻസ്/എൻജീനിയറിങ്ങ് കോളേജുകൾ/പോളിടെക്‌നിക് എന്നിവിടങ്ങളിലെ അധ്യാപകർ, എസ്.എസ്.ഐ അല്ലെങ്കിൽ തത്തുല്യ അംഗീകൃത ഗവൺമെന്റ് രജിസ്‌ട്രേഷനുളള നൂതന സംരഭകർ എന്നിവർക്ക് ഗവേഷണ ധനസഹായത്തിന് അപേക്ഷ ക്ഷണിച്ചു. പിജി/ബി.ടെക്/ഡിപ്ലോമ വിദ്യാർത്ഥികൾക്ക് ഭിന്നശേഷിപഠനത്തിൽ പ്രോജക്ട് ചെയ്യുന്നതിനും ധനസഹായത്തിന് അപേക്ഷിക്കാം.

ജലസേചന വകുപ്പിലെ ബ്ല്യൂപ്രിന്റർമാരുടെ 2012 ജനുവരി ഒന്നു മുതൽ 2019 സെപ്റ്റംബർ 30 വരെയുള്ള താത്കാലിക മുൻഗണനാ പട്ടിക വകുപ്പിന്റെ വെബ്‌സൈറ്റായ www.irrigation.kerala.gov.in  ലും കേരള ഗസറ്റിലും പ്രസിദ്ധീകരിച്ചു. ആക്ഷേപമുള്ളവരും പട്ടികയിലുൾപ്പെടാത്തവരും, ആവശ്യമായ രേഖകൾ സഹിതം അനെക്‌സർ 11ൽ അപ്പീലുകൾ ഉചിതമാർഗം വെബ്‌സൈറ്റിൽ പട്ടിക പ്രസിദ്ധീകരിച്ച തീയതി മുതൽ 15 ദിവസത്തിനകം സമർപ്പിക്കണം.

പി.എൻ.എക്സ്. 679/19

കേരള വനിതാ കമ്മീഷന്റെ ബോധവത്കരണപ്രവർത്തനത്തിന്റെ ഭാഗമായി പോസ്റ്ററുകൾ ജില്ലാ ആസ്ഥാനങ്ങളിലെ സർക്കാർ ഓഫീസുകളിൽ വിതരണം ചെയ്യുന്നതിന് തിരുവനന്തപുരത്ത് പാഴ്‌സൽ സർവീസ് നടത്തുന്ന കമ്പനികളിൽനിന്ന് ക്വട്ടേഷൻ അപേക്ഷകൾ ക്ഷണിച്ചു. കിലോ/ബണ്ടിൽ നിരക്കിൽ രേഖപ്പെടുത്തിയ ക്വട്ടേഷനുകൾ മാർച്ച് രണ്ടിന് മൂന്നുമണിക്ക് മുമ്പ് ലഭിക്കണം. അന്ന് നാലുമണിക്ക് ക്വട്ടേഷനുകൾ തുറക്കും. വിലാസം: മെമ്പർ സെക്രട്ടറി, കേരള വനിതാ കമ്മീഷൻ, പി.എം.ജി, പട്ടം, തിരുവനന്തപുരം.

പി.എൻ.എക്സ്. 678/19

തിരുവനന്തപുരം മെഡിക്കൽ കോളേജിൽ റീപ്രൊഡക്ടീവ് മെഡിസിൻ വിഭാഗത്തിൽ അസിസ്റ്റന്റ് പ്രൊഫസർ (റീപ്രൊഡക്ടീവ് മെഡിസിൻ ആന്റ് സർജൻ) തസ്തികയിൽ കരാർ അടിസ്ഥാനത്തിൽ വാക്-ഇൻ-ഇന്റർവ്യൂ നടത്തും. ആറു മാസമാണ് നിയമനകാലാവധി. റീപ്രൊഡക്ടീവ് മെഡിസിൻ വിഭാഗത്തിലുള്ള എം.സി.എച്ച്/ഡി.എൻ.ബിയാണ് യോഗ്യത. ഇവരുടെ അഭാവത്തിൽ എം.എസ്/ എം.ഡി/ഡി.എൻ.ബി (ഒ&ജി) യോഗ്യതയുള്ളവരെ പരിഗണിക്കും. റീപ്രൊഡക്ടീവ് മെഡിസിൻ & സർജറി വിഭാഗത്തിലുള്ള അംഗീകൃത ടീച്ചിംഗ് സെന്ററിൽ നിന്നുള്ള 2 വർഷത്തെ സ്‌പെഷ്യൽ ട്രെയിനിംഗ്, റ്റി.സി.എം.സി.

* കേരളത്തെ പ്രതിനിധീകരിച്ച് ചിന്താ ജെറോം പ്രബന്ധം അവതരിപ്പിച്ചു

ഐക്യരാഷ്ട്രസഭയുടെ പരിസ്ഥിതി സൗഹാർദ്ദ ദുരന്ത ലഘൂകരണ പദ്ധതികൾ കേരളത്തിലും നടപ്പാക്കാൻ ജർമ്മനിയിൽ നടന്ന ഐക്യരാഷ്ട്രസഭ സർവകലാശാല യുടെ അന്താരാഷ്ട്ര ശില്പശാലയിൽ തീരുമാനം. 

നാല്‍പത്തിയേഴ്‌ ലക്ഷം രൂപ ചെലവില്‍ നിര്‍മ്മിക്കുന്ന ഗവണ്‍മെന്റ്‌ മെഡിക്കല്‍ കോളേജ്‌ ആശുപത്രിയിലെ സമ്പൂര്‍ണ്ണ ജൈവ-അജൈവ മാലിന്യ സംസ്‌ക്കരണ യൂണിറ്റ്‌ ഉദ്‌ഘാടനത്തിനൊരുങ്ങി. പ്രതിദിനം ഉണ്ടാകുന്ന രണ്ടര ടണ്ണിലധികം ജൈവ മാലിന്യം സംസ്‌ക്കരിക്കാന്‍ കഴിയും. ജൈവ മാലിന്യം ചകിരി, ബാക്‌ടീരിയ എന്നിവ ഉപയോഗിച്ച്‌ വളമാക്കും. ഇതില്‍ നിന്നുളള കമ്പോസ്റ്റും സ്‌ളറിയും വില്‍ക്കും. പ്ലാസ്റ്റിക്ക്‌ പൊടിക്കാനുളള ഷ്രഡിങ്ങ്‌ മെഷീന്‍ പുനരുപയോഗത്തിനു വേണ്ടി പ്ലാസ്റ്റിക്കിന്റെ വലിപ്പം കുറയ്‌ക്കുന്ന ബോയിലിങ്‌ മെഷീന്‍ എന്നിവ പ്ലാന്റില്‍ ഉണ്ട്‌. ഇതിന്റെ പ്രവര്‍ത്തനം ലളിതമാണ്‌.