കണ്ണൂര്‍ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ് ലൂം ടെക്‌നോളജി നടത്തുന്ന ത്രിവത്സര ഡിപ്‌ളോമ കോഴ്‌സിനുള്ള അപേക്ഷ ക്ഷണിച്ചു.എസ്.എസ്.എല്‍.സി പാസ്സായ വിദ്യാര്‍ത്ഥികള്‍ക്ക് അപേക്ഷിക്കാം.താത്പര്യമുള്ളവര്‍ മെയ് 25ന് മുന്‍പായി  അപേക്ഷ സമര്‍പ്പിക്കണം.അപേക്ഷ ഫോം ജില്ലാ വ്യവസായ കേന്ദ്രത്തില്‍ ലഭിക്കും.ഫോണ്‍ 0483-2737405, 0483-2737812.

 കോഴിക്കോട് ജില്ലയില്‍ വിദ്യാഭ്യാസ  വകുപ്പില്‍ പാര്‍ട്ട് ടൈം ജൂനിയര്‍ ലാംഗ്വേജ് ടീച്ചര്‍ (അറബിക്) എല്‍.പി.എസ്  (കാറ്റഗറി നം. 230/16) തസ്തികക്ക് 2019 മെയ് 15 ന് നിലവില്‍ വന്ന തിരുത്തല്‍ വിജ്ഞാപനത്തിന്റെ  പകര്‍പ്പ്  പി.എസ്.സി പ്രസിദ്ധീകരിച്ചു. പകര്‍പ്പ്  ജില്ലാ ഇന്‍ഫര്‍മേഷന്‍ സെന്ററില്‍ പരിശോധനക്ക് ലഭിക്കും.

എസ് എസ് എല്‍ സി പ്ലസ് ടു പരീക്ഷകളില്‍ മുഴുവന്‍ വിഷയങ്ങളിലും എ പ്ലസ് നേടിയ കുട്ടികളെ മലപ്പുറം നഗരസഭ  ആദരിച്ചു. മികച്ച വിജയം കരസ്ഥമാക്കിയ മലപ്പുറം ഗവ ഗേള്‍സ്, ബോയ്സ്, പാണക്കാട് ഡി യു എച്ച് എസ് എസ്. മേല്‍മുറി എംഎം ഇ ടി, സെന്റ് ജമ്മാസ് ഗേള്‍സ്, എം എസ് പി ഹൈസ്‌ക്കൂള്‍ എന്നിവര്‍ക്കും ട്രോഫികള്‍ സമ്മാനിച്ചു.

പ്രളയബാധിതര്‍ക്കായി നടപ്പിലാക്കുന്ന ഉജ്ജീവന്‍ പദ്ധതി കൃത്യമായി നടപ്പിലാക്കാന്‍ ജില്ലയിലെ ബാങ്കുകള്‍ കാര്യക്ഷമമായി പ്രവര്‍ത്തിക്കണമെന്ന് ജില്ലാ കലക്ടര്‍ സാംബശിവ റാവു ബാങ്കുകള്‍ക്ക് നിര്‍ദ്ദേശം നല്‍കി. പദ്ധതി നിര്‍വ്വഹണവുമായി ബന്ധപ്പെട്ട് ചേര്‍ന്ന ലൈവ്‌ലിഹുഡ് റീഹാബിലിറ്റേഷന്‍ ക്രെഡിറ്റ് പ്ലാന്‍ (എല്‍.ആര്‍.സി.പി ) യോഗത്തിലാണ് നിര്‍ദ്ദേശം. 

സംസ്ഥാന വനിതാ കമ്മീഷന്‍ മെയ് 30ന് കലക്ടറേറ്റ് സമ്മേളന ഹാളില്‍ രാവിലെ 10.30 മുതല്‍ മെഗാ അദാലത്ത് നടത്തും.  

ഐ.എച്ച്.ആര്‍.ഡിയുടെ എടപ്പാള്‍ നെല്ലിശ്ശേരിയിലുള്ള കോളേജ് ഓഫ് അപ്ലൈഡ് സയന്‍സില്‍ ബി.എസ്.സി കംപ്യൂട്ടര്‍ സയന്‍സ്, ബി.എസ്.സി ഇലക്‌ട്രോണിക്‌സ്, ബി.കോം കംപ്യൂട്ടര്‍ അപ്ലിക്കേഷന്‍ എന്നീ ഡിഗ്രി കോഴ്‌സുകളിലേക്ക് അപേക്ഷ ക്ഷണിച്ചു.  ഫോണ്‍ 0494 2689 655, 8547006802.

തിരൂരങ്ങാടി ബസാര്‍ പോസ്റ്റാഫീസില്‍ എം.പി.കെ.ബി.വൈ ഏജന്റായ ടി.വി കോമളവല്ലി എന്നവരെ മെയ് 17 മുതല്‍ സസ്‌പെന്റ് ചെയ്തു. ഇനി ഒരു അറിയിപ്പ് ഉണ്ടാകുന്നത് വരെ ഇവരുമായി ഇടപാടുകള്‍ നടത്താന്‍ പാടില്ലെന്ന്  ജില്ലാ കലക്ടര്‍ അറിയിച്ചു.

മൃഗസംരക്ഷണ വകുപ്പിന്റെ ആഭിമുഖ്യത്തില്‍ മലമ്പുഴ മൃഗസംരക്ഷണ   പരിശീലന കേന്ദ്രത്തില്‍  മെയ് 28, 29, 30 തിയ്യതികളില്‍   മുട്ടക്കോഴി വളര്‍ത്തലില്‍ സൗജന്യ പരിശീലനം സംഘടിപ്പിക്കുന്നു. പരിശീലനത്തില്‍ പങ്കെടുക്കുവാന്‍ താല്‍പര്യമുളളവര്‍ നേരിട്ടോ ഫോണ്‍ മുഖേനയോ മുന്‍കൂട്ടി പേര് രജിസ്റ്റര്‍ ചെയ്യണം. ഫോണ്‍   0491 - 2815454.