ആലപ്പുഴ: വോട്ടെണ്ണൽ കേന്ദ്രങ്ങളിൽ നിയോഗിച്ചിട്ടുള്ള ഉദ്യോഗസ്ഥർ മെയ് 23ന് രാവിലെ ആറ് മണിക്ക് എത്തണമെന്ന് ജില്ലാ കളക്ടർ എസ്.സുഹാസ് പറഞ്ഞു. വോട്ടെടുപ്പിന്റെ ഒരുക്കങ്ങൾ വിലയിരുത്തുന്നതിന് കളക്ടർ വിളിച്ചുചേർത്ത അവലോകന യോഗത്തിൽ സംസാരിക്കുകയായിരുന്നു അദ്ദേഹം. കൗണ്ടിങ്ങ് സെന്ററുകളിലേക്ക് പ്രവേശനമുള്ള രാഷ്ട്രീയ പാർട്ടി പ്രതിനിധികൾക്ക് അതത് എ.ആർ.ഓമാർ തിരിച്ചറിയൽ കാർഡ് വിതരണം ചെയ്യും. 

ആലപ്പുഴ:  ജില്ലയിലെ വിവിധ സർക്കാർ ഓഫീസുകൾക്ക് 2019-20ലെ സാമ്പത്തിക വർഷത്തേക്കുള്ള  റബ്ബർ ലോഹ മുദ്രകൾ നിർമിച്ചുനൽകുന്നതിന് ദർഘാസ്  ക്ഷണിച്ചു. ജൂൺ20ന് ഉച്ചയ്ക്കു രണ്ടിനകം  ജില്ല സ്റ്റേഷനറി ഓഫീസറുടെ കാര്യാലയത്തിൽ ദർഘാസിനുള്ള അപേക്ഷ എത്തണം.  ദർഘാസ് ഫോറം 19ന് വൈകീട്ടു മൂന്നുവരെ  ജില്ലാ സ്റ്റേഷനറി ഓഫീസറുടെ കാര്യാലയത്തിൽ നിന്ന് ലഭിക്കും.  ഫോൺ; 0477-2263404.

ആലപ്പുഴ: പോണ്ടിച്ചേരി യൂണിവേഴ്സിറ്റി മാഹി കേന്ദ്രം നടത്തുന്ന ഡിപ്ലോമ, ബിരുദ കോഴ്സുകളിലേക്ക് അപേക്ഷ ക്ഷണിച്ചു.  യു.ജി.സി ആവിഷ്‌ക്കരിച്ച അഭിരുചിക്ക് അനുസൃത തൊഴിൽ പരിശീലനം നൽകുന്ന ത്രിവൽസര ബി.വോക് ഫാഷൻ ടെക്നോളജി, ജേണലിസം ആൻഡ് മാസ് കമ്മ്യൂണിക്കേഷൻ, ഒരു വർഷ കോഴ്സുകളായ ടൂറിസം ആൻഡ് സർവ്വീസ് ഇൻഡസ്ട്രി, റേഡിയോഗ്രാഫിക് ആൻഡ് ഇമേജിങ് ടെക്നോളജി എന്നീ കോഴ്സുകളിലേക്കാണ് അപേക്ഷ ക്ഷണിച്ചത്.ബി.വോക് കോഴ്സുകളിൽ ഒരുവർഷ പഠനശേഷം ഡിപ്ലോമ അല്ലെങ്കിൽ, രണ്ട് വർഷ പഠനശേഷം അഡ്വാൻസ് ഡിപ്ലോമ കരസ്ഥമാക്കി കോഴ്സുകളിൽ നിന്ന് പിൻവാങ്ങാൻ വിദ്യാർഥികൾക്ക് അവസരമുണ്ട്.  ഹയർ സെക്കൻഡറി കഴിഞ്ഞ ഏതൊരു വിദ്യാർഥിക്കും അപേക്ഷിക്കാം.

ആലപ്പുഴ: ഐ.എച്ച്.ആർ.ഡി.യുടെ കീഴിൽ പ്രവർത്തിക്കുന്ന വടകര (കോഴിക്കോട് ഫോൺ: 0496 2524920), മാള (കല്ലേറ്റുംകര :0480 2233240), മറ്റക്കര (കോട്ടയം:0481 2542022), കല്യാശ്ശേരി(കണ്ണൂർ: 0497 2780287), പൈനാവ് (ഇടുക്കി:0486 2232246), കരുനാഗപ്പള്ളി (കൊല്ലം:0476 2623597) പൂഞ്ഞാർ (കോട്ടയം:0482 2209265), കുഴൽമന്ദം(പാലക്കാട്: 0492 2272900) മോഡൽ പോളിടെക്നിക് കോളജുകളിൽ 2019-20 അധ്യയന വർഷം ഡിപ്ലോമ കോഴ്സുകളുടെ പ്രവേശനത്തിനായി ഓൺലൈൻ അപേക്ഷ ക്ഷണിച്ചു.  മെയ് 30ന് വൈകിട്ട് അഞ്ചു വരെ. www.ihrdmptc.org എന്ന പോർട്ടൽ വഴി അപേക്ഷ സമർപ്പിക്കാം.  

ആലപ്പുഴ: സംസ്ഥാനത്ത് പ്രീമെട്രിക്ക് തലത്തിൽ പഠിക്കുന്ന ഒ.ഇ.സി വിദ്യാർത്ഥികൾക്ക് സർക്കാർ നൽകി വരുന്ന വിദ്യാഭ്യാസ അനുകൂല്യങ്ങൾ ഇ-ഗ്രാൻസ് സംവിധാനത്തിലേക്ക് മാറ്റുന്നു. ഇതുവരെ ഐ.ടി.@ സ്‌കൂൾ (കൈറ്റ്) വഴിയാണ് ഇവ നൽകിയിരുന്നത്. പുതിയ സംവിധാനത്തിലൂടെ വിദ്യാർത്ഥികളുടെ സ്വന്തം ബാങ്ക് അക്കൗണ്ടുകളിലേക്ക് നേരിട്ട് വിദ്യാഭ്യാസ അനുകൂല്യങ്ങൾ ലഭ്യമാകും. 

ആലപ്പുഴ: വജ്രജൂബിലി ആഘോഷത്തിന്റെ ഭാഗമായി എസ്.എൽ.പുരം ഗാന്ധിസ്മാരക ഗ്രാമസേവാകേന്ദ്രത്തിൽ മോചിതയുടെ ആഭിമുഖ്യത്തിൽ മാറുന്ന പെൺമലയാളം എന്ന വിഷയത്തിൽ സെമിനാർ സംഘടിപ്പിച്ചു. എഴുത്തകാരി ഡോ.എസ് ശാരദക്കുട്ടി ക്ലാസ് നയിച്ചു. ഗാന്ധിസ്മാരക ഗ്രാമസേവ കേന്ദ്രം ജനറൽ സെക്രട്ടറി രമ രവീന്ദ്രമേനോൻ സ്വാഗതവും പ്രോഗ്രാം ഓഫീസർ ശ്രീലത മോഹൻ നന്ദിയും പറഞ്ഞു.  വി.കെ സോണി ആശംസയർപ്പിച്ചു. 

പാലക്കാട് താലൂക്കിലെ  വിദ്യാഭ്യാസ സ്ഥാപനങ്ങളുടെ ഉടമസ്ഥതയിലുള്ള  സ്‌കൂള്‍  ബസുകളുടെ മഴക്കാല പൂര്‍വ പ്രത്യേക  സുരക്ഷാ പരിശോധന മെയ് 22,25 തീയതികളില്‍ രാവിലെ 8.30 മുതല്‍ മലമ്പുഴ  ഇറിഗേഷന്‍  ഡിപ്പാര്‍ട്ട്‌മെന്റിന്റെ ഗ്രൗണ്ടില്‍ നടക്കും. പരിശോധനയ്ക്കായി സ്‌കൂള്‍ അധികൃതര്‍ വാഹനങ്ങള്‍ ഹാജരാക്കണമെന്ന് പാലക്കാട് ആര്‍.ടി.ഒ അറിയിച്ചു.

മൃഗസംരക്ഷണ വകുപ്പിന്റെ ആഭിമുഖ്യത്തില്‍ മലമ്പുഴ ഐ.റ്റി.ഐക്ക് സമീപമുള്ള മൃഗസംരക്ഷണ   പരിശീലനകേന്ദ്രത്തില്‍  മെയ് 28 മുതല്‍  30  വരെ മുട്ടക്കോഴി വളര്‍ത്തലില്‍  ത്രിദിന സൗജന്യ പരിശീലനം സംഘടിപ്പിക്കും. താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ പേര് രജിസ്റ്റര്‍ ചെയ്യണം.   പേര് രജിസ്റ്റര്‍  ചെയ്തവര്‍ ആധാര്‍നമ്പറുമായി  28ന്  രാവിലെ 10 ന് മുന്‍പ് മലമ്പുഴ മൃഗസംരക്ഷണ പരിശീലനകേന്ദ്രത്തില്‍ എത്തണം. ഫോണ്‍- 0491 -2815454.