കേരളത്തിൽ  ഒറ്റപെട്ട സ്ഥലങ്ങളിൽ ഇടിയോടും  മിന്നലോടും  കൂടിയ  മഴയ്ക്കും  കാറ്റിനും (കാറ്റിന്റെ  വേഗത  മണിക്കൂറിൽ 40-50 kmph) സാധ്യത.

കേരളത്തിൽ ചില സ്ഥലങ്ങളിൽ ഇന്ന് ഒറ്റപ്പെട്ട  മഴയ്ക്ക് സാധ്യതയുണ്ടെന്നും *കോഴിക്കോട്, വയനാട് ജില്ലകളിൽ  ശക്തമായ മഴ പ്രതീക്ഷിക്കുന്നതിനാൽ മഞ്ഞ അലേർട്ട് (Yellow Alert)* പ്രഖ്യാപിച്ചിരിക്കുന്നതായും കേന്ദ്ര കാലാവസ്ഥ നിരീക്ഷണ വകുപ്പിന്റെ മഴ പ്രവചനം സൂചിപ്പിക്കുന്നു

 പുതിയ അധ്യയന വർഷത്തിനും മഴക്കാലത്തിനും മുന്നോടിയായി കോക്കല്ലൂർ ഗവ.ഹയർ സെക്കന്ററി സ്കൂളും പരിസരവും ശുചീകരിച്ചു. എന്‍.എസ്.എസ് വളണ്ടിയര്‍മാരോടൊപ്പം രക്ഷിതാക്കളും നാട്ടുകാരും പ്രദേശത്തെ സാമൂഹ്യപ്രവര്‍ത്തകരുമടങ്ങുന്ന ജനകീയകൂട്ടായ്മയാണ് ഈ ശുചീകരണപ്രവര്‍ത്തനങ്ങളില്‍ പങ്കാളികളായത്.
 ബാലുശ്ശേരി എം.എല്‍.എ. പുരുഷൻ കടലുണ്ടി  പരിപാടിക്ക് നേതൃത്വം നൽകി. പിടിഎ പ്രസിഡന്റ് മുസ്തഫ ദാരുകല, പ്രിൻസിപ്പാൾ എം കെ ഗണേശൻ, സ്വയം സഹായ സംഘം പ്രവർത്തകരായ എ കുമാരൻ, വി വത്സരാജ്, എ ശേഖരൻ, എൻ പി അരവിന്ദൻ, കെ പി ബാലൻ നായർ, എ കെ രവി, അധ്യാപകരായ കെ കെ സതീശൻ, കെ സി രാജൻ, എൻ കൃഷ്ണൻകുട്ടി എന്നിവർ നേതൃത്വം നൽകി.

വാസ്തുവിദ്യാഗുരുകുലം : കോഴ്‌സുകള്‍ക്ക് അപേക്ഷ ക്ഷണിച്ചു  

കേരള സര്‍ക്കാര്‍ സാംസ്‌കാരിക വകുപ്പിന്റെ  കീഴിലെ പത്തനംതിട്ടയില്‍ ആറന്മുളയിലെ പാരമ്പര്യ വാസ്തുവിദ്യ, ചുമര്‍ ചിത്ര സംരക്ഷണ കേന്ദ്രമായ  വാസ്തുവിദ്യാഗുരുകുലത്തില്‍ താഴെപറയുന്ന കോഴ്സുകള്‍ 2019 ജൂണ്‍ മുതല്‍ ആരംഭിക്കുന്നു.

1. പോസ്റ്റ് ഗ്രാഡ്വേറ്റ്ഡിപ്ലോമാ ഇന്‍ ട്രഡീഷണല്‍ ആര്‍ക്കിടെക്ചര്‍ (ഒരു വര്‍ഷം) ആകെ സീറ്റ് - 25. അദ്ധ്യയന മാധ്യമം - മലയാളം, ഇംഗ്ലീഷ്. പ്രവേശനം യോഗ്യത - ബിടെക് - സിവില്‍ എന്‍ജീനിയര്‍,  ആര്‍ക്കിടെക്ചര്‍ വിഷയങ്ങളില്‍ ബിരുദം. ഫീസ് - 50,000 രൂപ +ജി.എസ്.ടി.

കേരളത്തിലെ ചില ജില്ലകളിലെ  ഒറ്റപ്പെട്ട സ്ഥലങ്ങളില്‍ മെയ് 24 വരെ വൈകുന്നേരങ്ങളില്‍   ഇടിയോടുകൂടിയ ശക്തമായ  മഴയയും, മണിക്കൂറില്‍ 30-40 സാ  വേഗതയില്‍  കാറ്റും ഉണ്ടാകാന്‍ സാധ്യതയുള്ളതായി കാലാവസ്ഥ  നിരീക്ഷണ കേന്ദ്രം അറിയിച്ചിരിക്കുന്നു.  ആയതിനാല്‍ സംസ്ഥാന  ദുരന്ത നിവാരണ അതോറിറ്റി നേരത്തെ പുറപ്പെടുവിച്ചിട്ടുള്ള ഇടിമിന്നല്‍ ജാഗ്രത നിര്‍ദ്ദേശങ്ങള്‍ പാലിക്കണമെന്ന് നിര്‍ദ്ദേശിക്കുന്നു.

വൈദ്യുത ഉത്പാദനരംഗത്ത് പുതിയ മാതൃക സൃഷ്ടിച്ച് കോഴിക്കോട് ജില്ലാ പഞ്ചായത്ത്. ജില്ലാ പഞ്ചായത്ത് കെട്ടിടത്തിലും പഞ്ചായത്തിന്റെ നിയന്ത്രണത്തിലുള്ള  44 സ്‌കൂളുകളിലും സൗരോര്‍ജ പാനലുകള്‍ ഉപയോഗിച്ച് വൈദ്യുതിയുടെ കാര്യത്തില്‍ സ്വയംപര്യാപ്തമാവാനാണ് പദ്ധതി. സ്‌കൂളുകളിലും ജില്ലാ പഞ്ചായത്ത് കെട്ടിടത്തിലും സൗരോര്‍ജ പാനലുകള്‍ സ്ഥാപിച്ചു കഴിഞ്ഞു.

 പദ്ധതി പൂര്‍ണമായാല്‍  480 കിലോവാട്ട് വൈദ്യുതി ഉത്പാദിപ്പിക്കാമെന്നാണ് കണക്കുകൂട്ടല്‍.   ഇതിനായി മൂന്നരക്കോടി രൂപയാണ് വിനിയോഗിക്കുന്നത്.