മന്ത്രിസഭയുടെ ആയിരം ദിനാഘോഷപരിപാടികളുടെ ഭാഗമായി തിരൂരില്‍ നടക്കുന്ന വിപണന-പ്രദര്‍ശന മേളയില്‍ കൗതുകമുണര്‍ത്തി വിവിധ സേനകളുടെ സ്റ്റാളുകള്‍. വിവിധ ഉപകരണങ്ങള്‍ കാണാനും സേവനങ്ങള്‍ അടുത്തറിയാനും നിരവധി പേരാണ് പൊലീസ്, ഫയര്‍ഫോഴ്‌സ്, എക്‌സൈസ് സേനകള്‍ ഒരുക്കിയ സ്റ്റാളുകള്‍ സന്ദര്‍ശിക്കുന്നത്.

ആലപ്പുഴ: ജില്ലയിൽ എക്സൈസ് വകുപ്പിൽ  സിവിൽ എക്സൈസ് ഓഫീസർ (ട്രെയിനി) (കാറ്റഗറി നമ്പർ:340/16 ആൻഡ് 341/16)) തസ്തികയുടെ  ശാരീരിക അളവെടുപ്പിലും കായികക്ഷമത പരീക്ഷയിലും വിജയിച്ച ഉദ്യോഗാർഥികൾക്കുള്ള വൺ ടൈം വെരിഫിക്കേഷൻ ഫെബ്രുവരി 25മുതൽ 28 വരെ രാവിലെ 9.30 മുതൽ  ആലപ്പുഴ ജില്ല  പി.എസ്.സി ഓഫീസിൽ  നടത്തും.. ഉദ്യോഗാർത്ഥികൾക്ക് എസ്.എം.എസ്, ഒ.റ്റി.ആർ പ്രൊഫൈൽ   സന്ദേശം   എന്നിവ വഴി നല്കിയിട്ടുണ്ട്.

ആലപ്പുഴ: സംസ്ഥാന ലഹരി വർജ്ജനമിഷൻ വിമുക്തിയുടെ നേതൃത്വത്തിൽ ആരംഭിക്കുന്ന  ലഹരി വിമോചന കേന്ദ്രത്തിന്റെയും ചെങ്ങന്നൂർ ജില്ല ആശുപത്രിയിൽ അനുവദിച്ച ഡയാലിസിസ് സെന്റർ, ബ്ലഡ് സ്റ്റോറേജ് യുണിറ്റ്, ദന്തൽ ലാബ്, നവീകരിച്ച മെഡിസിൽ സ്റ്റോർ എന്നിവയുടെ ഉദ്ഘാടനം 26ന് രാവിലെ 10ന് സജി ചെറിയാൻ എം.എൽ.എ നിർവഹിക്കും. ജില്ല പഞ്ചായത്ത് പ്രസിഡന്റ് ജി.വേണുഗോപാൽ അധ്യക്ഷത വഹിക്കും. വിമുക്തി പദ്ധതി റിപ്പോർട്ട് ജില്ല മെഡിക്കൽ ഓഫീസർ  ഡോ. എൽ അനിത കുമാരി അവതരിപ്പിക്കും. ആരോഗ്യ വിദ്യാഭ്യാസ സ്ഥിരം സമിതി ചെയർമാൻ അഡ്വ.കെ.റ്റി.മാത്യു മുഖ്യപ്രഭാഷണം നടത്തും.  ജില്ല കളക്ടർ  എസ്. സുഹാസ് സന്ദേശം   നൽകും.

ആലപ്പുഴ: പുന്നപ്ര ഡോ. അംബേദ്കർ മെമ്മോറിയൽ ഗവ. മോഡൽ റസിഡൻഷ്യൽ സ്‌കൂളിലെ അടുത്ത അധ്യയന വർഷത്തേക്ക് ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. ആറാം ക്ലാസിലേക്ക് 19ഉം (ജനറൽ ഒന്ന്) ഏഴാം ക്ലാസ്-ആറ്, എട്ടാം ക്ലാസ്- ഒന്ന്, പത്താം ക്ലാസ-നാല് (ജനറൽ ഒന്ന്) (ആകെ 32) ഒഴിവുകൾ ഉണ്ട്. നിലവിൽ അഞ്ച്, ആറ്, ഏഴ്, ഒമ്പത് ക്ലാസ്സുകളിൽ പഠിക്കുന്ന വിദ്യാർഥികൾക്ക്  അപേക്ഷിക്കാം.  അപേക്ഷകർ ജാതി, വരുമാനം, ഇപ്പോൾ പഠിക്കുന്ന സ്‌കൂളിലെ ക്ലാസ്സ് തെളിയിക്കുന്ന പ്രഥമാധ്യാപകന്റെ സാക്ഷ്യപത്രം എന്നിവ സഹിതം മാർച്ച് രണ്ടിന് രാവിലെ 10ന് സ്ഥാപനത്തിൽ നടക്കുന്ന എഴുത്ത് പരീക്ഷയ്ക്ക് നേരിട്ട് ഹാജരാകണം.. 

ആലപ്പുഴ: സംസ്ഥാന ഭക്ഷ്യ സുരക്ഷ വകുപ്പിന്റെ സുരക്ഷിതാഹാരം ആരോഗ്യത്തിനാധാരം പദ്ധതി അമ്പലപ്പുഴ മണ്ഡലത്തിൽ പുന്നപ്ര വടക്ക് ഗ്രാമപഞ്ചായത്തിൽ നടപ്പാക്കുന്നു.

ആലപ്പുഴ: പൊതുതിരഞ്ഞടുപ്പുമായി ബന്ധപ്പെട്ട് വിവിധ സ്‌ക്വാഡുകളിലും തിരഞ്ഞെടുപ്പിന്റെ വിവിധ ആവശ്യങ്ങൾക്കും വീഡിയോഗ്രാഫി ചെയ്യുന്നതിനായി ദിവസ വാടകയിനത്തിൽ (വീഡിയോഗ്രാഫർ, വീഡിയോ ക്യാമറ) വീഡിയോ എടുത്ത് സി.ഡി കൈമാറുന്നതിന് താൽപര്യമുള്ള വ്യക്തികൾ സ്ഥാപനങ്ങൾ എന്നിവയിൽ നിന്ന് അപേക്ഷ ക്ഷണിച്ചു. വിഡിയോഗ്രഫി എടുക്കാൻ താല്പര്യമുള്ള നിയമസഭ മണ്ഡലത്തിന്റെ പേര് രേഖപ്പെടുത്തണം.  താൽപര്യമുള്ളവർ ഫെബ്രുവരി 26ന് വൈകിട്ട് മൂന്നിനകം കളക്ടറേറ്റിലെ ഹുസൂർ ശിരസ്തദാറിന്റെ മുറിയിലുള്ള ഡ്രോപ്പ് ബോക്സിൽ നിക്ഷേപിക്കണം. അന്നേ ദിവസം വൈകിട്ട് മൂന്നിന് ജില്ല കളക്ടറുടെ സാന്നിധ്യത്തിൽ തുറക്കും.