അന്താരാഷ്ട്ര മ്യൂസിയം ദിനാഘോഷത്തിന്റെ ഭാഗമായി തുറമുഖ, മ്യൂസിയം, മൃഗശാല വകുപ്പ് മന്ത്രി രാമചന്ദ്രൻ കടന്നപ്പള്ളി നേപ്പിയർ മ്യൂസിയം സന്ദർശിച്ചു.  മ്യൂസിയം മൃഗശാല വകുപ്പ് ഡയറക്ടർ എസ്. അബു സന്ദർശനത്തിൽ ആതിഥേയത്വം വഹിച്ചു.  ഇന്ത്യൻ മഹാരാജ്യത്തിന്റെ ചരിത്രസംസ്‌കൃതിയുടെ സാക്ഷ്യങ്ങളാണ് മ്യൂസിയങ്ങളെന്നും പുതിയ തലമുറയറിഞ്ഞിരിക്കേണ്ട നിരവധി സത്യവസ്തുക്കളുടെ ഉറവിടമാണ് ഇത്തരം സ്ഥാപനങ്ങളെന്നും മന്ത്രി സന്ദർശന പുസ്തകത്തിൽ രേഖപ്പെടുത്തി.

മൊകേരി ഗവ. കോളേജില്‍ കൊമേഴ്‌സ്, ഹിന്ദി, മാതമറ്റിക്‌സ്, കമ്പ്യൂട്ടര്‍ സയന്‍സ്, ഫിസിക്‌സ്, കെമിസ്ട്രി എന്നീ വിഷയങ്ങളില്‍ ഗസ്റ്റ് അദ്ധ്യാപകരെ ആവശ്യമുണ്ട്. ബന്ധപ്പെട്ട വിഷയത്തില്‍ 55 ശതമാനം മാര്‍ക്കോടെയുളള ബിരുദാനന്തര ബിരുദം, നെറ്റ്/പി.എച്ച്.ഡി യോഗ്യതയുളള കോഴിക്കോട് കോളേജ് വിദ്യാഭ്യാസ ഡെപ്യുട്ടി ഡയറക്ടറുടെ ഗസ്റ്റ് അദ്ധ്യാപകരുടെ പാനലില്‍ ഉള്‍പ്പെട്ടവര്‍ക്ക് നിയമനത്തിനായുളള കൂടിക്കാഴ്ചയില്‍ പങ്കെടുക്കാം.

കോഴിക്കോട് ജില്ലാ സൈനിക ക്ഷേമ ഓഫീസില്‍ നിന്നും രണ്ടാം ലോക മഹായുദ്ധ സേനാനികള്‍ക്കും അവരുടെ വിധവകള്‍ക്കും അനുവദിക്കുന്ന സാമ്പത്തിക സഹായം കൈപ്പറ്റുന്നവര്‍ പ്രസ്തുത സഹായം തുടര്‍ന്ന് ലഭിക്കുന്നതിനായി അവരുടെ ലൈഫ് സര്‍ട്ടിഫിക്കറ്റ്  (ഗസറ്റഡ് ഓഫീസര്‍ ഒപ്പിട്ടത്) ഇനിയും സമര്‍പ്പിക്കാത്തവര്‍ ഉടന്‍ തന്നെ ഓഫീസില്‍ സമര്‍പ്പിക്കണമെന്ന് കോഴിക്കോട് ജില്ലാ സൈനിക ക്ഷേമ ഓഫീസര്‍ അറിയിച്ചു. സര്‍ട്ടിഫിക്കറ്റ് ലഭിക്കുന്ന മുറക്കേ ധന സഹായ വിതരണം ചെയ്യുകയുള്ളുവെന്നും ജില്ലാ സൈനികക്ഷേമ ഓഫീസര്‍ അറിയിച്ചു. ഫോണ്‍ - 0495 2771881.

കേരള കൈത്തറി തൊഴിലാളി ക്ഷേമനിധി അംഗങ്ങളുടെ മക്കളില്‍ 2019 മാര്‍ച്ചിലെ എസ്.എസ്.എല്‍.സി പരീക്ഷയില്‍ സംസ്ഥാനത്ത് ഉന്നത വിജയം നേടിയ വിദ്യാര്‍ത്ഥികള്‍ക്കുള്ള സ്വര്‍ണ്ണപ്പതക്കത്തിനും ഓരോ ജില്ലയിലും ഉന്നതവിജയം നേടിയ വിദ്യാര്‍ത്ഥികള്‍ക്ക് ക്യാഷ് അവാര്‍ഡിനുമുള്ള അപേക്ഷ ക്ഷണിച്ചു. നിര്‍ദ്ദിഷ്ട ഫോറത്തിലുള്ള അപേക്ഷ എസ്.എസ്.എല്‍.സി സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പ് സഹിതം ബന്ധപ്പെട്ട കൈത്തറി തൊഴിലാളി ക്ഷേമനിധി ബോര്‍ഡ് ജില്ലാ എക്‌സിക്യുട്ടീവ് ഓഫീസര്‍ക്ക് ജൂണ്‍ 30 ന് മുമ്പായി സമര്‍പ്പിക്കണം.

കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസന കോര്‍പ്പറേഷന്‍, സ്റ്റേറ്റ് ഇന്‍സ്റ്റിറ്റ്യൂട്ട് ഫോര്‍ എഡ്യുക്കേഷന്‍ ടെക്‌നോളജി (SIET) യുടെ സഹകരണത്തോടുകൂടി പട്ടികജാതിയില്‍നിന്നും ക്രിസ്തുമതത്തിലേയ്ക്ക് പരിവര്‍ത്തനം ചെയ്തിട്ടുള്ളവരും പട്ടികജാതിയിലേയ്ക്ക് ശുപാര്‍ശ ചെയ്തിട്ടുള്ള വിഭാഗത്തില്‍ പെട്ടവരുമായ (ഒ.ഇ.സി മാത്രം മുന്നോക്ക/പിന്നോക്ക വിഭാഗങ്ങളിലെ മറ്റു ജാതിക്കാര്‍ അര്‍ഹരല്ല) പ്ലസ് ടു പാസ്സായ 50 വിദ്യാര്‍ത്ഥി-വിദ്യാര്‍ത്ഥിനികള്‍ക്ക്  ജൂണ്‍ നാല്, അഞ്ച്  തീയതികളില്‍   കരിയര്‍ ഗൈഡന്‍സ്, പേഴ്‌സണാലിറ്റി ഡവലപ്‌മെന്റ് എന്നീ വിഷയങ്ങളില്‍ കോട്ടയത്തു പരിശീലന ക്യാമ്പ്  നടത്തുന്നു.

കൊയിലാണ്ടി താലൂക്കിലെ മുചുകുന്ന്, പുളിയഞ്ചേരി, കൊടക്കാട്ടുമുറി, കീഴ്പയ്യൂര്‍ എന്നിവിടങ്ങളില്‍ കൊയിലാണ്ടി താലൂക്ക് സപ്ലൈ ഓഫീസര്‍ വി.പി.രാജീവന്റെ നേതൃത്വത്തില്‍ നടത്തിയ പരിശോധനയില്‍ അനര്‍ഹമായി കൈവശം വെച്ച എ.എ.വൈ, പി.എച്ച്.എച്ച്, സബ്‌സിഡി വിഭാഗത്തില്‍പ്പെട്ട 34 റേഷന്‍കാര്‍ഡുകള്‍ പിടിച്ചെടുത്തു. അനര്‍ഹമായി വാങ്ങിയ റേഷന്‍സാധനങ്ങളുടെ വിപണിവില കാര്‍ഡുടമകളില്‍ നിന്ന് ഈടാക്കുന്നതിനുള്ള നടപടികള്‍ സ്വീകരിച്ചുവരുന്നു.  പരിശോധനയില്‍ താലൂക്ക് സപ്ലൈ ഓഫീസര്‍ക്കുപുറമെ റേഷനിംഗ് ഇന്‍സ്‌പെക്ടര്‍മാരായ സജിത.എസ്.കെ, ലിജി.എന്‍, സി.എം.ദിനചന്ദ്രന്‍, എം.പി.ശ്രീജ, എം.ശ്രീജു എന്നിവര്‍ പങ്കെടുത്തു.

കേരള ഷോപ്പ്‌സ് ആൻഡ് കൊമേഴ്‌സ്യൽ എസ്റ്റബ്ലിഷ്‌മെന്റ്‌സ് വർക്കേഴ്‌സ് വെൽഫെയർ ഫണ്ട് ബോർഡ് ക്ഷേമനിധി അംഗങ്ങളുടെ പത്ത്, പ്ലസ് ടു പരീക്ഷകളിൽ ഉന്നതവിജയം നേടിയ മക്കൾക്ക് ക്യാഷ് അവാർഡ് നൽകുന്നു. സ്റ്റേറ്റ്, സിബിഎസ്ഇ, ഐസിഎസ്ഇ പരീക്ഷകളിൽ കുറഞ്ഞത് 90 ശതമാനം ലഭിച്ചിരിക്കണം. അംഗത്വകാർഡ്, ബാങ്ക് പാസ്ബുക്ക്, മാർക്ക് ലിസ്റ്റ് എന്നിവയുടെ പകർപ്പ് സഹിതമുളള അപേക്ഷ ജൂലൈ അഞ്ചിനകം ജില്ലാ എക്‌സിക്യൂട്ടീവ് ഓഫീസിൽ നൽകണം. കൂടുതൽ വിവരങ്ങൾക്ക് ഫോൺ : 0487-2364866.
 

കുട്ടികളുടെ കാഴ്ച കുറവിന് ആയുർവേദ പരിഹാരം എന്ന ലക്ഷ്യത്തോടെ ആരംഭിച്ച ദൃഷ്ടി പദ്ധതിയുടെ ഗുണഭോക്താക്കളുടെ സംഗമം ഉദ്ഘാടനം മെയ് 25 ഉച്ചയ്ക്ക് 2 ന് രാമവർമ്മ ജില്ലാ ആയുർവേദ ആശുപത്രി അങ്കണത്തിൽ കൃഷി വകുപ്പ് മന്ത്രി അഡ്വ. വി എസ് സുനിൽകുമാർ നിർവഹിക്കും. ജില്ലാ പഞ്ചായത്ത് പ്രസിഡണ്ട് മേരി തോമസ് അദ്ധ്യക്ഷത വഹിക്കും. ദൃഷ്ടി പദ്ധതി സംസ്ഥാന കൺവീനർ ഡോ. പി കെ നേത്രദാസ് റിപ്പോർട്ട് അവതരിപ്പിക്കും. ജില്ലാ പഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർപേഴ്‌സൺ മഞ്ജുള അരുണൻ, എഎംഎഐ സെക്രട്ടറി ഡോ. സജു കെ ബി എന്നിവർ ആശംസ നേരും. ഭാരതീയ ചികിത്സാ വകുപ്പ് മെഡിക്കൽ ഓഫീസർ ഡോ.

ജില്ലാ മീഡിയേഷൻ സെന്റർ, വടക്കാഞ്ചേരി ബാർ അസോസിയേഷൻ, തലപ്പിളളി താലൂക്ക് ലീഗൽ സർവീസസ് കമ്മിറ്റി എന്നിവയുടെ സംയുക്താഭിമുഖ്യത്തിൽ ആരംഭിക്കുന്ന വടക്കാഞ്ചേരി മീഡിയേഷൻ സബ് സെന്ററിന്റെ ഉദ്ഘാടനം മെയ് 22 വൈകീട്ട് 3.45 ന് വടക്കാഞ്ചേരി കോടതി പരിസരത്ത് ജില്ലാ ജഡ്ജ് സോഫി തോമസ് നിർവഹിക്കും. വടക്കാഞ്ചേരി ബാർ അസോസിയേഷൻ പ്രസിഡണ്ട് അഡ്വ. ഷാജി പി മാത്യു അദ്ധ്യക്ഷത വഹിക്കും. ജില്ലാ നിയമ സേവന അതോറിറ്റി സെക്രട്ടി കെ പി ജോയ് ആമുഖപ്രസംഗം നടത്തും. വടക്കാഞ്ചേരി ജുഡീഷ്യൽ ഫസ്റ്റ് ക്ലാസ്സ് മജിസ്‌ട്രേറ്റ് ഇ വി റാഫേൽ, മുനിസിപ്പൽ കൗൺസിലർ അഡ്വ. എൻ എസ് മനോജ് തുടങ്ങിയവർ ആശംസ നേരും.

അംഗപരിമിതരുടെ ക്ഷേമത്തിനും വയോജന ക്ഷേമത്തിനും ലഹരി വസ്തുക്കളുടെ ഉപയോഗം കുറയ്ക്കുന്നതിനും ലഹരിയ്ക്ക് അടിമകളായവരെ ശുശ്രൂഷിക്കുന്നതിനും പുനരധിവസിപ്പിക്കുന്നതിനുമുളള സ്ഥാപനങ്ങൾക്കായി ആവിഷ്‌ക്കരിച്ച ദീനദയാൽ പുനരധിവാസ പദ്ധതി, ഇന്റഗ്രേറ്റഡ് റീഹാബിലിറ്റേഷൻ സെന്റർ ഫോർ ആഡിക്റ്റ്‌സ് എന്നീ പദ്ധതി പ്രകാരം 2019-20 വർഷത്തേയ്ക്ക് പ്രവർത്തന ധനസഹായം ലഭ്യമാക്കുന്നതിന് ഓൺലൈനായി അപേക്ഷ ക്ഷണിച്ചു. കൂടുതൽ വിവരങ്ങൾക്ക് www.swd.kerala.gov.in എന്ന വെബ് സൈറ്റിൽ ലഭിക്കും. അപേക്ഷ ഓൺലൈൻ മുഖേന e-ANUDAAN പോർട്ടലിൽ ആവശ്യമായ രേഖ സഹിതം നൽകണം. ഫോൺ : 0471-2306040.