തൃശൂർ വടക്കേ സ്റ്റാൻഡിനടത്തുളള അക്വാട്ടിക് കോംപ്ലക്‌സിൽ പ്രവർത്തിച്ചിരുന്ന ഫാക്ടറീസ് ആൻഡ് ബോയിലർ ഇൻസ്‌പെക്ടർ, ഫാക്ടറീസ് ആൻഡ് ബോയിലർ അഡീഷണൽ ഇൻസ്‌പെക്ടർ (നോർത്ത്), ഫാക്ടറീസ് ആൻഡ് ബോയിലർ അഡീഷണൽ ഇൻസ്‌പെക്ടർ (സൗത്ത്) എന്നീ കാര്യാലയങ്ങൾ അയ്യന്തോൾ സിവിൽ സ്റ്റേഷൻ കെട്ടിടത്തിലെ റൂം നമ്പർ 30 ൽ പ്രവർത്തനം ആരംഭിച്ചു.

വ്യാജ മദ്യ ഉൽപ്പാദന-വിതരണ വിപണനത്തിനെതിരെ പ്രവർത്തിക്കുന്ന ജില്ലാതല ജനകീയ കമ്മിറ്റി യോഗം മെയ് 29 വൈകീട്ട് 4 ന് കളക്ടറേറ്റ് കോൺഫറൻസ് ഹാളിൽ ചേരും.

ലോകസഭ തെരഞ്ഞെടുപ്പ് വോട്ടെണ്ണൽ ക്രമീകരണങ്ങളുടെ ഭാഗമായി തൃശൂർ ലോകസഭ മണ്ഡലം വോട്ടെണ്ണൽ നടക്കുന്ന തൃശൂർ ഗവ. എഞ്ചിനീയറിങ് കോളേജ് ജില്ലാ കളക്ടർ ടി വി അനുപമ സന്ദർശിച്ചു. ക്രമീകരണങ്ങൾ വിലയിരുത്തി. വോട്ടെണ്ണൽ ഹാൾ, മീഡിയ സെന്റർ എന്നിവയ്ക്കാവശ്യമായ സൗകര്യങ്ങൾ ഉറപ്പ് വരുത്താൻ ഉദ്യോഗസ്ഥർക്ക് നിർദ്ദേശം നൽകി. വിപുലമായ മീഡിയ സെന്ററാണ് വോട്ടെണ്ണലിന്റെ ഭാഗമായി ഗവ. എഞ്ചിനീയറിങ് കോളേജ് അക്കാദമിക്ക് ഹാളിൽ ഒരുക്കുക.

അനധികൃത മണല്‍ കടത്തുമായി ബന്ധപ്പെട്ട് പിടിച്ചെടുത്ത 65000 രൂപ മതിപ്പു വില വരുന്ന വാഹനം (റ്റാറ്റ 709 ലോറി) മെയ് 28ന് രാവിലെ 11ന് എരുമേലി പോലീസ് സ്റ്റേഷനില്‍ ലേലം ചെയ്യുമെന്ന് കാഞ്ഞിരപ്പള്ളി തഹസീല്‍ദാര്‍ അറിയിച്ചു. കൂടുതല്‍ വിവരങ്ങള്‍ 04828 202331 എന്ന നമ്പരില്‍ ലഭിക്കും. 

തൃശ്ശൂര്‍ മെഡിക്കല്‍ കോളേജ്  ആശുപത്രിയില്‍  അറ്റന്‍ഡന്റ് ഗ്രേഡ്-2 തസ്തികയിലേക്ക് ഏപ്രില്‍ മാസത്തില്‍ നടത്താന്‍ നിശ്ചയിച്ചിരുന്ന ഇന്റര്‍വ്യൂ മെയ് 27 മുതല്‍ 31 വരെയുളള തീയതികളില്‍ നടത്തുമെന്ന്  പ്രിന്‍സിപ്പാള്‍ അറിയിച്ചു. 

സ്‌പോര്‍ട്‌സ്  കൗണ്‍സിലിന്റെ എലൈറ്റ് സ്‌കീമിലേക്ക് കായികതാരങ്ങളെ തിരഞ്ഞെടുക്കുന്നു. വിവിധ കായികയിനങ്ങളുടെ ട്രയല്‍സ് നടക്കുന്ന തീയതിയും സ്ഥലവും  ചുവടെ. 

അത്‌ലറ്റിക് (വനിതകള്‍, പുരുഷന്‍മാര്‍)- മെയ് 25ന് എറണാകുളം മഹാരാജാസ് കോളേജ് സ്റ്റേഡിയം,  വോളിബോള്‍ (വനിതകള്‍)- മെയ് 26ന് കോഴിക്കോട് വി.കെ.കെ മേനോന്‍ ഇന്‍ഡോര്‍ സ്റ്റേഡിയം, വോളിബോള്‍ (പുരുഷന്‍മാര്‍)- മെയ് 27ന് തൃപ്രയാര്‍ ഇന്‍ഡോര്‍ സ്റ്റേഡിയം, ഫുട്‌ബോള്‍ (പുരുഷന്‍മാര്‍)- മെയ് 27ന് എറണാകുളം മഹാരാജാസ് കോളേജ് സ്റ്റേഡിയം, ബാസ്‌ക്കറ്റ്‌ബോള്‍ (വനിതകള്‍)- മെയ് 28ന് തൃശ്ശൂര്‍ ഇന്‍ഡോര്‍ സ്റ്റേഡിയം

ചങ്ങനാശ്ശേരി ജോയിന്റ് റീജിയണല്‍ ട്രാന്‍സ്‌പോര്‍ട്ട് ഓഫീസിന്റെ പരിധിയിലെ സ്‌കൂള്‍ വാഹനങ്ങളുടെ പരിശോധന ആരംഭിച്ചു.  ചങ്ങനാശ്ശേരി പാലാത്ര ജംഗ്ഷനു സമീപം ബൈപ്പാസില്‍  മെയ് 22നും 25നും നടക്കുന്ന പരിശോധനയ്ക്കു ശേഷം ഡ്രൈവര്‍മാര്‍ക്കായി ബോധവത്ക്കരണ ക്ലാസുകളും സംഘടിപ്പിച്ചിട്ടുണ്ട്. 

     പ്രായത്തെ തോല്‍പ്പിച്ച് പോളിംഗ് ബൂത്തിലെത്തിയവര്‍ക്ക് വോട്ടെണ്ണലിന് മുമ്പ് കോട്ടയത്തിന്റെ ആദരം. ലോക്‌സഭാ തിരഞ്ഞെടുപ്പില്‍ വോട്ടു ചെയ്തവരില്‍  100 വയസ്സ് പിന്നിട്ട  അഞ്ചു പേരെ ജില്ലാ വരണാധികാരിയായ ജില്ലാ കളക്ടര്‍ പി.കെ. സുധീര്‍ ബാബു താമസസ്ഥലത്തെത്തി ആദരിച്ചു. 

ആലപ്പുഴ: സാംസ്‌കാരിക വകുപ്പിന്റെ കീഴിൽ പത്തനംതിട്ട ആറന്മുളയിൽ പ്രവർത്തിക്കുന്ന വാസ്തു വിദ്യാ ഗുരുകുലത്തിൽ 2019-20 അധ്യായന വർഷത്തിൽ നടത്തുന്ന കോഴ്‌സുകളിലേക്ക്  അപേക്ഷ ക്ഷണിച്ചു. പോസ്റ്റ് ഗ്രാഡ്വേറ്റ് ഡിപ്ലോമാ ഇൻ ട്രഡീഷണൽ ആർക്കിടെക്ചർ, സർട്ടിഫിക്കറ്റ് കോഴ്‌സ് ഇൻ ട്രഡീഷണൽ ആർക്കിടെക്ചർ, പാരമ്പര്യ വാസ്തുശാസ്ത്രത്തിൽ ഒരു വർഷത്തെ ഡിപ്ലോമ കറസ്‌പോണ്ടൻസ് കോഴ്‌സ്, ചുമർചിത്രകലയിൽ ഒരു വർഷത്തെ സർട്ടിഫിക്കറ്റ് കോഴ്‌സ്, വനിതകൾക്കുള്ള മ്യൂറൽ പെയിന്റിംഗ് കോഴ്‌സ്, വാസ്തുശാസ്ത്രം എന്നീ കോഴ്‌സുകളിലേക്കാണ് അപേക്ഷകൾ ക്ഷണിച്ചത്.