മലബാറിലും വിവര സാങ്കേതികവിദ്യ അധിഷ്ഠിതമായിട്ടുള്ള വ്യവസായങ്ങള്‍ക്ക് വളരാനുള്ള സാഹചര്യമുണ്ടാകണമെന്ന് മുഖ്യമന്ത്രി പിണറായി വിജയന്‍. കേരള സ്റ്റാര്‍ട്ട് അപ്പ് മിഷന്റെയും കേരള ക്ലെയ്സ് ആന്‍ഡ് സെറാമിക് പ്രൊഡക്ട്സ് ലിമിറ്റഡിന്റെയും നേതൃത്വത്തില്‍ മാങ്ങാട്ടുപറമ്പില്‍ ആരംഭിച്ച മലബാര്‍ ഇന്‍ക്യുബേഷന്‍ സെന്റര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

മന്ത്രിസഭയുടെ ആയിരം ദിനാഘോഷങ്ങളുടെ ഭാഗമായി ജില്ലാ ഇൻഫർമേഷൻ വകുപ്പ് ലൈബ്രറി കൗൺസിലിന്റെയും ചലച്ചിത്ര അക്കാദമിയുടെയും സഹകരണത്തോടെ  സംഘടിപ്പിക്കുന്ന അതിജീവനം ഡോക്യുമെന്ററി ഫെസ്റ്റിവലിന്റെ ഭാഗമായുള്ള സിനിമാ ക്യാമ്പ് ആരംഭിച്ചു. 

  ശിഷക് സദനിൽ ടിടിഐ പ്രിൻസിപ്പാൾ കെ വി ഹരിദാസൻ ഉദ്ഘാടനം ചെയ്തു. ജില്ലാ ഇൻഫർമേഷൻ ഓഫീസർ ഇ കെ പത്മനാഭൻ അധ്യക്ഷനായി. സംവിധായകൻ പ്രകാശൻ വാടിക്കൽ,  തിരക്കഥാകൃത്ത് യു പ്രസന്നകുമാർ എന്നിവർ ക്ലാസെടുത്തു. പി കെ ബൈജു, രാധാകൃഷ്ണൻ മാണിക്കോത്ത്, വിവി റിനേഷ്, പ്രസാദ് കൂടാളി എന്നിവർ സംസാരിച്ചു. ഡോക്യുമെന്ററി പ്രദർശനവും നടന്നു.

സഹ ആശ ഫെസ്റ്റ് നടത്തി

ശുചിത്വപൂർണമായ നാടിനും വീടിനുമായി ഓരോ വാർഡിലും ആരോഗ്യസേന രൂപീകരിക്കുമെന്ന് ആരോഗ്യ മന്ത്രി കെ കെ ശൈലജ ടീച്ചർ പറഞ്ഞു.  കണ്ണൂർ നായനാർ അക്കാദമിയിൽ സഹ 2019 ആശ ഫെസ്റ്റ് ഉദ്ഘാടനെ ചെയ്തു സംസാരിക്കുകയായിരുന്നു മന്ത്രി. 10-15 വീടുകൾക്ക്  മൂന്നോ നാലോ അംഗങ്ങളടങ്ങിയ സേനയാവും ഉണ്ടാവുക. എല്ലാ ആഴ്ചയും ഇവർ വീടുകൾ സന്ദർശിച്ച് വീടിനകവും പുറവും ഒരു പോലെ ശുചീകരിക്കും. കൊതുകുജന്യരോഗങ്ങളെ കുറിച്ച് ആളുകളെ ബോധവാൻമാരാക്കി വേണം ദൗത്യവുമായി മുന്നോട്ട് പോകാനെന്നും മന്ത്രി ഓർമ്മിപ്പിച്ചു. തുറമുഖ-പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി അധ്യക്ഷനായി.

ജില്ലാ പഞ്ചായത്തിന്റെ 2018-19 വാർഷിക പദ്ധതിയിലുൾപ്പെടുത്തി നിർമ്മിച്ച ഷീ നൈറ്റ് ഹോം ആരോഗ്യ- സാമൂഹ്യനീതി വകുപ്പ് മന്ത്രി കെ കെ ശൈലജ ടീച്ചർ  ഉദ്ഘാടനം ചെയ്തു. 

ജില്ലാ പഞ്ചായത്ത് ഏറ്റെടുത്ത് നടത്തിയ മികച്ച വനിതാ ഘടകപദ്ധതിയാണിതെന്ന് മന്ത്രി പറഞ്ഞു. രാത്രിയിൽ പട്ടണത്തിൽ ഒറ്റപ്പെട്ടു പോകുന്ന സ്ത്രീകൾക്കും പരീക്ഷയ്ക്കും മറ്റ് ആവശ്യങ്ങൾക്കും ജില്ലയിൽ എത്തിച്ചേരുന്ന വിദ്യാർഥിനികൾക്കും ഉദ്യോഗാർഥികൾക്കും ഏറെ ഉപകാരപ്രദമായ ഇത്തരം പദ്ധതികൾ മറ്റുള്ളവർ മാതൃകയാക്കണം.  

അഴീക്കോടിൽ സെക്കന്റ് ഇന്നിംഗ്‌സ് ഹോം ഉദ്ഘാടനം ചെയ്തു

കേരളത്തെ പുരോഗമനപാതയിലെത്തിക്കുന്നതിന് വിവിധ മേഖലകളിൽ അധ്വാനിച്ച പ്രായംചെന്നവരെ ആദരിക്കേണ്ടത് സമൂഹത്തിന്റെയും സർക്കാറിന്റെയും ഉത്തരവാദിത്വമാണെന്ന് ആരോഗ്യ സാമൂഹ്യനീതി വകുപ്പ് മന്ത്രി കെ കെ ശൈലജ ടീച്ചർ പറഞ്ഞു. സാമൂഹ്യനീതി വകുപ്പിന് കീഴിൽ കണ്ണൂർ അഴീക്കോട് ചാലിൽ പ്രവർത്തിക്കുന്ന ഗവ.വൃദ്ധമന്ദിരത്തിൽ നിർമ്മിച്ച സെക്കന്റ് ഇന്നിംഗ്സ് ഹോം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.  

പ്രവൃത്തി ഒരു വർഷം കൊണ്ട് 

പൂർത്തിയാക്കണമെന്ന് മന്ത്രി ശൈലജ ടീച്ചർ

തളിപ്പറമ്പ്: നാലു മണിക്കൂര്‍ കൊണ്ട് കേരളത്തിന്റെ ഒരറ്റത്തു നിന്ന് മറ്റേ അറ്റത്തേക്ക് യാത്ര ചെയ്ത് എത്താവുന്ന രീതിയില്‍ സെമി ഹൈസ്പീഡ് ട്രെയിനിനായി സമാന്തര പാത നിര്‍മിക്കുന്ന പദ്ധതിക്ക് തത്വത്തില്‍ അംഗീകാരമായതായി മുഖ്യമന്ത്രി പറഞ്ഞു. തളിപ്പറമ്പ് റവന്യൂ ഡിവിഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളം മുന്നോട്ടുവച്ച പദ്ധതി കേന്ദ്ര റെയില്‍വേ മന്ത്രാലയം അംഗീകരിച്ചു കഴിഞ്ഞു. കേരള റെയില്‍ ഡെവലപ്‌മെന്റ് കോര്‍പറേഷന്‍ രൂപീകരിച്ചാണ് പദ്ധതി നടപ്പിലാക്കുന്നതെന്നും മുഖ്യമന്ത്രി പറഞ്ഞു. 

പടിയൂര്‍ കല്ല്യാട് ഗ്രാമപഞ്ചായത്തിലെ കല്ല്യാട് തട്ടില്‍ സ്ഥാപിക്കുന്ന രാജ്യത്തിലെ തന്നെ ആദ്യ അന്താരാഷ്ട്ര ആയുര്‍വേദ ഗവേഷണ കേന്ദ്രത്തിന് മുഖ്യമന്ത്രി പിണറായി വിജയന്‍ തറക്കല്ലിട്ടു. നാട്ടിലാകെ വ്യാപിച്ചു കിടക്കുന്ന വ്യത്യസ്തമായ നാട്ടറിവുകള്‍ പൊതു സ്വത്താക്കി മാറ്റിയെടുക്കാന്‍ കഴിയണമെന്ന് അദ്ദേഹം പറഞ്ഞു. 

നാഷണൽ ബാംബൂ മിഷന്റെ സഹായത്തോടെ 2019-20 സാമ്പത്തിക വർഷത്തിൽ മുള നഴ്‌സറിക്കും മുള കൃഷിക്കും സഹായം ലഭ്യമാക്കുന്നതിന് സംസ്ഥാന ബാബൂ മിഷൻ അപേക്ഷ ക്ഷണിച്ചു. പദ്ധതിയിൽ താൽപ്പര്യമുളളവർ വിശദമായ പ്രൊപ്പോസൽ തയ്യാറാക്കി സംസ്ഥാന ബാംബൂ മിഷനിൽ മാർച്ച് 15 നകം നൽകണം. കൂടുതൽ വിവരങ്ങൾക്ക് കേരള സ്റ്റേറ്റ് ബാംബൂ മിഷൻ (കേരള ബ്യൂറോ ഓഫ് ഇൻഡസ്ട്രിയൽ പ്രൊമോഷൻ), വിദ്യാനഗർ, പോലിസ് ഗ്രൗണ്ടിന് എതിർവശം, തൈക്കാട് പി.ഒ., തിരുവനന്തപുരം-14 എന്ന വിലാസത്തിൽ ബന്ധപ്പെടണം. ഫോൺ: 0471-2321882, 0471-2322883, www.keralabamboomission.orgയിലും വിവരം ലഭിക്കും.