ജില്ലാപഞ്ചായത്തിന്റെ പ്രത്യേകയോഗം ഫെബ്രുവരി 28ന് രാവിലെ 11ന് ജില്ലാപഞ്ചായത്ത് കമ്മിറ്റി ഹാളില്‍ചേരും.

തുഞ്ചത്തെഴുത്തച്ഛന്‍ മലയാള സര്‍വ്വകലാശാലയും കേരളസാഹിത്യ അക്കാദമിയും സംയുക്തമായി ഇന്ത്യന്‍ നവോദ്ധാനത്തിന്റെ വിഭിന്നധാരകള്‍ എന്ന വിഷയത്തില്‍ സംഘടിപ്പിക്കുന്ന ത്രിദിന ദേശീയ സെമിനാറിന് ഇന്ന്(ഫെബ്രുവരി 22) തുടക്കമാകും. രാവിലെ 10 ന് ആരംഭിക്കുന്ന ഉദ്ഘാടന സമ്മേളനം പ്രൊഫ. ഇന്ദ്രനാഥ് ചൗധരി ഉദ്ഘാടനം ചെയ്യും. സര്‍വ്വകലാശാല വൈസ് ചാന്‍സലര്‍ പ്രൊഫ. അനില്‍ വള്ളത്തോള്‍ അധ്യക്ഷനാകുന്ന ചടങ്ങില്‍ കെ.പി രാമനുണ്ണി ആമുഖ പ്രഭാഷണം നടത്തും. പ്രൊഫ. കെ സച്ചിദാന്ദന്‍ മുഖ്യ പ്രഭാഷണം നടത്തും.

സര്‍ക്കാരിന്റെ ആയിരം ദിനാഘോഷങ്ങള്‍ നടക്കുന്ന തിരൂരിലെ സാംസ്‌കാരിക സമുച്ചയത്തിലും പരിസരങ്ങളിലും ജില്ലാ ഇ-ഗവേര്‍ണന്‍സ് സൊസൈറ്റിയുടെയും ഐ.ടിമിഷന്റെയും അക്ഷയയുടെയും നേതൃത്വത്തില്‍സൗജന്യ വൈഫൈ സേവനം ലഭ്യമാക്കി. മേളയിലെ അക്ഷയസ്റ്റാളുകള്‍ വഴി പുതിയ ആധാര്‍ എടുക്കുന്നതിനുള്‍പ്പടെ സൗകര്യംഒരുക്കിയതായും പൊതുജനങ്ങള്‍ പരമാവധി ഈ സേവനം ഉപയോഗപ്പെടുത്തണമെന്നുംഐ.ടി മിഷന്‍ ജില്ലാമാനേജര്‍ ഇസ്ഹാഖ് കെ.വി അറിയിച്ചു.

സര്‍ക്കാരിന്റെആയിരം ദിനാഘോഷത്തിന്റെ  ഭാഗമായിതിരൂര്‍സാംസ്‌കാരിക നഗരിയില്‍ നടക്കുന്ന പ്രദര്‍ശനത്തിലെ ഇന്‍ഫര്‍മേഷന്‍ ആന്റ് പബ്ലിക് റിലേഷന്‍ വകുപ്പിലെസ്റ്റാള്‍തിരൂര്‍ മുന്‍സിപ്പല്‍ ചെയര്‍മാന്‍ കെ. ബാവഉദ്ഘാടനം ചെയ്തു.സര്‍ക്കാരിന്റെ  1000 നല്ല ദിനങ്ങളിലെവികസന പ്രവര്‍ത്തനങ്ങള്‍ പുതിയ പദ്ധതികള്‍, നേട്ടങ്ങള്‍ തുടങ്ങിയവയുടെ വിവരണങ്ങളുംവിവരങ്ങളും പി ആര്‍ ഡി സ്റ്റാളിലുണ്ട്. കൂടാതെ ജില്ലയില്‍ നടത്തിയവികസന പ്രവര്‍ത്തനങ്ങളുടെ ഡോക്യുമെന്ററിയും സ്റ്റാളില്‍ പ്രദര്‍ശിപ്പിച്ചിട്ടുണ്ട്.

തിരൂര്‍സാംസ്‌കാരികസമുച്ചയത്തില്‍ നടക്കുന്ന ആയിരം ദിനാഘോഷത്തിന്റെ ഭാഗമായി ഒരുക്കിയ സ്റ്റാളുകളില്‍ വന്‍ ജനത്തിരക്ക്. സര്‍ക്കാരിന്റെ 35 വകുപ്പുകളുടേതുള്‍പ്പടെ 85 സ്റ്റാളുകളാണ് മേളയില്‍ ഒരുക്കിയിട്ടുള്ളത്. രുചിയേറും വിഭവങ്ങളുമായി കുടുംബശ്രീയുടെ ഉമ്മാന്റെ വടക്കനിയുടെ ഫുഡ്കോര്‍ട്ടുംമേളയില്‍ ജന ശ്രദ്ധയാകര്‍ശിച്ചു.
സംസ്ഥാനത്തിന്റെ ഔദ്യോഗിക ഫലമായ ചക്ക കൊണ്ടുള്ള ചക്കപ്പായസം, ചക്ക വറുത്തതുത്, ചക്ക കൊണ്ടുള്ളഉണ്ണിയപ്പംഎന്നിങ്ങനെ നീണ്ട നിരയാണ് മേളയില്‍ രുചികൂട്ടാനെത്തുന്നത്. ആരോഗ്യം നോക്കുന്ന ഭക്ഷണ പ്രിയര്‍ക്കായി കരിഞ്ചീരക ക്കോഴിയുംതയ്യാര്‍.

മലപ്പുറം സമഗ്രശിക്ഷയുടെ നേതൃത്വത്തില്‍ കിടപ്പിലായ കുട്ടികളെ ഉള്‍പ്പെടുത്തിയുള്ള ചങ്ങാതിക്കൂട്ടങ്ങള്‍ വരുന്നു. പഞ്ചായത്ത്, ബ്ലോക്ക്, ജില്ലാതല പരിപാടികളുടെ സംഘാടനവുമായി ബന്ധപ്പെട്ട ഏകദിന അവലോകന പരിശീലന പരിപാടി മലപ്പുറം ബി.ആര്‍.സിയുടെ നേതൃത്വത്തില്‍ നടന്നു. ഉപജില്ലാവിദ്യഭ്യാസ ഓഫീസര്‍ പി ഉസൈന്‍ ഉദ്ഘാടനം ചെയ്തു. ബ്ലോക്ക് പ്രോഗ്രാം ഓഫീസര്‍ ടോമി മാത്യൂ അദ്ധ്യക്ഷത വഹിച്ചു.  
ജില്ലാ പ്രോഗ്രാം ഓഫീസര്‍മാരായ ടി.വി മോഹന കൃഷ്ണന്‍, പി.എസ് മുരളീധരന്‍ എന്നിവര്‍ പദ്ധതി വിശദീകരിച്ചു. ജി.ജി വര്‍ഗീസ്, പി ജിജു, പ്രഭാ ജോസ് എന്നിവര്‍ നേതൃത്വം നല്‍കി.

സംസ്ഥാനത്ത് ഭിന്നശേഷിക്കാരുടെ സുസ്ഥിതിക്കും ക്ഷേമത്തിനുമായി വിവിധ പദ്ധതികള്‍ ആവിഷ്‌കരിച്ച് നടപ്പാക്കുമെന്ന്  ഉന്നതവിദ്യാഭ്യാസ ന്യൂനപക്ഷ ക്ഷേമ വകുപ്പ് മന്ത്രി കെ ടി  ജലീല്‍ പറഞ്ഞു. ഭിന്നശേഷിയിലുള്ള യുവജനതക്കായി സംസ്ഥാന തലത്തില്‍ സംഘടിപ്പിച്ച ആദ്യത്തെ പ്രീമാരിറ്റല്‍ കൗണ്‍സിലിംഗിന്റെ  സംസ്ഥാന തല ഉദ്ഘാടനം നിര്‍വഹിക്കുകയായിരുന്നു അദ്ദേഹം.