പട്ടികജാതി-പട്ടിക ഗോത്ര വര്‍ഗ്ഗ കമ്മീഷന്‍ ജില്ലയില്‍ നടത്തിയ സിറ്റിംഗില്‍ 66 പരാതികള്‍ക്ക് പരിഹാരമായി. ചെയര്‍മാന്‍ ബി.എസ്. മാവോജിയുടെ നേതൃത്വത്തില്‍ കളക്‌ട്രേറ്റ് കോണ്‍ഫറന്‍സ് ഹാളില്‍ നടന്ന സിറ്റിംഗില്‍ 81 പരാതികളാണ് പരിഗണിച്ചത്. വഴി തടസ്സപെടുത്തല്‍, അതിര്‍ത്തി തര്‍ക്കം മുതലായവയുമായി ബന്ധപ്പെട്ടവയായിരുന്നു പരാതികളില്‍ ഏറെയും. 

ഏറ്റുമാനൂര്‍ ടൗണ്‍ കുടിവെള്ള പദ്ധതിയിലെ പുതിയ കുളത്തിന്റെ നിര്‍മ്മാണം അന്തിമഘട്ടത്തില്‍.  പഴയ എം.സി റോഡില്‍ ചൂലമറ്റം ജംഗ്ഷനു സമീപമാണ് കുളം നിര്‍മ്മിക്കുന്നത്. കുളം പൂര്‍ത്തിയാകുന്നതോടെ പദ്ധതി പ്രദേശത്തെ വീടുകളില്‍ എല്ലാ ദിവസവും വെള്ളമെത്തിക്കാനാകും. 

 പുതിയ അധ്യയനവര്‍ഷം ജില്ലയിലെ വിദ്യാഭ്യാസ സ്ഥാപനങ്ങളില്‍നിന്നും എസ്.എസ്.എല്‍.സി., പ്ലസ്ടു ഡിഗ്രി, പി.ജി പരീക്ഷകളില്‍ ഉന്നത വിജയം  നേടിയ പട്ടികവര്‍ഗ  വിദ്യാര്‍ഥികള്‍ക്ക് ഇന്‍സെന്റീവ് ടു ബ്രില്യന്റ് സ്റ്റുഡന്റ്‌സ് പദ്ധതിയിലേക്ക് അപേക്ഷിക്കാം. ആദ്യ അവസരത്തില്‍ തന്നെ ജയിച്ചവരെയാണ് പരിഗണിക്കുന്നത്. 

ചാലക്കുടി ഗവ. ഐടിഐയിലെ പത്ത് തേക്ക് മരം വിൽക്കുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തീയതി ജൂൺ 11 ഉച്ചയ്ക്ക് ഒരു മണി. ഫോൺ : 0480-2701491.