വാഴക്കാട് കോളജ് ഓഫ് അപ്ലൈഡ് സയന്‍സില്‍ (ഐ.എച്ച്.ആര്‍.ഡി) ബി.എസ്.സി കമ്പ്യൂട്ടര്‍ സയന്‍സ്, ബി.എസ്.സി ഇലക്ട്രോണിക്‌സ്, ബി.കോം കമ്പ്യൂട്ടര്‍ ആപ്ലിക്കേഷന്‍ എന്നീ കോഴ്‌സുകളില്‍ മനേജ്‌മെന്റ് സീറ്റിലേക്കുള്ള പ്രവേശനത്തിന് അപേക്ഷ ക്ഷണിച്ചു. പൂരിപ്പിച്ച അപേക്ഷ ജൂണ്‍ എട്ടു വരെ കോളജ് ഓഫീസില്‍ സ്വീകരിക്കും. അപേക്ഷ ഫോറം കോളജ് ഓഫീസിലും   www.ihrd.ac.in ലും ലഭിക്കും.

 ജില്ലയില്‍  എസ്.എസ്.എല്‍.സി, പ്ലസ് ടു പരീക്ഷയില്‍ ഉന്നത വിജയം നേടിയ  കേരള ഷോപ്‌സ് ആന്റ് കമേഴ്‌സ്യല്‍ എസ്റ്റാബിളിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡില്‍ അംഗത്വമുള്ളവരുടെ മക്കള്‍ക്ക് ജില്ലാതലത്തില്‍ ക്യാഷ് അവാര്‍ഡ് നല്‍കും.  സി.ബി.എസ്.ഇ/സ്റ്റേറ്റ് സിലബസുകളില്‍ എല്ലാ വിഷയത്തിലും എ1/എ+/ഐസിഎസ്ഇ കോഴ്‌സില്‍ 90ശതമാനമോ, അതിലധികമോ ഉന്നത വിജയം കരസ്ഥമാക്കിയവര്‍ക്കാണ് ക്യാഷ് അവാര്‍ഡ് നല്‍കുക.

ജില്ലാ കുടുംബശ്രീ മിഷനു കീഴില്‍ പൂക്കോട്ടൂരില്‍ പ്രവര്‍ത്തിച്ചിരുന്ന സ്‌നേഹിത ജെന്റര്‍ ഹെല്‍പ്പ് ഡെസ്‌ക് മലപ്പുറം മൈലപ്പുറത്തേക്ക് മാറ്റി. പുതിയ വിലാസം -     സ്‌നേഹിത ജെന്റര്‍ ഹെല്‍പ്പ് ഡെസ്‌ക്, കോലാര്‍ റോഡ്, ചൈല്‍ഡ് ലൈന്‍ ഓഫീസിനു സമീപം, ഡൗണ്‍ഹില്‍.പി.ഒ, മലപ്പുറം, പിന്‍. 676519 . ഫോണ്‍: 0483 2735550

  പെരിന്തല്‍മണ്ണ ഗവ. പോളിടെക്‌നിക് കോളജില്‍  ഇലക്ട്രിക്കല്‍ ആന്റ് ഇലക്‌ട്രോണിക്‌സ്, സിവില്‍ എഞ്ചിനീയറിങ് ബ്രാഞ്ചുകളില്‍ അപ്രന്റീസ്  ട്രെയിനികളെ ഒരു വര്‍ഷത്തേക്ക് നിയമിക്കുന്നു. എഞ്ചിനീയറിംഗ് ബിരുദമോ / ഡിപ്‌ളോമയോയുളള എഞ്ചിനീയറിംഗ് ബിരുദധാരികള്‍ക്ക്  4984/- രൂപയും, എഞ്ചിനീയറിങ് ഡിപ്‌ളോമക്കാര്‍ക്ക് 3542/- രൂപയുമാണ് പ്രതിമാസ സ്റ്റൈപന്റ്. താത്പര്യമുളളവര്‍ മെയ് 23 നകം പെരിന്തല്‍മണ്ണ ഗവ. പോളിടെക്‌നിക്ക് കോളജില്‍ രജിസ്റ്റര്‍ ചെയ്യണം. ഫോണ്‍ 04933 227253.

ഐ.എച്ച്.ആര്‍.ഡിയുടെ കീഴില്‍ കണ്ണൂര്‍ സര്‍വ്വകലാശാലയില്‍ അഫിലിയേറ്റ് ചെയ്തിട്ടുള്ള അപ്ലൈഡ് സയന്‍സ് കോളേജുകളില്‍ ബിരുദാനന്തര ബിരുദ കോഴ്‌സുകളില്‍ പ്രവേശനത്തിനായി അപേക്ഷ ക്ഷണിച്ചു. അപേക്ഷാ ഫോറവും പ്രോസ്‌പെക്ടസ്സും ഐ.എച്ച്.ആര്‍.ഡി.യുടെ വെബ്‌സൈറ്റില്‍ www.ihrd.ac.in ലഭിക്കും.  പ്രവേശനം ആഗ്രഹിക്കുന്നവര്‍ കോളേജ്  പ്രിന്‍സിപ്പളിന്റെ പേരില്‍ മാറാവുന്ന 500/- രൂപയുടെ ഡി.ഡി സഹിതം (പട്ടികജാതി - പട്ടികവര്‍ഗ്ഗ വിഭാഗക്കാര്‍ക്ക് 200/- രൂപ) രജിസ്‌ട്രേഷന്‍ ഫീസായി ബന്ധപ്പെട്ട കോളേജുകളില്‍ അപേക്ഷിക്കാം. തുക കോളജുകളില്‍ നേരിട്ടും അടയ്ക്കാം.

തിരൂര്‍, പൊന്നാനി താലൂക്കുകളിലായി ഭാരതപ്പുഴക്ക് കുറുകെയുള്ള തിരുനാവായ -തവനൂര്‍ പാലത്തിന്റെ  നിര്‍മ്മാണത്തിന് വേണ്ടിയുള്ള സ്ഥലമെടുപ്പ് സംബന്ധിച്ചുള്ള സാമൂഹ്യ ആഘാത പഠന റിപ്പോര്‍ട്ട് വിലയിരുത്തുന്നതിനായി   രൂപീകരിച്ച വിദഗ്ധ സമിതിയുടെ റിപ്പോര്‍ട്ട് എ.ഡി.എം. ടി. വിജയന് സമര്‍പ്പിച്ചു. സമിതി ചെയര്‍മാന്‍ നിലമ്പൂര്‍ അമല്‍ കോളജ് മുന്‍ പ്രിന്‍സിപ്പല്‍ ഡോ.എം.ഉസ്മാന്റെ നേതൃത്വത്തില്‍ അംഗങ്ങളായ മുന്‍ എ.ഡി.എം. എം.ബാലകൃഷ്ണക്കുറുപ്പ്, മുന്‍ ആര്‍.ഡി.ഒ സി കെ.നാരായണന്‍ കുട്ടി, സമിതിയിലെ സാങ്കേതിക വിദഗ്ദാംഗം യു. ഹസന്‍ എന്നിവര്‍ കലക്ടറേറ്റിലെത്തിയാണ് റിപ്പോര്‍ട്ട് സമര്‍പ്പിച്ചത്.

വസ്തുതകള്‍ മറച്ചു വെച്ച് അനര്‍ഹമായി മുന്‍ഗണനാ വിഭാഗത്തില്‍ കടന്നു കൂടിയ റേഷന്‍ കാര്‍ഡ് ഉടമകളെ കണ്ടെത്തുന്നതിനായുള്ള പരിശോധന കൂടുതല്‍ ശക്തമാക്കി. ജില്ലയില്‍  കഴിഞ്ഞ രണ്ട് ദിവസങ്ങളിലായി നടത്തിയ പരിശോധനയില്‍ അനര്‍ഹമായി മുന്‍ഗണനാ വിഭാഗത്തില്‍ ഉള്‍പ്പെട്ട 118 കാര്‍ഡുകള്‍ കണ്ടെത്തി പൊതുവിഭാഗത്തിലക്ക് മാറ്റി. താലൂക്ക് സപ്ലൈ ഓഫീസര്‍മാരുടെ നേതൃത്വത്തിലാണ് പരിശോധ നടക്കുന്നത്.

ജില്ലയിലെ കാഴ്ച പരിമിതരായ അധ്യാപകര്‍ക്ക് നല്‍കുന്ന ഐ.ടി പരിശീലനം ആരംഭിച്ചു. കൈറ്റ് ജില്ലാ ഓഫീസില്‍ നാലു ബാച്ചുകളിലായാണ് പരിശീലനം നല്‍കുന്നത്. ആദ്യ ഘട്ടത്തില്‍ 13 പേര്‍ക്കാണ് പരിശീലനം നല്‍കുന്നത്. ആകെ 48 അധ്യാപകര്‍ക്കാണ് പരിശീലനം നല്‍കുക.

ഹയർസെക്കൻഡറി തലത്തിലെ എല്ലാ ക്ലാസ് മുറികളിലും ഭൗതികശാസ്ത്ര പരീക്ഷണങ്ങൾ ഡിജിറ്റൽ രൂപത്തിൽ ഒരുക്കാൻ കേരള ഇൻഫ്രാസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷൻ (കൈറ്റ്) സംവിധാനമേർപ്പെടുത്തി. സ്വതന്ത്ര സോഫ്റ്റ്‌വെയറും ഹാർഡ് വെയറുമായ എക്‌സ്‌പൈസ്  (ExpEYES - Experiments for Young Engineers and Scientists) എന്ന ലാപ്‌ടോപ്പുകളോട് കണക്ട് ചെയ്യാവുന്ന ചെറിയ ഉപകരണം വഴിയാണ് ഇത് സാധ്യമാക്കുന്നത്. ഈ വർഷം ഗണിതത്തിന് പുതുതായി വരുന്ന ഗണിത ഐ.ടി. ലാബുകൾക്ക് പുറമെയാണ് ഭൗതിക ശാസ്ത്രത്തിന് 'എക്‌സ്‌പൈസ്' എന്ന പുതിയ സംവിധാനം പൊതുവിദ്യാലയങ്ങളിലെത്തുന്നത്.