മലപ്പുറം ജവഹര്‍ നവോദയ വിദ്യാലയത്തില്‍ പതിനൊന്നാം ക്ലാസ് കൊമേഴ്സ് വിഭാഗത്തില്‍ ഒഴിവുള്ള സീറ്റിലേക്ക് അപേക്ഷ ക്ഷണിച്ചു. മലപ്പുറം ജില്ലയില്‍ നിന്നും 60% മാര്‍ക്കില്‍ പാസായവര്‍ക്ക് അപേക്ഷിക്കാം. താത്പര്യമുള്ള വിദ്യാര്‍ത്ഥികള്‍ ഒറിജിനല്‍ സര്‍ട്ടിഫിക്കറ്റുകളും രേഖകളുമായി വിദ്യാലയത്തില്‍ നേരിട്ട് എത്തണം. ഫോണ്‍: 0494 2450350.

വിമുക്ത ഭടന്മാരുടെ മക്കള്‍ക്ക് ആറ് മാസത്തില്‍ കുറയാത്ത കാലയളവില്‍ മെഡിക്കല്‍/എഞ്ചിനീയറിംഗ് എന്‍ട്രന്‍സ് പരീക്ഷാ പരിശീലനത്തില്‍ പങ്കെടുത്ത് 2025 ല്‍ പരീക്ഷ എഴുതിയതിന് സാമ്പത്തിക സഹായം നല്‍കുന്നതിന് അപേക്ഷ ക്ഷണിച്ചു. താത്പര്യമുള്ളവര്‍ ഒക്ടോബര്‍ 15 ന് വൈകിട്ട് അഞ്ചിന് മുമ്പ് https://serviceonline.gov.in/kera-l-a എന്ന വെബ്‌സൈറ്റ് വഴി അപേക്ഷിക്കണം. ഫോണ്‍: 0483 2734932.

മലപ്പുറം ജില്ലയില്‍ വിദ്യാഭ്യാസ വകുപ്പില്‍ ഫുള്‍ ടൈം ജൂനിയര്‍, പാര്‍ട്ട് ടൈം ജൂനിയര്‍ ഭാഷാ അധ്യാപക (ഹിന്ദി), തസ്തികകളിലേക്ക് (കാറ്റ് നം.076/2024 & 082/2024) സെപ്റ്റംബര്‍ 24,25,26 തീയതികളില്‍ കേരള പബ്ലിക് സര്‍വ്വീസ് കമ്മീഷന്റെ മലപ്പുറം, തൃശൂര്‍, പാലക്കാട് ജില്ലാ ഓഫീസുകളിലും സെപ്റ്റംബര്‍ 26ന് പബ്ലിക് സര്‍വ്വീസ് കമ്മീഷന്റെ കോഴിക്കോട് മേഖലാ ഓഫീസിലും അഭിമുഖം നടക്കും. അര്‍ഹരായ ഉദ്യോഗാര്‍ത്ഥികള്‍ പ്രൊഫൈലില്‍ ലഭ്യമാക്കിയിട്ടുള്ള ഇന്റര്‍വ്യൂ മെമ്മോ ഡൗണ്‍ലോഡ് ചെയ്ത് നിര്‍ദേശ പ്രകാരമുള്ള സര്‍ട്ടിഫിക്കറ്റുകളുടെ അസ്സല്‍ സഹിതം കൃത്യ സമയത്ത് അഭിമുഖത്തിന് ഹാജരാകണം. ഫോണ്‍0: 0483-2734308.

പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ ഭവന പുനരുദ്ധാരണ വായ്പ നല്‍കുന്നു. നിലവില്‍ താമസിക്കുന്ന ഭവനത്തിന്റെ പുനരുദ്ധാരണ പ്രവര്‍ത്തനങ്ങള്‍ക്കാണ്  വായ്പ ലഭിക്കുക. അപേക്ഷകര്‍ പട്ടികജാതി, പട്ടികവര്‍ഗ്ഗത്തില്‍പ്പെട്ടവരും 18 നും 55 നും ഇടയില്‍ പ്രായമുള്ളവരുമായിരിക്കണം. വായ്പയ്ക്ക് ജാമ്യം ആവശ്യമാണ്. അപേക്ഷാഫോമും വിശദ വിവരങ്ങളും കോര്‍പ്പറേഷന്റെ  ജില്ലാ ഓഫീസില്‍ ലഭിക്കും. (മലപ്പുറം അമേരിക്കന്‍ മിഷന്‍ ഹോസ്പിറ്റലിന് സമീപം) ഫോണ്‍: 04832731496, 9400068510.

വേങ്ങര ബ്ലോക്ക് കൃഷിശ്രീ കാര്‍ഷിക സേവന കേന്ദ്രത്തില്‍ കരാര്‍ അടിസ്ഥാനത്തില്‍ ഫെസിലിറ്റേറ്റര്‍ നിയമനത്തിനുള്ള അപേക്ഷ ക്ഷണിച്ചു. ബി.എസ്.സി അഗ്രിക്കള്‍ച്ചര്‍, ഡിപ്ലോമ, വി എച്ച്.എസ്.സി, അഞ്ചു വര്‍ഷത്തെ പ്രവൃത്തി പരിചയം എന്നിവയുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ സെപ്റ്റംബര്‍ 27 നകം വേങ്ങര ബ്ലോക്ക് കൃഷി അസിസ്റ്റന്റ് ഡയറക്ടറുടെ കാര്യാലയത്തില്‍ അപേക്ഷ നല്‍കണം. ഫോണ്‍ : 9633580267.

ജില്ലയിലെ ജല അതോറിറ്റിയുടെ വിവിധ ജല പരിശോധനാ ലാബുകളിലേക്ക് ഡെപ്യൂട്ടി ക്വാളിറ്റി മാനേജര്‍, ടെക്‌നിക്കല്‍ മാനേജര്‍ (കെമിക്കല്‍) തസ്തികയില്‍ താത്കാലിക നിയമനം നടത്തുന്നതിനുള്ള അഭിമുഖം സെപ്തംബര്‍ 24 രാവിലെ 11ന് മഞ്ചേരിയില്‍ പ്രവര്‍ത്തിക്കുന്ന ജല അതോറിറ്റി മലപ്പുറം ജില്ലാ ലാബില്‍ നടക്കും. ബി.എസ്.സി. കെമിസ്ട്രിയും ജല പരിശോധനമേഖലയില്‍ മൂന്നു വര്‍ഷത്തെ പ്രവൃത്തി പരിചയവുമുള്ളവര്‍ക്ക് അപേക്ഷിക്കാം. എം.എസ്.സി. കെമിസ്ട്രി യോഗ്യതയുള്ളവര്‍ക്ക് രണ്ടു വര്‍ഷത്തെ പ്രവൃത്തിപരിചയം മതി. പ്രായപരിധി-നാല്പത്തിയെട്ട് വയസ്. ഐ.എസ്.ഒ. പരിശീലനം അഭികാമ്യം.

പനമരം–ചെറുപുഴ പാലം ഡിസംബറോടെ പൂർത്തീകരിക്കാൻ പട്ടികജാതി പട്ടികവർഗ പിന്നാക്ക ക്ഷേമ വകുപ്പ് മന്ത്രി ഒ ആർ കേളു ഉദ്യോഗസ്ഥർക്ക് നിർദ്ദേശം നൽകി. 

നവരാത്രി പൂജയുമായി ബന്ധപ്പെട്ട് പത്മനാഭപുരത്ത് നിന്നുള്ള നവരാത്രി വിഗ്രഹങ്ങളുടെ ഘോഷയാത്രയ്ക്ക് ഭക്തിനിർഭരമായ തുടക്കം. നവരാത്രി വിഗ്രഹങ്ങളുടെ എഴുന്നള്ളത്തിന് മുന്നോടിയായുള്ള ഉടവാൾ കൈമാറ്റം പത്മനാഭപുരം കൊട്ടാരത്തിലെ ഉപരിക മാളികയിൽ നടന്നു. ഉപരിക മാളികയിൽ പട്ടുവിരിച്ച പീഠത്തിൽ സൂക്ഷിച്ച ഉടവാൾ സംസ്ഥാന പുരാവസ്തു വകുപ്പ് ഡയറക്ടർ ഇ ദിനേശനിൽ നിന്നും പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി സ്വീകരിച്ചു.

തൊളിക്കോട് ഗ്രാമ പഞ്ചായത്തിൽ നവീകരിച്ച തോട്ടവിള- ഒലിപ്പുവിളാകം തുരുത്തി റോഡിൻ്റെ ഉദ്ഘാടനം ജി. സ്റ്റീഫൻ എം.എൽ.എ നിർവഹിച്ചു.

ജനങ്ങളുടെ അഭിപ്രായങ്ങൾ കണക്കിലെടുത്തുവേണം വാർഡുകളിലെ വികസന പ്രവർത്തനങ്ങൾ നടപ്പാക്കേണ്ടതെന്നും മുൻഗണന നിശ്ചയിക്കേണ്ടതെന്നും  അദ്ദേഹം അഭിപ്രായപ്പെട്ടു.

എംഎൽഎയുടെ ആസ്തി വികസന ഫണ്ടിൽ നിന്നും 56 ലക്ഷം രൂപ ചെലവഴിച്ചാണ് റോഡ് നവീകരിച്ചത്.

തൊളിക്കോട് ഗ്രാമപഞ്ചായത്ത് പ്രസിഡൻ്റ് വി. ജെ. സുരേഷ് അധ്യക്ഷത വഹിച്ച യോഗത്തിൽ ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ അനു തോമസ്, തൊളിക്കോട് ഗ്രാമപഞ്ചായത്ത് വൈസ് പ്രസിഡൻ്റ് ബി. സുശീല തുടങ്ങിയവർ പങ്കെടുത്തു.

സംസ്ഥാനത്ത് വിശന്നിരിക്കുന്ന, പട്ടിണി കിടക്കുന്ന ഒരാളും ഉണ്ടാകരുതെന്നതാണ് സർക്കാർ നയമെന്നും അതിനാണ് സർക്കാർ അതിദാരിദ്ര്യ നിർമ്മാർജ്ജന പദ്ധതി നടപ്പിലാക്കുന്നതെന്നും ഭക്ഷ്യ പൊതു വിതരണ വകുപ്പ് മന്ത്രി ജി. ആർ അനിൽ. നെടുമങ്ങാട് നഗരസഭ വാര്‍ഷിക പദ്ധതിയിൽ (2025-26) ഉള്‍പ്പെടുത്തി നൽകുന്ന, വയോജനങ്ങള്‍ക്ക് കട്ടില്‍, അങ്കണവാടികള്‍ക്ക് വാട്ടര്‍ പ്യൂരിഫയര്‍, മിക്‌സി, ഗ്യാസ് സ്റ്റൗ, ഫ്രൈപാന്‍, ഇഡ്ഡലി സ്റ്റീമര്‍, പാത്രങ്ങള്‍ എന്നിവയുടെ വിതരണോദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.